15 ޑިސެމްބަރ 2021 - 15:30
5 comments
ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަން އަންނަ އަހަރު ފެބްރުއަރީގެ ފަސް ވަނަ ދުވަހު ބާއްވަން ނިންމާފައިވާ ކަމަށް އިލެކްޝަން ކޮމިޝަނުން މިއަދު ބުނެފި އެވެ.
އިލެކްޝަން ކޮމިޝަންގެ ނައިބު ރައީސް އިސްމާއިލް ހަބީބް ކުރެއްވި ޓުވީޓެއްގައި ވިދާޅުވީ ކޮމަންޑޫ ދާއިރާގެ މަޖިލިސް ގޮނޑި ހުސްވެއްޖެ ކަމަށް މަޖިލީހުން މިއަދު އެންގުމާ ގުޅިގެން އެ ދާއިރާގެ ބައި އިލެކްޝަން ބާއްވަން ނިންމާފައިވާ ކަމަށެވެ.
ކޮމަންޑޫ ދާއިރާގެ ގޮނޑި ހުސްވީ، އެ ދާއިރާގެ މެމްބަރު ހުސައިން ވަހީދު އިއްޔެ އަވަހާރަވުމާ ގުޅިގެންނެވެ.
އެމްޑީޕީ މެމްބަރެއްގެ ގޮތުގައި ހުންނެވި ހުސައިން އަވަހާރަވީ ހާލު ގޯސްވެ އޭޑީކޭ ހޮސްޕިޓަލުގައި ފަރުވާ ދެމުން އަންނަނިކޮށެވެ. ކެންސަރު ބަލީގައި ހުސައިން ފަރުވާ ހޯއްދަވަމުން ގެންދަވާތާ ދެ އަހަރަށް ވުރެ ގިނަ ދުވަސް ވަނީ ވެފަ އެވެ.
ރައްޔިތުންގެ މަޖިލީހުގައި ދެ ދައުރު މަސައްކަތް ކުރެއްވި ހުސައިން އަކީ ގިނަ ބަޔަކު ސިފަކުރަމުން އަންނަ ގޮތުގައި އަޑުއައްސަވާ، އޯގާތެރި ބޭފުޅެކެވެ. ޑިމޮކްރަސީ ކުރިއަރުވައި ރައްޔިތުންނަށްޓަކައި މަޖިލީހުގައި ގިނަ މަސައްކަތްތަކެއް ކުރެއްވިކަން ވެސް ފާހަގަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
15 December 2021
ތިޔަ ގޮޑިޔަށް އައުން އެންމެ ގާތީީ ރައީސް ޔާމިން
މަތިކޮމަންޑޫ
15 December 2021
ކޮމަންޑޫ ގައި ތިބި ތައުލީމީ ދަރީން މިކަމަށް ފައި ނަގަންޖެހޭ. އެއާޕޯޓް ގެއްލިގެން ދިޔައީ ފޯކައިދޫ މީހަކު ގޮނޑޯގައި ހުރެގެން. މިފަހަރު ވޯޓް ނުވިއްކައި ރަށާމެދު ވިސްނާ.
އަބްދޯ
15 December 2021
އޭޑީކޭ ނާޝިދު ކުރިން މެމްބަރުކަން ކުރި ދާއިރާއެއް ކޮމަންޑޫ ދާއިރާއަކީ! އަލުން އެގޮނޑި ހުސްވީ! ނާޝިދު ނުކުނެދާނެބާ ބައިއިލެކަޝަނަށް ؟
ކޮރަލް
15 December 2021
މިވަގުތު ސިޔާސީ މީހަކު ނޫނީ ވިޔަފާރި ވެރި އަކު ހޮވުމުގެ ބޭނުމެއް ނެތެވެ. މަސްވެރިއަކު ނޫނީ ދަނޑުވެރި އަކު ހޮވަން ރަނގަޅެވެ. އޭރުން އެދެ ސިނާ އަތް ކުރިއަރުވަން ވާހަކަ ދައްކާނެ އެކަކު ހުންނާނެ އެވެ.
ކޮތަރުކޮށި
15 December 2021
މިހާރު މެންބަރު ކަމުގެ ތިމަގާމައް އެއްމެރަންގަޅު ބޭފުޅަކީ ރައީސް ޔާމިނެވެ. ރައީސް ޔާމީން ވަރުގެ ލީޑަރެއް މިހާރަކުނެތެވެ.