މާފުށީ ޖަލުން ކޮވިޑް-19 އަށް ޓެސްޓްކުރަން ސާމްޕަލް ނަގަން ތައްޔާރުވަނީ-
17 ޖެނުއަރީ 2022 - 05:50
2 comments
ކޮވިޑް ފެތުރޭތީ ކުއްލި ހާލަތަށް ގެނެސްފައިވާ މާފުށީ ޖަލުން މިހާތަނަށް 36 ގައިދީއަކު ކޮވިޑަށް ޕޮޒިޓިވްވެފައިވާ ކަމަށް މޯލްޑިވްސް ކަރެކްޝަންސް އިން ބުނެފި އެވެ.
ކޮވިޑް ބަލީގެ އަލާމާތް ހުރުމުން އޮފިސަރުންނާއި ގައިދީންގެ ސާމްޕަލްތަކެއް ނެގުމުން އޭގެ ތެރެއިން ހަތް އޮފިސަރަކާއި ހަތަރު ގައިދީއަކު ބައްޔަށް ޕޮޒިޓިވްކަން އެނގުނީ މިދިޔަ ބުރާސްފަތި ދުވަހު އެވެ. އެހެންވެ، އެޗްޕީއޭގެ ގައިޑްލައިންތަކާ އެއްގޮތަށް ފިޔަވަޅުތައް އަޅައި ހުކުރު ދުވަހުގެ ހަވީރު 4:00 އިން ފެށިގެން މާފުށީ ޖަލު ކުއްލި ހާލަތަށް ވަނީ ގެނެސްފަ އެވެ.
ކަރެކްޝަންސްގެ މީޑިއާ އޮފިސަރު، "މިހާރު" އަށް ވިދާޅުވީ މިދިޔަ ހަތަރު ދުވަހުގެ ތެރޭގައި މާފުށީ ޖަލުން 36 ގައިދީއަކު ކޮވިޑަށް ޕޮޒިޓިވްވެ އެ މީހުންނާ ކޮންޓެކްޓުވެގެން 68 ގައިދީއަކު ކަރަންޓީނުގައި އެބަ ތިބި ކަމަށެވެ.
އެތަނުގެ އޮފިސަރުންގެ ތެރެއިން މިހާތަނަށް ޕޮޒިޓިވްވީ ފަސް އޮފިސަރެކެވެ. އެކަަމަކު އޮފިސަރުންނާ ދިމާވި 12 އޮފިސަރަކު ކަރަންޓީނުގައި އެބަ ތިބި ކަމަށް އޮފިޝަލް ވިދާޅުވި އެވެ.
މީގެ ހަތަރު މަހެއްހާ ކުރިން ވެސް މާފުށީ ޖަލުން ކޮވިޑްގެ ކޭސްތަކެއް ފެނިގެން އެތަން ކުއްލި ހާލަތަށް ގެންދިޔަ އެވެ. އަދި އެތަނުގައި ތިބި ހައި ރިސްކް މީހުން ގެއަށް ބަދަލުކުރުމަށް ނިންމައި ބައެއް ގައިދީން ގެއަށް ވެސް ބަދަލުކުރި އެވެ. އޭރު ހައި ރިސްކް މީހުންގެ ތެރެއިން ގެއަށް ބަދަލު ނުކުރެވުނީ އާއިލާގެ ފަރާތުން އެ މީހުންނާ ހަވާލުނުވުމާއި ހަވާލުވާނެ ފަރާތްތަކާ ނުގުޅުން ފަދަ ސަބަބުތަކާ ހެދި ކަމަށް ބުނެފައިވެ އެވެ.
ޖަލު ކުއްލި ހާލަތުގައި އޮތުމުން އެތަން އާއްމު ހާލަތަށް ގެނެވެން ދެން ރައްކާތެރިކަމުގެ ފިޔަވަޅެއްގެ ގޮތުން ގައިދީންނާއި ބަންދު މީހުންނަށް އާއިލީ ބައްދަލުވުމާއި ވަކީލު ބައްދަލުވުން އަދި ކޯޓުގެ އަޑުއެހުންތައް ކުރިއަށްގެންދާނީ އޮންލައިންކޮށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަންއިތުރު
17 January 2022
ޖަލުގައި ބިޑި އަދި މަސްތުވާތަކެތި އެކަކު އަނެކަކު ޝެއަރ ކުރެވޭ ގޮތުން އޮންނަ އޮތުން ހުއްޓުވަންވީ ނޫންތޯ؟ މިއީ ވެސް ކޮވިޑް ފެތުރޭނެ ކަމެއް ނޫންތޯ ޖަލުތަކުގައި. މަސްތުވާތަކެތި ބޭނުންކޮށްގެން އަދަބެއްގެ ގޮތުގައި ތިޔަ ޖަލަށް ލާ މީހުންނަށް ވެސް ބަރާބަރަށް ތިޔަ ޖަލުގައި ތިބެގެން ވެސް މަސްތުވާތަކެތީގެ ވިޔަފާރިކޮށް ބޭނުން ކުރެވޭކޮތަަށް މި އޮންނަނީ. މިހެން ބުނީމަ ބުނާ މީހާ ގޯސްވާނީވެސް.
މުހައްމާ
17 January 2022
ދެން ކިހިނެއް ހަދަންވީ އަހަރުމެން. ދުނިޔޭގެ ބޮޑުންނާ މީޑިއާއިން އުފައްދައިގެން ނިކަމެތިން އިތުރަށް ނިކަމަތެި ކުރަނީ. މިކަމުގެ ހަގީގަތްވެސް އެނގޭނެ އަދި ދިރިތިބި ބަޔަކަށް.