ލަންކާގެ ސަޕޯޓަރުންނަށް ޓިކެޓެއް ވިއްކަނީ 200 ރުޕީސް އަށް
ސާފް ޗެމްޕިއަންޝިޕްގައި ލަންކާ އާ ދެކޮޅަށް ރާއްޖެ ކުޅުނު މެޗުގައި ދިވެހި ސަޕޯޓަރުން ގައުމީ ޓީމަށް ސަޕޯޓްކުރަނީ --. ފޮޓޯ: ނިޝާން އަލީ | މިހާރު
07 ނޮވެމްބަރ 2021 - 07:29
37 comments
ސްރީ ލަންކާގައި މާދަމާ ފަށާ މަހިންދަ ރާޖަޕަކްސަ ޓްރޮފީ މުބާރާތުގައި ދިވެހިންނަށް ޓިކެޓެއް ވިއްކާނީ 5،000 ރުޕީސް އަށް ކަމަށް އެ ގައުމުގެ ފުޓްބޯލް ފެޑެރޭޝަނުން އިއުލާނު ކޮށްފި އެވެ.
އެ މުބާރާތުގައި ރްއްޖެ- ލަންކާ މާދަމާ ރޭ ކުޅޭއިރު، ދިވެހިންނަށް ޓިކެޓު ވިއްކާނީ ކޮލަމްބޯގައި ހުންނަ ރާއްޖޭގެ އެމްބަސީންނާއި ދިވެހިންގެ ކޮމިއުނިޓީ ސެންޓަރުން ކަމަށް ލަންކާގެ ފުޓްބޯލް ފެޑެރޭޝަންގެ އިއުލާނުގައި ވެ އެވެ. ނަމަވެސް ދިވެހިންނަށް ހާއްސަ ކުރީ ކިތައް ޓިކެޓް ކަމެއް ނުބުނެ އެވެ. ލަންކާގެ ފުޓުބޯޅަ އިދާރާ އިން ހަމައެކަނި ބުނީ ހުރީ ލިމިޓެޑް އަދަދެއްގެ ޓިކެޓް ކަމަށެވެ.
ޓިކެޓް ވިއްކަން ފަށާނީ ލަންކާގެ ގަޑިން މިއަދުގެ މެންދުރު ފަހު ތިނަކުން ހަވީރު ހައެއް ޖަހަންދެނެވެ. މާދަމާ ޓިކެޓް ވިއްކާނީ ހެނދުނު 11 އިން މެންދުރު ފަހު ދޭއް ޖަހަންދެންނެވެ. ފުރަތަމަ މެޗުގައި ރާއްޖެ އާއި ލަންކާ ކުޅޭ މެޗު އޮންނާނީ މާދަމާ ރޭ ލަންކާ ގަޑިން އަށެއް ޖަހާއިރު އެވެ. އެއީ ރާއްޖޭގެ ގަޑިން ރޭގަނޑު 7:30 އެވެ.
ލަންކާ އާއި ރާއްޖެ ކުޅޭ މެޗުގައި ދިވެހިންނަށް ޓިކެޓް ވިއްކާނެ ގޮތް ލަންކާގެ ފެޑެރޭޝަނުން އިއުލާންކޮށްފައި
ލަންކާގެ ފުޓްބޯޅަ ފެޑްރޭޝަނުން ބުނިގޮތުގައި، މުބާރާތުގެ މެޗުތައް ކުޅެން ހަމަޖެހިފައިވާ ކޮލަމްބޯގެ ރޭސް ކޯޒް ސްޓޭޑިއަމްގެ މަތީބުރީގައިވާ ގޮނޑިބަރި ހާއްސަ ކޮށްފައި ވާނީ ދިވެހިންނަށެވެ. ދަނޑަށް ވަދެވޭނީ ކޮވިޑް-19 ގެ ވެކްސިންގެ ދެ ޑޯޒް ފުރިހަމަ ކޮށްފައިވާ މީހުންނަށް ކަމަށް ވެސް އެ އިދާރާ އިން ބުނެ އެވެ.
