18 ކިލޯގެ މަސްތުވާތަކެތި އެތެރެކުރަން އުޅެނިކޮށް ހައްޔަރުކުރި އެކަކު ދޫކޮށްލައިފި

އެކި މައްސަލަތަކުގައި ފުލުހުންގެ ބެލުމުގެ ދަށަށް ގެނެސްފައިވާ މަސްތުވާތަކެތިތަކެއް --- ފޮޓޯ: ޕޮލިސް

އާނިފާ ހުސެއިން ސިރާޖް، މިހާރު

02 ޑިސެމްބަރ 2021 - 23:40

ރާއްޖެ އެތެރެކުރަން އުޅުނު 18 ކިލޯގެ މަސްތުވާތަކެއްޗާއެކު ހައްޔަރުކުރި ބްރެޒިލްގެ ދެ މީހުންގެ ތެރެއިން އެކަކު އިއްޔެ ދޫކޮށްލައިފި އެވެ.

އެ ތަކެތި އެތެރެކުރަން އުޅެނިކޮށް ވެލާނާ އިންޓަނޭޝަނަލް އެއާޕޯޓުން ބްރެޒިލްގެ ދެ މީހަކު ކަމަށްވާ ކްރިސްޓިއާނޯ ސިލްވާ 28 އަދި ނައިރު ނޫނޭސް ޑިސޫޒާ 37 ހައްޔަރުކުރީ މިދިޔަ މަހުގެ ތިންވަނަ ދުވަހު އެވެ.

ފުލުހުން ބުނީ އެ މައްސަލައިގައި ހައްޔަރުކުރި އަންހެން މީހާ (ނައިރު) އިއްޔެ ކްރިިމިނަލް ކޯޓުން ދޫކޮށްލާފައިވާ ކަމަށެވެ. ނަމަވެސް އިތުރު ތަފްސީލެއް ނުދެ އެވެ.

މަސްތުވާތަކެތި ފެނުނީ ކްރިސްޓިއާނޯ ސިލްވާގެ ލަގޭޖުންނެވެ. އޭނާގެ ލަގޭޖުން ފެނުނު ޑްރަގްގެ ބަރުދަނުގައި ޕެކިންއާއެކު 18.857 ކިލޯ ހުއްޓެވެ.

މި ދެ މީހުންގެ ތެރެއިން ނައިރު އަށް ލަގެޖުގައި މަސްތުވާތަކެތި ހުރިކަން ނޭނގޭ ކަމަށް އޭނާ ވަނީ ބުނެފަ އެވެ. އަދި މިކަމަށް ކްރިސްޓިއާނޯ ސިލްވާ ވަނީ އެއްބަސްވެފަ އެވެ. ކޯޓުން ނައިރު ދޫކޮށްލީ އެހެންވެ އެވެ.

ބްރެޒިލް ފުލުހުން ކްރިމިނަލް ކޯޓް މަސްތުވާތަކެތި ކަސްޓަމްސް

8 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބްރ

03 December 2021

65 މެމްބަރުންނާއިއެކު ސަރުކާރު ހިންގަން އެމްޑީޕީއަށް ހަވާލުކުރުމުން މި ފެނިގެންދަނީ އިޖްތިމާޢީ ފޭރާން ކޮށައި ކުދިކުރާތަނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޯރަމް

03 December 2021

ޑްރގާއި އެކު އަތުވާ އެންމެން ދޫވޭ އެމީހުން އަތުގައި ފައިސާ ހުރޭ ބިލެތް ބޮނޑި ނަގާ މީހާއަށް ޙުކުމް ކުރެވި ތަންފީޒު ކުރެވޭ ނިކަމެތިން އަތުގައި ފައިސާއެއް ނުހުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ‫ުޙުއްމާ

03 December 2021

ތ‫ިކަން ރަގަޅުވާނީ ކޯޓްތައް އުވާލާ ފުލުހުންނަށް ބާރުދީގެން. ކޮރަޕްޓް ފަޑިޔާރުން ހެއްލޭނެ ހަމަ ލާރިކޮޅެއްދޭއިރަށް. ޤާނޫނުހަދާ މަޖްލިހަށްވެސް އެބަހެހޭ ޝަރުތުތަކެއް ކަޑައަޅައިގެން ޤާބިލު މީހުން ހޮވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރ

03 December 2021

ކޯޓުން ހުކުމްޖެހީ ގާނޫނުގައިވާގޮތަށް ކަމުގައިވާނަމަ އެމްޑީޕީގެ 65 މަޖިލިސް މެމްބަރުންގެ އިސްތިއުފާއަށް ގޮވައިލަށްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާ

03 December 2021

އެެކަކު ދޫކުރަނީ ކީއްކުރަން؟ އެންމެންވެސް ދޫކޮށްލާ. ހައްޔަރުކޮށްގެން ގެންގުޅޭ ކޮންމެ ދުވަހަކު ރައްޔިތުންގެ ބައިތުލްމާލުން ކަަާންދީބޯންދީގެން ތަހުގިީގުކޮށް ނިމެޭއިރު ނޫނީ ޝަރީޢަތްކޮށް ނިމޭއިރު ތިމީހުންކުރި ކުށެއްވެސް ނޯންނާނެ. ދެންޖެހޭނިީ ތިމީހުނަށް ގެއްލުމުގެ ބަދަލް ރައްޔިތުންދޭން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަލަން

03 December 2021

ޝަރީޢަތަކީ ބޭރުފުށަށް ހިނގާ އެއްޗެކޭ ކިޔާތީ ނާހަމުތަ؟ މަސްތުވާތަކެތި ފެނުނީ ފިރިހެންމީހާގެ ލަގޭޖްތެރެއިން. އަންހެންމީހާ އެބުނަނީ ތިމެންނާ ނުދެނެހަރީމޭ. ފިރިހެންމީހާވެސް އެބުނަނީ އަންހެންމީހާއަކަށް ނޭނގޭނެޔޭ. ދެން އެއަރޕޯރޓްގައި އެލަގެޖް އުފުލިމީހުނާއި މަތިންދާބޯޓު ދުއްވިމީހުނާއި އެއިން ދަތުރުކުރި އެންމެން ކޮންމެހެން ހައްޔަރުކުރަންޖެހޭތަ؟ މަސްތުވާތަކެތި އެތެރެކޮށް ވިޔަފާރިކުރާ ފަރާތްތަކަށް މަރުގެ އަދަބުދީގެން މެނުވީ މިގައުމު ދެންސަލާމަތެއްނުވާނެ.