ރޭގެ ޖަލްސާގައި އޭދަފުށި ދާއިރާގެ މެމްބަރު ސަލީމް ދެއްކެވި ފޯރިގަދަ ވާހަކަތަކަށް ފަހު، އޭނާއާ ކުރީގެ ރައީސް ޔާމީން ސަލާމް ކުރައްވައި މަޖާކުރައްވަނީ.---ފޮޓޯ: ފަޔާޒު މޫސާ/ މިހާރު
11 ޑިސެމްބަރ 2021 - 08:28
61 comments
ޕީޕީއެމްގެ ސަރުކާރެއް ދެން ވެރިކަމަށް އަތުވެއްޖެ ނަމަ، ހިޔާ ފްލެޓްތަކުގައި އުޅޭ މީހުންގެ ވޭނާއި ކެކުޅުމުގެ އަޑުއަހާނެ ކަމަށް ކުރީގެ ރައީސް އަބްދުﷲ ޔާމީން ރޭ ވިިދާޅުވެއްޖެ އެވެ.
ހުޅުމާލޭގެ ދެވަނަ ފިޔަވަހި ހިއްކައި އެ ސަރަހައްދުގައި ޔާމީންގެ ވެރިކަމުގައި އިމާރާތްކުރި ހިޔާ ފްލެޓްތައް ކައިރީގައި ރޭގެ "ކޮތަރު ކޮށި" ޖަލްސާ ބާއްވަން މަސައްކަތް ކުރި ނަމަވެސް އެޗްޑީސީގެ ހުއްދަ ނުލިބިގެން އެ ޖަލްސާ ބޭއްވީ މާލޭގެ ކާނިވާ ސަރަހައްދުގަ އެވެ.
އެތައް ހާސް ބަޔަކު ބައިވެރިވި އެ ޖަލްސާގައި ޔާމީން ވިިދާޅުވީ، ހިޔާ ފްލެޓްތައް ކައިރީގައި ޖަލްސާ ނުބޭއްވުނީ "ޑިމޮކްރަސީގެ ބައްޕައިންގެ އަޑު އުފުލަމުން އައި މީހުންގެ ނުކުޅެދުންތެރިކަމާއި އެ މީހުންގެ ވިސްނުމުގެ ކޮށި ކަމުން،" ކަމަށެވެ.
ހިޔާ ފްލެޓްތަކުގައި އުޅޭ މީހުންނާ ބައްދަލުކުރުމުގެ ނިޔަތުގައި ބޭއްވި ޖަލްސާގައި އެ މަނިކުފާނު ވިދާޅުވީ، މި ސަރުކާރުން ފްލެޓްތަކަށް ކަނޑައަޅާފައިވާ 8،500ރ. އަކީ ބޮޑު އަދަދެއް ކަމަށެވެ. ފްލެޓްތަކުގެ މަހު ކުއްޔަށް 7،500ރ. މި ސަރުކާރުން ކަނޑައަޅާފައިވާއިރު، އެ ތަންތަނުން ސާވިސް ފީގެ ގޮތުގައި މަހަކު 1،000ރ. ނަގަން ވަނީ ނިންމައިފަ އެވެ.
ޔާމީން ވިދާޅުވި ގޮތުގައި އެ ތަނަށް އެކަށީގެންވާ އަގަކީ އެ މަނިކުފާނުގެ ވެރިކަމުގައި ކަނޑައެޅި ގޮތަށް 5،600ރ. އެވެ.
އިދިކޮޅުން ރޭ ބޭއްވި ޖަލްސާގައި ޔާމީން ވާހަކަފުޅު ދައްކަވަނީ.---ފޮޓޯ: ފަޔާޒު މޫސާ/ މިހާރު
އެކަމަކު މި ސަރުކާރުން ބުނާ ގޮތުގައި މަހު ކުއްޔަށް މިހާރު ކަނޑައަޅާފައިވާ އަގުން ވެސް ފްލެޓް ހެދުމަށް ނަގާފައިވާ ލޯނު އަނބުރާ މުއްދަތަކަށް ނުދެއްކޭނެ އެވެ. އެހެންވެ ދައުލަތުން ވެސް އެކަމަށް އިތުރަށް ފައިސާ ހޭދަވާނެ އެވެ.