ލަންކާގެ ސަޕޯޓަރުންނަށް ޓިކެޓް ވިއްކަނީ 200 ރުޕީސް ކަމަށް ވާއިރު، ދިވެހިންނަށް އަގުބޮޑުކޮށް ޓިކެޓް ވިއްކާތީ، އެ ގައުމުގައި ދިރިއުޅޭ ދިވެހިން ދަނީ ކަންބޮޑުވުން ފާޅުކުރަމުންނެވެ.
ކޮލަމްބޯގައި ދިރިއުޅޭ ދިވެހިން ހިންގާ ހަރަކާތްތަކުގައި އިސްކޮށް އުޅޭ މއ. ޕީޓްރަލް އަބްދުﷲ ނާއިލް ބުނީ، ދިވެހިންނަށް އަގުބޮޑުކޮށް ޓިކެޓް ވިއްކުމަކީ ދިވެހި ސަޕޯޓަރުންނަށް ކުރިމަތިވާނެ ބޮޑު ގޮންޖެހުމެއް ކަމަށެވެ.
"މިކޮޅުގައި އުޅޭ ދިވެހިން ދަނޑަށް ދާނީ މުޅި އާއިލާ ގޮވައިގެން. ކޮންމެ މީހަކަށް ޓިކެޓެއް ގަންނަން 30 ނުވަތަ 25 ޑޮލަރު ދޭން ޖެހުމަކީ އެއްވެސް އާއިލާ އަކަށް ފަސޭހަ ވާނެ ކަމެއް ނޫން. އެއީ މިކޮޅުގައި އުޅޭ ދިވެހިންގެ ވަރަށް ބޮޑު ކަންބޮޑުވުމެއް، އޭނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައިރޯ
09 November 2021
ދިވެހިރާއްޖެ ނޫން ހުރިހާ ގައުމެއްގައިވެސް އެގައުމުގައި އުޅޭ ބޭރުމީހުން ގައުމުގެ ޚިދުމަތް ބޭނުންކުރުމުގައި ތަފާތުހުރޭ. ޓޫރިސްޓަކަށް 500 ރުޕީސްއަށް ޒުލަށް ވަދެވޭނަމަ އަމިއްލަ ރައްޔަތަކު ދޭންޖެހެނީ 25 ރުފިޔާ ވަރު. ދިވެހިރާއްޖެއަކީ ރައްޔަތުންގެ ޓެކްސްފައިސާ، ޓޫރިސްޓުންނާއި މިތާގައި އުޅޭ ބޭރުއާބާދީއަށް ހޭދަކުރާ ބައެއް. ކާޑުގެ ބާވަތްތައް ބޭރުމީހުންނަށްވެސް ވިއްކަނީ ހަމަ ސަބްސިޑީ އާއެކު އެއް އަގަކަށް.
ފޮނިޓައްޕު ހަސަނު
08 November 2021
ސިލޯނު 5000 ރުޕީސް އަކީ 25 ޔޫއެސް ޑޮލަރު ނުވަތަ 385 ދިވެހި ރުފިޔާ. ދިވަހިންނަކީ ލަންކާގަ ނައިޓް ކުލަބްތަކަށް ގޮސް 10 ޑޮަލަރަށް ކޯކް ތައްޓެއް ގަންނަބަޔެއް، މަސާޖް ޕާލާތަކަށް ގޮސް 200 ޑޮަލަރު ދުއްވާލާ ބައެއް. އެވަރު ބަޔަކަށް 5000 ސިލޯން ރުޕީޒް ނުވާނެ އެކަައްޗަކަށް ވެސް.
ޕީޓޭ ސީޓޭ.
07 November 2021
ކިހިނެއްވެގެން އުޅޭ ބައެއް. ކަލޭމެން ހީކުރީ މިއީ މާލެ ކަމަށްތަ ބޭނުން ގޮތަކަށް އުޅެން. ޓިކެޓް އަގުބޮޑޫ ނަމަ ނުވަދެ ތިބެބަލަ. ކަލޭމެން މާލޭ މީހުން ބުނާ އަގަކަށްތަ ޓިކެޓްވެސް ވިއްކަންޖެހެނީ؟ މީ ހާދަ ކަންތައް ބޮޑު ބައެކޭދޯ.
ފޭކް......
