ޚަބަރު / މޯލްޑިވްސް ނޭޝަނަލް ޕާޓީ (އެމްއެންޕީ)

އެމްއެންޕީ 10،000 ހަމަކޮށް ދުވަސްވީ ޕާޓީތަކާ އަރާ ހަމަކޮށްފި

އެމްއެންޕީ ރަޖިސްޓްރީކޮށް ފޯމު ހަވާލުކުރުމަށް އިލެކްޝަންސް އާ އެކު ބޭއްވި ބައްދަލުވުމުގައި ޕާޓީގެ އިސް ލީޑަރުން ބައިވެރިވެވަޑައިގަންނަވަނީ. -- ފޮޓޯ/އެމްއެންޕީ

ފަޒީނާ އަހުމަދު، މިހާރު

25 ނޮވެމްބަރ 2021 - 10:32

21 comments

ގައުމީ ފިކުރުގެ ގޮތުގައި ޕްރޮމޯޓްކުރަމުން އަންނަ މޯލްޑިވްސް ނެޝަނަލް ޕާޓީ (އެމްއެންޕީ) ކުރު މުއްދަތެއްގެ ތެރޭގައި 10،000 މެމްބަރުން ހަމަކޮށް، ސިޔާސީ މައިދާނުގައި ރާއްޖޭގައި ދުވަސްވީ ޕާޓީތަކާ އަރާ ހަމަކޮށްފި އެވެ.

އެމްއެންޕީ އުފެއްދުމުގެ ހުއްދަ އިލެކްޝަންސް ކޮމިޝަނުން ދިނީ މިދިޔަ ޖުލައި މަހުގެ ތެރޭގަ އެވެ. އެ ޕާޓީ 5،000 މެމްބަރުންނާ އެކު ރަޖިސްޓްރީކޮށް ވޭތުވެދިޔަ ކުރު މުއްދަތުގެ ތެރޭގައި ގިނަ އަދަދެއްގެ މެމްބަރުން ވަނީ ގުޅިފަ އެވެ.

މަޖިލީހުގެ ތިން މެމްބަރަކު އިސްވެ އުފެއްދެވި ޕާޓީގެ ރައީސް، ދަގެނތީ ދާއިރާގެ މެމްބަރު މުހައްމަދު ނާޒިމް ވިދާޅުވީ އެ ޕާޓީގައި ސައްހަ 10،000 މެމްބަރުން މިހާރު އެބަތިބި ކަމަށެވެ. އެއީ ކުރި މަގު އުޖާލާ ޕާޓީއެއް ކަމަށް ވިދާޅުވެ، ސިޔާސީ ރޭހުގެ ކުރިއަށް ޕާޓީ ގެންދަން މަސައްކަތް ކުރަމުން އަންނަ އެންމެންނަށް ޝުކުރު އަދާކުރެއްވި އެވެ.

އެމްއެންޕީއަކީ އިލެކްޝަންސް ކޮމިޝަންގައި ރަޖިސްޓްރީކޮށްފައިވާ 11 ޕާޓީގެ ތެރެއިން މިހާރު ހަތަރު ވަނަ އަށް އެންމެ މެމްބަރުން ގިނަ ޕާޓީ އެވެ. ތިން ވަނާގައި އޮތީ، އިލެކްޝަންސް ކޮމިޝަނުގެ ދަފްތަރުގައިވާ ގޮތުން ޖުމްހޫރީ ޕާޓީ އެވެ.

ސިޔާސީ ރޭހުގެ ކުރިއަށް އެމްއެންޕީ މިއެރީ ވެރިކަން ކުރާ ކޯލިޝަންގައި ހިމެނޭ އަދާލަތު ޕާޓީ އާއި ކުރީގެ ރައީސް މައުމޫން އަބްދުލްގައްޔޫމް އުފެއްދެވި އެމްއާރުއެމް ފަހަތަށް ޖައްސާލުމަށް ފަހު އެވެ.

ނާޒިމް ވިދާޅުވެފައިވާ ގޮތުގައި ރިޔާސީ އިންތިހާބު ކާމިޔާބުކުރަން އަމާޒު ހިފާފައިވާ އެ ޕާޓީން އަންނަ އަހަރު ނިމޭއިރު 20،000 މެމްބަރުން ހަމަކުރާނެ އެވެ. ރާއްޖޭގައި ސިޔާސީ ޕާޓީތައް ހިންގަނީ ވަށާ އެނބުރޭ ނިޒާމަކަށް ކަމުގެ ފާޑުކިއުންތަކާ އެކު އެމްއެންޕީން ބުނަމުން އަންނަނީ އެކަން ބަދަލުކުރާނެ ކަމަށެވެ.

އިންތިހާބުގައި ރައްޔިތުންނަށް ދައްކާނީ ޓްރެކް ރެކޯޑު ސާފު ކެންޑިޑޭޓެއް ކަމަށް ވެސް އެ ޕާޓީން ބުނެފައިވެ އެވެ.

މުހައްމަދު ނާޒިމް (މާފަންނު އުތުރު ދާއިރާ) މޯލްޑިވްސް ނޭޝަނަލް ޕާޓީ (އެމްއެންޕީ) ސިޔާސީ ޕާޓީ އެމްޑީޕީ ޖުމްހޫރީ ޕާޓީ

21 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންޑިޔާ އައުޓު.

