ޑިޖިޓަލް ބޭންކިން ލައިސެންސަށް އެދި ހުށަހެޅުމަށްފަހު އެސްޓީއޯގެ މެނޭޖިން ޑިރެކްޓަރު އަމްރު (ވ2) އާއި އެ ކުންފުނީގެ އިސް ބޭފުޅުން އެމްްއެމްއޭއިން ނުކުންނަނީ-- ފޮޓޯ: ނިޝާން އަލީ/މިހާރު
02 ފެބުރުއަރީ 2022 - 16:11
45 comments
އެސްޓީއޯގެ ޑިޖިޓަލް ބޭންކް "އިވޯލްވް" ލައިސަންސް ނުދޭން މަރުކަޒީ ބޭންކް އެމްއެމްއޭ އިން ނިންމައިފި އެވެ.
"މިހާރު" އަށް އެނގިފައިވާ ގޮތުގައި، އެމްއެމްއޭގެ ބޯޑުން މިދިޔަ ޖެނުއަރީމަހު މިގޮތަށް ނިންމީ ޓެކްނިކަލް އިވެލުއޭޝަނުން ފެއިލްވުމުން، ބޭންކިން ގާނޫނުގެ ދަށުންނެވެ. އަދި މިކަން މިހާރު އެސްޓީއޯ އަށް މިދިޔަ މަހުގެ 19 ގައި އަންގާފައިވާކަން ވެސް ވަނީ އެނގިފަ އެވެ.
ގާނޫނުގައި ބުނަނީ، ލައިސަންސަށް އެދި، ޑޮކިއުމަންޓްތައް ހުށަހަޅާތާ ތިން މަސް ތެރޭގައި އެ ފަރާތަކަށް އެމްއެމްއޭ އިން ޖަވާބު ދޭން ވާނެ ކަމަށް ވާއިރު، އެ ޖަވާބު ވެސް އެ އުސޫލުން އެސްޓީއޯ އަށް ދީފައިވާ ކަމަށް އެނގިފައި ވެ އެވެ.
އެމްއެމްއޭ އިން ބުނީ، ގާނޫނުގައި ބުނާ މުއްދަތުގެ ތެރޭގައި އެސްޓީއޯ އަށް ޖަވާބު ދީފައިވާ ކަމަށެވެ. އެކަމަކު، އެ ޖަވާބުގެ ތަފުސީލާ ގުޅޭ ގޮތުން އެމްއެމްއޭ އިން މީޑިއާގައި ވާހަކައެއް ނުދައްކަ އެވެ.
މިގޮތަށް ނިންމި އިރު އެސްޓީއޯ އިން އޮތީ ހުރިހާ ކަމަކަށް ތައްޔާރުވެފަ އެވެ.
އެ ކުންފުނީގެ މެނޭޖިން ޑިރެކްޓަރު ހުސައިން އަމްރު "މިހާރު" އަށް ވިދާޅުވީ، ބޭންކް ހިންގަން ބޭނުންވާ މުވައްޒަފުންނާއި ބޭންކަށް ބޭނުންވާ ފައިނޭންސްގެ އިތުރުން ބޭންކުން ފޯރުކޮށްދޭ ހިދުމަތްތައް ވެސް ކަނޑައަޅާ ނިންމާފައިވާ ކަމަށެވެ.
ޑިޖިޓަލް ބޭންކަށް ލައިސެންސް ހޯދަން އެސްޓީއޯ އިން ހުށަހެޅީ މިދިޔަ އަހަރުގެ ސެޕްޓެމްބަރު މަހު އެވެ. ތިން މަސް ތެރޭ ލައިސެންސް ލިބޭނެ ކަމަށް އޭރު ލަފާކުރި އެވެ.
އަމްރު ވިދާޅުވީ، ބޭންކްގެ ނަން ވެސް މިހާރު އިކޮނޮމިކް މިނިސްޓްރީގައި ރަޖިސްޓްރީކޮށްފައިވާ ކަމަށެވެ.
އެސްޓީއޯ އިން ކުރިން ބުނެފައިވާ ގޮތުގައި ރާއްޖޭގެ އެހެން ކޮންވެންޝަނަލް ބޭންކުތަކާ ހިލާފަށް، ޑިޖިޓަލް ބޭންކް ހިންގުމުގައި ހަރަދު ކުޑަ ވާނެ އެވެ. އެންމެ ލަސްވެގެން ފަސް މިނެޓު ތެރޭގައި އަމިއްލަ އަށް އެކައުންޓު ހުޅުވައިލެވޭ އިރު 60 ސިކުންތު ތެރޭގައި ލޯނަށް އެޕްލައިކޮށް، ލޯނުގެ ފައިސާ އެކައުންޓަށް ޖަމާވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެރީ
06 February 2022
ބޭންކް އޮފް މޯލްޑިވްސްގެ މޮނޮޕޮލީ ޕަވަރ ގެއްލިދާނެތީތަ؟ އެމްއެމްއޭ ކަޑަ
ބޭންކް ޓެލްކޯ
04 February 2022
ބޭންތަކުންނާއި މުވާސަލާތީ ކުންފުނިތަކަށް ލޮލީ ވިއްކަން ހުއްދަލިބުމުގެ ފުރުސަތު އަދި ބަންދުނުވޭ. އެހެންވީމާ އެސްޓީ އޯ އިން ބޭންކާއި މަތިންދާބޯޓް ދުއްވުމުގެ ފުރުސަތު އަދި ނުގެއްލޭ.