07 November 2021
ޕިސް ޕިސް
ނިކަމެތިރައްޔިތުމީހާ
07 November 2021
އެ މީހުންނަށް އިނގޭ ލަންކާގަ ދިރިއުޅޭ ދިވެހިންނަކީ ތަނަވަސް ބަޔެއް ކަން! ދިވެހިންނަށް މިއީ މާކަ ބޮޑު އަދަދެއް ނޫން!
ހާމަ333
07 November 2021
މަގޭ ހިތަށް އަރާ މިތާ ކޮމެންޓް ކޮށްފަމިތިބީ ހަމަ ދިވެހިންބާވައޭ...ގައުމުގަ ހުރި މައްސަލަތައް އެއީ ވަކިކަމެއް އެކަން ހައްލުކުރެވޭނީވެސް ހަމަ އަހަރުމެން ދިވެހީންނަށް....އެކަމަކު ތިމާގެ އަމިއްލަ އެދުމާއި އަމިއްލަ ވިސްނުން ގައުމަށްވުރެ ކުރިއަށް ނެރުނީމަ އެވެވެނީ ގައުމަށް ގައްދާރު....
ކާސިމް
07 November 2021
ކަންބޮޑުނުވޭ ، މަޚްލޫފް ޓިކެޓް ގަނެދޭނެ
އޮރެންޖްބެރީ
07 November 2021
ދިވެހިރާއްޖެއިން ކަންތައް ކުރިގޮތް ހަނދާން އެބަހުރިތަ؟ މިދިޔަ ސާފު ޗެމްޕިއަންޝިޕްގައި ރާއްޖެ ކުޅޭ މެޗްތަކުގައި މެޗަކަށް 15،000 މީހުންނަށް ޓިކެޓް ވިއްކި އިރު، "އަވޭ"އޭ ކިޔާފަ ބިދޭސީންނަށް ވިއްކީ އެންމެ 4 ޕަސެންޓް ނުވަތަ 200 ޓިކެޓް. ދެން ލަންކާއިން ދިވެހިންނަށް ނުވަތަ ލަންކާގަ އުޅޭ ބިދޭސީންނަށް ޓިކެޓް އަގުބޮޑުކޮށް ވިއްކަންޏާ އެކަމާ ބުނާނެ އެއްޗެއް ނެތް. ރާއްޖެއިން ޑިސްކްރިމިނޭޓްކުރީ ދަނޑަށްވަދެޥޭ އަދަދުން، އެމީހުން އަގުން. މީ ހަގީގަތް.
ޢަރުތަ
07 November 2021
އެއީ ސާފް ޗެމްޕިއަންޝިޕް، ޤަވާއިދުގަ އޮންނަނީ އެގޮތަށް އަވޭޓީމުގެ ސަޕޯޓަރުންނަށް ވިއްކާ ޓިކެޓް ވަކިވަރަކަށް ލިމިޓް ކޮށްފަ އޮންނަނީ، އެއީ އެފްއޭއެމުން އަމިއްލައަށް ނިންމި ގޮތެއް ނޫން، އެކަމަކުވެސް ވަކިބަޔަކަށް ނޫނީ ވަކި ނަސްލަކަށްވީމަ ޓިކެޓްގެ އަގެއް ބޮޑުނުކުރެ، ހޯމްޓީމް ސަޕޯޓަރުންނަށް 200 އަށް ހޯމްއަވޭ ސަޕޯޓަރުންނަށް 5000އަށް ވީމަ ބަލާލަންވެސް ވަރަށް ހުތުރު ދެއްތޮ، ފައިސާއަށް ޖެހިގެން އުޅޭ ބަޔަކު އުޅޭނީ އެގޮތަށް.
ބުރުގާ
07 November 2021
ތީގަ މައްސަލައެއް ނެތް. ރާއްޖޭގަ އެންމެފަހުން ބޭއްވި ބޯޅަ މުބާރާތުގަވެސް ރާއްޖެއިން ބަންގާޅު މީހުނާމެދު ކަންތައްކުރީ ނުލާހިކު އިހާނެތި، ބޭއިންސާފުކޮއް. ދެން ލަންކާއޭ ދިވެހިން ކިޔާނެކަމެއް ނެތް.