25 November 2021

ތިއީ 2023 ގެ ރިޔާސީ އިންތިޚާބަށް އިންޑިއާއިން ދޮންކުރާ އަނބެއް. ދިވެހިން ވިސްނައިގެން ތިބޭތި. 2023 ގަ ޕީޕީއެމް ވެރިކަމަށް އަޔަނުދޭން ޖެހި މަޅިއެއް. ހުރިހާ ހަރަދެއް ކުރަނީ އިންޑިޔާ ސަރުކާރުން. ބޭނުމަކީ ދެވަނަ ބުރުގާ އެމްޑީޕީ އާ ތިއަ ޕާޓީ އާއި ޖޭޕީ ކޯލިޝަން ހެދުން. އިންޝާ ﷲ ތިއަކަން ކާމިޔާބު ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

26 November 2021

ދެން ކޮންކަމަކަށް ވިސްނަންވީ، އެއީވެސް ސިޔާސީ ޕާޓިއެއްވީމަ އެމީހުންވެސް ރިޔާސީ ރޭހުގަ ކާމިޔާބު ހޯދަން މަސައްކަތް ކުރާނެތާ، ކޮންމެހެން ޕޕމ ވެރިކަމަށް ގެންނަން މަސައްކަތް ކުރާކަށްވެސް ނުޖެހޭނެނު، ދެން އެހެން ނޫނަސް ޕޕމ އެއީ މާޒީ އިތުރު ފުރުސަތެއް ނުދީ އެހެން ބަޔަކަށް ފުރުސަތު ދިނުން ބުއްދިވެރި، ޕީޕީއެމް، އެމްޑީޕީއަށް ސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިލާ

25 November 2021

ކީއްވެހޭ އަހަރެންގެ ނަން ތިޕާރޓީގަ އޮތީ؟؟ އަހަރެން ދުވަހަކުވެސް ތިޕާރޓީއަށް ވަންނަން ފޯމެއް ނުފުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޢާވާތްކުރާ ޕާޓީ

25 November 2021

ފައިސާ ދިނީމަ ސޮއިކުރާ މީހުން މިރާއްޖޭގައި ނިކަން ގިނަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯލީ

25 November 2021

ގަންނާނެއްބާ އައިޑީކާޑެއް 500 އަށް ގަންނާނެއް ބާ ކިހާވަރަކުންދާނެބާ މިޝިޔާރުގަ ދައްޏާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

25 November 2021

ވިޔަފާރި އަށް ބަލާއިރު އެމްއެންޕީ އަށް 50 މިލިއަން ރުފިޔާ އަހަރކު ހަރަދު ކުރުމަކީ އާދައިގެ ކަމެކެވެ. 50 މިލިއަން ރުފިޔާ އަށް 25000 މެމްބަރުން ގަނެލުމަކީ އުނދަގޫ ކަމަކަށް ނުވާނެ އެވެ. ކޮންމެ ފޯމް އަކާ އެކު 1 ހާސް ރުފިޔާ ދިނަސް ސޮއި ކުރާނެ މީހުން ވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޔާން

25 November 2021

ގިނަ މީހުނަށް ނޭނގި އެމީހުންގެ ނަން ޕާޓީތަކުގެ ދަފްތަރުގަ ހިމެނުމަކީ ރާއްޖޭގަ އާއްމު ކަމެއް. ތާއީދު އޮންނަވަރު އެނގޭނީ ކަމަކާ ޖެހޭ ދުވަހަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސޭލާ

25 November 2021

ޓިކްޓޮކް ޕާޓީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޯދޯ

25 November 2021

ލާރިން ހުރިހާ ކަމެއް ނިންމޭ ބަޔަކަށް ވާނެ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޑިބ

25 November 2021

ރަނގަޅުކަންކަން ވެސް ނުބައި ކަންކަންވެސް ކުރެވޭނީ ލާރިން. ސިޔާސީ ޕާޓީއެއް ލާރިއާނުލައި ހިންގޭނެ ފޯމިއުލާއެއް އެއް ބުނެދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

25 November 2021

ބޯގިނަކުރަންވެގެން ޖުމްހޫރީ ޕާޓީން ހެދިހެން ނިމިދިޔަ ސަރުކާރުގެ ވައްކަމާއި ކޮރަޕްޝަންގެ ބައިވެރިން ގާތްކުރިގޮތަށް ހުނިޖެހިފައިތިބި މީހުން އިސް ސަފަށް އަދި ޕާޓީއަށްވެސް ނުވައްދާނެކަމަށް އުންމީދުކުރަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިހިންދް

25 November 2021

އަހަރެން ޕާޓީއެއްގައި ޖައްސާ އެޕާޓީގެ ރަޖިސްޓަރގައި ނަންއޮއްވާ މިހާރު އަހަރެންގެ ނަންފެއްނަނީ އެހެން ނުދައްނަ ޕާޓީއެއްގައި. މިކަމާއި މައްސަލަ ޖެއްސުމުން އިލެކްޝަން އިން ބުނަނީ ފޯމެއް ހުށައަޅަން ވަކިވާން. އެކަމަކު އހަރެން ބޭނުމެއްނޫން އޮގޮތަށް ފޯމް ހުށައަޅައިގެން ވަކިވާން. އަހަރެންގެ ފޯމް ހުށައެޅިބަޔަކު ހޯދާ އެކަން ތަހްގީގްކުރަން ބޭނުން. ތިޕާޓީވެސް ތިގޮތަށް މީހުން ގެ ނަމުގައި ފޯމްހުށައަޅަނީ.