ދަނގެތީގެ ފިހާރައެއް ފަޅާލުމުގެ ތުހުމަތު ވެސް ސާލިމަށް

އދ. ދަނގެތީގެ ފިހާރައެއް ފަޅައިލި މައްސަލައަކާ ގުޅޭ ހެކި އެ ރަށުގެ ވިޔަފާރިވެރިޔާ މަހުމޫދު އަބޫބަކުރު މަރާލި މައްސަލައިގައި ހައްޔަރުކޮށްފައިވާ ބަންގްލަދޭޝްގެ ޝާ އަލޮމް މިއާ (ސާލިމް) ދިރިއުޅުނު ގެއިން ފެނުމުން އެ ކުށުގެ ތުހުމަތު ވެސް އޭނާއަށް ކުރެވިއްޖެ އެވެ.

ސެޕްޓެމްބަރު 28 ވަނަ ދުވަހުގެ ރޭ ދަންވަރު 1:23 ހާއިރު ދަނގެތީގެ ފިހާރައެއްގެ ބިއްލޫރިގަނޑު ކަފާލައިގެން ވަދެ، ކާކުކަން ނޭނގޭ މީހަކު އެ ފިހާރަ ފަޅައިލި އެވެ. ޒަރޫރީ ތަކެތީގެ އިތުރުން ގިނަ އަދަދެއްގެ ސްވެނިއާތައް ވިއްކަން ބަހައްޓާފައި ހުންނަ ފިހާރައިން އޭނާ އެއްޗެއް ވަގަކަށް ނުގެންދެ އެވެ.

"މިހާރު" އަށް ލިބިފައިވާ އެ ފިހާރައިގެ ސީސީޓީވީ ފުޓޭޖުން އެނގޭ ގޮތުގައި އެ މީހާ ހުރީ ކާކުކަން ނޭނގޭ ގޮތަށް، ދިގު ރެއިންކޯޓެއް ލައިގެން މޫނު ވެސް ފޮރުވައިގެންނެވެ. ފިހާރަ އަށް ވަދެ އޭނާ އަތުގައި އޮތް ކުޑައެއް ގޮނޑިއެއްގައި ބަހައްޓާފައި ފިހާރަތެރެއިން އެއްޗެއް ފެނޭތޯ ހޯދާ މަންޒަރު ވެސް ފެނެ އެވެ.

އެނގިފައިވާ ގޮތުގައި މަހުމޫދުގެ މަރުގެ ތުހުމަތުގައި ސާލިމް ހައްޔަރުކޮށް، ފުލުހުން އޭނާ ދިރިއުޅުނު އެ ރަށު ނެދުންގެ ބަލައި ފާސްކުރަނިކޮށް، އެ ގޭގައި ބައެއް ތަކެތިި ވަޅުލާފައި ހުއްޓާ ވަނީ ފެނިފަ އެވެ. ވަޅުލާފައި ހުއްޓާ ފެނުނު ތަކެތީގެ ތެރޭގައި މަހުމޫދުގެ މަރާ ގުޅޭ ހެކިތަކުގެ އިތުރުން، ފިހާރަ ފަޅާލި މީހާ ލައިގެން ހުރި ކަމަށް ބެލެވޭ ކޯޓު ހިމެނެ އެވެ.

އޭނާގެ ގެއިން އެ ބާވަތުގެ ކޯޓެއް ވަޅުލާފައި އޮއްވައި ފެނުމުން މި ކުށުގެ ތުހުމަތު ފުލުހުން މިހާރު ކުރަނީ ސާލިމަށެވެ. އަދި ސާލިމް ވަނީ މިކަމަށް އިއުތިރާފު ވެސް ވެފަ އެވެ.

ފަޅާލި ފިހާރަ ހުންނަނީ ވެސް ސާލިމް ދިރިއުޅުނު ނެދުންގެ ހުންނަ މަގުގަ އެވެ.

ފިހާރައިގެ ވެރިފަރާތުން މީގެ ކުރިން "މިހާރު" އަށް ބުނެފައި ވަނީ ފިހާރަ ފަޅާލި ނަމަވެސް އެއްޗެއް ވަގަށް ނުގެންދާ ކަމަށާއި އެކަމަކު މުދަލަށް ގެއްލުން ވެފައިވާ ކަމަށެވެ.

އޭނާ ތުހުމަތު ކުރި ގޮތުގައި މިކަން ކުރީ އެންމެ މީހެއް ނޫނެވެ. ފިހާރަ ތެރެއަށް ވަން މީހާގެ އިތުރުން އެހެން މީހެއް ވެސް ބޭރުގައި ހުރި ކަމަށް އޭނާ ލަފާކުރި އެވެ. އަދި ފިހާރަ ތެރޭގައި ހުރި މީހާ މަސައްކަތްކުރީ ސެކިއުރިޓީ ކެމެރާއިން ކަރަންޓު ކަނޑާލަން ކަމަށް ބެލެވޭ ކަމަށް ވެސް ފިހާރައިގެ ވެރިމީހާ ގަބޫލުކުރެ އެވެ.

މަހުމޫދުގެ މަރުގެ މައްސަލައިގައި ސާލިމް ހައްޔަރުކުރި ފަހުން އޭނާ ވަނީ ފުލުހުންގެ ތަހުގީގަށް އޭނާ އަމަލުކުރި ގޮތް ކިޔައިދީފަ އެވެ. ސާލިމް މަހުމޫދުގެ ހަށިގަނޑު ކޮނޑަށް ލައިގެން ގެންދާ މަންޒަރު ސީސީޓީވީ ކެމެރާއަށް ވެސް ވަނީ އަރައިފަ އެވެ.

ފިހާރަ ފަޅާލުމުގެ ތުހުމަތު އެންމެ ފުރަތަމަ ކުރެވުނީ މަހުމޫދުގެ މަރުގެ ތުހުމަތު ވެސް އެންމެ ފުރަތަމަ ކުރެވުނު، ދަނގެއްޗަށް ބަދަލުވެގެން އުޅުނު އެހެން ރަށެއްގެ ދެ މީހަކަށެވެ. ކުށުގެ މާޒީއަށް ބަލައި އެ ދެ މީހުން ފިޔަވައި އެ ވަރުގެ ކަމެއް ކުރަން ކެރޭނެ ބަޔަކު ރަށުގައި ނޫޅޭނެ ކަމަށް ގަބޫލު ކުރާ މީހުން ވެސް އުޅެ އެވެ.

Mahmood ge maru: Salim hayyaru krurumakee libunu hairaan kameh!

The most trusted news source in the Maldives

Mihaaru

ދަނގެތީގެ މީހުން ކިޔައިދިން ގޮތުގައި މަހުމޫދުގެ މަރުގެ މައްސަލައިގައި ސާލިމް ހައްޔަރު ކުރުން ވީ ވެދާނެ ކަމަށް ހީ ވެސް ނުކުރާ ކަމަކަށް ކަމަށެވެ. އެއީ ސާލިމް އަކީ ފަސް ވަގުތު ނަމާދު ކުރާ މަޑުމައިތިރި މިޒާޖެއްގެ މީހަކަށް ވުމުންނެވެ.

Mahmood ah 2 valhin hamalaa dhin, Hashigandu ufulee Salim ge kondugai

The most trusted news source in the Maldives

Mihaaru