ނައިޓް މާކެޓާ އެކު ރަސްފަންނު މިއޮތީ ގޮނޑަކަށް ހަދާލައިފައި

ނައިޓް މާކެޓް އިންތިޒާމުކުރި ފަރާތުން އެތަން ސާފުކުރަން ސިޓީ ކައުންސިލުން ވަނީ އަންގައިފައި.

ރަސްފަންނުގައި އޮތް ނައިޓް މާކެޓް ބޮޑު ކޯޅުންގަނޑަކަށް ފަހު ނިންމާލީއިރު، މުޅި އެ ސަރަހައްދު ގޮނޑުވެފައި.-- ފޮޓޯ: ފަޔާޒް މޫސާ / މިހާރު

އިފްރާޒް އަލީ، މިހާރު

10 ޖެނުއަރީ 2022 - 12:00

21 comments

ރަސްފަންނުގައި އޮތް ނައިޓް މާކެޓް ބޮޑު ކޯޅުންގަނޑަކަށް ފަހު ނިންމާލީ މިދިޔަ ހުކުރު ދުވަހުގެ ރެއެވެ؛ އެ ނައިޓް މާކެޓު ނިމުނު ފަހުން، ތިން ދުވަސްވީ އިރު އެ ސަރަހައްދު ވަނީ ގޮނޑުވެފަ އެވެ.

ސްޓޯލުތައް ބަހައްޓަން ޖެހި ޓެންޓުތަކާއި ބޭނުންކުރި ޕެލެޓުތައް ވެސް ހުރީ އެކި ދިމާތަކަށް ފުންޏަކަށް ޖަހައިފަ އެވެ. އަދި ބައެއް ސްޓޯލުތަކުގެ ހުރި މުދާތައް ވެސް އެކި ތަންތަނަށް ހުރީ އުކާލައިފަ އެވެ.

މިކަމާ ގުޅޭ ގޮތުން މާލޭ ސިޓީ ކައުންސިލްގެ މީޑިއާ އޮފިޝަލް މަރިޔަމް ޝިއުނާ "މިހާރު" އަށް ވިދާޅުވީ ރަސްފަންނު ސަރަހައްދު ސާފުކުރުމަށް، ނައިޓް މާކެޓް ބާއްވަން ހަވާލުކުރި ފަރާތަށް މިހާރު ނޯޓިސް ފޮނުވާފައި ވާނެ ކަމަށާއި މިއަދު މެންދުރު ފަހު 1:30 އާ ހަމަ އަށް އެކަން ކުރަން އަންގާފައިވާނެ ކަމަށެވެ.

"އެތަން އޯގަނައިޒްކުރި ފަރާތުން ފޯނު ނުނަގާތީ އެ ބޭފުޅުންގެ އެއްޗެއް އެތާ ހުންނާނެތޯ ބަލާފައި ނޫނީ ކައުންސިލްގެ ޓީމު އެކޮޅަށް ނުފޮނުވާ ވަނީ،" އޭނާ ވިދާޅުވި އެވެ.

"ނޯޓިސް ދީފައިވާ ގަޑިއަށް ނުނަގައިފި ނަމަ ކައުންސިލުން އެތަން ސާފުކުރާނެ."

އަމިއްލަ ފަރާތަކާ ހަވާލުކޮށްގެން ރަސްފަންނުގައި ސިޓީ ކައުންސިލުން ބޭއްވި މި ނައިޓް މާކެޓް ދެ ފަހަރެއްގެ މަތިން އެޗްޕީއޭ އިން ހުއްޓުވި އެވެ.

އެންމެ ފުރަތަމަ ހުއްޓުވީ ކޮވިޑް ކޭސްތައް މައްޗަށް ދާތީ ރައްކާތެރި ފިޔަވަޅެއްގެ ގޮތުން ކަމަށް ބުނެ އެވެ. އެކަމަކު ނައިޓް މާކެޓަށް ހާއްސަކޮށް ގިނަ އަދަދެއްގެ މުދާ ގެނެސްފައި ވަނިކޮށް ހުއްޓުވުމަކީ އެތައް ބަޔަކަށް ބޮޑު ގެއްލުމެއް ލިބޭނެ ކަމެއް ކަމަށް ބުނެ ފާޑުކިޔަމުން ދަނިކޮށް އެޗްޕީއޭ އިން އަލުން ހުއްދަ ދިނީ އެ އިދާރާގެ ގައިޑްލައިނަކާ އެއްގޮތަށް ކުރިއަށް ގެންދާށެވެ.

އެކަމަކު އެ ހުއްދަ ދިންތާ 24 ގަޑިއިރު ނުވަނީސް، ގައިޑްލައިނާ ހިލާފުވެފައިވާ ކަމަށް ބުނެ ނައިޓް މާކެޓް ހުއްޓުވި އެވެ. ނައިޓް މާކެޓް ހުއްޓާލަން އެންގުމުން އެތަނުގެ ވިޔަފާރިވެރިން ނުކުމެ، މުޒާހަރާ ވެސް ކުރި އެވެ.

