ރުޅި އިސް ކުރުމަކީ ސާދާ ދިރިއުޅުމެއްގެ ފުރުސަތު ގެއްލޭ ކަމެއް.
28 އެޕްރީލް 2017 - 09:32
5 comments
މީހަކާ ވާހަކަ ދައްކާއިރު، އޭނާ އެދައްކާ ވާހަކަތައް ކަނުލައި އަޑުއެހުމަކީ އަޅުގަނޑުގެ އާދައަކަށް ހެދޭތޯ އަބަދު ވެސް ބަލަމެވެ. އާންމު ގޮތެއްގައި، އެދައްކާ ވާހަކައެއްގެ ރާގާއި އަދި ވަކިން ހާއްސަކޮށް އެމީހާގެ ވާހަކައިގައި އުއްމީދީ އަދި ނާއުއްމީދީ ބަސްތައް ބޭނުންކުރަނީ ކިހާ މިންވަރަކަށްތޯ ބެލުމަކީ ވެސް އަޅުގަނޑު ކުރާ ކަމެކެވެ. މިއީ، އެމީހެއްގެ ހިތްހެޔޮ މިންވަރު ދަނެގަތުމަށް ވަރަށް ފަސޭހަ ވެސް ގޮތެކެވެ.
އިންސާނެއްގެ ސިކުނޑީގައި ނަފްރަތުކަން އުފެދިގެން އަންނަނީ އޭނާ އަށް ބޭނުންކުރެވޭ ނާއުއްމީދީ ބަސްތަކާއި ނޭއްގާނި ހިޔާލާއި ފިކުރުންނެވެ. ނަފްރަތާއި ރުޅިވެރިކަމުން އިންސާނާއަށް ނަފްސާނީ ގޮތުންނާއި ޖިސްމާނީ ގޮތުން ވެސް ވޭންތަކެއް ތަހައްމަލް ކުރަން ޖެހެ އެވެ. އޭގެ ސަބަބުން މީހާގެ ދިފާއީ ނިޒާމު ބަލިކަށިކޮށް، ޖިސްމާނީ ގޮތުން ވެސް ބަލިމީހަކަށް ހަދާލަ އެވެ.
މީހެއްގެ ކިބައިގައި އަނެކާ އަށް ނަފްރަތު އުފެދިއްޖެ ނަމަ، ހަށިގަނޑުގައި ކެންސަރު އުފެދި އެބަލި ހަށިގަނޑުގައި ފެތުރިގެން ދާހާ ބާރުމިނުގައި، މީހާގެ ޖިސްމާއި ނަފްސު އޭގެ ތެރެއަށް ވެރިވެގަނެ، އެކަމުގެ އަސަރު މުޅި މީހާއަށް ކުރެ އެވެ. އެހެންކަމުން ނަފްރަތާއި، ރުޅިވެރިކަން އުފައްދައި އެއް އިންސާނަކު އަނެއް އިންސާނަކަށް ގެއްލުންދިނުމުގެ ނިޔަތް ބަލައިގަނެވޭނީ ޝައިތޯނީ އަމަލެއްގެ ގޮތުގަ އެވެ.
ރުޅިވެރިކަން ނުވަތަ ނަފްރަތުން އެއްވެސް ކަމެއް ހައްލެއް ނުކުރެވޭނެ އެވެ. މީގެ ބަދަލުގައި، އެކަކު އަނެކަކުގެ އިހްސާސްތައް ދެނެގަތުމާއި، އޯގާވެރިވުމާއި، ލޯތްބާއި، އަޅާލުން ދެވިއްޖެ ނަމަ ކޮންމެ ފަދަ ހާލަތަކުން ވެސް މީހަކު ސަލާމަތް ކުރުމަކީ ކުރެވޭނެ ކަމެކެވެ.
