ވިޔަފާރި / ބީއެމްއެލް

ބީއެމްއެލް އަށް ގިނަ ދުވަހު ހިދުމަތް ކުރި މުވައްޒަފުންނަށް އެވޯޑް ދީފި

ބީއެމްއެލް އަށް ގިނަ ދުވަހު ހިދުމަތް ކުރި މުވައްޒަފަކަށް، އެންޑްރޫ ރޭ އެވޯޑް ހަވާލު ކޮށްދެއްވަނީ.--- ފޮޓޯ: ބީއެމްއެލް

އަލީ ނާފިޒް، މިހާރު

09 ޑިސެމްބަރ 2016 - 11:11

6 comments

ބޭންކް އޮފް މޯލްޑިވްސް (ބީއެމްއެލް) އަށް ގިނަ ދުވަހު ހިދުމަތް ކުރި 31 މުވައްޒަފަކަށް ރޭ އެވޯޑް ދީފި އެވެ.

ބީއެމްއެލްގައި ބޭއްވި ހަފްލާއެއްގައި އެވޯޑް ދީފައި ވަނީ 15 އަހަރަށް ވުރެ ގިނަ ދުވަހު އެ ބޭންކަށް ހިދުމަތް ކޮށްދީފައިވާ ފަރާތްތަކަށެވެ. އޭގެ ތެރޭގައި، 15 އަހަރާއި 20 އަހަރާއި 25 އަހަރު އަދި 30 އަހަރުގެ މުއްދަތަކަށް ބޭންކުގެ ވަޒީފާގައި އުޅެފައިވާ ފަރާތްތައް ހިމެނެ އެވެ.

ބީއެމްއެލް އަށް ގިނަ ދުވަހު ހިދުމަތް ކުރި ފަރާތްތަކަށް ދޭ އެވޯޑް ލިބުނު ބައެއް މުވައްޒަފުން ރޭ ފޮޓޯއަކަށް ހުއްޓިގެން.-- ފޮޓޯ: ބީއެމްއެލް

އެ މުވައްޒަފުންނަށް އެވޯޑް ހަވާލު ކޮށްދެއްވުމަށް ފަހު، ބީއެމްއެލްގެ ސީއީއޯ އަދި މެނޭޖިން ޑިރެކްޓަރު އެންޑްރޫ ވަނީ އެ ފަރާތްތަކަށް ޝުކުރު އަދާކުރައްވައިފަ އެވެ. އޭނާ ވިދާޅުވީ އެ މުވައްޒަފުންގެ މަސައްކަތާއި ކުންފުންޏަށް އޮތް އިތުބާރު ބަލައިގަނެ، އެ ކަމުގެ އަގު ވަޒަންކުރުމަކީ އޭނާ އަށް ލިބޭ އުފަލެއް ކަމަށެވެ.

"ތިއީ މި ބޭންކުގެ އެންމެ ބޮޑު ރައުސުލްމާލު،" އެންޑްރޫ ވިދާޅުވި އެވެ.

ބީއެމްއެލް އަށް ގިނަ ދުވަހު ހިދުމަތް ކުރި ފަރާތްތަކަށް އެވޯޑް ދިނުމަށް ރޭ ބޭއްވި ހަފްލާގައި އެންޑްރޫ ވާހަކަ ދައްކަވަނީ.-- ފޮޓޯ: ބީއެމްއެލް

ގިނަ ދުވަހު ހިދުމަތް ކޮށްފައިވާ މުވައްޒަފުންނަށް އެވޯޑް ދޭން ބީއެމްއެލް އިން ފެށީ މިދިޔަ އަހަރު އެވެ. އަދި މި އެވޯޑް ކޮންމެ އަހަރަކު ދޭން ވަނީ ނިންމައިފަ އެވެ.

