ރަސްފަންނު މީގެ ކުރިން ބޭއްވި ނައިޓް މާކެޓަށް ބަޔަކު ޒިޔާރަތްކުރަނީ،--. ފޮޓޯ: ނިޝާން އަލީ/މިހާރު
09 ޖެނުއަރީ 2022 - 18:32
20 comments
މާލެ ސަރަހައްދުގައި އަނެއްކާވެސް ކޮވިޑް ފެތުރުން މައްޗަށް ދާތީ، ރައްކާތެރިކަމުގެ ފިޔަވަޅެއްގެ ގޮތުން، އެއް ވަގުތެއްގައި 50 އަށް ވުރެ ގިނަ މީހުން ޖަމާވާ ގޮތަށް ހަފުލާތައް ނުބާއްވަން އެޗްޕީއޭ އިން މިއަދު އަންގައިފި އެވެ.
ދުނިޔޭގައި ހަލުވިކަމާއެކު ފެތުރެމުންދާ ކޮވިޑްގެ އާ ވޭރިއެންޓް، އޮމިކްރޮންއާއެކު ރާއްޖޭގައި ވެސް އެ ބަލި ޖެހޭ މީހުންގެ އަދަދު ދަނީ އިތުރުވަމުންނެވެ. އެހެންވެ، ދަތުރުކުރުމުގައި ދީފައިވާ ލުއިތައް އުވާލައި ހަރުކަށި ފިޔަވަޅުތައް އަޅަން އެޗްޕީއޭއިން މިއަދު ވަނީ ފަށައިފަ އެވެ.
އެ އެޖެންސީން ކުރި އިއުލާނެއްގައި ވަނީ މާލެ ސަރަަހައްދުގައި މާދަމާ އިން ފެށިގެން ވަކި ގޮތެއް އަންގަންދެން 50 އަށް ވުރެ ގިނަ މީހުން އެއްވަގުތެއްގައި ޖަމާވާ ގޮތަށް ހަފުލާތަކާއި އިވެންޓުތަކާއި އެއްވުންތައް ބޭއްވުން މަނާކޮށްފަ އެވެ. އަދި 50 އަށް ވުރެ މަދުން މީހުން ބައިވެރި ކޮށްގެން އެފަދަ ހަރަކާތެއް ބާއްވާ ނަމަވެސް ރައްކާތެރިކަމުގެ މިންގަނޑުތަކާއި ގައިޑްލައިންތަކަށް އަމަލުކުރަން އެޗްޕީއޭ އިން އެދެ އެވެ.
މާލެ އާއި ވިލިމާލެ އާއި ހުޅުމާލޭގައި އެޗްޕީއޭ އިން އެޅި އިތުރު ފިޔަވަޅުތަކުގެ ތެރޭގައި ދެން ހިމެނެނީ މަގުމަތީގެ ބާޒާރުތައް ބޭއްވުން މަނާކުރުމާއި ކުޅިވަރު މުބާރާތްތައް ވެސް ކުޅިބަލާ މީހުންނަށް ވަދެވޭ ގޮތަށް ނުބޭއްވުމެވެ.
މިއީ ސްކޫލްތަކުގެ ޗުއްޓީ ދުވަސްވަރު ކަމަށް ވުމުން، އެކި ބޭނުންތަކަށް އެކި ރަށްރަށުން މާލެ އަށް މީހުން ޖަމާވެފައިވާ މި ދަނޑިވަޅުގައި ކޮވިޑްގެ ކޭސްތައް ފެނުން އިތުރުވުމާ ގުޅިގެން، މާދަމާ އިން ފެށިގެން މާލެ ސަރަހައްދުން ފުރާ ނަމަ ފުރޭނީ އެޗްޕީއޭ އިން މިއަދު ހަމަޖެއްސި ގޮތުން ނަމަ ކޮވިޑް ޕީސީއާރު ނެގެޓިވް ނަތީޖާއާއެކު އެވެ.
