ހުޅުމާލޭގެ މަގެއް: އެޗްޑީސީ އަތުން ހުޅުމާލެ އަތުލުން ހުއްޓުވި މައްސަލާގެ ޝަރީއަތް ފަށަން ވަނީ ހަމަޖައްސާފައި --- ފޮޓޯ/މިހާރު
03 ފެބުރުއަރީ 2022 - 12:16
4 comments
ހައުސިން ޑިވެލޮޕްމަންޓް ކޮޕަރޭޝަން (އެޗްޑީސީ) އަތުން ހުޅުމާލެ އަތުލަން މާލޭ ސިޓީ ކައުންސިލުން ނިންމި ނިންމުމަށް އަމަލުކުރުން ސިވިލް ކޯޓުން ހުއްޓުވި މައްސަލާގެ ޝަރީއަތް އާދިއްތަ ދުވަހު ފަށަން ހައި ކޯޓުން ހަމަޖައްސައިފި އެވެ.
އިދިކޮޅު ޕީޕީއެމްގެ ޖަލްސާއެއް ހުޅުމާލޭގައި ބާއްވަން އެޗްޑީސީން ހުރަސް އަޅާފައި ވަނިކޮށް މިދިޔަ އަހަރުގެ ޑިސެމްބަރު މަހު ޕީޕީއެމްގެ އަޣުލަބިއްޔަތު އޮންނަ މާލޭ ސިޓީ ކައުންސިލުން ވަނީ ހުޅުމާލޭގެ ރަޖިސްޓްރީ ބާތިލްކޮށް، އެތަން އެޗްޑީސީ އަތުން އަތުލަން ނިންމައިފަ އެވެ. އެ މައްސަލަ އެޗްޑީސީން ސިވިލް ކޯޓަށް ހުށަހަޅާފައިވާތީ އެ ކޯޓުން ވަނީ އެ މައްސަލަ ނިމެންދެން، ސިޓީ ކައުންސިލްގެ ނިންމުމަށް އަމަލު ކުރުން ހުއްޓުވުމުގެ އަމުރެއް ނެރެފަ އެވެ.
ސިވިލް ކޯޓުގެ އަމުރު އިސްތިއުނާފް ކުރަން ސިޓީ ކައުންސިލުން ހައި ކޯޓަށް ހުށަހެޅި މައްސަލާގެ ޝަރީއަތް ފަށަން ހަމަޖައްސާފައިވަނީ އަންނަ އާދިއްތަ ދުވަހުގެ ހެނދުނު އެވެ.
އެޗްޑީސީއަކީ ހުޅުމާލެ ބެލެހެއްޓުމަށްޓަކައި ރައީސްގެ ގަރާރަކުން އުފައްދާފައި އޮތް ކުންފުންޏެކެވެ. ހުޅުމާލޭގެ ބިން އިތުރަށް ހިއްކުމަށްޓަކައި ބޭރުގެ ބޭންކްތަކުން އެޗްޑީސީން ލޯނުތައް ނެގީ ވެސް ހުޅުމާލޭގެ ބިން ރަހުނު ކުރުމަށްފަހު އެވެ. އަދި ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހީގެ ބިންތައް ހިމެނޭ ގޮތަށް ކުރީގެ ސަރުކާރުން އެޗްޑީސީއަށް އޮތީ ހުޅުމާލޭގެ ރަޖިސްޓްރީއެއް ވެސް ހަދައިދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
04 February 2022
މިއީ މިހާރުގެ ސަރުކާރުގައިތިބި އެމްޑީޕީގެ ވަޒީރުންނާއި ކ.އަތޮޅު މާލޭގެ މެންބަރުން އަޑީގައިތިބެ މުއިއްޒުއާއިއެކު ސިއްރިޔާތުގައިހިންގާ މުއާމަލާތް ތަކަކުން ނެރެގެން ދައްކާ ވާހަކަތަކެއް. # މީގެ މިސާލަކަށް ދައުލަތުގެ ކުންފުންޙަކުން އިންވެސްޓްކޮށް އެތަނުގެ މުވައްޒަފުން ބަލަހައްޓަމުން ދިޔަ މާލޭ ޓީޖެޓީ އާއި ޙަވާލުވަށޭ ކިޔާފައި މުއިއްޒު ދިޔަތާ ދެތިން ދުވަސްތެރޭ ކުންފުނީގެ ބޯޑްގެ ބަހެއްނެތި ރައީސް ނިންމެވީ ކުންފުނީގެ އާމްދަނީގެ %50 މާލޭ ކައުންސިލަށްދޭން؟!
ޙިނި
03 February 2022
މުއިޒުއާ ހަވާލުކުރަން ބޭނުންވާ ހުނިގޮންޑިއެއް މިގޭގަ އެބަހުރި، އޭނައައް މި ވާހަކަ އަނަގާލަދީބަލަ.
މަންފާ
03 February 2022
މާލޭސިޓީކައުންސިލަށް ހުޅުމާލެ ދީފިނަމައީ، އަތޮޅުތަކުގައޮތް ރިސޯޓުތައް އަތޮޅުކައުނސިލްތަކަށް ލިބެންޖެހޭނެކަން ދަންނަންވާނެ.
ފޮނިޓައްޕު ހަސަނު
03 February 2022
ރައްޔިތުން އެބަޖެހޭ މިއުޅޭ ފާޑުފާޑުގެ މީހުން އެކި ދާއިރާތަކަށް ކުރިމަތިލާ އިރު އެއީ ބުއްދި ހަމަޖެހޭ މީހެއްތޯވެސް ބަލައިލާން. ތިމީހަކު ތިދާވަރަުން ނަމަ ހުޅުލޭ އެއަރޕޯޓު ވެސް މާލޭ ސިޓީކައުންސިލު ދަށަށް ގެންނަން ކޯޓަށް ދާނެ.