އިވޯލްވްގެ މުވައްޒަފުން ރާއްޖޭގެ ރިސޯޓެއްގެ މޫދުގައި ފޮޓޯއެއް ނަގަނީ
08 ޑިސެމްބަރ 2016 - 09:49
24 comments
އެންމެ ރަނގަޅު ބޮސްގެ ގޮތުގައި ބެލެވޭނީ މުވައްޒަފުންނަށް ކިހާ ވަރަކަށް ރަނގަޅު ވީމާ ހެއްޔެެވެ؟ މުވައްޒަފުންގެ ހިތް ރުއްސަން ކޮން އެއްޗެއް ދިނީމާ ހެއްޔެވެ؟
ސިންގަޕޫރުގެ މާޝަލް އާޓްސް ކުންފުންޏެއް ކަމަށްވާ އިވޯލްވްގެ ވެރިޔާ ޗަތުރީ ސިތުޔަޓޮންގަކީ އާދައިގެ ބޮހެއް ނޫނެވެ. މުވައްޒަފުންގެ އަގު ވަޒަންކުރަން އޭނާ ކޮށްދެނީ އެހެން އެއްވެސް މީހަކު ނުކުރާ ވަރުގެ ބޮޑެތި ކަންކަމެވެ. މި ފަހަރު، ކުންފުނީގެ ހުރިހާ މުވައްޒަފުން ގޮވައިގެން ރާއްޖެ އައީ ޗުއްޓީ ހޭދަކުރާށެވެ.
އިވޯލްވްގެ މުވައްޒަފުން ރާއްޖޭގެ ރިސޯޓެއްގައި މަޖާކުރަނީ: މި ދަތުރުގެ އަގަކީ 392،000 ޕައުންޑް (7.6 މިލިއަން ރުފިޔާ) -- ފޮޓޯ: އިވޯލްވް
އޭޝިއާގެ އެންމެ ބޮޑު މާޝަލް އާޓްސް ބްރޭންޑް ކަމަށްވާ އިވޯލްވްގައި 100 މުވައްޒަފުން މަސައްކަތް ކުރެ އެވެ. އެ އެންމެން ގޮވައިގެން ރާއްޖޭގެ ފަސް ތަރީގެ ރިސޯޓެއްގައި ޗުއްޓީ ހޭދަކުރަން އައިސް، ޗަތުރީ ވަނީ 392،000 ޕައުންޑް (7.6 މިލިއަން ރުފިޔާ) ހޭދަކޮށްފަ އެވެ. އެކަމަކު، އެ މީހުން ތިބީ ކޮން ރިސޯޓެއްގައި ކަމެއް ނޭނގެ އެވެ.
"މިއީ އިވޯލްވްގައި ހަރަކާތްތެރިވާ އެފަދަ ދެވަނައެއް ނެތް ފަރާތްތަކުން ކޮށްދޭ އަގު ނުކުރެވޭ ފަދަ ހިދުމަތްތަކާ އަޅާބަލާއިރު ވަރަށް ކުޑަ މިންވަރެއް،" ކުންފުނީގެ އާމްދަނީ އަހަރުން އަހަރަށް 30 ޕަސެންޓް އިތުރުވެފައިވާކަން ފާހަގަކުރައްވަމުން ޗަތުރީ ވިދާޅުވި އެވެ.
އިވޯލްވްގެ މުވައްޒަފުން ރާއްޖޭގެ ރިސޯޓެއްގައި މަޖާ ކުރަނީ: މުވައްޒަފުން ހިތްހަމަޖައްސައިދޭން ޖެހޭ .-- ފޮޓޯ: އިވޯލްވް
މިއީ މިފަދަ ބޮޑު ހަރަދެއް ޗަތުރީ އޭނާގެ މުވައްޒަފުންނަށް ކުރެއްވި ފުރަތަމަ ފަހަރެއް ނޫނެވެ. ކޮންމެ އަހަރަކު ވެސް، ކޮންމެވެސް ގައުމެއްގެ ފަސް ތަރީގެ ހޮޓަލަކަށް ހުރިހާ މުވައްޒަފުން ގޮވައިގެން އޭނާ ދަތުރު ކުރައްވަ އެވެ. ދާ ތަން އޮންނަނީ މުވައްޒަފުންނަށް ސިއްރުކޮށްފަ އެވެ. މީގެ ކުރިން މުވައްޒަފުން ގެންދިޔަ މަންޒިލުތަކުގެ ތެރޭގައި ޓޫރިސްޓުންގެ މެދުގައި މަގުބޫލް އިންޑޮނީޝިއާގެ ސަރަހައްދުތައް ކަމަށްވާ ބާލީ، ކްރާބީ، ކާއޯ ލަކް އަދި ބިންޓަން ހިމެނެ އެވެ.
