17 ޖެނުއަރީ 2022 - 12:38
10 comments
މުޅި ރާއްޖޭގައި ވެސް ކޮވިޑްގެ ހާލަތު އަނެއްކާ ގޯސްވެފައި ވާއިރު އައްޑޫގައި ވެސް ކޭސްތަކުގެ އަދަދު 300 އިން މައްޗަށް އަރައިފި އެވެ.
އައްޑޫގެ ކޮވިޑްގެ ހާލަތު މިދިޔަ އަހަރު އެންމެ ގޯސްވި އިރު އެކްޓިވް ކޭސްތަކުގެ އަދަދު 250 އިން މައްޗަށް އެރި އެވެ. އެކަމަކު މިހާރު ހުރި އަދަދަށް އިތުރުވެފައެއް ނުވެ އެވެ.
މިހާރު އެކްޓިވް ކޭސްތަކުގެ އަދަދަކީ 304 އެވެ.
އައްޑޫ އިމަޖެންސީ އޮޕަރޭޝަން ސެންޓަރު (އީއޯސީ) އިން އެންމެ ފަހުން އާންމުކުރި ތަފާސްހިސާބުތަކަށް ބަލާއިރު އިއްޔެ، އިރުއޮއްސި 6:00 އާ ހަމައަށް، އަލަށް 62 ކޭސް ފެނިފައިވެ އެވެ.
Addu City Covid-19 case status as of 16th January 2022 18:00 Hrs.#StayHome #StaySafe#WearMask pic.twitter.com/x3Dr8EQ6vm
— Addu Emergency Operations Center (@EOCaddu) January 16, 2022
މިހާރު ހިތަދޫގައި 146، މީދޫގައި 55، ފޭދޫގައި 34، ހުޅުދޫގައި 32، މަރަދޫފޭދޫގައި 15 އަދި މަރަދޫގައި ހަތް ކޭސް އުޅެ އެވެ. މީގެ އިތުރުން ރިސޯޓްތަކުން ނުވައެއް އަދި އެހެން ތަންތަނުން ހަ ކޭސް އުޅެ އެވެ.
އައްޑޫން ކޮވިޑް ޖެހުނު މީހުންގެ ތެރެއިން 14 މީހަކު މިހާތަނަށް މަރުވެފައިވާ އިރު، އެންމެ ފަހުން މި ބަލީގައި ހުކުރު ދުވަހު މަރުވީ ބިދޭސީއެކެވެ. މިހާރު ވެސް އެޑްމިޓްކޮށްގެން އެކަކަށް އަންނަނީ ފަރުވާދެމުންނެވެ.
އައްޑުގޫއި ކޮވިޑް ފެތުރެން ފެށި ފަހުން މިހާތަނަށް 3،342 މީހަކަށް ބަލި ޖެހިފައިވެ އެވެ.
ކޮވިޑްގެ ހާލަތު އަލުން އައްޑޫގައި ގޯސްވަމުންދާތީ އީއޯސީން ވަނީ ކުރިން ވެސް އިރުޝާދު ދީފައި ހުރި ރައްކާތެރިކަމުގެ ފިޔަވަޅުތަކަށް ހާއްސަ ސަމާލުކަމެއް ދިނުމަށް އިލްތިމާސްކޮށްފަ އެވެ. އީއޯސީން ބުނެފައިވާ ގޮތުގައި ބަލި ޖެހޭ މީހުންގެ އަދަދު އިތުރުވެ، ކޮންޓްރޯލުން ނެއްޓިއްޖެ ނަމަ ފަރުވާދޭން ވެސް ދަތިވެދާނެ އެވެ.
މުޅި ރާއްޖޭގައި ކޮވިޑް ކޭސްތައް ކޮންޓްރޯލް ވެފައި އޮތުމަށް ފަހު އަނެއްކާ ގޯސްވެފައި މި ވަނީ ކޮވިޑްގެ އާ ވެރިއަންޓް އޮމިކްރޮން ފެނުނު ފަހުންނެވެ. އިއްޔެ ވެސް މުޅި ރާއްޖޭން 1،200 އަށް ވުރެ ގިނަ ކޭސް އަލަށް ފެނިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ މީހެއް.
17 January 2022
މޮނިޓަރިން އަށޭ ކިޔާފަ ބަންދު ކުރިއަސް އެއަކަށް ތަބާ ނުވާނަން. މިސިޓީން ވެކްސިން ބޫސްޓަރ ޖަހާ ދެނީއެއްނޫން. ޓެސްޓް ކުރަން އެހާ އުދަގޫ. ކަމާއި ކަންފަށާ އޭއީއެޗް އަށް ގޮސްގެން ނޫނީ ޓެސްޓް ނުކުރެވޭ. މުސްކުޅި މާމަ ގޮވައިގެންވެސް ޖެހެނީ އެތަނަށް ދާން. ޕީސީއާރ ހަދާ ދެނީ 800ރ އަށް. މާލެއިން 400ރ އަށް ހެދޭ.
މަރީ.
17 January 2022
އެހެންވީއްޔާ ކ.އަތޮޅު މާލެ ކޮވިޑް ހާއްޔަކަށްވީ ވެސް އައްޑޫމީހުން ބަސް ނާހާތީތަ ؟
ހއ. ކެލާއިން މުރީދު
17 January 2022
އައްޑޫމީހުން ބުނާގޮތްވެސް ނަހަދަނީ. މާސްކު އަޅުވާފަ ހުންނަނީ ދަތްދޮޅިގައި. ބަރާބަރަކަށް އެޗްޕީއޭގެ ނަސޭހަތެއް އަޑުނައަހާ. އެއްކަލަ ގޮތްދޫނުކުރުމުގެ ވިސްނުން، އަފީފުމެންގެ ދުވަސްވަރު ވަކި ވެރިކަމެއް ކުރަން އުޅުނު ކަންކަމަށް ތަބާނުވުމުގެ ޑިފިއަންޓް ގޮތްގަޑެއް ހުންނަނީ.