ޭޭއޭނަ
03 February 2022
އެސްޓީއޯގަ ތިބޭނެ ބޯދާވިސްނުން ގެންގުޅޭ ވަކި ބައެއްވެސް. އެންމެ ބޮޑު އަމާޒަކައް ވެފަ އޮންނަނީ މިބައިމީހުން ޙިމާޔަތްކުރުން. އެއްވެސް ސިސްޓަމެއް ރަނގަޅައް ފޮލޯއެއް ނުކުރާނެ. ހަމަ އެކަނި އޮންނާނީ ފޮލޯ ކުރަންޖެހޭ ސިސްޓަމް ކަރުދާހުގަލިޔެފަ. ކަމެއް ރަނގަޅުކުރަން މީހަކު އުޅެފިނަމަ އެމީހުންގެ ވިޔަފާރިއައްވުރެވެސް ބޮޑައް އިސްކަންދޭނީ އެމީހަކު ބޭރުކޮއްލަން. މިއީ ސީކްރެސީ އޮފް ކޮމިއުނިކޭޝަންވެސް ނުދެމެހެއްޓޭ ބައެއް.
ބަޑިތަކުރު
03 February 2022
ޑިޖިޓަލްކޮށް ހިންގިޔަސް އިންސާފުވެރިކަމެއްނެތި ކޮރަޕްޝަނަށް މަގުފަހިވެދާނެގޮތަކަށް ކަންކަން ހިނގަން ފުރުޞަތު ދިނުމަށްވުރެ ނުދިނުން ރަނގަޅެވެ. އެންމެ 60 ސިކުންތުގެ ތެރޭގައި ބޭންކުން ބަލަންޖެހޭ ހުރިހާ ބެލުންތަކެއް ބަލައި މީހެއްގެ އެކައުންޓަށް ބޮޑެތި ޢަދަދުން ފައިސާ ޓްރާންސްފަރ ކުރެވޭނަމަ ތިއީ ވަރަށް ނުރައްކާތެރި ރޭވުމެއް ފޮރުވިފައިވާ ކަމެއްކަމުގެ އިހްސާސް ކުރެވެއެވެ.
އޭނަ
03 February 2022
މިސޮރު ހުންނަ ތަނެއްވެސް ވާނީ ހަލާކު. އެއްވެސް ސިސްޓަމެއް ގެންގުޅޭ ބައެއްނޫން.
ޅާނީ
03 February 2022
60 ސިކުންތުން ލޯނަށް އެޕްލައިކޮށް ފައިސާ ޖަމާވާނެ؟؟؟؟. ޢަަޅެ އަމްރު އަށް ނޭނގެނީތަ ދިރާގު އިންޓަރނެޓް ސްޕީޑް؟؟ 60 މިނެޓް އިން ވެބްސައިޓް އަށް ވަދެވެނީވެސް ދެން ކިހިނެތް 60 ސިކުންތުން އެޕްލައިކޮށްލެވޭނީ؟؟ އެނީވޭސް ބީއެމްއެލް ނޫން ގޮތެއް ބޭނުން.
އަހައްމަދޫ
03 February 2022
ރަނގަޅު
އަބްޑޫޅް
03 February 2022
"60 ސިކުންތު ތެރޭގައި ލޯނަށް އެޕްލައިކޮށް، ލޯނުގެ ފައިސާ އެކައުންޓަށް ޖަމާވާނެ އެވެ"، އިންޓަނެޓް ސްޕީޑް ވެސް މި މީހުންނަށް ކަށަވަރު ކުރެވެނީތަ؟ އެހާ ހަލުވި ކޮށް، ކިހިނެއް މީހެއްގެ ކްރެޑިޓް ރޭޓިންގު އާއި ކުށުގެ ރެކޯޑު ޗެކް ކުރާނީ؟ އާއްމު ރައްޔިތުންގެ ބޮލުގެ ބަދަލުގަ ޖަހާފަ ހުންނަނީ މީދާކޭ އުނބު ކަމުގަ މި ބައިގަނޑަށް ހީވަނީތަ؟ މިއަށް ވުރެން މާ ރަގަޅުވާނެ ބަތް ކައަކާ ކުޅުނިއްޔާ.
ސަކަރާތް
03 February 2022
އެމްއެމްއޭ އަދިވެސް ދަނީ ފަހަތަށް. ކުރިއަށް އޮތް 10 އަހަރަށް ލަފާކުރެވެނީވެސް ފަހަތަށް ދާނެކަމަށް. އެތަނުގެ ހަރުދަނާކަމެއް ހިންގުންތެރިކަމެއް ނެތުމުން މި ބީވެގެން ދަނީ އެކައުންޓް ހުޅުވަން ފަސޭހަ، ލޯނު ނަގަން ފަސޭހަ އެންމެ ޒަމާނީ ބޭންކް ހިދުމަތެއް. މިވަރު ހިދުމަތެއް މިރާއްޖެއަށް ކައިރި މުސްތަގުބަލެއްގަވެސް އަންނާކަށް ނެތް. އެމްއެމްއޭއިން ބަލަންވީ ތިކަން ކޮށްދެވެން އޮތްގޮތެއް. ރާއްޖޭގައި ޕޭޕަލްގެ ހާލަތަށް ބެލީމަ އެމްއެމްއޭއަކީ ކޮބައިކަން އެނގޭނެ
އަމުރޭ
02 February 2022
މިސޮރު އަބަދުވެސް ކަންކުރާގޮތް. ހުއްދަ ހޯދާނީ ވަލުދޮރުން. އެމް އެމް އޭ ގޯސްކޮށްފަ ދެން ވީދޭނީ. ނޮޓް އަ ނޯބަލްމޭން.