ޗަތުރީ ސިފަކުރައްވާ ގޮތުގައި އިވޯލްވްގައި މަސައްކަތް ކުރަނީ މުޅި ދުނިޔޭން ވެސް ލިބޭނެ އެންމެ ރަނގަޅު މީހުންނެވެ. އެ އެންމެން ވެސް ދުނިޔޭގެ އެކި ކަންކޮޅުތަކަށް ދަތުރުކުރަން ބޭނުން ވިޔަސް، ފައިސާގެ ދަތިކަމުންނާއި ދިރިއުޅުމުގެ އެހެން ކަންކަން ހުންނަ ގޮތުން އެކަން ނުކުރެވޭ ކަމަށް އޭނާ ވިދާޅުވި އެވެ.
"އެ މީހުންނަށް ހައްގު ބަދަލު ދޭން ޖެހޭނެ. އަހަރުމެން މަސައްކަތް ކުރަނީ ބުރަކޮށް. ހަމަ އެހާ ގަދަ އަށް މަޖާ ވެސް ކުރަން ވާނެ،" ޗަތުރީ ވިދާޅުވި އެވެ.
އިވޯލްވްގެ މުވައްޒަފުން ރާއްޖޭގެ ރިސޯޓެއްގައި މަޖާކުރަނީ: މި ދަތުރަށް އިވޯލްވްގެ ވެރިޔާ 392،000 ޕައުންޑް (7.6 މިލިއަން ރުފިޔާ) ހޭދަކޮށްފައިވޭ.-- ފޮޓޯ: އިވޯލްވް
އަންނަ އަހަރު ވެސް އިވޯލްވްގެ ހުރިހާ މުވައްޒަފުން ގޮވައިގެން ޗަތުރީ ފަސް ތަރީގެ ކޮންމެވެސް ހޮޓަލަކަށް ވަޑައިގަންނަވާނެ އެވެ. އެކަމަކު، އެހެން ފަހަރެކޭ ވެސް އެއްގޮތަށް، ދާ ތަން އޮންނާނީ އެންމެ ފަހު ވަގުތާ ޖެހެންދެން ސިއްރެއްގެ ގޮތުގަ އެވެ. މުވައްޒަފުންނަށް "ސަޕްރައިޒެއް" ދިނުމުގެ ގޮތުންނެވެ.
ބައެއް ކުންފުނިތަކުގެ ވެރިން މުވައްޒަފުންނަށް ބޮޑެތި ހަދިޔާ ދޭ ވާހަކަ ދޭތެރެ ދޭތެރެއިން އަޑު އިވެ އެވެ. އެ ގޮތުން، އިންޑިއާގެ ކުންފުންޏެއްގެ ވެރިއަކު އޭނާގެ މުވައްޒަފުންނަށް ކާރު ގަނެދިން ކަމަށް މި ފަހުން އިންޑިއާގެ ނޫސްތަކުގައި ރިޕޯޓުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަހުރަ
10 December 2016
މާތްކަމޯ!! މިއީ ހޯދަން ބޭނުންވެ ނުފެނިފައިވާ "ބޮހެއް" އަދި ގެއްލިފައިވާ ތަރިއެއް!! އެމް.އޭ ގެ ޑައިހާޑް ފޭނަކަށް މީނާ އަތުއަޅުވާލެވިއްޖެއްޔާ އޭރުން އެމީހަކަށް އެލިބުނީ ބޮޑުވެގެންވާ "ޖަވާހިރެއް"!!
ގެދަބުޅި
08 December 2016
ދިވެހިރާއްޖޭގަ ވިޔަފާރިކުރާ ގިނަމީހުންނަކީ ދަމާކަނޑާމީހުން. ދެން ކިހިނެތް މުއައްޒަފުންގެ އަގުވަޒަންކުރާނީ؟
ާަބުހާ
08 December 2016
ޕެރެޑައިސް
ފަރިޔާދާ ފަޒީލް
08 December 2016
އަންނި ވެރިކަމުގައި 40 މީހުން ގޮވައިގެން އިޓަލީއަށް ވެސް ދިޔައެއް ނޫންތޯ ! އޭނަގެ ސަރުކާރުގެ ބަޖެޓުން ކުޑަކުޑަ ޚަރަދުކޮޅެއްކޮށްލައިގެން !