ކަންކަމުގައި ނަފްރަތާއި ރުޅިވެރިކަން އުފެއްދުމުގެ ބަދަލުގައި އުއްމީދީ ވިސްނުން ވަރަށް މުހިއްމެވެ. އެއީ، ކޮންމެ ފަދަ ކަމެއް ހާސިލުކުރަން ވެސް އަދި އުއްމީދު ކުރާ ކުރިމަގަށް ވާސިލުވުމުގެ ރާސްތާ އެވެ. އެއީ، ކަންކަން ހަމަ މަގަށް އަޅުވާލުމަށް އިންދާލެވޭ އޮށެކެވެ. އަދި މުޖުތަމައެއްގައި ސުލްހަމަސްލަހަތު ގާއިމުކުރުމުގެ އަސްލެވެ. އެހެންކަމުން، ނަފްރަތާއި ރުޅިވެރިކަމުގެ އުނި ސިފަ އެއްފަރާތްކޮށް ކަންކަމުގައި ރަނގަޅު ވިސްނުން ހިޔާރު ކުރުމަކީ އުޖާލާ މުސްތަގުބަލަކަށް އޮތް އެންމެ އަލި މަގުކަމުގައި ބަލާށެވެ. މިއީ މާތް ވެގެންވާ އިސްލާމް ދީނުގައި ވެސް އަޅުގަނޑުމެންނަށް ދައްކަވާފައި އޮތް ރީތި މަގެވެ. ނޫންތޯ އެވެ؟
ޕްރޮފެސާ ހަސަން އުގެއިލް
ޕްރޮފެސަރު ހަސަން އުގައިލް އަކީ އިނގިރޭސި ވިލާތުގެ ބްރެޑްފަރޑް ޔުނިވާސިޓީގައި ވިޝުއަލް ކޮމްޕިއުޓިންގެ ދާއިރާއިން ސިނިއަރ ޕްރޮފެސަރެއްގެ މަގާމު ފުރުއްވަމުން ގެންދަވާ ބޭފުޅެކެވެ. އައްޑޫ ސިޓީއަށް އުފަން އުގައިލަކީ ސައިންސުގެ ރޮނގުން ޕްރޮފެސަރުކަން ހާސިލުކުރެއްވި ފުރަތަމަ އަދި ހަމަ އެންމެ ދިވެހި އިލްމުވެރިޔާ ވެސް މެއެވެ. ހިސާބާއި ކޮމްޕިއުޓަރ ސައިންސުގެ ދާއިރާއިން ބައިނަލްއަގްވާމީ ފެންވަރުގައި މަސައްކަތް ކުރެއްވުމުގެ އިތުރުން އުގައިލް ގެންދަވަނީ އިލްމީގޮތުން ދިވެހިން ހޭލުންތެރިކުރުމަށް ތަފާތު ގިނަގުނަ މަސައްކަތް ހިލޭ ސާބަހަށް ކުރައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތަކުރު
02 May 2017
މިއަދު މިގައުމަށް ބޭނުންވަނީ ނަފުރަތާއި ރުޅިވެރިކަމާއި ބަދަލުހިފުމުގެ ރޫހުން އެއްކިބާވެ އުއްމީދީ ވިސްނުމެއްގައި ރައްޔިތުންނަށް އަދުލުވެރި ވެރިކަމެއް ކޮށްދޭނެ ދަރިއެކެވެ. ޕްރޮފެސަރ އުގައިލްއަށް އެކަންކުރެވިދާނެ ކަމާމެދު ކުޑަވެސް ޝައްކެއް ނުކުރަމެވެ. ވަރުގަދަ އަޒުމެއްގައި ނިޔަތް ﷲ އަށް ޚާލިސްކޮށްގެން އެއިލާހުގެ ހަޟުރަތުން މަދަދަށް އެދޭހާލު ކެރިގެން ނުކުންނާށެވެ. ރައްޔިތުން މިތިބީ ކެތްމަދުވެފައެވެ. ﷲ ކާމިޔާބު މިންވަރު ކުރައްވާށި. އާމީން.
ސަމާސާ
28 April 2017
ގައުމެއްގެ އިސް މަގާމުތަކުގައި ، ތިއްބަވާ ބޭފުޅުންގެ ހިތްޕުޅުތަކުގައި މުޖުތަމައުގެ އަފުރާދުންގެ މައްޗަށް ރުޅިވެރިކަމާއި ނަފުރަތު އުފެދިއްޖެނަމަ ، އަދި އެއްވެސް ސަބަބަކާހުރެ ނަފުރަތާއި ރުޅިވެރިކަމުގެ ބަސްތައް ރައްދުކުރަން ފަށައިފިނަމަ އެއިން ނިކުންނާނޭ ނަތީޖާއަކީ އަޚުވަނަްތަކަމާއި އިންސާނީ ތަބީއަތުގައިވާ ކުލުނު މުޅީން ނެތިގޮސް އެ މުޖުތަމައު ފަސާދަވެ ހަސަދައިގެ އަލިފާންގަނޑެއް މުޅި މުޖުތަމައަށް ފެތުރިގެން ދިއުން. މި ހަގީގަތް ކިތަންމެ ހިތިނަމަވެސް ދިވެހި މުޖުތަމައުގައި މިއަދު ވަނީ މިއަލިފާންގަނޑު ފެތުރިފަ.
ދދ
28 April 2017
ރަގަޅު ވާހަކައެއް ރުޅި ނަފުރަތު އަކީ ނަފުސާނީ ބައްޔެއް އޭގެ ސަބަބުންވެސް ނަފުސު ހަލާކުވެދާނެ ހަކުރު ބަލިޔާއި ޑީޕުރެޝަން ފަދައިން!