Guideline aa hilaafuvumun anekkaa ves night market huttuvaifi

The most trusted news source in the Maldives

Mihaaru

ރަސްފަންނު ސަރަހައްދު ގޮނޑުކޮށް އޮތްއިރު، ކޮވިޑްގެ ކޭސްތައް ގިނަވުމާ ގުޅިގެން ރަށްރަށަށް ދަތުރުކުރާ މީހުން ޕީސީއާރު ހެދުމަށް ވަނީ ސޯޝަލް ސެންޓަރު ސަރަހައްދުގައި މި ކުނިތަކުގެ ތެރޭގައި ދިގު ކިއުއެއް ދަމާލައިފަ އެވެ.

ނައިޓް މާކެޓް މާލެ ސިޓީ ކައުންސިލް ކުނި ރަސްފަންނު ބީޗް

21 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުއިއްޒު

11 January 2022

މުއިއްޒާ ދޭތެރޭ ފިިޔަވަޅު އަޅައިގެންނޫނީ މިބަލިމޑުކަމެއްނުފިލާނެ ތިއުގުޅޭބާޒާރު ހަދަންއުޅޭއިރުވެސް އެގެންވާނެ މިކުރަންއުޅެނީ ކުރަންހެޔޮނުވާވަރުގެކަމެއްކަން މީރައްޔިތުންގެ ފުރާނަޔައްނުބަލާ ވެރިކަމާހެދި މުއިއްޒުމެން ހިންގާ ބޮޑަތި ޖަރީމާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެއްސެއްގެ ދަރިއެއް

10 January 2022

ޤަބޫލުކުރަން ޖެހޭ ހަޤީގަތަކީ ދިވެހިން އަދި ތަރައްޤީ ނުވާކަން. ހަމަ އެކަނި ތަރައްޤީވަނީ ގެންގުޅޭ ފޯނާއި، ސައިކަލާއި، އަތުގައި އަޅާފައިވާ ގަޑިއާއި، ލާންގެންގުޅޭ އަންނައުނު. ސިކުނޑި ތަރައްޤީ ވާތަނެއް ނުފެނޭ. ބަލާލި ކޮންމެ ދިމާލަކުން ދިވެހިންގެ ނާތަހުޒީބުކަން ފެނޭ. މިހަޤީގަތް ޤަބޫލުނުކާރާބަޔަކު ތިބިކަމުގައި ވިޔަސް މީ ހަމަ ޙަޤީގަތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަރޭ

10 January 2022

ތީ މުއިއްޒު އަމިއްލަޔަށް ބުއި ބޮނޑިއެއް. ސަރުކާރާ ރައްޔަތުން ޖައްސަން ކުރި ފިތުނައިގެ ނަތީޖާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހޭ

10 January 2022

އާވާހަކައެއްތަ؟ ދިވެހިން ލައިއުޅޭ ހެނދުމުން ދިވެހިން ސާފުތާހިރީ. ކުރިން ދިވެހިންނަކީ ސާފުބައެއްކަމަށް ބެލެވުނީ ގޮނޑުވާ ތަކެތި ނެތުމުން. އޭރު ގަސްގަހުން ވެރޭ ފަތްނޫން އެއްޗެއް ނުހުރޭ. އޭރު ގަހުން ވެރޭ ފަތްތައް ގޭތެރޭ އަންދާލެވޭ. މަސްކަނޑާނީ ގޮނޑުދޮށުގަ. ރާޅުޖަހާ އެތަން ދޮވެލާ. ގޮނޑުވާތަކެތި އެތެރެކުރަން ފެށިފަހުން މިތަކެތި ނުފެންނަ ރަށެއް ތަނެއް މަގެއް ދައްކަބަލަ. ބަޔަކު ރުޅިއަޔަސް މިއީ މިކަން އޮތްގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ 12

10 January 2022

ތިވެސް މާޒިގެ ކަމަކަށް ހަދާ ހުއްޓާލަންވެއްޖެ ކަމެއް، ބޮޑު އިސްރާފެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަދީދައްތަގެ މުނީރާ

10 January 2022

ބަންގާޅީންނާ ދިވެހިން އެކުވީމާ ކިހާގޮނޑުވާނެނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

10 January 2022

އަސްލު ދިވެހިންގެ އަހްލާގް މިފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

10 January 2022

ދިވެހިންގެ ނަމުގައި ހުއްދަ ނަގައިގެން އެތާނގައި ވިޔަފާރި ކުރަން ތިބީ ދިވެހިންނެއްނޫން. އެބޭފުޅުންގެ ސާފުތާހިރުކަން ދިވެހިންނަށް އޮފައި ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޯމޭން

10 January 2022

މާލޭ ސިޓީ ކައުންސިލުގަވެސް ތިތިބީ ރައްޔިތުންދެކެ ފިސާރި ލޯބިވާ ބައެއް. ކަލޭމެން ސަރުކާރަށް ކުރާޖެއްސުމެއްގަ ވަރިހަމަދޯބަޔަކަށް ނުރައްކާތެރި ބަލިތަކެއް ޖައްސަންވެސް. އަހަރުމެންވެސް ވަކި މާ ރުހޭ ސަރުކާރެއްނޫން އޮތިކީ އެކަމު ކަލޭމެން ސިޔާސީ މަންފާހޯދަން ބަޔަކަށް ޖެއްސުންކުރިޔަސް ތިއީ ބޮޑުވަރު.