ފޭސްބުކްގެ ބާނީ މާކް ޒަގަބާގް އެކުންފުނި ރީބްރޭންޑް ކުރަން ދެއްކި ވީޑިއޯގައި--ފޮޓޯ:ފޭސްބުކް
04 ފެބުރުއަރީ 2022 - 16:35
4 comments
މެޓަ ކުންފުނިން ހިންގާ ފޭސްބުކް ބޭނުން ކުރާ މީހުން މަދުވެ އެ ކުންފުންޏަށް 200 ބިލިއަން ޑޮލަރުގެ ގެއްލުން ވެއްޖެވެ.
މީޑިއާ ރިޕޯޓުތައް ބުނާ ގޮތުން މިދިޔަ ކުއާޓާގައި އެ ކުންފުނީގެ އަގު ވަނީ 900 ބިލިއަން ޑޮލަރުން 700 ބިލިއަން ޑޮލަރަށް ވެއްޓިފަ އެވެ. އެއާ އެކު ހިއްސާގެ ބާޒާރުގައި އެ ކުންފުނީގެ ހިއްސާގެ އަގު 23 ޕަސެންޓަށް ވެއްޓުނެވެ.
އެކުންފުނީގެ މާކެޓު ވެލިއު ވެއްޓުނު އިރު ދުވާލެއްގެ މައްޗަށް ފޭސްބުކް ބޭނުން ކުރާ މީހުންގެ އަދަދު ވެސް ވަނީ ދަށްވެފަ އެވެ. ދުވާލެއްގެ މައްޗަށް ފޭސްބުކް ބޭނުން ކުރާ މީހުން ވަނީ 1.95 ބިލިއަނުން 1.93 ބިލިއަނަށް މަދުވެފަ އެވެ. މިއީ އެ ކުންފުނީގެ ތާރީހުގައި ވެސް ފޭސްބުކް ބޭނުން ކުރާ މީހުން މަދުވި ފުރަތަމަ ފަހަރެވެ.
އެންމެ ގިނަ މީހުން ބޭނުންކުރާ ސޯޝަލް ނެޓްވޯކް ފޭސްބުކް ހިންގާ ކުންފުނީގެ ނަން "މެޓަ" އަށް ބަދަލުކޮށް ރިބްރޭންޑްކުރީ މިދިޔަ އަހަރުގެ އޮކްޓޫބަރުގަ އެވެ. ކުންފުނީގެ ނަން މެޓައަށް ބަދަލުވި ނަމަވެސް ސޯޝަލް ނެޓްވޯކް ފޭސްބުކް ހިންގަނީ ހަމަ އެ ނަމުގަ އެވެ.
މެޓަ އިން އަންނަނީ ސޯޝަލް މީޑިއާގެ އެހެން ބޮޑު ޕްރޮޖެކްޓަކަށް 10 ބިލިއަން ޑޮލަރު ހަރަދުކުރަމުންނެވެ. "މެޓަވާސް" ގެ ނަމުގައި ކުރިއަށް ގެންދާ މި ޕްރޮޖެކްޓްގެ ދަށުން ވާޗުއަލް 3ޑީ ޕްލެޓްފޯމެއް ހެދުމަށް ވަނީ ހަމަޖެހިފަ އެވެ. މެޓަ ކުންފުނީގެ ދަށުން ހިންގާ ފޭސްބުކްގެ ވިޔަފާރި ދަށްވެފައިވާއިރު އާ ޕްރޮޖެކްޓަކަށް މިހާ ބޮޑު ހޭދައެއް ކުރަން އެ ކުންފުނީގެ ސީއީއޯ މާކް ޒަގަބާގް ނިންމުމުން އެކަމާ އިންވެސްޓަރުން އަންނަނީ ސުވާލު އުފައްދަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައުނަވީ އާލަމް
05 February 2022
ތިޔައީ ވަގުތީ ކަމެއްނޫންތަ. ތިޔަ މެޓަ ވާހެއް ހެދީމާ އެޔަށް ވަދެ ވަޖިދުވެފައި ގިނަ މީހުން ތިބޭނީ، އަސްލު ދުނިޔެމަތިން ހަނދާން ނެތިފަ. މަށަށް ޔަގީނޭ އޭރަށް ދުނިޔޭގަ ނުކުރެވޭ ކަންކަން ސިކުނޑިން އިހުސާސްވާ ފެންވަރަށް ތިޔަ މިޓަ ވަރހެއްގައި ކޮށްލެވޭ ފެންވަރަށް އެތަން ހަދާލާ، އާންމުނަށް ހުޅުވާލީމާ، ނުލިބުނު ކުއްޖާޔާ އެކީ އުޅެލަންވެސް ގޮގުލް އަޅާލައިގެން ވަދެ އިންނާނެކަން. ފައިނެތް މީހާވެސް ސިކުނޑިން ދުވެލައި ހަދާލަން ގެއްލިފައި އިންނާނެކަން
ތިޖޫރީ
05 February 2022
ތިޔާ ފޭސްބުކަކީ އިންޓަނެޓުގެ ގޮނޑު ހަމަ. ގޮނޑު ކޮންޓެންޓް ކޮންސިއުމް ކުރާ ހަޑިގިއްލާމެންގެ އައްޑާ
ކެޔޮކަނޑާ މީހާ
04 February 2022
ކީއްވެގެއްލުންވާންވީ އަހަރެމެން އަތުން ލާރިނަގަނީ ހެސްކިޔާފަ ފެސްބުކުގެ ދޮރުމައްޗައް މަޑުކޮށްލިޔަސް ރާސްޓަސްކިޔަފަ ދޮންކޮށްފަ އޮންނަ ދަގަނޑުމައްޗައް ފެން އަޅާލީމާ ޒީންލާފަ ފެންގަނޑު ދާހެން ފައިސާތައް އެދަނީ ހުސްވެގެން އެކަމަކުވެސް ތިވަނީގެއްލުން އެފައިސާތައް ވައްނަތަނެއްބަލާފަ އެތަނަކުން ދަމާނެރެ ގޯނޮގޯނީގަ ގެއްލުންވާތާކައް ގެންދަން ނުކެރެންވީ ސަބަބެއް މަށަކައް ނުވިސްނުނު
ޡެކޭ
04 February 2022
ތީ މެޓަ އަށް ބަދަލު ކުރީމަ ވީގޮތަކަށް ވެސް ވެދާނެ. ޗޮކްލެޓަށް ބަދަލު ކުރިނަމަ ރަނގަޅުވީސް.