ނައިޓް މާކެޓަށް ގިނަ އަދަދެއްގެ ބަޔަކު އެއްވެ ވިޔަފާރިކުރާ އިރު ގައިދުރު ކަމެއް ނުބަހައްޓާ. މާސްކް އަޅަން ވެސް ސަމާލުކަން ނުދޭ ކަމަށް އެޗްޕީއޭ އިން ބުނޭ.
ސްކޫލްތަކުގެ ބޮޑު ޗުއްޓީއާ ދިމާކޮށް ރަސްފަންނުގައި ބޭއްވި ނައިޓް މާކެޓެއް.-- ފައިލް ފޮޓޯ: ނިޝާން އަލީ/މިހާރު
07 ޖެނުއަރީ 2022 - 21:00
19 comments
މާލޭގެ ރަސްފަންނު ސަރަހައްދުގައި ކުރިއަށް ގެންދިޔަ ނައިޓް މާކެޓް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ހުއްޓުވުމަށް ފަހު ހުއްދަ ދިންތާ 24 ގަޑިއިރު ނުވަނީސް އަނެއްކާވެސް މިއަދު ހުއްޓުވައިފި އެވެ.
އެޗްޕީއޭ އިން ނައިޓް މާކެޓް ފުރަތަމަ ހުއްޓުވީ ކޮވިޑް ކޭސްތައް އިތުރުވަމުންދާތީ ރައްކާތެރި ފިޔަވަޅެއްގެ ގޮތުން ކަމަށް ބުނެ އެވެ. އެކަމަކު ނައިޓް މާކެޓަށް ހާއްސަކޮށް ގިނަ އަދަދެއްގެ މުދާ ގެނެސްފައި ވަނިކޮށް ހުއްޓުވުމަކީ އެތައް ބަޔަކަށް ބޮޑު ގެއްލުމެއް ލިބޭނެ ކަމެއް ކަމަށް ބުނެ ފާޑުކިޔަމުން ދަނިކޮށް އެޗްޕީއޭ އިން އަލުން ހުއްދަ ދިނީ އެވެ.
އެކަމަކު މިއަދު އަނެއްކާވެސް މާލޭ ސިޓީ ކައުންސިލަށް އެންގީ މާލޭގައި ނައިޓް މާކެޓް ކުރިއަށް ނުގެންދެވޭނެ ކަމަށެވެ.
އެޗްޕީއޭ އިން ބުނީ އެ އިދާރާގެ ގައިޑްލައިނާ އެއްގޮތަށް ނައިޓް މާކެޓް ބާއްވަން މާލޭ ސިޓީ ކައުންސިލަށް އެންގުމަށް ފަހު ކުރި އިންސްޕެކްޝަންގައި ރަސްފަންނުގައި އޮތް ނައިޓް މާކެޓްގައި މީހުން ތޮއްޖެހި ގައިދުރުކުރުމާއި މާސްކް އެޅުމަށް ސަމާލުކަން ނުދީ ކުރިއަށް ގެންދާކަން ފާހަގަކުރެވިފައިވާ ކަމަށެވެ. އެކަން ހުއްޓުވަން ޖެހުނީ އެހެންވެ ކަމަށް އެޗްޕީއޭ އިން ބުންޏެވެ.
ސްކޫލްތަކުގެ ބޮޑު ޗުއްޓީއާ ދިމާކޮށް ރަސްފަންނުގައި ބޭއްވި ނައިޓް މާކެޓެއް.-- ފައިލް ފޮޓޯ: ނިޝާން އަލީ/މިހާރު
މާލޭގައި ކޮވިޑްގެ ހާލަތު ގޯސްވަމުން ދާތީ، ނައިޓް މާކެޓްތައް ބޭއްވުން އެޗްޕީއޭ އިން އެންމެ ފުރަތަމަ މަނާކުރީ މިދިޔަ ބުދަ ދުވަހު އެވެ.
އެކަމަކު ނައިޓް މާކެޓްތައް ހުއްޓާލުމުން އެ ހަރަކާތް ހިންގުމަށް ހަވާލުކޮށްފައިވާ ފަރާތުން އެކަމަށް ތައްޔާރުވުމަށް އަނބުރާ ނުލިބޭނެ ވަރަށް ގިނަ ހަރަދުތަކެއް ކޮށްފައި ވާތީ ސިޓީ ކައުންސިލްގެ އެދުމުގެ މަތިން، އެޗްޕީއޭ އިން އިއްޔެ ވަނީ އާންމު ފިހާރަތަކުގައި ވެސް ވިޔަފާރިކުރާ އުސޫލުން ނައިޓް މާކެޓް ބޭއްވުމުގެ ހުއްދަ ދީފަ އެވެ.
ކޮވިޑު ފެތުރުން ކޮންޓްރޯލް ކުރުމަށް ފިހާރަ އަށް އެއްފަހަރާ އެންމެ ގިނައިން ވަދެވޭ މީހުންގެ އަދަދު ކަނޑައަޅައި، އަތް ސެނެޓައިޒް ކުރެވޭނެ ގޮތް ހަމަޖެއްސުމަށް އެޗްޕީއޭގެ އެސްއޯޕީގައި ކަނޑައަޅާފައިވެ އެވެ.
މަގުމަތީ ބާޒާރު ފެށީ މިދިޔަ ހަފްތާގެ ހޯމަ ދުވަހުން ފެށިގެން 10 ދުވަހުގެ މުއްދަތަށެވެ.
