ފެލިދޫ ސްކޫލްގައި ބެލެނިވެރިން އިއްޔެ މުޒާހަރާ ކުރަނީ.
20 ޑިސެމްބަރ 2021 - 13:46
35 comments
ސްކޫލްގެ ކަންކަމުގައި ޕްރިންސިޕަލްގެ ފަރާތުން ޓީޗަރުންނަށް އެއްބާރުލުން ނުލިބޭތީ، ވ. ފެލިދޫގައި ހުންނަ ވ. އަތޮޅު ތައުލީމީ މަރުކަޒުގެ ޓީޗަރުންނާއި ބެލެނިވެރިން ހިތްހަމަނުޖެހުން ފާޅުކުރުމާ ގުޅިގެން އެ ޕްރިންސިޕަލް މިއަދު އެ ރަށުން ފުރުވާލައިފި އެވެ.
މި މައްސަލައިގައި އެ ސްކޫލުގެ ބެލެނިވެރިން އިއްޔެ ވަނީ ސްކޫލް ގޯތިތެރޭގައި އިހުތިޖާޖު ވެސް ކޮށްފަ އެވެ.
އެ ސްކޫލްގެ ޕްރިންސިޕަލަކަށް މިހާރު ހުރީ އިންޑިއާ މީހެކެވެ. އޭނާ މަގާމާ ހަވާލުވީ މީގެ ހަ މަސް ކުރިންނެވެ.
ވ. އަތޮޅު ތައުލީމީ މަރުކަޒުގެ ލީޑިން ޓީޗަރުންތަކެއް "މިހާރު" އަށް ކިޔައިދިން ގޮތުގައި، ދަރިވަރުންނާ ގުޅޭ ކަންކަމުގަ އާއި ކިޔަވައިދިނުމުގެ ކަންކަމުގައި ވެސް ޕްރިންސިޕަލްގެ އެއްބާރުލުމެއް ނުލިބެ އެވެ. ނަމަވެސް، ޕްރިންސިޕަލް އެޑިއުކޭޝަން މިނިސްޓްރީ އަށް ގުޅައި، ޓީޗަރުން މަސައްކަތް ނުކުރާ ކަމަށް ތުހުމަތުކޮށްފައިވާ ކަމަށް ބުންޏެވެ.
"އެއްވެސް ވަރަކަށް ޓީޗަރުންނާ ކޮމިއުނިކޭޓެއް ނުކުރޭ. އަޅުގަނޑުމެން މިއަދު ވެސް [އިއްޔެ] މި މައްސަލައިގައި ވާހަކަދައްކަން އެދުމުން ވެސް، އިހުތިޖާޖު ކުރަން ފެށީމަ ވެސް ޕްރިންސިޕަލް އޭނީ ސްޓާފް ރޫމް ތެރޭގައި، ނުނިކުންނަން،" ޓީޗަރަކު ބުންޏެވެ.
މި މައްސަލަ ރަށު ކައުންސިލް އާއި އަތޮޅު ކައުންސިލް އަދި އެޑިއުކޭޝަން މިނިސްޓްރީ އަށް ވެސް ހުށަހަޅާފައި ވާނެ ކަމަށާއި އެކަމަކު އަދިވެސް ހައްލެއް ލިބިފައި ނުވާ ކަމަށް ބުންޏެވެ.
މި މައްސަލަ އިތުރަށް ހޫނުވީ، އެ ސްކޫލްގެ ލީޑިން ޓީޗަރަކު ސަސްޕެންޑް ކުރަން ޕްރިންސިޕަލް ނިމުމުންނެވެ. ނަމަވެސް، އެ ޓީޗަރު ސަސްޕެންޑް ކުރަން ނިންމީ ސަބަބެއް ސާފުނުވާ ކަމަށް ބުންޏެވެ.
"މިހާރު ބައެއް ގްރޭޑުތަކަށް މި ޓާމުގެ ކިޔެވުން ނިމިފައި އޮތްއިރު ވެސް، ޓީޗަރުން ސްކޫލަށް ނިކުންނަން އެބަ ޕްރިންސިޕަލް އަންގާ."
ފެލިދޫ ކައުންސިލްގެ މެމްބަރަކު ވިދާޅުވީ، އެ ރަށު ސްކޫލްގެ މައްސަލަ ފެށިފައި އޮތީ ޕްރިންސިޕަލް އާއި ޓީޗަރުންނާ މެދު ރަނގަޅަށް މުއާމަލާތްތައް ނުކުރެވިގެން ކަމަށާއި އަދި މުއާމަލާތްތައް ކުރުމަށް ޕްރިންސިޕަލްގެ ފަރާތުން އެއްވެސް އެއްބާރުލުމެއް ނުލިބޭ ކަމަށެވެ.