ފަޙުރުވެރި އައްޑޫ މީހެއް.
17 January 2022
އަހަރުމެން ކާބަފައިންކުރި ޖިހާދު ފަޙުރުވެރިކަމައިއެކުގައި ބަލައިގަންނަ ބައެއް. ކ.އަތޮޅު މާލޭމީހުން އައްޑޫ ބައާވާތޭ ބުނިކަމުގައިވިޔަސް މިހާތަނަށް ރާއްޖޭގައި ކުރި ބައާވާތްވެސް ކޮށްފައިވަނީ ހަމަ އެރަށުގައި. މެދުރާއްޖެތެރޭގެ ރަށެއްކަމުގައިވާ ކ.އަތޮޅު މާލޭގެ ނުފޮރުއްޕާޏް ބޮޑުވެގެންގޮސް އަހަރުމެންގެ ކާބަފައިން ކުރި މަސައްކަތަކީ އެމީހުންގް ދަށުން ނެއްޓިގަތުމުގެ މަސައްކަތް. އެކަން ކާމިޔާބު ކަމާއިެކުގައި އެމީހުން ކުރި. ހއ. ކެލާއިން މުރީދަށް ތިއޮތީ އޮޅިފަ.
އޮނަރަބްލް އަފީފު ދީދީ.
17 January 2022
ޤާނޫނުއަސާސީ އާއި ޤާނޫނުތަކާއި ޙިލާފަށް ކުރާ އަމުރަކަށް ރައްޔިތުން ތަބާވާކަށް ނުޖެހޭ. އެޗްޕީއޭ އިން އެއްކަމެއްގައި އެކިގޮތްގޮތަށް އަމަލުކުރުމަކީ ބަލައިގަނެވޭނެކަމެއްނޫން. ކ.އަތޮޅުމާލޭގައި ބަރިފެތުރި މުޅި މާލެ ކޮރޯނާ ސްޕެރެޑަކަށް ވެފައިއޮތްއިރު މާލޭ އާއި ވިލިގިލި އަދި ހުޅުމާލެއަށް ދަތުރުކުރުމަކަށް އެއްވެސް ހުރަހެއްނެތް. އެކަމަކު އައްޑޫސިޓީ މިނިޓަރިންގ އަށޭ ކިޔާފައި ބަންދުކޮށް ގެއިން ނުކުތުމާއި އެއްއަވަށުން އަނެއް އަވަށަށް ދިއުންވެސް މަނާ އެބަކުރޭ.
ސީނުކަރަ.
17 January 2022
މަށަށްވެސް ފެންނަނީ ތިގޮތަށް އަމަލު ކުރަން. މޮނިޓަރިން އަށް ގެނެސް ސިޓީ ބަންދުކޮށްފިނަމަ ދެނަހުރި ކަމަކަށްވެސް ނަހަދާ ކުރިން އުޅުނު ގޮތަށް އުޅުނީމަ އޯކޭވާނެ. މާދުރުގައި ތިބެގެން ކަންކުރާންވީގޮތް ބުނަން އެއީ ވަކި ކޮންބައެއްތަ ؟
އޮނަރަބްލް އަފީފު ދީދީ.
17 January 2022
ކޮވިޑަށް ޕޮޒިޓިވް ވުމާއި އައްޑޫ އަބަދު މޮނިޓަރިންގ ގައި ބާއްވާބޭއްވުމާއިމެދު ޝައްކުގެނަޒަރަކުންބަލަނީ މިކަން ކުރަމުންދާގޮތުން. # އައްޑޫ ހުޅުމީދޫ އަވަށަކީ އެހެންއަވަށްތަކާއި މުޅިންވަކިން އޮތް އަވަށްތަކަކަށްވާއިރުވެސް ހުޅުމީދޫ އަވަށުން މީހަކު ބައްޔަށް ޕޮޒިޓިވް ވުމުން މާލޭ އެޗްޕީއޭއިން އެންގީ މުޅި އައްޑޫސިޓީ މޮނިޓަރިންއަށްގެނެސް ބަންދުކުރިކަމަށް!! އަދި މިގޮތަށް ބަންދުކުރުމުން މާލެއާއިހިލާފަށް އައްޑޫގައި އެއްއަވަށުން އަނެއް އަވަށަށް ދިއުންވެސް މަނާ.
ފަލްސަފާ
17 January 2022
އައްޑޫއެންމެހާ ރައްޔިތުންނާ އަފީފު ދީދީ ބަސްއަހާށެވެ. އަދި މާލޭރައްޔިތުންނަށް ބެވުން ތަންކޮޅެއް މަދުކޮށްލާށެވެ.
ސައުތު.
17 January 2022
ތައުފީގަކީ ބަޖެޓްކާ ހެދިކާ ކަމަށް ކަލޭމެން ކިޔާ ނަހަދަންތަ ؟ ހަމަ އެގޮތަށް ކަލޭމެންނަކީ ބަޖެތްކާ ފަނިތަކެކޭވެސް އަހަރުމެނަށް ބުނެވިދާނެ. ބަވަނީ ހަމަބަވަންޖެހޭތީ. އެކަމާއި ކަންބޮޑުނުވޭ.
ބޭރުވެލާ
17 January 2022
ހިންގުންތެރިކަން ނެތް މޭޔަރެއްގެ ސަބަބުން ދިމާވާ ކަންތައް ތަކެއް...