1.7 ކިލޯ ޑްރަގް އެތެރެކުރުމުގެ ދައުވާ ލިބުނު މީހަކު ސަލާމަތްވެއްޖެ

ފުލުހުންގެ ބެލުމުގެ ދަށުގައި ހުރި މަސްތުވާއެއްޗެހިތަކެއް: 1.7 ކިލޯ ޑްރަގް އެތެރެކުރުމުގެ ދައުވާލިބުނު މީހެއްގެ މައްޗަށް ކުށް ސާބިތުނުވާ ކަމަށް ވަނީ ހުކުމް ކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

09 ޖެނުއަރީ 2022 - 14:02

17 comments

ރާއްޖެއަށް 1.7 ކިލޯގެ މަސްތުވާތަކެތި އެތެރެކުރި މައްސަލައެއްގައި ދައުވާލިބުނު ބިދޭސީއެއްގެ މައްޗަށް ކުށް ސާބިތުނުވެ، ސަލާމަތްވެއްޖެ އެވެ.

ބަންގްލަދޭޝްގެ މީހަކު ޖޫން، 2018 ގައި ރާއްޖެ އައިއިރު އޭނާގެ ދަބަސް ތެރޭގައި އޮތް ދެ ބެޑްޝީޓެއްގެ ތެރެއިން 1.7 ކިލޯގެ މަސްތުވާތަކެތި ފެނުނެވެ. އެ މައްސަލާގައި ދައުލަތުން ކްރިމިނަލް ކޯޓުގައި އޭނާގެ މައްޗަށް ކުރީ މަސްތުވާއެއްޗެއް ރާއްޖެ އެތެރެކުރުމުގެ ދައުވާ އެވެ.

އެ މައްސަލާގައި މިދިޔަ ބުދަ ދުވަހު ކްރިމިނަލް ކޯޓުން ކުރި ހުކުމުގައިވަނީ އެ ދަބަހުގައި މަސްތުވާތަކެތި ހުރިކަން ނޭނގޭ ކަމަށާއި އެ ދަބަހަކީ މީހަކާ ހަވާލުކުރަން އެހެން މީހަކު ދިން ދަބަހެއް ކަމަށް ބުނާއިރު ފުލުހުން އެކަން ބެލުމަށް މަސައްކަތް ކޮށްފައިނުވާ ކަމަށެވެ. އަދި އެ ދަބަހުގައި މަސްތުވާތަކެތި ހުރިކަން އެނގޭ ކަމުގެ އެއްވެސް ހެއްކެއް ދައުލަތަށް ނުދެއްކޭ ކަމަށާއި އެހެންވެ، އެ ދަބަހުގައި މަސްތުވާތަކެތި ހުރީ އެ މީހާއަށް އެނގިގެން ކަމާ މެދު ސުވާލު އުފެދޭ ކަމަށް އެ ހުކުމުގައިވެ އެވެ.

ހުކުމުގައިވަނީ ދަބަހުގައި މަސްތުވާތަކެތި ހުރިކަން އެ މީހާއަށް އެނގޭ ކަމުގެ ހެކި ދައްކަން ނުޖެހޭނެ ކަމަށް ދައުލަތުން ބުންޏަސް، ސުޕްރީމް ކޯޓުން ކުރިން ނިންމާފައިވާ ނިންމުންތަކަށް ބަލާއިރު މީހެއްގެ ބެލުމުގެ ދަށުން މަސްތުވާތަކެތި ފެނުމަކީ އެކަމުގެ މައްޗަށް އެކަނި ބިނާކޮށް ކުށް ސާބިތު ކުރެވޭނެ ކަމެއް ނޫން ކަމަށެވެ. އަދި ދަބަހުގައި މަސްތުވާތަކެތި ހުރީ ވަރަށް ބޮޑަށް ފޮރުވާފައިވާ ކަމަށް ވާތީ އެ ދަބަހުގައި މަސްތުވާތަކެތި ހުރިކަން އެނގޭކަމުގެ ހެކި ދެއްކުމަކީ ދައުލަތުން ކުރަންޖެހޭ ކަމެއް ކަމަށް ހުކުމުގައިވެ އެވެ.