އޭނާ ވިދާޅުވި ގޮތުގައި، އެ މައްސަލަ ޖެހިފައި އޮއްވާ، އެ ރަށު ސްކޫލްގެ ހޯލުގައި ދީނީ ދަރުސްއެއް ބާއްވަން ޕްރިންސިޕަލް ހުއްދަ ނުދިނުމާ ގުޅިގެން ވެސް ރައްޔިތުން ރުޅިގަދަވި ކަމަށެވެ. އެ ސްކޫލުގައި އިތުރު ހަރަކާތްތައް ބާއްވަން ވެސް ޕްރިންސިޕަލް ހުރަސް އަޅާ ކަމަށް އޭނާ ވިދާޅުވި އެވެ.
މި މައްސަލައިގައި އެޑިއުކޭޝަން މިނިސްޓްރީގެ ބަހެއް އަދި ނުލިބެ އެވެ.
ނަމަވެސް "މިހާރު" އަށް އެނގިފައިވާ ގޮތުގައި އެޑިއުކޭޝަން މިނިސްޓްރީގެ ދެ އޮފިޝަލެއް އިއްޔެ އެ ރަށަށް ގޮސް ޓީޗަރުންނާ ވަނީ ބައްދަލުކޮށްފަ އެވެ. އަދި މި މައްސަލަ ހައްލުކުރުމުގެ ގޮތުން އެ ޕްރިންސިޕަލް ފުރުވާލަން ނިންމެވީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޭޑީ
23 December 2021
މިލިޔުން ކިޔާލީމާ އެގިގެން ދިޔައީ ޓީޗަރުންނަށް މަސައްކަތް ބުރަ ކަމުން ޕޭރެންޓުންގެ ބޮލަން އެރިގެން ޓީޗަރުން ކުރުވި ކަމެއް ހެން.
ފަހުދު
22 December 2021
އިންޑިޔާ ޕްރިންސިޕަލް އައުޓް
ބެއްޔާ8
21 December 2021
"މިހާރު ބައެއް ގްރޭޑުތަކަށް މި ޓާމުގެ ކިޔެވުން ނިމިފައި އޮތްއިރު ވެސް، ޓީޗަރުން ސްކޫލަށް ނިކުންނަން އެބަ ޕްރިންސިޕަލް އަންގާ." މި އޮތީ މައްސަލަ ފެންނަން. ރާއްޖެތެރޭގައި އޮންނަ ސަގާފަތެއް މިއީ.މަސައްކަތުގައި ކަންނެތް ކަމާއި ވަރިހަމަ ވެފައި ހުރުން. ބޭރުން އައިސް ތިބޭ ބީރަށްޓެހިންނަށް ވަރަށް ރަނގަޅަށް ފާހަގަ ކުރެވޭނެ. ސިއްހީ މަރުކަޒުން ފެށިގެން،، ރަށު ސުކޫލުން ، ކައުންސިލުން.ގިނަ ފަހަރު އެޕަރޭޓް ކުރަނީ އެއްގޮތަކަށް. މަސައްކަތް ބުރަވީ.
ހުސައިންބެ
21 December 2021
ވަރަށް ދެރަ ކަމެއް. މިކަން މިހެން ކުރަންޖެހޭނީ ގާއިމުވެސް ކޮންމެވެސް ބައެއް ޓީޗަރުންގެ ބެލެނިވެރިންގެ ޝަކުވާތަކަށް ޙައްލު ހޯދައި ނުދިނުމުންކަން ޔަގީން. މިކަމުގައި ޒޯން ކޯޑިނޭޓަރ ނަޖުފާ ޒިންމާ ނަގަންޖެހޭ.ޕްރިންސިޕަލް ބަދަލުކޮށްދީ ލީޑިންޓީޗަރަށް އެޅި ފިޔަވަޅު އުވާލާދިނުމަށް ޕޭރަންޓްސް އެންޑް ޓީޗާރސްވެސް އެދުނީ. ބަޓް ސްޓިލް އެލްޓީގެ ސަސްޕެންޝަން ދަމަހައްޓާފައި އެއޮތީ. ޕީއެސް އަޙްމަދު ޢަލީވެސް ޒިންމާ ނަގަންޖެހޭ ގަވާއިދާ ޚިލާފަށް ފިޔަވަޅު އެޅީތީ.
ާއުނިމާ
21 December 2021
އެޑިޔުކޭޝަނުން ބުނާނީ ތީ ދޮގެކޭ!
