ކޮވިޑް-19 އަށް ޓެސްޓްކުރުމަށް މީހެއްގެ ސާމްޕަލް ނަގަނީ. -- ފޮޓޯ: ފަޔާޒް މޫސާ/މިހާރު
01 ފެބުރުއަރީ 2022 - 22:46
15 comments
ރާއްޖޭގައި ކޮވިޑް-19 އަށް ޕޮޒިޓިވްވާ މީހުންގެ އަދަދު ކޮންމެ ދުވަހަކު 3،000 އާ ގާތުން ގުނެމުން ދިއުމަށް ފަހު އިއްޔެ ޓެސްޓްކުރި ސާމްޕަލްތަކުގެ އަދަދު މަދުވުމުން ކޭސްތަކުގެ އަދަދު ވެސް މަދުވެއްޖެ އެވެ.
މިދިޔަ 24 ގަޑިއިރު މުޅި ރާއްޖޭން ފެނުނު ކޮވިޑް ކޭސްތަކުގެ އަދަދު 2،180 އަށް ދަށްވި ނަމަވެސް ސާމްޕަލް ޕޮޒިޓިވިޓީ ރޭޓު ދަށްވީ ވަރަށް ކުޑަކޮށެވެ. އެއީ 6،403 ސާމްޕަލުން ފެނުނު ކޭސްތައް ކަމަށް ވާތީ މިއީ 34 ޕަސެންޓުގެ ރޭޓެކެވެ. މިދިޔަ މަހުގެ 22 އިން ފެށިފެން މި ރޭޓް 30 އަށް ވުރެ ދަށެއް ނުވެ އެވެ.
މިދިޔަ ދެ ހަފްތާގައި 24 ގަޑިއިރު ތެރޭ ޕޮޒިޓިވްވާ މީހުންގެ އަދަދު އުޅުނީ 2،700 އަށް ވުރެ މަތީގަ އެވެ. އެއީ އެއް ދުވަސް ތެރޭ ޓެސްޓު ކުރާ 7،000 އަށް ވުރެ ގިނަ ސާމްޕަލުންނެވެ.
އިއްޔެ ހަވީރު 6:00 އިން މިއަދު ހަވީރު 6:00 އާ ހަމަޔަށް ފެނުނު ކޭސްތަކުގެ ތެރެއިން މާލެއިން ފެނިފައި ވަނީ 931 ކޭހެވެ. އަތޮޅުތަކުން 811 މީހަކު ޕޮޒިޓިވް ވެފައިވެ އެވެ.
✳️ COVID-19 : Case Updates pic.twitter.com/XuXDrxi0tY
— Health Protection Agency (@HPA_MV) February 1, 2022
ހަލުވިކަމާއެކު ގައިން ގަޔަށް އަރާ ކޮވިޑްގެ އޮމިކްރޮން ވޭރިއަންޓުގެ ގިނަ ކޭސްތަކެއް ރާއްޖެއިން ފެނުނަސް ކުރިއާ އަޅާބަލާއިރު މި ބަލީގައި ހާލު ބޮޑުވާ މީހުންގެ އަދަދު ވަރަށް މަދެވެ. ކޭސްތައް އިތުރުވި ނަމަވެސް އެޑްމިޓްކޮށްފައި ތިބީ 63 މީހެކެވެ. ބަލީގައި މިހާތަނަށް 277 މީހަކު މަރުވެފައިވެ އެވެ.
ކޮވިޑުން ރައްކާތެރިވުމަށްޓަކައި ވެކްސިން ޖެހުމުގެ ޕްރޮގްރާމްތައް އެޗްޕީއޭ އިން ކުރިޔަށް ގެންދާއިރު މިހާތަނަށް ހަތަރު ލައްކައާ ގާތްކުރާ އަދަދަކަށް މީހުން ވަނީ ވެކްސިން ޖަހައިފަ އެވެ. އަދި ތިން ވަނަ ޑޯޒް ޖެހި މީހުންގެ އަދަދު ވެސް 70،000 އަށް ވުރެ ގިނަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައިކް
02 February 2022
ޓެސްޓް ހެދުމުގެ ކުރިން އެތައް ބަޔަކާ ދިމާވެފަ ޓެސްޓް ހަދާފަ ގޮސް ނަތީޖާ ލިބެންދެން ގޭގަ 2 ދުވަހު އޮއްވާ ނަތީޖާ ލިބުނުއިރު ޕޮޒިޓިވްކަން އެނގުމުން އެއްކަލަ އެންމެން ކައިރީ އެވާހަކަ ބުނާއިރު އެމީހުން 2 ދުވަސް ތެރޭ އެތައް ބަޔަކާ ދިމާވެ އެ ދިމާވި އެއްބައި މީހުން މަތިން ހަނދާންވެސް ނެތިއްޖެ. ދެން؟
އޮމިކޮރޯނަކީ ނުރައްކާ ބައްޔެއނޫން
02 February 2022
އެއްމެންގެ ތިޓެސްޓުހެދުން އަދި ކަރަންޓީން މަޖުބޫރު ކުރުން ބޭކާރު.. ސަބަބު 1.. ރޯގާޖެހިފަ ތިބޭ ބައެއް މީހުން އުޅެނީ މީހުންތެރޭ.. 2.. ބައެއްމީހުން އަމިއްލައަށް ތެސްޓު ހަދައިގެން. ޕޮޒިޓިވް ނަމަ ރަގަޅުވަންދެން ކަރަންޓީން ވެގެން ތިބެނީ..
