ނިމިދިޔަ ސާފް ޗެމްޕިއަންޝިޕްގައި ދިވެހި ސަޕޮޓަރަކު ރާއްޖޭގެ ޓީމަށް ސަޕޯޓް ކުރަނީ --- ފައިލް ފޮޓޯ: ނިޝާން އަލީ | މިހާރު
07 ނޮވެމްބަރ 2021 - 13:25
23 comments
މާދަމާ ލަންކާގައި ފަށާ މަހިންދަ ރާޖަޕަކްސަ ޓްރޮފީ މުބާރާތުގައި ދިވެހިންނަށް އަގުބޮޑުކޮށް ޓިކެޓް ވިއްކާތީ ދިވެހި ސަޕޯޓަރުންގެ މެދުގައި އުފެދުނު ކަންބޮޑުވުންތަކާ ގުޅިގެން، ދިވެހި ސަރުކާރުގެ އެދުމަކަށް، ދިވެހިންނަށް ޓިކެޓް ވިއްކާ އަގު 3000 ރުޕީސް އަށް ހެޔޮކޮށްފި އެވެ.
މާދަމާ ރޭ ރާއްޖެ އާއި ލަންކާ ކުޅޭ މެޗަށް، ދިވެހިންނަށް ޓިކެޓް ވިއްކަން، ފުޓްބޯލް ސްރީލަންކާ އިން އެންމެ ފުރަތަމަ އަގުކަނޑައެޅީ ޓިކެޓެއްގެ އަގު 5،000 ރުޕީސްގެ މަގުންނެވެ.
ސްޕޯޓްސް މިނިސްޓަރު އަހްމަދު މަހްލޫފް ކުރެއްވި ޓްވީޓެއްގައި ވިދާޅުވީ ދިވެހިންނަށް ޓިކެޓް ވިއްކާ އަގު ހެޔޮ ކުރުމަށް ލަންކާގެ ފުޓްބޯލް ފެޑެރޭޝަންގެ ރައީސް ޖަސްވާރް އުމަރު އާ ރައީސް އިބްރާހިމް މުހައްމަދު ސޯލިހު މަޝްވަރާ ކުރައްވާފައިވާ ކަމަށެވެ.
"މިހާރު އެބޭފުޅުން ވަނީ ދިވެހިންނަށް 3،000 ރުޕީސް (15 ޑޮލަރަށް) ޓިކެޓް އަގު ދަށް ކުރަން އެއްބަސް ވެފައި،" ޓްވީޓްގައި މަހުލޫފް ވިދާޅުވެފައި ވެ އެވެ.
On the request of HEP @ibusolih I just spoke with the President of @OfficialFFSL Jaswar Umaru and they have decided to sell tickets to Maldivians for Rupees 3000 ($15) from another pavilion in Stadium.
— Ahmed Mahloof (@AhmedMahloof) November 7, 2021
Thank you Minister @RajapaksaNamal & FA President Jaswar.
🇲🇻⚽️🇱🇰
މަހްލޫފްގެ ޓްވީޓް
މިނިސްޓަރު ވިދާޅުވީ މިހާރު ދިވެހި ސަޕޯޓަރުން ތިބެން ހަމަޖައްސާފައި ވަނީ މުބާރާތް ކުޅޭ ރޭސް ކޯޒް ސްޓޭޑިއަމްގެ އެހެން ބްލޮކެއް ކަމަށެވެ.
ދިވެހިންނަށް ޓިކެޓު ވިއްކާނީ ކޮލަމްބޯގައި ހުންނަ ރާއްޖޭގެ އެމްބަސީންނާއި ދިވެހިންގެ ކޮމިއުނިޓީ ސެންޓަރުން ކަމަށް ލަންކާގެ ފުޓްބޯލް ފެޑެރޭޝަންގެ އިއުލާނުގައި ވެ އެވެ. ޓިކެޓް ވިއްކަން ފަށާނީ ލަންކާގެ ގަޑިން މިއަދުގެ މެންދުރު ފަހު ތިނަކުން ހަވީރު ހައެއް ޖަހަންދެނެވެ. މާދަމާ ޓިކެޓް ވިއްކާނީ ހެނދުނު 11 އިން މެންދުރު ފަހު ދޭއް ޖަހަންދެންނެވެ. ފުރަތަމަ މެޗުގައި ރާއްޖެ އާއި ލަންކާ ކުޅޭ މެޗު އޮންނާނީ މާދަމާ ރޭ ލަންކާ ގަޑިން އަށެއް ޖަހާއިރު އެވެ. އެއީ ރާއްޖޭގެ ގަޑިން ރޭގަނޑު 7:30 އެވެ.