އަލީ 2
21 December 2021
ލީޑިންޓީޗަރ ސަސްޕެންޑްކުރީ މިނިސްޓްރީއިން އަންގާ އެއްގޮތަކަށް ނުހެދީމަ. މި ދުވަސްތަކު ޕްރައިމަރީ ގްރޭޑްތަކަށް ކިޔަވައިދޭން ޓައިމްތޭބަލް ހަދަން ބުނީމަ ލޓ ނުހެދި. ދެން ޕްރިންސިޕަލް ހެދީމަ 1-6 ގެ އެއްވެސް ކްލާސްޓީޗަރެއް ނާދޭ. އެމީހުން އައީ މުޒާހަރާއަށް. ތި ތަނަކީ ކުރިންވެސް ވަރަށް އަމިއްލަ އުސޫލުތަކެއް އޮންނަ ތަނެއް. ކުރީ ޕްރިންސިޕަލްވެސް ޖެހުނީ ގަސްހައްދަން. ކިޔަވައިދިނުން ގެންދަނީ ސަލާންކިޔާލާފަ މާލެ ގޮސްލާފަ އައިސް ގަޑިއެއް ނަގާލާފަ.
ގަބުޑޭ
20 December 2021
ދިވެހި ޕްރިންޓޭ އިން ނެތީ ތޯ ތޯ ތޯ ތޯ ތީ ތޯ !!!!!????????
އަލީ2
21 December 2021
ބޭނުންގޮތަކަށް. މިނިސްޓްރީގެ ގަވާއިދަށް ގެންދަންއުޅުނީމަ ޕްރިންސިޕަލް ގޯސްވީ. އެލްޓީ އާއި ވ ވ ކަންނެތް ޓީޗަރުން ޕޭރެންޓުންގެ ބޯކާލީ. އުނދަގޫވާތީ. ނޯ ލެސްންޕްލޭން. ކީކޮންޕިޓެންސީ އަޅާނުލާ. ޕީޓީއޭ ހޮވަނީ ބޭނުންގޮތަކަށް. ތިރަށާ ކެޔޮދޫއާ އުޑާ ބިމާހާ ތަފާތުވާނެ. އިންތިހާއަށް ޕޮލިޓިކްސް. ރަށުކައުންސިލް އެއީ ސްކޫލަށް ހެސްކިޔާފަ ނުފޫޒު ފޯރުވާބައެއް، މިނިސްޓާރ ވަޑައިގަތަސް އެއްވެސް ރެސްޕެކްޓެއްވެސް ކުރަންދަންނަ ބައެއްނޫން އަބަދުވެސް ޝަކުވާ.
އިބުރެ
20 December 2021
ހަނިމާދޫ ޕުރިންސިޕަލް ވެސް ބޭރުކުރަން ޖެހޭ
މުރުމުރު
20 December 2021
ހާދަ ރީތި ވާހަކަ ދައްކާ ލީޑީން ޓީޗަރުން ތަކެއް. ގުރޭޑު 1 -6 އަށް ކިޔެވުންކުރިޔަށް ގެންދަން ޕްރިންސިޕަލް އެންގުމުން އެ ގުރޭޑު ހުރިހާ ޓީޗަރުން ސަލާމް ބުނެފަ ސްޓްރައިކު ޖައްސަން ސުކޫލް ގޯތިތެރޭ އުޅުނީ ޕޭރެންޓް އާއި އެކު.
އާދަނު
21 December 2021
ވަރަށް ނާތަހުޒީބު ޢަމަލުތަކެއް. ޕްރިންސިޕަލް ހުރެ ބުނާ އެއްގޮތަކަށް އެލްޓީ ނުހަދާ. ސަސްޕެންޑޤކުރަންވިތާ ކިތަންމެ ދުވަހެއް. ހަމީދުބޭވެސް ކަމުނުދިޔައީ އެހެންވެ. އެލްޓީ ބޭނުންހާގޮތަކަށް ނުހަދާތީ. ޓެސްޓް ޓައިމްޓޭބަލްވެސް ހަދަނީ އެއް ދުވަހު ޓެސްޓް އަނެއް ދުވަސް ބަންދު އަނެއްދުވަސް ޓެސްޓް އަނެއްދުވަސް ބަންދު. މީ ކޮންތާކު ހަދަން އަންގާފައޮންނަގޮތެއް، އަހާބަލަ މީދޮގެއްތޯ. މިވާހަކަވެސް ބުނީމަ ޕްރިންސިޕަލް ގޯސްވީ. އެލްޓީ ހަދާނެ ގޮތަކަށް ހަދަން ދޫކޮށްލީމަ އ
ހާމިދު ޝާހިދު
20 December 2021
ތިކަމަކާ އިންޑީއާ އައުޓަކާ ގުޅުމެއް ނެތް. "އިންޑިއާ މިލިޓަރީ އައުޓް" ކޭޟްޕޭންގެ ދަށުން ބޭރުން ކުރަންޖެހޭ ފަރާތްތައް ބައިތިއްބާފައި އެހެން ބައެއް ތިޔަ ބޭރުކުރަނީ.