ކޮވިޑްގެ ހާލަތު ގޯސްވަމުންދާއިރު، ނައިޓް މާކެޓް ބާއްވަން ހުއްދަ ދިނުމާ ގުޅިގެން އެޗްޕީއޭ އާއި މާލޭ ސިޓީ ކައުންސިލަށް އާންމުންގެ ފާޑުކިޔުން ވެސް ވަނީ އަމާޒުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޫހި
08 January 2022
ރާއްޖޭގައި ނައިޓު މާކެޓު ބާއްވަން ހުއްދަ ދޭނަމަ އެތާގައި ވިޔަފާރި ގޮޅިތަކުގައި ތިބެންޖެހޭނީ ދިވެހިން. ދިވެހިންނަށް ނުކުރެވޭނަމަ މާރުކޭޓް ނުބާއްވާ. ހުސް ވިސާނެތް ބިދޭސީންގެ ތަނަކަށް ވެއްޖެ. މޭޒު ވިއކާލީމާ އޯގަނައިޒަރއަށް ހެސްކިޔާފަ ލާރި ލިބޭނެ.
އެމްސް
08 January 2022
ދިވެހިންނަކީވެސް އަނގަޔަށް/ނޭފަތަށް/ކަންފަތަށް އިނގިލި ބާނަން އާދަވެފަ ތިބި، ކިއުއެއްގަ ޖެހޭ އިރުވެސް 2 މީހުންގެ ދޭތެރޭ އެކަށީގެންވާ ދުރުމިނެއް ބަހައްޓާ ބަޔެއް ނޫން! ދެން ކޮވިޑެކޭ ކިޔާފަ އެ އާދަތައް ބަދަލުވެދާނެ ބާ؟
ދިރާސާަ
08 January 2022
ކޮބާތަ ކޮވިޑް ޙާލަތު ގޯސްވުމަކީ. އަދިވެސް ވެންޓިލޭޓަރުތައް ނުގެނެވޭ ދޯ. އެލާރިކޮޅަށް ވީގޮތް ވެސް ބަލަން ޖެހޭ.
ހުއްޓާލާ
08 January 2022
ތި ނައިޓްމާކެޓަކީ ބޭރުމީހުން ބްލެކްމާކެޓްގަ ހޯދާފަ ހުރި ޑޮލަރުތަށް ރަށަށް ފޮނުވަންވެގެން ކުރާކަމެއް. ޓީޓީ ހައްދައިގެން ހުރިހާލާރިޔެއް ރަށަށް ފޮނުވާފަ ގެންނަ މުދާކޮޅު ވިއްކަންކުރާކަމެއް.
ޕްރެކްޓިކަލީ
08 January 2022
ތޮއްނުޖެހޭ ގޮތަކަށް އަޅެ ނައިޓް މާކެޓް ހިންގޭނެތަ ޕްރެކްޓިކަލީ؟ މާލެ ފިހާރަތަށް ތޮއްޖެހި ވިޔަފާރިކުރަމުން ދާއިރު އަދި އެކަހަލަ ތަނަކަށް ކިހާ މީހުންނެއް ދާނެ. އުނގުޅޭ ބާޒާރު ކީ ކަމެއް ވެގެންނު
ޑޮނާޑު
08 January 2022
ތިޔައީ ކުޅޭކުޅިވަރެއްތަ? އެއްކޮޅުން ދައްކަނީ ބަލިފެތުރޭ ވާހަކަ އަނެއްކޮޅުން ތޮއްޖެހޭވާހަކަ! ހަމަބުއްދިހުރިބަޔަކައްނަމަ އެގޭނެ ނައިޓު މާކެޓެއް ތެރޭތިބުނާމިންގަޑައް ފެތޭގޮތައް އުޅެންއުޅުނަސްނޫޅެވޭނެކަންނަންރީތިކޮއްލަން އިގިރޭސިނަމެއް ކިޔާލިއަސް ތިޔައީމަސްހޫރު އުނގުޅޭބާޒާރުކަން ނޭގޭ ދިވެއްސަކުނޫޅޭނެ!
ހާސަރު
08 January 2022
ނައިޓްމާކެޓް ބާއްވަނީ ފިހާރަތަކުގައި ހުންނަ ގިނަދުވަސްވީ މުދާވިއްކަން. އެހެން ވީމަ ހުއްޓާލިއަސް ފިހާރައިގައި ވިއްކޭނެ. ގައިދުރުކޮށް ނައިޓްމާކެޓެއް ބޭއްވޭނެގޮތެއް ނުއޮންނާނެ. މިހާރު މާލޭގެ ޕޮޒިޓިވް ރޭޓް އެހެރީ %10 އަށް އަރާފަ، ތިޔަ މާކެޓާހެދި ސްކޫލްތައް ނުހުޅުވިއްޖެނަމަ މާދެރަވާނެ.
ސަކަރާތް
08 January 2022
ނައިޓު މާކެޓް ބާއްވަން ލާރި ނަގަނީ ވެސް ބަންގާޅިއެށް. މީދެން ބޮޑުވަރު ދޯ؟ ދިވެހިން އަމިއްލަ ގައުމުގަ މީ ސެކަންޑް ކުލާސް ސިޓިޒެންސް.
ބުރުގާ
07 January 2022
ތި އެޗްޕީއޭއަކީ ބަތްކާކައްކާ ކުޅޭބަޔެއް. މާދަމާ ރައީސް އޮފީހުން ބުނާނެ ނައިޓު މާކެޓު އަނެއްކާވެސް ހުޅުވާނަމޭ.
ށަވިޔަނި
08 January 2022
ހުރިހާ ހަޑިހާވަނީ އެއްބައެއް. އެޗްޕީއޭ ނަންވަނީ.
ޗޮސްބެ
07 January 2022
މޭޔަރު ވަރަށް ކޯފާވާނެކަމެއް އެޗްޕީއޭ އިން އެކުރީ.