"ޕީޕީއެމް ސަރުކާރެއް އައިސްފި ނަމަ އެ މީހުންގެ ހުރި ކެކުޅުންތަކާއި އުދާސްތަކަށް ޖަވާބުދާރީވާނަމޭ އިޖާބަދޭނަމޭ. އަދި އަޅުގަނޑު ގަބޫލެއް ނުކުރަން ފްލެޓްގެ އަގު ހުންނަންވާނީ 8،500ރ. ގައި ކަމަށް. ހަމަ ކުރިން ނިންމި އަގުން މިކަން ވާން ޖެހޭނެ،" ޔާމީން ވިދާޅުވި އެވެ.
މި ސަރުކާރުގެ މިދިޔަ ތިން އަހަރުގެ ތެރޭގައި ބޯހިޔާވަހިކަމުގެ މައްސަލަ ހައްލުކުރުމަށް އެންމެ ފްލެޓެއް ވެސް އިމާރާތް ކޮށްފައި ނުވާ ކަމަށް ޔާމީން ވިދާޅުވި އެވެ. އޭގެ ބަދަލުގައި، އެ މަނިކުފާނުގެ ވެރިކަމުގައި ފެށި "ވިނަރެސް" ފްލެޓްތަކުގެ "ކްރެޑިޓް" ނެގުމަށް މި ސަރުކާރުން މަސައްކަތްކުރާ ކަމަށް ޔާމީން ވިދާޅުވި އެވެ.
އިދިކޮޅުން މާލޭގައި ރޭ ބޭއްވި ޖަލްސާގައި އެ ކޯލިޝަންގެ އިސްވެރިންނާއި އާންމު މެމްބަރުން.---ފޮޓޯ: ނިޝާން އަލީ/ މިހާރު
އިދިކޮޅު ލީޑަރު ވިދާޅުވީ އެ މަނިކުފާނުގެ ވެރިކަމުގައި ހުޅުމާލޭގެ ދެވަނަ ފިޔަވަހި ހިއްކުމުގެ މަސައްކަތްކުރީ ވެސް ބޯހިޔާވަހިކަން ނުލިބި މީހުން އުޅޭ ނިކަމެތި ހާލު ފެނިގެން އެކަމަށް ލުޔެއް ހޯދައިދިނުމަށް ކަމަށެވެ. އަދި ހުޅުމާލެއަކީ ޒުވާނުންގެ ސިޓީއެއްގެ ގޮތުގައި ތަރައްގީ ކުރިއިރު، އެ ތަން އޮތީ "ކޮތަރު ކޮށީ"ގެ ގޮތުގައި ނޫން ކަމަށާއި އެ ސަރަހައްދުގައި "ކޮތަރު" ތައް ޖެއްސުމަށް ޕާކެއް ވެސް ތަރައްގީ ކޮށްފައިވާ ކަމަށް ޔާމީން ވިދާޅުވި އެވެ.
ރޭގެ ޖަލްސާ ކުރިއަށް ގެންދަނިކޮށް ވެހުނު ބޯ ވާރޭގައި ކުރީގެ ރައީސް ޔާމީން ވާހަކަފުޚު ދައްކަވާއިރު، ކުރީގެ ރައީސް ވަހީދާއި ކުރީގެ ނައިބު ރައީސް އެ ވާހަކަތައް އަޑުއައްސަވަނީ.---ފޮޓޯ: ފަޔާޒު މޫސާ/ މިހާރު
ޔާމީން ވިިދާޅުވީ ޕީޕީއެމްގެ ވެރިކަން ނޮވެމްބަރު 2018 ގައި ނިމުނުއިރު ވާނީ 15،000 ފްލެޓް އިމާރާތް ކުރަން އަމާޒު ހިފައިފައި ކަމަށެވެ. އެއީ ލައްކައެއްހާ މީހުންގެ އާބާދީ ކަމަށާއި އެކަމަކު އެ މަސައްކަތް ވެސް މި ސަރުކާރަށް ރަނގަޅަށް ކުރިއަށް ނުގެންދެވުނު ކަމަށް ވިދާޅުވެ ޔާމީން ވަނީ އެކަމުގެ ނުރުހުން ވެސް ފާޅުކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1206
16 October 2022
މީހަކު ގައިމު ބުނި ތިމަންނާ މީ ފުލެޓް ދޮންބެޔޭ. އެހެން ބުނި މީހާ އެރުވީ ހުސް އަނގާ. ޖެހީ ހުސް ޖަމަލު ފޮޑި. ރ. ޔާމީނު ފުލެޓް އަޅައި ނިންމައިފި. މީހުންނަށް ތަޅުދަނޑި ހަވާލު ކުރަން ދިނީ 2 އަހަރު ބައި ލަންފަންލައިލައި ތިބެފައި، ރުކަށް އެރި މީހާގެ ނަދުރަށްވުރެ ނުބައިކޮށް އެ ތަންތަން މީހުންނާ ހަވާލުކޮށްފި. ދެން އެޔޭ މިޔޭ، ކިޔަކަސް އަހަރުމެން ގަބޫލެއް ނުކުރާނެ، މި ކަހަލަ ސޮހަލު ސަރުކާރަކުން ދައްކާ ވާހަކަ. ނޫސްވެރިން ކޮންމެ ނޭރޭޓިވް އެއް ނެރެން އުޅުނަސް.
