ސިންގަޕޫރު: ވެކްސިން ފުރިހަމަ ކޮށްފައި ތިބި މީހުންނަށް ރާއްޖެއާ އެގައުމާ ދެމެދު ކަރަންޓީން ނުވެ ދަތުރު ކުރެވޭނީ ބުރާސްފަތި ދުވަހުން ފެށިގެން--
14 ޑިސެމްބަރ 2021 - 18:50
3 comments
ކޮވިޑް-19ގެ ވެކްސިންގެ ދެ ޑޯޒު ފުރިހަމަ ކޮށްފައި ތިބި މީހުންނަށް ކަރަންޓީން ނުވެ ރާއްޖޭން ސިންގަޕޫރަށް ދެވޭ ގޮތަށް ވެކްސިނޭޓެޑް ޓްރެވަލް ލޭނެއް ހަދައިފި އެވެ.
މި ޓްރެވަލް ލޭން ހަދާފައިވަނީ ރާއްޖޭގެ ޓްރާންސްޕޯޓް މިނިސްޓްރީ އާއި ފޮރިން މިނިސްޓްރީ އާއި ހެލްތު މިނިސްޓްރީ އަދި ސިންގަޕޫރުގެ ޓްރާންސްޕޯޓް މިނިސްޓްރީއާއެކު މިއަދު ކުރިއަށްގެންދިޔަ މަޝްވަރާ ބައްދަލުވުމުގަ އެވެ.
ޓްރާންސްޕޯޓް މިނިސްޓްރީން ނެރުނު އިއުލާނުގައި ބުނެފައިވާ ގޮތުގައި ދެ ގައުމުގެ ދެމެދުގައި ވެވުނު އެއްބަސްވުމުގެ ދަށުން އަންނަ ބުރާސްފަތި ދުވަހުން ފެށިގެން ވެކްސިން ފުރިހަމަ ކޮށްފައި ތިބި މީހުންނަށް އެ ގައުމަށް ދަތުރު ކުރެވޭނެ އެވެ. މިގޮތަށް ދަތުރު ކުރެވޭނީ ޓްރެވަލް ލޭނުގެ ދަށުން ހާއްސަ ކޮށްފައިވާ ފްލައިޓުތަކުންނެވެ.
ވެކްސިން ފުރިހަމަ ކޮށްފައި ތިބި މީހުން ސިންގަޕޫރަށް ދަތުރު ކުރާއިރު ބޭނުންވާނީ ވެކްސިން ފުރިހަމަ ކޮށްފައިވާ ސެޓްފިކެޓާއި ނެގެޓިވް ޕީސީއާރު ނަތީޖާ އެވެ.
ސިންގަޕޫރުގެ އާބާދީގެ ބޮޑު ބައެއް ވަނީ ވެކްސިންގެ ދެ ޑޯޒު ފުރިހަމަ ކޮށްފައެވެ. ނަމަވެސް އެ ގައުމުގައި ކޮވިޑު ފެތުރުން އަދިވެސް ކޮންޓްރޯލް ނުވާތީ ކޮވިޑާ ގުޅިގެން އަޅާފައިވާ ފިޔަވަޅުތަކަށް އަދިވެސް ލުޔެއް ނުދެ އެވެ.
ކޮވިޑުގެ އާވެރިއަންޓް، އޮމިކްރޮންއާ ގުޅިގެން ދުނިޔޭގެ ބައެއް ގައުމުތަކުން ވަރުގަދަ ފިޔަވަޅުތައް އަޅާފައިވާއިރު ސިންގަޕޫރަކީ މިދިޔަ ހަފުތާގައި އެމެރިކާއިން ނެރުނު، ކޮވިޑުގެ ނުރައްކާ އެންމެ ބޮޑު މަންޒިލްތަކުގެ ތެރޭގައި ވެސް ހިމެނޭ އެއް ގައުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފުޅު3
15 December 2021
ސންގަޕޫރު އެއާލައިނުން ސައުތު އެފްރިކާ އަށް ކުރާ ދަތުރުތަކަށް އޮމިކްރޯން އާއި ގުޅިގެން އެރި ލޮޅުމެއްގައި ވެގެން އުޅޭ ކަމެއްހެން ހީވޭ! މިހާރު ސިންގަޕޫރު/ސައުތުއެފްރިކާ ފުލައިޓް ތައް ރާއްޖެއަށް ޖައްސާ އަދި ކުރޫ ބަދަލުވާ ތަނަކީ ރާއްޖެ ކަމަށް ހަދަން މިހާރު ވަނީ ހަމަޖެހިފައި! ދެން މިތަނުގާ އޮމިކްރޯން ފެތުރިއްޖެ ހާލަތެއްގައި މިވާހަކަ ދައްކާނެ ބަޔަކު ނޫޅޭނެ! އަނެއްކާވެސް އަހަރުމެން ގޭގަ ބަންދުވާނީ! ތިޔަބުނާ ލޭނަކީ މީގެ ބަދަލުގަ ދިން ހަދިޔާއެއް
______
14 December 2021
ތިޔައީ ސުލްހަވެރިކަމުން ދުނިޔޭގެ އެއްވަނަ ޤައުމު. އެކަމަކު ރާއްޖޭގެ ބައެއް ރިސޯޓްތަކުގައި މަސައްކަތްކުރާ މަސައްކަތްތެރީން އެބަތިބި 02 ޑޯޒް ވެކްސިން ޖަހައިގެންވެސް ކައިރީގައި އޮންނަ މީހުން ދިރިއުޅޭ ރަށަށް ނުދެވިފައި. އެގޮތުން ތަކުރާރުކޮށް ފާހަގައިކޮށްފައިވާނީ ދ އަތޮޅުގައި ހިންގާ ދެ ރިސޯޓްކަމަށްވާ ނިޔާމަ ޕްރައިވެޓް އައިލެންޑް މޯލްޑިވްސް އަދި ކަނޑިންމަ މޯލްޑިވްސް. އެދެރިސޯޓުން ކޮންމެ ދުވަހަކު އެތަކެއް ދަތުރެއް 'ދާލު އެއަރޕޯޓް'އަށް ގެސްޓުން ބަލާ ކުރޭ
______
14 December 2021
އެކަމަކު އެދެ ރިސޯޓްގައި މަސައްކަތްކުރާ ދ އަތޮޅުގެ މަސައްކަތްތެރީންނަކަަށް އޮފް ދުވަހު ރަށަކަށް ނުފޮނުވާކަމަށްވަނީ. އެއީ އެދެ ރިސޯޓުން އަމިއްލައަށް ހަދައިގެން އުޅޭ ޤަވައިދެއްކަމަށް ވޭ. މިއީ އަދި ސަރުކާރަށްވުރެއް މަތީގައި އުޅޭ ދެ ރިސޯޓް. ސަރުކާރަކަށްވެސް މިއޮންނަނީ މި ދެ ރިސޯޓް ދަށުވެފައި. ހެޔޮނުވާނެ އެގޮތަށް އަޅުންގެ ގޮތުގައި ބަންދުކޮށްގެން ގެންގުޅޭކަށް. މިއީ 2021. ފެށެން މިއުޅެނީ 2022. އެކަމަކުވެސް އަޅުން ގެންގުޅު ޒަމާނަކާއި ތަފާތެެއް ނެތް.