ކިހިނެއް
07 November 2021
ރާއްޖެއިން އެމުބާރާތުގާ ކަންތައްކުރީ ގޯސްކޮށް ކަމަކަށް އަޅުގަޑަކަށް ބުނެވޭކަށް ނެތް!! ރާއްޖޭގެ ވަރަށް ގިނަބަޔަކުވެސް ދަޑަށް ވަންނަން ބޭނުންވެ، ނުވަދެވުނު. ބޭރުމީހުނަށް ޓިކެޓް ވިއްކަން ހަމަޖެހިފަ އޮތް އަދަދަށް ވިއްކީ މާއަގުބޮޑުކޮށެއްވެސްނޫން. އެހެނެއްނޫން، އާއްމު ރައްޔިތުމީހާ، ޓިކެޓް ބޮޑުއަގުގާ ވިއްކުމަކީ އަދި މުޅީން އެހެން ކަމެއް.
ޢަރުތަ
07 November 2021
އަގުބޮޑުކޮށް ޓިކެޓް ނުވިއްކަ، އޮޅުވާނުލާ ދަނޑަށް ވަދެވޭ މީހުންގެ އަދަދު، ހޯމްޓީމްގެ ސަޕޯޓަރުންނަށް ވުރެ އަވޭޓީމުގެ ސަޕޯޓަރުންގެ އަދަދު މަދުކޮށް ޓިކެޓް ވިއްކާ ގޮތަށް ޤަވާޢިދުގަ އޮތީމަ އެގޮތަށް ހަދާފަ އޮންނަނީ، އެފްއޭއެމްގެ ނިންމުމެއް ނޫން.....
ދދދދދ
07 November 2021
މިތަނުގައި މުބާރާތް އޮތް އިރު ބޭރު މީހުންނާއި މެދު ބޭއްވި ނާއިންސާފު ދިވެހިންނަށް އޯކޭ! އެކަމަކު ބޭރު ގައުމެއްގައި އެގޮތަށް ދިވެހިންނާއި މެދު އަމަލުކުރީމާ ގޯސް! ވަރަށް ހެއްވާ ބައެއް އަހަރެމެން ދިވެހިން މީ! އުނިކަމެއް ހުރީކަން ނޭނގޭ ގިނަ މީހުންގެ!
މަސްސަލައަކީ ކޮބާ
07 November 2021
މިތަނުގައި މުބާރާތް އޮތް އިރު ބޭރު މީހުންނާއި މެދު ބޭއްވި ނާއިންސާފު ދިވެހިންނަށް އޯކޭ އެކޭ ބުނެވޭކަށްނެތް!! އޭއެފްސީން ހަމަ ޖައްސާފަ އޮތް އަދަދަށް ޓިކެޓްވިއްކި، ދިވެހިންގެ ތެރޭންވެސް ދަޑަށްވަންނަން ބޭނުން އެތައްބަޔަކަށް ދަޑަކަށް ނުވަދެވުނު، ބޭރުމީހުނަށް ކަޑައެޅިފައިވާ އަދަދަށް ޓިކެޓް ވިއްކީކީ ވަކި މާކަ އަގުބޮޑުކޮށެއްވެސް ނޫން،
ޢަރުތަ
07 November 2021
އެއީ ކޮންކަމެއްތޯ، އެކަމެއްގެ ވާހަކަވެސް ބުނެދެއްވާ، އަވޭ ސަޕޯޓަރުން ބޭނުންވަރަކަށް ޓިކެޓް ނުވިއްކާނެ އަވޭޓީމުގެ ސަޕޯޓަރުންނަށް ވިއްކާނީ ވަކި ޕަސެންޓޭޖެއް، އެއީ ޤަވާޢިދުގަ އެކަން އޮންނަ ގޮތް، ޓިކެޓްގެ އަގު ދޭސީ ބިދޭސީ ތަފާތެއް ނުކުރެ، ލަންކާގަ އެއުޅެނީ އެމައްސަލަ ދިމާވެގެން ލަންކާ މީހުނަށް 200 އަށް، ދިވެއްސަކަށް 5000 އަށް، ބައެއްކަންތަކުގަ ބިދޭސީންނަށް އަގު ބޮޑުވާނެ. އެކަމަކު މީ ހަމަ ބޮޑު ޖޯކެއް......