ހީހީ
14 December 2021
ކީކޭ ކަލޯގެޔާ؟
ރައްޔި
12 December 2021
މާތްކަލާކޯ އަހަރެމެން އަދި ހަނދާނެއް ނުނެތޭ ކަލޭ ވެވެރިކަންކުރި ގޮތެއް. ސްޕްރީމް ކޯޓުންވެސް ބުނީ އަމިއްލަ މަސްލަހަތޯ އިސްކުރީ
ާނެކްސްޓް
12 December 2021
ޥެރިކަން ނުލިބޭއިރު ދައްކާވާހަކަ މަހުވޭ ހީހީ
އަސަރު69
12 December 2021
ތިޔަކިޔާ އެއްޗެއް މިތިބީ އަޑުއަހަން. އަދި ތިކަން ކޮށްދެއްވާނޭ ކަމުގެ ފޮނި އުންމީދުގާ. ބޭނުންވަނީ ނިކަމެތި ރައްޔިތުންނަށް ވީހާވެސް ކުޑަކުއްޔެއްގާ އުޅެވޭނޭ ގޮތެއް ހަމަޖައްސަވައިދެއްވުން. މިހާރު 20 އަހަރަށް 25 އަހަރަށް ބަހާލައިގެން މަހުކުލި ދައްކަންޖެހޭ ހަމަ ހުރިހާ ފަރާތްތަކަށްވެސް ކުލިކުޑަކޮށްދެއްވުން. ކޮތަރުކޮށީގެ ކުއްޔަކީ އަދި މާ އަގުބޮޑުކުއްޔެއް. ބިންއޮވެ ކޮންސަކަރާތެއްތަ މިޖަހަނީ. އުމުރުދުވަހު އުޅެންދޭ ތަންތަން. ހެޔޮވާނީކިހިނެއް މިގޮތަށްހަދަން.
ހާސަރު69
12 December 2021
އުމުރުދުވަހު އުޅެ، ދަރިންގެ ދަރިން އުޅެންވެސް ރައްޔިތުންގެ ލާރީގަ ތަނެއް ހަދާފަ ދިނީމަ ޝުކުރު ކޮއްބަލަ. ރައްޔިތުންގެ ފައިސާ ވަކި ބަޔަކަށް ހިލެޔެއްނުދެވޭނެ. އެއީ ޔާމީންވިޔަސް ކޮއްދެވޭނެ ކަމެއްނޫން. ބޯހިޔާވަހިކަމެއް ހޯދޭނެ ފެންވަރު ނެތީމަ ދައުލަތުން އެކަން ކޮއްދިނަސް، އޭގެ އަގު ދައްކަންޖެހޭނެ. ދުވަހަކުވެސް ތަން އަމިއްލަ ނުވާނަމަ ކުއްޔަށެ ބުނެވިދާނެ. ތިތަނަށް ތި ދައްކަނީ ކުއްޔެއްނޫން، ތަނުގެ އަގު. ކަލެޔަށް ވަރަށް ސަލާމް
އަސަރު69
12 December 2021
ކުރިން ނޭހިއަޑެއް ދެންވެސް ނާހާނެ. ނިކަމެތި ރައްޔިތުމީހާ ބޭނުންވަނީ ކުޑަކުއްޔެއްގާ މަހުކުލި ދައްކައިގެން އުޅެވޭނެގޮތެއް. އެތައް ޒަމާނަކުން މިލްކުވިޔަސް އެތަނުން ދެންކުރެވޭނެ އިތުރުކަމެއް ނޯންނާނެތީ ބޭނުންވަނީ ކުޑަކުއްޔެއް ދައްކައިގެން އުޅެވޭނެގޮތެއް. ޗައިނާ ޓައުންމީހުން ވެސް ބޭނުންވަނީ އެގޮތް. ހުޅުމާލޭ ހުރިހާ ފްލެޓެއްގެ މީހުންވެސް ބޭނުންވަނީ އެއިރެއްގެ ސަރުކާރަކުން މިކަންކަން ރަނގަޅުކޮށްދީ5000 ދަށަށް ކުލިކުޑަކުރުން. އެހެޔޮ 100 އަހަރަށް ބެހިޔަސް.
