މާލޭގައި މަގުމަތީ ބާޒާރު ބާއްވަން ހުއްދަ ދެނީ

ކޮވިޑްގެ ކުރިން ސްކޫލްތަކުގެ ބޮޑު ޗުއްޓީއާ ދިމާކޮށް ސްކައި ލައިޓް އެޑްވަޓައިޒްއިން އިންތިޒާމްކޮށްގެން ރަސްފަންނުގައި މިދިޔަ އަހަރު ބޭއްވި ނައިޓް މާކެޓް--. ފައިލް ފޮޓޯ: ނިޝާން އަލީ/މިހާރު

އިފްރާޒް އަލީ، މިހާރު

10 ނޮވެމްބަރ 2021 - 10:23

7 comments

މާލެ، ވިލިމާލެ އަދި ހުޅުމާލޭގައި ނައިޓް މާކެޓާއި މަގުމަތީ ބާޒާރު އަދި ފެއާތައް ބޭއްވުމުގެ ހުއްދަ ދޫކުރަން މާލޭ ސިޓީ ކައުންސިލުން އިއްޔެ ފަށައިފި އެވެ.

އެ އިދާރާ އިން ކުރި އިއުލާނެއްގައި ބުނީ، ނައިޓް މާކެޓާއި މަގުމަތީ ބާޒާރު އަދި ފެއާތައް ބޭއްވުމުގެ އުސޫލާ އެއްގޮތްވާ ގޮތުގެ މަތިން ބޭއްވުމުގެ ހުއްދަ އަށް އެދި ފޯމު ހުށަހެޅުމުގެ ފުރުސަތު މިހާރު ހުޅުވާލާފައިވާ ކަމަށެވެ.

މި ހުއްދަ އަށް އެދޭ ފޯމާއެކު ނައިޓް މާކެޓާއި މަގުމަތީގެ ބާޒާރު އަދި ފެއާތައް ހިންގުމުގެ ހުއްދަ ދޫކުރުމުގައި އަމަލުކުރަން ޖެހޭ އުސޫލަށް ތަބާވާނެ ކަން ބަޔާންކޮށް، ސޮއިކޮށްފައިވާ އިގުރާރެއް ވެސް ހުށަހަޅަން ޖެހެ އެވެ.

ކޮވިޑާ ގުޅިގެން މާލޭގައި މަގުމަތީ ބާޒާރުތައް ބޭއްވުމުގެ ހުއްދަ ދިނުން އޮތީ މެދުކަނޑާލައިފަ އެވެ.

މާލެ- ޖެނުއަރީ 6، 2020: ސްކޫލްތަކުގެ ބޮޑު ޗުއްޓީއާ ދިމާކޮށް ސްކައި ލައިޓް އެޑްވަޓައިޒްއިން އިންތިޒާމްކޮށްގެން ރަސްފަންނު ސަރަހައްދުގައި ކުރިޔަށްގެންދާ މާލެ ސިޓީ ބޮޑު ޗުއްޓީ ނައިޓް މާކެޓްގެ ތެރެއިން--. ފޮޓޯ: ނިޝާން އަލީ/މިހާރު

އިކޮނޮމިކް މިނިސްޓްރީން 2019 ގައި އާންމުކުރި، މަގުމަތީގެ ބާޒާރުތަކާއި ނައިޓް މާކެޓު އަދި ފެއާތަކުގައި އަމަލުކުރަން ޖެހޭ އުސޫލުގައި އޮންނަ ގޮތުން، މި ގޮތަށް ވިޔަފާރި ކުރެވޭނީ ރާއްޖޭގައި ރަޖިސްޓަރީ ކޮށްފައިވާ ވިޔަފާރިއެއް ނުވަތަ ޖަމިއްޔާއަކަށެވެ.

ކެއުމުގެ ބާވަތްތައް ވިއްކާ ނަމަ، ރަޖިސްޓަރީ ކުރާ ކުންފުނި ނުވަތަ ޖަމިއްޔާ އިން އާންމު ސިއްހަތު ރައްކާތެރި ކުރުމުގެ ގާނޫނުގެ ދަށުން ނަގަން ޖެހޭ ހުއްދަ ނަގާފައިވޭތޯ ކަށަވަރު ކުރަން ޖެހެ އެވެ. އަދި ވިއްކާ ހުރިހާ މުދަލެއްގައި ވެސް އާންމުންނަށް ފެންނާނެހެން އަގު ޖަހައިފައި ހުންނަން ޖެހޭނެ އެވެ.

މަގުމަތީގެ ބާޒާރުތަކުގައި އިމްޕޯޓު މުދާ ވިއްކާ ނަމަ، އިކޮނޮމިކް މިނިސްޓްރީގައި ރަޖިސްޓަރީ ވާން ޖެހޭ ގޮތަށް ވެސް އުސޫލުގައި ކަނޑައަޅާފައިވެ އެވެ. މަގުމަތީ ބާޒާރުތައް ބޭއްވުމުގެ ހުއްދަ ދޫކުރަނީ ރަށެއްގައި ނަމަ، ރަށު ކައުންސިލުންނެވެ. އަދި ސިޓީއެއްގައި ނަމަ ސިޓީ ކައުންސިލުންނެވެ.

ނައިޓް މާކެޓް މާލެ މާލެ ސިޓީ ކައުންސިލް

7 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާނުވާ.

10 November 2021

ޢަދިވެސް މާލޭގަ ޖާގަ ބޮޑީ ދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2021

10 November 2021

ތި ހަމައެކަނި ބިދޭސީންނަށް ބާއްވަދޭ އެއްޗަކަށް ހަދާދޭންވީނު.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

10 November 2021

ވިޔަފާރި ވެރީންގެ ޖަމްއިއްޔާ އިން ދޫކޮށް ފަ ހުރި ތަނަތަން ނަގަން ވީ އެވެ. ޓީވީ ކައިރި ހުރި ލޯކަލް މާރުކޭޓްގަ ވެސް އެއްޗެހީގެ އަގު މާ ބޮޑެވެ. ހުރިހާ ގޮޅިއަކު ބިދޭސީންނެވެ. ސިޓީ ކައުންސިލް ގެ ބާ ރެއް ނުހިގަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފު ބިން ރަފައިދާ

10 November 2021

މައުމޫނުދައުރުގާ ޗާންދަނީމަގުގާ މަގުމަތީ ބާޒާރު ބޭއްވިގޮތަށް ބާއްވައިގެންނޫނީ ހަގީގީ މާނައިގާ މަގުމަތީ ބާޒާރުގެ ރޫހު އާލަައެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސަރުކުރޭ

10 November 2021

ފަށަން އުޅޭ 34 ވަނަ ޤައުމީ ޤުރްއާން މުބާރާތް އޮންލައިންކޮށް. ފުޓްބޯޅަ މުބާރާތް ބާއްވަން ވީމަ ކޮވިޑެއް ނެތް. މަގުމަތީ ބާޒާރު (އުނގުޅޭ ބާޒާރު) ބާއްވަން ވީމަ ކޮވިޑެއް ނެތް. ނަޝީދު އުޅުއްވަނީ ދީން ހިމާޔަތް ކުރުމަށްވުރެ ބޮޑަށް ތިމާވެށި ހިމާޔަތް ނުވެގެން.