ވިޔަފާރި / ނައިބު ރައީސް ފައިސަލް ނަސީމް

ދާއިރާތަކުގައި އިސްކޮށް އުޅެންޖެހޭނީ ދިވެހިން: ނައިބު ރައީސް

ނައިބު ރައީސް ފައިސަލް ނަސީމު މަންޓާ އެޕްރެންޓިސްޝިޕް ޕްރޮގްރާމު ފައްޓަވާދެއްވުމަށް ބޭއްވި ރަސްމިއްޔާތުގައި ވާހަކަ ދައްކަވަނީ--ފޮޓޯ: ފަޔާޒް މޫސާ/މިހާރު

ފާތިމަތު ޝަނާ މުހައްމަދު، މިހާރު

28 ޑިސެމްބަރ 2021 - 13:58

8 comments

ރާއްޖޭގެ އިގްތިސާދު ކުރިއަރުވަން ހުރިހާ ދާއިރާއެއްގައި ވެސް އެންމެ އިސްކޮށް އުޅެންޖެހޭނީ ދިވެހިން ކަމަށް ނައިބު ރައީސް ފައިސަލް ނަސީމް މިއަދު ވިދާޅުވެއްޖެ އެވެ.

މަންޓާ އެއާ އިން ބޭއްވި އެޕްރެންޓިސްޝިޕް ޕްރޮގްރާމުގެ ބައިވެރިންނަށް ސެޓްފިކެޓް ދިނުމަށް ބޭއްވި ރަސްމިއްޔާތުގައި ފައިސަލް ވިދާޅުވީ އޭވިއޭޝަން ދާއިރާ ކުރިއަރައިގެން ދިއުމުން އެކަމުގެ ފައިދާ އިގްތިސާދުން ފެންނަމުން އަންނަ ކަމަށެވެ. އޭނާ ވިދާޅުވީ ހާއްސަކޮށް، ސީޕްލޭން ދަތުރުތައް ފުޅާ ވުމުން ދިވެހިންނަށް ގިނަ ފުރުސަތުތަކެއް ފަހިވެފައިވާ ކަމަށެވެ. އޭނާ ވިދާޅުވީ، ދިވެހިން އަޒުމާ އެކު ކުރާ ކަމެއްގައި އަބަދުވެސް ކާމިޔާބު ވާނެ ކަމަށެވެ. އޭވިއޭޝަން ދާއިރާގައި ބޭރުގެ ކުންފުނިތަކުގައި ވެސް ދިވެހިން މަސައްކަތް ކުރަމުން އަންނަ ކަމަށް ނައިބު ރައީސް ވިދާޅުވި އެވެ.

"މިއަދު ޒުވާނުންގެ ވިސްނުމުގައި ހުންނަންވީ ގައުމަށް އެންމެ ބޭނުންވާ ދާއިރާތަކުން ކުރިއަށް ދިއުމަކީ މުޅިގައުމަށްޓަކައި ކުރެވިދާނެ މުހިއްމު ކަމެއް،" ފައިސަލް ވިދާޅުވި އެވެ.

މަންޓާ އެޕްރެންޓިސްޝިޕް ޕްރޮގްރާމުގައި ބައިވެރިވި ކުއްޖަކަށް ސެޓްފިކެޓް ހަވާލުކުރަނީ--ފޮޓޯ:ފަޔާޒް މޫސާ/މިހާރު

ފައިސަލް ވިދާޅުވީ އޭވިއޭޝަން ދާއިރާ އަކީ ރާއްޖޭގެ އިތުރުން މުޅި ދުނިޔޭގައި ވެސް ކުރިއަރަމުން އަންނަ ދާއިރާއަކަށް ވާއިރު މިއީ މުސްތަގްބަލުގައި ފުރުސަތުތައް ލިބޭނެ ދާއިރާއެއް ކަމަށެވެ. ނައިބު ރައީސް ވިދާޅުވި ގޮތުގައި، އޭވިއޭޝަން ދާއިރާގައި އިންޖިނިއަރިން އާއި ސޭފްޓީ ސެކިއުރިޓީ އާއި ގްރައުންޑް އޮޕަރޭޝަން އާއި ކެބިން ކްރޫއިންނަށް ފުރުސަތު ވެސް އެބަ އޮތެވެ.

އެ މަނިކުފާނު ވިދާޅުވީ، މީހުން ބިނާކުރަން ސަރުކާރުން ހާއްސަ އިސްކަމެއް ދޭ ކަމަށެވެ. ރާއްޖެއަކީ މުޅި ދުނިޔޭގައި ވެސް އެންމެ މަގްބޫލު މަންޒިލަށްވާ އިރު ޓޫރިޒަމް ދާއިރާއިން ވެސް މީހުން ތަމްރީނުކޮށް ބިނާ ކުރަންޖެހޭ ކަމަށާއި އަމިއްލަ ކުންފުނިތަކުން ވެސް މީހުން ބިނާ ކުރަން އިތުރު ސަމާލުކަން ދޭން ޖެހޭ ކަމަށް އެ މަނިކުފާނު ވިދާޅުވި އެވެ.