ރާއްޖެ އާއި ލަންކާ މާދަމާ ރޭ ކުޅޭ މެޗަށް ލަންކާ ސަޕޯޓަރުންނަށް ޓިކެޓް ވިއްކަނީ 200 ރުޕީސް އަށެވެ.
ޓިކެޓްގެ އަގު ކަނޑައެޅުމުގައި ގެންގުޅޭ ތާފތު ކުރުމާ ހެދި ގިނަ ދިވެހިން ތިބީ ކަންބޮޑު ވެފަ އެވެ.
ކޮލަމްބޯގައި ދިރިއުޅޭ ދިވެހިން ދަނޑަށް ގެންދިއުމަށްޓަކައި އެ ގައުމުގައި އޮންނަ ދިވެހިންގެ ކޮމިޔުނިޓީން ދަނީ ހަރަކާތްތަކެއް ހިންގަމުންނެވެ. "ކޮލަމްބޯއިން ދިވެހިންގެ ފޯރި" ކިޔާ ކޮމިޔުނިޓީ އަކުން ވަނީ ގައުމީީ ޓީމަށް ސަޕޯޓް ކުރުމަށް ޖޯޒީ ވެސް ތައްޔާރުކޮށްފަ އެވެ. ޖޯޒީ އޯޑަރު ދީފައިވާ ފަރާތްތަކަށް ޑެލިވާ ކުރުމުގެ މަސައްކަތް އިއްޔެއިން ފެށިގެން ދަނީ ކުރިއަށެވެ.
"ޓިކެޓްގެ އަގު މިހާ ބޮޑުވާނެ ކަމަކަށް އެއްވެސް މީހަކު ހީނުކުރާނެ. އަނެއްކާ އަގުކަނޑައެޅުމުގައި މިއޮތީ ދެ ގައުމުގެ ސަޕޯޓަރުންގެ މެދުގައި ތާފަތު ކުރުން ގެންގުޅެފައި. މިއީ އަޅުގަނޑުމެންނަށް ގަބޫލުނުކުރެވުނު ކަމަކީ،" ލަންކާއިން ވާހަކަ ދެއްކި މީހަކު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަސީމާ
09 November 2021
ގައުމުގެ ރައީސް އަށް މިޖެހެނީ ފުޓުބޯޅަ ކުޅޭމެޗެއްގެ ޓިކެޓް އަގު ކުރަން ބުނަން؟
އޮރެންޖްބެރީ
08 November 2021
ގައުމުތަކުގެ ދާހިލީ ކަންތަކާ ބެހޭ ހިސާބަށް ދިއުމުން ލަދުވެތި. ރާޢްޖޭގައި މުބާރަތްއޮތްއިރު ރާއްޖެއިން ޓިކެޓްގެ އެންމެ 4 ޕަސެންޓް ބިދޭސީންނަށް (އަވޭ އޭ ކިޔާފަ) ރާއްޖޭގަ ވޯކް ޕާމިޓްއޮތް ބިދޭސީންނަށްވެސް ވިއްކީ. ބޭރުގެ ރައީސަކު ނުވަތަ ބޮޑުވަޒީރަކު ރާއްޖޭގަ ރައީސަށް ގުޅުއްވާފަ "އަޅެ، 4 ޕަސެންޓުން، 5 ޕަސެންޓަށް ހަދާދޭންވެސް އާދޭސް ނުކުރޭ". މިހުންނަނީ ފިލާވަޅު ލިބިގަންނަންވީ ކަންކަން.
ދޮން މަނިކު
09 November 2021
ނުރުހޭ ލޮލަކަށް ހެޔޮ އެއްގޮތެއްވެސް ނޯންނާނެ.
ތެލެތޯން
08 November 2021
މީ ދެރަ ޚަބަރެއް. ވަލުދޮރޯށިން ޓިކެޓްގެ ބާކީ އަގު ޖީބަށް ކަޓެއް ލެވޭވަރަށް ބޮޑުކޮށްފަ ދައްކާނީ، އޭގެން ރައްޔިތުންނަށް ލިބޭ ގެއްލުން ބޮޑުވާނެ.