ހާސަރު69
12 December 2021
ބޭނުންހާގޮތެއް ނެހެދޭނެ. އަހަރެންވެސް ބޭނުން ވިއްސަކަށް މިލިޔަން 100 އަހަރުން ދައްކަން.
އަސަރު69
12 December 2021
ވެރިކަމަށް ވަޑައިގެންނެވުމުގެކުރީން ދައްކަވާ ވާހަކަފުޅުތައް މިހާރު އެބަޖެހޭ ރަނަގަޅުގޮތުގާ ރައްކާކުރަން. އެވާހަކަތައް އެބަޖެހޭ ރައީސްކަމަށް ހޮވުނީމާ ރާއްޖޭގެ ހުރިހާ ރަށްރަށެއްގެ މަގުތަކުގާ ޖަހަން. އަޑުގަދަކުރާއިން. ދެރަކަމަކީ ކޮށްދޭންބުނާ އެއްވެސް ކަމެއް ރަނގަޅަށް ތަންފީޒް ނުކުރުން. މިހާރު ތިޔަކިޔަނީ 5000 އަށް ފްލެޓްކުލި ކުޑަކޮށްދޭނަމޭ. މަވެސް ތިފަދަމީހަކު ވެރިކަމަށް ގެންނަންބޭނުން. އެކަމަކު ހިތަށްއަރަނީ ވެރިކަމަށް ވަޑައިގެން މިކަންކަން ހަނދާންވާ
ފިސްތު
12 December 2021
ފަލަވެލައިފިޔޭދޯ މިސޮރުވެސް. މަ ބުނީ ފްލެޓްތަކުގެ ވެރިންނަށް ކެކުޅުން ޖައްސަވާފައި، އެ މީހުންގެ އަޑު އަހާ ވާހަކަ އޮތީމާ އޮޅޭގޮތެއް ހަމަ ނުވޭހޭ؟
އަސަރު69
12 December 2021
2023 އަށް ވެރިކަމަށް ކުރިމަތިލައްވާ ބޭބޭފުޅުން ނިކަން ކެރިގެން ވިދާޅުވެދެއްވާ އަޅުގަނޑުގެ ވެރިކަމެއްގާ އެތަންތަން 5000 ރުފިޔާއަށް މަހުކުލި ކުޑަކޮށްދެއްވާނަމޭ. އަދި ދެންހުރި ފްލެޓްތަކުގެ މަހުކުލިވެސް 5000 ރުފިޔާއަށްވުރެ ބޮޑުނުވާވަރު ކޮށްދެއްވާނަމޭ. މަމެންބޭނުންވަނީ މަހުކުލިކުޑަކޮށްދެއްވުން. މިލިއަނުން މިލިއަނުން އަގުކިޔާފާ 100 އަހަރު ކުލިދައްކަން ޖެހުނަސް. ބޭނުމެއްނޫން 30 އަހަރުން ފަނާވެދާގޮތަށް ހަދާފާވާ މި ފްލެޓްތައް މިލްކުކުރާކަށް.
ހާސްރު69
12 December 2021
ރާއްޖޭގެ މާލީ ތަނަވަސްކަން ހުރި ގޮތުން ތިގޮތަށް ކަންކުރާނަމޭ ބުންޏަސް، އަހަރެން ވޯޓެއް ނުދޭނަން. އިޚްލާސްތެރިކަމެއް ހުންނަ މީހެއް އެކަހަލަ ވައުދެއް ނުވާނެ.
އިލިޔާސް ހަބީބު
12 December 2021
މަނިކުފާނު މާލޭގެ ރައްޔިތންގެ ވޯޓު ބޭނުން ނުވާނެ ކަން ޔަގީން. ހަމަ އެކަނި މަނިކުފާނަށް ކަމުދާނީ ޕާޓޭން. އަދީބަކީ މަނިކުފާނުގެ 100 ޕަސެންޓު ގެ އުފެއްދުމެއް. ޔާމީނު ޖަލުން މިނިވަން ވެއްޖެ ނަމަ އަދީބު ޖަލުގަ ހުންނަން ޖެހޭ ސަބަބެއް ނެތް. ތޯ