ވިއުސް
28 April 2017
މަމެންނަށް އިނގޭނީ މަމެންގެ ރާއްޖޭގެ ކަންކަމެވެ. މަމެންނަކީ ރާއްޖޭން ބޭޭރުން ކިޔެވިނަމަވެސް ރާއްޖޭން ބޭރު އަންހެން ކުއްޖަކާއި ރަށްޓެހިވި ބަޔެއްވެސް ނޫން އަދި އިން ބަޔެއް ވެސް ނޫން އަދި އިންނާނެ ބަޔެއް ވެސް ނޫނެވެ. މަމެން އިންނާނީ ވެސް ދިވެހި ކުއްޖަކާއި އެވެ. މަމެން ނަކީ އެއީ އޮރިޖިނަލް ދިވެހި ޑީއެންއޭ އެވެ. ކަން މިހެން ހުރުމުން މަމެން ބަލާ ބެލުމުގައި ރާއްޖޭގައި ނަފްރަތާއި ރުޅިވެރިކަން އުފެދޭ ގޮތަށް ކަންކަން މިހިނގަނީ އެއީ ދީން ޓޫލް އަކަށް ނުވަތަ ސިޔާސީ ކަންކަން ޓޫލް އަކަށް ހަދައިގެން ކުދި ކުދި އާބާދީ ތަކުގައެވެ. ކަން މިހެން ހުރުމުން މިރާއްޖޭގެ ކުދި ކުދި އާބާދީ ތަކުގެ ސިކުނޑީގައި ހުރި ރެޑިކަލްސް ޚިޔާލު ނައްތާލުމަށް ޓަކައި އެބަޖެހޭ އެ އެންމެން މާލެ ސަރަހައްދަށް ބަދަލު ކޮށްލަން އޮޓޯ މައިގްރޭޝަން މޯޑް ގެ ދަށުން. ރާއްޖޭގެ 10 ހާހުން ދަށުގެ އާބާދީ ތައް އެބަޖެހޭ މާލެ ސަރަހައްދަށް ބަދަލު ކުރަން ވަރުގަދަ ޕްލޭނެ އެއީ ކޯލްޑް މައިގްރޭޝަން ވޯރ އެއްގެ ގޮތުގައި އިއުލާން ކޮށްގެން އެކަން ކޮށް ނިންމަން 10 އަަހަރު ދުވަސް ތެރޭގައި. އެއިރުން މާލެ ސަރަހައްދަށް އެ އެންމެން ބަދަލު ވުމުން އެ އެންމެންގެ ސިކުނޑި ތަރައްގީ ވުމުން އެ އެންމެން ބިއުޓިފުލް ކަންކަން މާލެ ސަރަހައްދުގައި ކުރުމުގެ ނަތީޖާ އަކީ ރާއްޖޭގެ އެންމެންނަަކީ އެއީ ލަގްޒަރީ ލައިފެއް ގައި ބުރަ ކޮށް ރެއާއި ދުވާލު 18 ގަޑިއިރު މަސައްކަތް ކޮށްގެން ވޭތު ކުރާ ބަޔަކަށް ވެގެން ދިއުމެވެ. މިހެން ވެއްޖެނަމަ އެންމެންނަށް ސާދާ ދިރިއުޅުމެއް ލިބިގެން ދިޔައީ އެވެ.
ނުވާނެއޭ
28 April 2017
ނަފްރަތާއި ދުރަށް ސާދާ ދިރިއުޅުމަކަށް ދެވޭނީ ފައިސާ ހުރެގެން ލަގްޒަރީ ލައިފެއް ލިބިގެންނެވެ. އެކަން ކުރެވެން އޮތީ މާލެ ސަރަހައްދުގައި އެކަނި ރާއްޖޭން. ކަން މިހެން ހުރުމުން ދެން ސަރުކާރުން ވިސްނަންވީ ރާއްޖޭގައި 10 ހާހުން ދަށުގެ އާބާދީ ތަކުގެ އިންފްރާސްޓްރަކްޗަރ ތަރައްގީ ކުރަން ބޮޑު ޚަރަދު ނުކޮށް މާލެ ސަރަހައްދުގައި އަހަރަކު 2 ކޮޓަރީގެ 24 ހާސް ލަގްޒަރީ އެޕާރޓްމެންޓްސް އަޅާ ކުޑަ އަގުގައި އެބޭނުން ރައްޔިތުންނަށް ކުއްޔަށް ދޫކޮށްލަން. އެއިރުން ކަންކަން ދާނީ ރަނގަޅު މަގުން ރަނގަޅު ފާލުންނެވެ. މި ނޫން ގޮތަކަށް މިރާއްޖޭގައި މިހާރު މިއުޅޭ ޒުވާން ޖީލަށް ރަނގަޅު ސާދާ ދިރުއުޅުމެއް ނަފްރަތާއި ނުލައި ނުލިބޭނެއެވެ.