ގަމާޜު
08 November 2021
ވަރަށް ދެރަވެއްޖެ. މިލިޔުމާއެކުގައިވާ ފޮޓޯފެނިފަ. މިޤައުމުގެ ދިދައިގެ އަގަކީ އެއީ ތޯ؟
ގޯޓް
08 November 2021
އަގުބޮޑުކުރީމަ ނުގަތީމަ ނިމުނީނު. އޭރުން ލަންކާ މީހުންނަށް ދިވެހިން ނުފެލެވޭނެކަން އިނގޭނެ.އެކަމަކު އާދޭސް ކޮށްގެންވެސް އެބަދާންޖެހޭ. 200އަށް ވިއްކާ އެއްޗެއް 3000 އަށްގަނަންވެސް އަގުބޮޑު.
މޯޑް
08 November 2021
ފީފާ ނޫނީ އޭއެފްސީން އެއްގި ގޮތްވާ މީ ޓިކެޓް ދެ އަގުގަ ވިއްކަށް މަހޭ ބޮނޑް ރަށްޓެހި މީހާ ނަވަލު ގެ ހުރި ގާތް ކަން ފެނިންޖެ.
ޕިރާޑް
07 November 2021
ވަރުގަދަ ކަމެކޭ, ފުލެޓް އަގު ބޮޑު ވެގެން ޝަކުވާ.. މިންވަރަށް އީމާންވާން ދަސްކޮށްބަލަ, ފުލެޓް ނުލިބި ކިތައް މީހުން މިތިބީ. އަރެމެންވެސް މިއުޅެނީ ފަސޭހަވެގެނެއް ނޫން 2011 އިން ފެށިގެން މާލޭގަ. އެއްވެސް ކެޓަގަރީ އަކުން އަރެމެން އާއިލާ އަކަށް ލިބުނީ އަކީ ނޫން. އަމިއްލަ ގެދޮރެއް އަދި ލިބިދާނެ ކަމަށް މި 8 މީހުންގެ ފެމެލީން ވެސް އުއްމީދު ކުރަނީ އިންޝާ ﷲ.
މިއަދު
07 November 2021
ތާއިތުހޯދަންވެސް ދޮގެއްހެދިއްޔަވާނީ ދޮގަކަށް 5000 ރުޕީސް އަށް ޓިކެޓްވިއްކަން ކަޑައެޅިނަމަ އެކަންވެސް ނޫސްތަކުން ފެންނަން އޮތީސް
ހަނާާާ
07 November 2021
މަހްލޫފް ލަދެއް ނުގަނޭތަ ބަންގަލަދޭޝް މީހުންނަށް އެހާ އަގުބޮޑުކޮށް ވިއްކާފަ، ދިވެހިންނަށް އަގުހެޔޮ ކުރަން އާދެސް ކުރާކަށް؟ ލޮލް
ބުރުގާ
07 November 2021
ވަކި ގައުމެއްގެ ބަޔަކައްވީތީ ބޮޑު އަގުތަކެއް ޖަހައިގެން ޓިކެޓު ވިއްކުމަކީ ވަރައް ނާތަހުޒީބު ގޮތްކުޑަ ބޭއިންސާފު އަމަލެއް. ލަންކާ ތިއުޅެނީ ފުޓުބޯޅައިގެ ފޯރި ނަގާ އަހުވަންތަކަން އާލާކުރާކައް ނޫން. ތިއުޅެނީ ދިވެހިންގެ އަތުން ލާރިތަކެއް ފެލާލަން. ނުދާނަން ލަންކާއަކައް.
ދޮންމޮހޮނާމިޔަރު
08 November 2021
ދިވެހިރާއްޖެއޯ؟ ސާފު ޗެމްޕިއަންޝިޕްގައި ބިދޭސީންނަށް އެންމެ 4 ޕަސެންޓް ޓިކެޓް ވިއްކާފަ އޮތް ގައުމެއް މީ. ވިއްކި އަގެއް ނޭގޭ. ވިއްކާ އަގަށް ވުރެ ދަނޑަށް ވަދެވޭ އަދަދު އެންމެ 4 ޕަސެންޓްގަ ބޭއްވިކަން އެއީ މާ ބޮޑަށް ޑިސްކްރިމިނޭޝަން ފެންނަން އޮންނާނެ ކަމެއް.