ރަޝީދު
02 February 2022
މިހާރު ޕީސީއާރު ހަދާ ކުލިނިކައްގޮސް ބުނަންޖެހޭނީ ބޭނުންވާގޮތެއް ބޭނުމީ ރުފިޔާ މިއޮތީވާކަމެއް!
އުސްމާނުބެ،
02 February 2022
މަދުވީކީ ނޫން ، ޕެންޑިން ގިނަވީ......... މިހާރު ވާނުވާއެއް ނޭންގެ... މީގެ 3ދުވަސް ކުރިން ޓެސްޓް ހެދިމީހުންގެވެސް ނަތީޖާ ލިބުނީ އެއްބަޔަކައް ބާކީނުލިބޭ. ދެން ތިޔަބުނަނީ ކޮންޓެކްޓް ވާމީހުން ނޭ އަނެއް އެއްޗެކޭ.... ދުވާލަކު ވާހަކައެއް ނުދަންކާ މިހުރިހާ ކަމެއް ހުއްޓާ؛ލީމަނިމުނީ އެއްނު.
ހުސެންް
02 February 2022
ޓެސްޓު އެއްކޮށް ހުއްޓާލަންވީ. އޭރުން މިގައުމު ހިނގައިގަންނާނީ. މިހާރު މިއިންނަނީ ފިރުކި ފިރުކި. ތިވެކްސިން ޖެހޮޔަސް ނުޖެހިޔަސް ވާކަމެއްނެތް. ތިއީ މިހާރު ކޮންމެ ހަމަހަކުން ޖަހަންޖެހޭ ވެކްސިނެއް. ވެކްސިން އުފައްދާމީހުން ބިލިޔަރުންނަށް ވަމުން އެދަނީ. އިންސާނިއްޔަތަށް ހިންގާ ބޮޑުޖަރީމާއެއްތީ.
ރީޓެއިލް
02 February 2022
އަހަރެން މި ހުންނަނީ ޓެސްޓު ނުކުރެވިފަ، ހުޅުމާލެ އިން ޓެސްޓުކޮށްދޭ މީހުން ނާންނަތާ މަށަށް އެނގިގެން ތިން ދުވަސްވެއްޖެ.
ޟަމްރަތު މުހަންމަދު
02 February 2022
ޑަބްލިޔޫއެޗްއޯއާއި ބާރުގަދަ ގައުމުތަކާ ގުޅިގެން ހިންގާ އިގުތިސާދީ އަދި ސިޔާސީ ގޭމެއް. ރާއްޖޭގައި އިބޫގެ ވެރިކަމުގައި ކޮވިޑެއް ނުހުއްޓުވޭނެ. ކެމްޕޭނަށް ފައިސާ ހޯދާން ކްލިނިކްތައް މެދުވެރިކޮށް ހިންގާ ހަރަކާތެއް އަދި ސަރުކާރު ދަމަހައްޓަން ހިންގާ ޖަރީމާއެއް
ފަހުދު
02 February 2022
ކޮމަންޑޫ އިންތިޚާބާއި ގުޅުން ހުރި ކަމެއް
ތަކީދު
02 February 2022
އެކަކުވެސް ޓެސްޓްކުރަންދާނެ ކަމެއްނެތް. މީހަމަ އާދައިގެ ރޯގާއެއް
ށަވިޔަނި
02 February 2022
ޢާނިޔަތު. ޚަބަރު ލިޔެފަވަނީ 1 ފެބްރުއަރީގައި. އެހެންކަމުން އިއްޔެއޭ ބުނުމުން އެނގެނީ އެއީ ޖަނަވަރީ 31 ގެ ވާހަކަކަން.
ބަބުރަންޖީ ހާޖީ
01 February 2022
ޓެސްޓތުކުރުން މަދުވެގެން ނަންބަރުތައް ދައްކުރެވޭނީ.