ޙުސްނީ
08 December 2016
ސެންތާރާ ރަސްފުށި ރިސޯޓު ގައި
އެމެން
08 December 2016
މިފެންވަރަށް ލާރޖް ކޮށް ރާއްޖެ އަށް ކުންފުނި ތަކުގެ މުވައްޒަފުން ޗުއްޓީ ހޭދަ ކޮށްލަން އެއަންނަނީ އެއީ މަމެންގެ ބިއުޓިފުލް އެން އޯސަމް އެން ފްލޯލެސް ސަރުކާރުގެ ބިއުޓިފުލް ކަމުންނެވެ، އެމެންގެ ފަނާކުރަނިވި ތިން އަހަރު ދުވަހުގައި މިކަން މިގޮތަށް ހިނގާފައި ނުވާ ކަމީ އެއީ ހިތާމަ ކުރަން ޖެހޭނެ ކަމެކެވެ.
ދަމަސްކަސް
08 December 2016
އެނޮމެން އެއްފަހަރާ ގެނައިމަ ކުްފުނި ހުޓޭނެ ނޫންތޯ...
ޒަންޖަބީލު
08 December 2016
މިއީ ރާއްޖޭގެ ކުންފުނި ތަކުންވެސް ނަމޫނާ ކަމުގަ ދެކި އިބުރަތްލިބިގަނެ މުވައްޒަފުންނަށް މަހުގެ 20 ނުވަތަ 15 ގައި މުސާރަ ދިނުމުގެ ބަދަލްގައި މަހުގެ 1 ވަނަ ދުވަހު މުސާރަދީ މުވައްޒަފުން ހިތްހަމަ ޖައްސާލަ ދޭންވީ ވަގުތު
ޢަލީ
08 December 2016
ރާއްޖޭގެ ރިސޯޓުތަކުގެ މުވައްޒަފުންނައް ސަރުކާރުން އަޅައެއްނުލާ ކޮބާދޭންބުނި ހިއްސާ ހުކުރެއް އީދެއް ހައްޖެއްނެތި ރެޔާދުވާލު ގެސްޓުންގެ ހިދުމަތުގަ ތިބޭ ދިވެހި މުވައްޒަފުން ގައިގެ ބާރުދާއިރު ވަންނާނެ ގެދޮރެއް ނެތް ލިބޭނެ ލޯނެއްނޯވޭ މީއެކަމު މުސްލިމު ދައުލަތެކޯ ރައްޔިތުންދެކެ ލޯބިވާ ބައެކޯ ވެރިކަންލިބުމާއެކު ބޮޑާހާކާފަ ގަނޑުވަރުން ނުނިކުމެ ކޮންމެ އިންތިހާބެއް ބޯމަތިވީމަ ރައްޔިތުމީހާފެނިފަ ނުފުއްދޭނެހާ ދޮގުވައުދު ވެފަ ފިލާއެތިބެނީ ރައްޔިތުން މީގެފަހުންވެސް މަޖިލީހައް އިންތިހާބުކުރަންވީ ނިކަމެތި އާދައިގެ މީހުން އޭރުން ތިމާގެ ދަރިފުޅު ރިސޯޓުގަ އުފަލާއެކު އުޅޭނީ ބޮޑެތިމަހުޖަނުން ރިސޯޓުއިމާރާތްކުރަން އެތެރެކުރާ ހުރިހާ ސާމާނަކުން ޑިޔުޓީމާފު އަމިއްލަފިހާރަތަކައްވެސް ރިސޯޓުގެ ނަމުގަ މުދާބަރުކޮއް ނިންމައިފި ކިހާއިންސާފުވެރި ނިކަމެތި މީހާ އެތެރެ ކޮއްލާ ފައިވާނުން ދައުލަތައް ޓެކްސް ވީމާ ބަޔަކު މުވައްޒަފުންނައް ކަމެއް ކޮއްދިނަސް އެކަމާ ދިވެހި ރިސޯޓުއޯނަރުން އަންނާނީ ރުޅި މިހިރީ މިބުނާ ދިވެހި މުސްލިމު އޯނަރުންގެ ހާލު ކޮބާދިވެހިންގެ އެއާޕޯޓުން ދިވެހިންނައް ލިބޭ އެއްޗެއް ދިވެހިންގެ ގޮހޮރު ދަމައިގަނެފަ އެތަންފަރުމާކުރަނީ ކޮބާ ދައުލަތުގެ ލަދުހަޔާތް
އިބްރާހީމް
08 December 2016
ރާއްޖޭގެ ކުންފުނިތަކުގެ ވެރިންވެސް މުވައްޒަފުންނަށް ޚާރަދުކުރޭ. އުފާވެރިކަންވެސް ގެނެސްދޭ. އެކަމަކު "އާނއެކޭ" ބުނާ ވަކި ބަޔަކަށް!