ބީއެމްއެލް ވަޒީފާ އެވޯޑްސް

6 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާމިޝް

10 December 2016

ތިތާގަ ގިނައީ މިޒަމާނުގައި ބޭންކިން ކުރަން އަދި ކުޑަމިނުން ކޮމްޕިއުޓަރެއްވެސް އޮޕަރޭޓްކުރަން ނޭންގޭ މީހުން. އެންމެ ކުޑަކަމަކަށް ރިވެތިކޮށް ކަސްޓަމަރުންނާ މުޚާތަބުވެސް ކުރަން ނޭނގޭ ނޫނީޔާ މީހަކު ކުރިމަތިލާން ބިރުގަންނަ މީހުން. މި މީހުންނަށް އެވޯޑް ދީފަ ޒުވާން ކުދިން ބުރަމަސަތްކަތުގަ ބައިތިއްބާ. ކިޔަވައިގެންތިބި ޤާބިލް ޒުވާނުން މިމީހުންގެ ފައިވާނުގެ ދަށުގަ ބައިތިއްބައިގެން ބީއެމްއެލް ހަމަ ކުރިއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުމަތު ފަރީމާ

11 December 2016

ބުނެލަން އޮތީ ހީވަނީ ތީ ވެސް ކިޔަވައިގެން ސަނަދެއްލިބިގެން ދުނިޔެ ރަންވެގެން ގޮވާ އެއްޗެއްސޭ. ބަލަ އެމީހުންނަށް ކޮމްޕިޔުޓަރު ނޭގި ވާހަކަދައްކަންވެސް ނޭގި އޭ މިހާރު މި އުޅޭ ސަނަދުތައް ހިފައިގެން ދެދުވަހު ހަމައަށް އޮފީހަށް ނުނިކުމެވޭ ދެބަސް މަސްހުނިކޮށްގެން ނޫނީ ވާހަކައެއް ނުބުނެވޭ، އަމުދުން ރީތި ބަހުން މުޢާމަލާތުކޮށްލަންވެސް ނޭނގޭ، ހެނދުނު ފެންނުވަރާ ކުލަލައިގެން ތެޅެމުން ފޮޅެމުން އައިސް ކާޑު ސޮއި،ކާޑު ނޫނީ ފިންގަރ ޖަހާފަ ފެންވަރަން، ދެން އައިސް ސަޔަށް، ދެދުވަހުން އެއްދުވަހު ސަލާން، އަންންދުވަހަކު ފޯނު ކޯލެއްގައި، ޗެޓް، ފޭސް ބުކް ޔޫޓިއުބްގައި، ކޮންމެވެސް ކުލާހެއްގައި ރަޖިސްޓަރީވެގެން އުޅޭތީ އޮފީހުގައި މަސައްކަތުގައި ނުއިދެވޭ ތިޔަބުނާ ޒުވާނާ އާއި ހަމައަށް ތިޔާ ބޭންކު ގެނެސްދިނީ ބަލަ އެކަހަލަގެ ބަޔަކު އުޅެގެން. މިހާރު ބެއްޔަސް އެމީހުންގެ ހާޒިރީވެސް އޮފީހުގައި ތިބޭ ވަގުތުވެސް މީހުންނަށް އިޙްތިރާމް ކުރުންވެސް ރަނގަޅުވާނެ. ތިޔަބުނާ ޒުވާނުން ޙިދްމަތް ހޯދަން އަންނަ މީހާ ހުއްޓަސް މުވަައްޒަފުންގެ މަޖާކުރުމާއި ހީ ސަކަރާތުން ސަލާމަތް ނުވެގެން އުޅޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހާށޭ

10 December 2016

ބައެއް ބީ.އެމް.އެލް އިން ބައެއް މީހުންނަށް ލޯނު ދިނުމުގައި އެމީހުން ބައެއް ދިވެހި ފަރުދުންނަށް ޖެއްސުންކޮށް ލޯނުދޫނުކޮށް ފިއްތަމުން ދާކަން އެއީ ވަރަށް ދެރަކަމެކެވެ.