އެ އިދާރާ އިން ބުނީ، މާލެ، ވިލިމާލެ އަދި ހުޅުމާލެ އިން ކޮވިޑް-19 އަށް ޓެސްޓް ކުރުމަށް ކޮންމެ ހަފުތާއަކު ނަގާ ސާމްޕަލްގެ ނިސްބަތުން ޕޮޒިޓިވިޓީ ރޭޓް ފަސް ޕަސެންޓަށް ވުރެ މަތިވެފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިކުއްދާ
10 January 2022
ރައްޔިތުންނާ މެދު ހެޔޮހިތުން ވިސްނާ ބަޔަކު ތިބިކަމާމެދު ސުއާލު އެބަ އުފެދޭ. މިޔުޒިކު ޝޯތަކާ ނައިޓުމާކެޓުތައް ބޭއްވުން މިދުވަސްކޮޅު އެހާ މުހިންމުތޯ. މިޤައުމުގައި މިފަހަކަށް އައިސް އަށަގަނެ ފެތުރެން ފަށާފައިވާ ކަންތަކާދޭތެރޭ ފުން ވިސްނުމަކުން ވިސްނާކަށް ނުވަނީތަ.
ބޯ ގޮވާފައިހުރި މަންޖެ
10 January 2022
ދެންދޯ. ހަތަރު ފަސް ފަހަރުމަތިން 5 ދިމާލުގަ ނައިޓްމާކެޓު ބާއްވަން ރަނގަޅުދޯ. އެ ފަނިކޮށްލީ މަގޭ ކައިވެނި. ތިކަން ދެން ހުއްޓާލާ ހެޔޮނުވާނެ.
ޔޫސުބު
10 January 2022
49 މީހުންގެ ދެތިން ގުރޫޕް ހެދީމަ ކޮވިޱް ނުޖެހޭ ގޮތަށް މުޒާހަރާ ކުރެވޭނެޔޭ
ޢަނެއްކަމެއް
10 January 2022
ޢަދި ސްކޫލް ޗުއްޓީގަ ނިމެންދާއިރު ދަރިންގޮވައިގެން ބެންކޮކަށާއި އެތަން މިތާ އުދުހިފަ މުއްސަދިންނާ ބޮޑުން ވަޑައިގަންނަވާއިރު ޑެލްޓާކްރޯންވެސް ވަޑައިގެންފާނެ
ސަސް
09 January 2022
ހަގީގަތުގަވެސް އެޗް.ޕީ.އޭ އަކީ ފުރާފުރިހަމަ ނުވާ އަމިއްލަ ބާރެއްނެތް މޮޔަކަންކަން ތަންފީޒު ކުރުން އުޅުމަށް ކިޔާނަމެއް! އެ ބޭނުންވާއިރަށް ކޮވިޑްއަރާ މުޅިތަން ފުރާލަދޭނެ! ވައްސަލާމް!
ރަތީބާ
09 January 2022
ތިކަމަކުން ޕީޕީއެމް އިންޑިޔާ އައުޓް އެއްވުމަކަށް އެއްވެސް ހުރަހެއްނެތް. 50 ހަމަނުވާނެވިއްޔަ.
މެސީ1
09 January 2022
ނިވްއިޔާރ ސެލެބްރޭޝަން ބޭއްވިއިރު ކޮވިޑް އުޅުއްވީ ފުރަމާނަ ދަތުފުޅެއްގައި ރާއްޖޭން ބޭރުގަ
ހަސަދު
09 January 2022
50 އަށް ވުރެ ދަށް އަދަދަކަށް މީހުން އެއްވިއަސް ކޮވިޑް ނުޖެހޭނެޔޯ. ހެހެ؟؟؟
ސަސު
09 January 2022
އެޗްޕީއޭ އަކީ ބޮޑު ޖޯކަކަށް ވެއްޖެ.
ކޮމެންޓޭ1
09 January 2022
އާއަހަރުގަ ނާޗަރަންގީ ކުޅެވިއްޖެއެއްނު ނައިޓް މާކެޓުވެސް ބާއްވައިފި. ދެން ބަސް އަހައިން އެތަންތަނަށް ނުގޮސް ތިބި މީހުންނަށް ނުހޮރުއްޕާން ޖައްސާ