ކޮވިޑަށް ޕޮޒިޓިވްވާ މީހުންނާއި ޑައިރެކްޓް ކޮންޓެކްޓުން މިހާތަނަށް ކަރަންޓީނާއި އައިސޮލޭޓްކުރަމުން ދިޔައީ 14 ދުވަހަށް. ނަމަވެސް ކުރިއަށް އޮތް ތަނުގައި އައިސޮލޭޓްކުރާނީ ސާމްޕަލް ނަގާ ތާރީހުން ފެށިގެން 10 ދުވަހުގެ މުއްދަތަށް.
އެޗްޕީއޭގައި މިއަދު ބޭއްވި ޕްރެސް ކޮންފަރެންސްގައި އެ އެޖެންސީގެ މެޑިކަލް އޮފިސަރު ޑރ. ނަޒްލާ ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
11 ޖެނުއަރީ 2022 - 12:08
4 comments
ކޮވިޑު-19 އަށް ޕޮޒިޓިވްވެފައިވާ މީހުންނާއި ޑައިރެކްޓް ކޮންޓެކްޓްވެފައިވާ މީހުން ކަރަންޓީނާއި އައިސޮލޭޓްކުރަމުން ދިޔަ މުއްދަތު، ހެލްތު ޕްރޮޓެކްޝަން އެޖެންސީ (އެޗްޕީއޭ) އިން 10 ދުވަހަށް ކުރުކޮށްފި އެވެ.
އެ އެޖެންސީގައި މިއަދު ބޭއްވި ނިއުސް ކޮންފަރެންސްގައި މެޑިކަލް އޮފިސަރު ޑރ. ނަޒްލާ ރަފީގު ވިދާޅުވީ ކޮވިޑު ބަލީގައި ތިން ވަނަ އަހަރު ގުނަމުން ދާއިރު، އެ ބައްޔާ ގުޅޭ ގިނަ މައުލޫމާތާއި ތަޖުރިބާތައް ކުރެވިފައިވާ ކަމަށެވެ.
އަދި އެ ތަޖުރިބާތަކަށް ބެލުމަށް ފަހު، ކޮވިޑަށް ޕޮޒިޓިވްވާ މީހުންނާއި ކަރަންޓީން ވާން ޖެހޭ މީހުންގެ ކަރަންޓީން ކުރަމުން ދިޔަ މުއްދަތު ކުރުކޮށްފައިވާ ކަމަށް އޭނާ ވިދާޅުވި އެވެ.
ކޮވިޑަށް ޕޮޒިޓިވްވާ މީހުންނާއި ޑައިރެކްޓް ކޮންޓެކްޓުން މިހާތަނަށް ކަރަންޓީނާއި އައިސޮލޭޓްކުރަމުން ދިޔައީ 14 ދުވަހަށެވެ. ނަމަވެސް ކުރިއަށް އޮތް ތަނުގައި އައިސޮލޭޓްކުރާނީ ސާމްޕަލް ނަގާ ތާރީހުން ފެށިގެން 10 ދުވަހުގެ މުއްދަތަށް ކަމަށް ޑރ. ނަޒްލާ ވިދާޅުވި އެވެ.
އޭނާ ވިދާޅުވީ ބައްޔަށް ޕޮޒިޓިވްވި މީހަކާ ޑައިރެކްޓް ކޮންޓެކްޓްވި މީހަކީ، ދެ ޑޯޒު ޖަހާފައިވާ މީހެއް ނަމަ އެ މީހަކަށް ދެ ގޮތެއް އެބައޮތް ކަމަށެވެ.
ފުރަތަމަ ގޮތަކީ 10 ދުވަހަށް ކަރަންޓީންވުމަށް ފަހު އެއްވެސް އަލާމާތެއް ނެތް ނަމަ ޓެސްޓު ކުރުމެއް ނެތި ކަރަންޓީނުން ދޫކޮށްލުމެވެ. އެކަމަކު އަލާމާތެއް ހުރިއްޔާ ޓެސްޓުކުރަންޖެހޭނެ އެވެ.
ދެ ވަނަ ގޮތަކީ ކަރަންޓީނުގައި ފަސް ދުވަސް ހޭދަކުރުމަށް ފަހު ކޮވިޑަށް ޓެސްޓުކުރުމެވެ. ނަތީޖާ ނެގެޓިވް ވެއްޖެ ނަމަ ކަރަންޓީނުން ދޫކޮށްލާނެ އެވެ.
"ކޮވިޑް ވެކްސިން ފުރިހަމަނުކުރާ ފަރާތެއް ވިއްޔާ ކަރަންޓީން ހަމަ 14 ދުވަސް ވާންޖެހޭ ގޮތަށް އަދި ވެސް އޮންނަނީ. އެ މީހަކު ކަރަންޓީނުން ދޫކޮށްލެވޭނީ ޕީސީއާރު ޓެސްޓް ހަދާފައި ނަތީޖާ ނެގެޓިވް ވުމުން،" ޑރ. ނަޒްލާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެޑްއަޕް
11 January 2022
ތިވެކްސިނުންވާ ފައިދާއެއްނެތް ލިބެނީ ގެއްލުން
ކޯވިޑްބލި
11 January 2022
ކަރަންޓިން ވާނެޖެހޭ މުއްދަތު އެކި ރަށުގައި އޮންނަނީ އެކި ވަރަށް.
ށަވިޔަނި
11 January 2022
ވެކްސިން ޖަހައިދިންވަރަށް ޖަހައިގެން މިހުރީ. އަދިވެސް ބުނާއިރަށް ޖަހަން ތައްޔާރު. ކޮންމެހެން ނިކުންނަން ޖެހިގެން ނޫނީ ނުނިކުންނަން. މާސްކްއަޅަން. އަތް ދޮންނަން. ސެނިޓައިޒާ ގެންގުޅެން. ޑިސްއިންފެކްޓް ސްޕްރޭ ބޭނުންކުރަން. ރަށަށް ދާން ނިންމި ނިންމުން ކެންސަލްކޮށްފިން. ﷲ ގެ ރަޙްމަތްފުޅުން އަދި މިއުޅެނީ ހެޔޮހާލުގައި. އެންމެން މިހެންއުޅެބަލަ. މުޅިރާއްޖެއިން ތިބަލި ނެތޭނެ. ބަސްނުއިވޭމީހުން ގިނައީ. މޮޅުމީހުން ގިނައީ. ހިތާމަކުރަން.
ހުތޭ
12 January 2022
ޜަނގަޅު ވާހަކައެއް.