އެޕްރެންޓިސްޝިޕް ޕްރޮގްރާމުގައި ބައިވެރިވި 10 ކުދިންނާ އެކު ނައިބު ރައީސް ފައިސަލް ނަސީމު--ފޮޓޯ: ފަޔާޒް މޫސާ/މިހާރު

މަންޓާއެއާ އިން ފެށި އެޕްރެންޓިސްޝިޕް ޕްރޮގްރާމުގައި 10 މީހުންނަށް ފުރުސަތުދީފައިވެ އެވެ. މަންޓާ އެއާގެ ޗީފް އެގްޒެކެޓިވް އޮފިސަރު (ސީއީއޯ) މުހައްމަދު ހަލީލު ވިދާޅުވީ، މިއީ އޭވިއޭޝަންގެ ދާއިރާއަށް ޒުވާނުން އިތުރު ކުރަން ފެށި މަސައްކަތެއް ކަމަށެވެ.

"މި ދާއިރާގެ މަތީ ފަޑީގައި އެތައް ދިވެހިންނެއް އެބަތިިބި. މަންޓާގެ 75 ޕަސެންޓް މުވައްޒަފުންނަކީ ވެސް ދިވެހިން،" އޭނާ ވިދާޅުވި އެވެ.

މި ޕްރޮގްރާމުގެ އެހީގައި ވައިގެ ދަތުރު ފަތުރު ދާއިރާއިން އިތުރު މީހުން ތަމްރީނުކުރެވޭނެ ކަމަށް އޭނާ ވިދާޅުވި އެވެ.

ވައިގެ ދަތުރުފަތުރު ނައިބު ރައީސް ފައިސަލް ނަސީމް މަންތާ އެއާ

8 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގައުމައިގެން ކުރިއަށް ސާބަހޭ

30 December 2021

އެހެންވެދޯ ބީއެމްއެލް އިސްމަގާމަށް ދުވަހަކުވެސް ދިވެއްސަކު އަޔަނުދެނީ އެހެންވެދޯ އެމްއޭސީއެލް މަތީފަޑިއަށް ބިދޭސީން ލީ އެހެންވެދޯ ފިނޭސް މިނިސްޓްރީ އަށް އިންޑިޔާ މީހަކު އެޑްްވައިޒަރަކަށްލީ އެހެނވެދޯ ޕެންޝަން އޮފީހަށް ބަނޑުކޮއްޓާ ބިދޭސީއަކުލީ އެހެންވެދޯ ހުޅުލެ އައިލެންޑް ހޮޓެލް އިންޑިޔާމީހުން ކޮންޓްރޯލްކޮށް ދިވެހިން ނިކަމެތިކުރަން ދޫކޮށްލައިގެން ތިތިބީ *** ބިނާކުރަން އިސްކަންދޭވަރުން ދޯ ޓީޗަރުން މުސާރަބޮޑުނުކޮށް އޯޓީ ވެސް ކަނޑާލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

28 December 2021

ދިވެހިން އުޅެންޖެހޭނެ ކަމަށްވިޔަސް ދައުލަތެއްގައި ނެތެއް ނޫންތޯ ދިވެހިން ލައްވައި ކަންކަން ކުރުވުމުގެ ސިޔާސަތެއް. ރާއްޖޭގެ އެންމެ މުހިންމު އެއްސިނާއަތް ކަމުގައިވާ ޓޫރިޒަމް ދާއިރާގެ މަތީ މަގާމުތަކުގައި ބިދޭސީން. އައިޓީ ދާއިރާގައި ބިދޭސީން. ރިއަލްއެސްޓޭޓް ދާއިރާގައި ބިދޭސީން. އެކައުންޓިން/އޮޑިޓިން ދާއިރާގައި ބިދޭސީން. އެމީހުން މިހާތަނަށް ނުވަދެއޮތް ހަމައެކަނިދާއިރާ ކަމުގައިވާ ވަކާލާތު ކުރުމުގެ ދާއިރާވެސް ބިދޭސީންނަށް މަނިކުފާނުން ވަނީ ހުޅުވާލާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބްރަންޖީ

28 December 2021

ގައުމީ އެންމެ ބޮޑެތި ކުންފުނިތަކުގެ މުގޫ ބިދޭސީންނަށް މިސަރުކާރުން ދެނީ އެހެންވެ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔު

28 December 2021

ފައިސަލްއަކީ އިހުތިރާމްކުރާ، އިހުތިރާމް ލިބިގެންވާ ބޭފުޅެއް. ބައެއްމީހުން، ބޭއިހުތިރާމްކޮށް ނުކޮމެންޓްކުރިޔަސް އެ ހަގީގަތް އޮންނާނެ. އިހުތިރާމްކުރުމާއި ރިވެތި އަދަބު އަހަރެމެންގެ ދަރިންނަށް ދަސްކޮށްދިނުން ވ މުހިންމު.