އެހެންވެ، އެ މީހާގެ މައްޗަށް ކުށް ސާބިތުނުވާ ކަމަށް ހުކުމްކުރާ ކަމަށް އެ ހުކުމުގައިވެ އެވެ.

ކުށްކުރުން ފުލުހުން ކްރިމިނަލް ކޯޓް މަސްތުވާތަކެތި ކޯޓް

17 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބްދުލް

10 January 2022

ޑްރަގް… ނުވާނެ ސާބިތެއް! 1 ޓަނުގެ ޑްރަގް އެތެރެ ކުރަނިކޮށް 5 ފުލުހުންނަށާއި 3 ގާޒީންނަށާއި 100 ޢާންމު ރައްޔިތުންނަށް ހަމަލޮލުން ފެނުނަސް، ނުވަަނެ ސާބިތެއް. ޤާނޫން ފަރުމާ ކުރެވިފައިވަނީ އެމީހުން ސަލާމަތް ކޮށްދެވޭނެ ލޫޕްހޯލަތަކާއެކު… ނަމަވެސް، ފިހާރައަކުން ސުޕާރީ ޕެކެޓެއް ނަގަނިކޮށް ބަސްޓްވެއްޖެނަމަ ދިޔައީ، 2 މަސް ޖަލުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެގުޅި

09 January 2022

އެއްމިލިޔަން ޑޮލަރު އެކައުންޓަށްލައި އެ ލޯންޑަރ ކުރީމަވެސް ބޭންކަށް ޗެކް ޖަމާކުރި ސްލިޕްގެ ނަންބަރެއް އޮޅިފަ އޮތުމުން ކުށްސާބިތުނުވާ ކަމަށް ހުކުމް ކުރާގައުމެއްގަ ތިއީކީ މާ ބޮޑުކަމެއް ނޫނެކެވެ. އެކަށީގެންވާ އަދެއްކަމަށްވާނަމަ ހޯދި ގޮތެއް ބަލާކަށް ނުޖެހޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމޭ

09 January 2022

އައްދިއްޔޯތް! ކަންކަންމިއޮއްވާގޮތެއްދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހކނކކކ

09 January 2022

ނުވާނެ ސާބިތެއް، ދުވަހަކުވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

09 January 2022

ޝުކުރިއްޔާ މޯލްޑިވްސް ޕޮލިސް ސަރވިސް އަދި ޕީޖީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސު

09 January 2022

އަހަރުމެންް ޖޭ ވަނީ މިކަމާ، މިކަން ރަގަޅު ކޮށްގެން ކުރާ ކަމަކުން މަންފާއެއް ވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1001

09 January 2022

އަވަސްކޮށްފަ ސީން އަށް ދިޔަ ފުލުހުންނަށް ދަޢުވާ ކުރޭ!! ދެން އެތީ އެކަމެއްނުން. ފޮތް ނުކިޔާ ފަތިހަށް ދަނޑިމާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަތްބެ

09 January 2022

ނުވާނެ ސާބިތެއް، ކުޑައެތިކޮޅެއް ގެނައިނަމަ ސާބިތުވާނެ. އެވާގޮތް ނޭގެނީއެއްނޫން. ފައިސާގެ ބާރުގަދައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީޒަން ޖެކުހަން

09 January 2022

1.7 ސަލާމަތްވިޔަސް ނުވިޔަސްފަރުވާލެއްނެތް. މިހާރު އެހެރަ ޝިޕުމެންޓުތައް ގެންނަނީ 100 މަތިން. އަތުވެއްޖިއްޔާ ވެރިއެއްނުހުރޭ. އަތުނުވެއްޖިއްޔާ އޭގެވެރިންނަށް މަލްޓިމިލިޔަން ރުފިޔާގެ ފައިދާ.