އިންތިހާބާ ގުޅޭ 10 ޝަކުވާއެއް، ސީރިޔަސް މައްސަލައެއް ނެތް: އީސީ

ކޮމަންޑޫ ސްކޫލްގައި ބެހެއްޓުނު ވޯޓް ފޮށި ގުނުމުގެ މަސައްކަތުގައި އިލެކްޝަން ކޮމިޝަންގެ އޮފިޝަލުން ހަރަކާތްތެރިވަނީ--ފޮޓޯ: ފަޔާޒު މޫސާ / މިހާރު

މޫސާ ރަޝީދު، މިހާރު

06 ފެބުރުއަރީ 2022 - 10:36

9 comments

ކޮމަންޑޫ ދާއިރާގެ ބައި-އިލެކްޝަނާ ގުޅޭ ގޮތުން މިހާތަނަށް 10 ޝަކުވާއެއް ލިބިފައިވާ ކަމަށާއި އޭގެ ތެރޭގައި ސީރިއަސް މައްސަލައެއް ނެތް ކަމަށް އިލެކްޝަންސް ކޮމިޝަން (އީސީ) އިން ބުނެފި އެވެ.

އީސީގެ ރައީސް ފުއާދު ތައުފީގު "މިހާރު" އަށް ވިދާޅުވީ ވޯޓު ލުން ފެށުމުގެ ކުރިން އެ ކޮމިޝަނަށް ތިން ޝަކުވާއެއް ލިބުނު ކަމަށާއި އެ މައްސަލަތައް ބަލައި، ޝަކުވާ ހުށަހެޅި ފަރާތަށް ޖަވާބު ދީފައިވާ ކަމަށެވެ.

އީސީގެ ކޮމްޕްލެއިޓްންސް ބިއުރޯ އަށް އިއްޔެ އިތުރު ހަތް ޝަކުވާއެއް ލިބިފައިވާ ކަމަށާއި އެ ޝަކުވާތަކަށް އެޓެންްޑު ކުރަން ފަށާފައިވާ ކަމަށް ފުއާދު ވިދާޅުވި އެވެ. އަދި އެ ބިއުރޯ އިން ޝަކުވާތަކާ ގުޅޭ ގޮތުން ގޮތެއް ނިންމުމަށް ފަހު އީސީ އާ މަޝްވަރާ ކުރާނެ ކަމަށް ވެސް ފުއާދު ވިދާޅުވި އެވެ.

"އަޅުގަނޑުމެންނާ ހަމައަށް ތަފްސީލް ރިޕޯޓެއް އަދި ނާދޭ. އެކަމަކު ވޯޓު ލާ ނިމުނު ހިސާބުން އަޅުގަނޑު ޗެކް ކޮށްލިން ސީރިޔަސް މައްސަލައެއް އުޅޭތޯ. މިހާތަނަށް ލިބުނު ޝަކުވާތަކުގައި ސީރިއަސް މައްސަލައެއް ފާހަގަ ކުރެވިފައެއް ނެތް،" ފުއާދު ވިދާޅުވި އެވެ.

އީސީގެ ކޮމްޕްލެއިޓްންސް ބިއުރޯގައި ހިމެނެނީ ފަސް މެންބަރުންނެވެ. އެއީ ހަތަރު ވަކީލުންނާއި އީސީގެ ޑިރެކްޓަރެކެވެ.

މިހާތަނަށް 10 ޝަކުވާ ލިބުން ނަމަވެސް އަދިވެސް ޝަކުވާ ހުށަހެޅުމުގެ ފުރުސަތު އެބައޮތް ކަމަށް ފުއާދު ވިދާޅުވި އެވެ. އަދި އެ ކޮމިޝަނުން ބާރު އަޅަނީ ކުރިއަށް އޮތް ތިން ދުވަސް ތެރޭގައި ޝަކުވާތައް ހުށަހަޅާ ނިންމުމަށް ކަމަށް ވެސް އޭނާ ވިދާޅުވި އެވެ.

ކޮމަންޑޫ ބައި-އިލެކްޝަންގައި ނާކާމިޔާބުވި ޕީޕީއެމް އާއި އެމްއެންޕީގެ އެންމެ ބޮޑު ޝަކުވާއަކީ ސަރުކާރުން ދައުލަތުގެ ވަސީލަތްތައް ބޭނުން ކޮށްގެން އިންތިހާބަށް ނުފޫޒު ފޯރުވުމެވެ. އިންތިހާބާ ދިމާކޮށް އެ ދާއިރާގައި ހިމެނޭ ތިން ރަށުގައި ސަރުކާރުން ވަނީ ގިނަ މަޝްރޫއުތަކެއް ފަށައިފަ އެވެ.

އިންތިހާބުގައި އެމްޑީޕީގެ ކެންޑިޑޭޓް މުހައްމަދު ރާޝިދަށް ލިބުނީ 1,401 ވޯޓެވެ. ޕީޕީއެމްގެ ކެންޑިޑޭޓް މޫސާ ފަތުހީ އަށް ލިބުނީ 1,161 ވޯޓެވެ. އަދި އެމްއެންޕީގެ ކެންޑިޑޭޓް އަބްދުލް ހަންނާނަށް ލިބުނީ 323 ވޯޓެވެ.

އެމްޑީޕީ އިލެކްޝަންސް ކޮމިޝަން ޕީޕީއެމް މޯލްޑިވްސް ނޭޝަނަލް ޕާޓީ (އެމްއެންޕީ) ކޮމަންޑޫ ދާއިރާގެ ބައި-އިލެކްޝަން

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިސްނާލުމަށް އެދެމޭ

06 February 2022

ސީރިޔަސް މައްސަލަ ފެނުނީސް އިދިކޮޅުގަ މޑޕ އޮވެ އމޑ އިއްޔެ އިސްކަދަރު ކައިރީގަ ހިންގި ޖަރީމާތައް ޕޕމއިން ހިންގިނަމަ..ޕޕމ ސަރުގައޮވެ މިއިންތިޙާބަުގަ މޑޕ ހިންގި ކޮރަޕްޝަނާ ރިޝްވަތުގެ ޖަރީމާ ހިންގިނަމަ. މިހުރިހާ ކަމަކީ އަހަރެމެން ދިވެހިން އެދޭގޮތް ދިވެހިން ބޭނުންވާގޮތް.މިފުރުސަތުދެނީ ދިވެހިން އެހެންވީމަ އީސީ ވެސް ގޯހެއް ނޫން މޑޕ ވެސް ގޯހެއްނޫން. އެބަޔަކު ހޯދިއެއްޗެ އެބަޔަކަށް ލިބޭނީ ﷲ ހެޔޮވިސްނުންދެއްވާށި ދިވެހިންނަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކުސް

06 February 2022

ރައީސް އިބޫ އަށް އަބަދުވެސް ކާމިޔާބު ދެއްވާށި. މަނިކުފާނުގެ ޣަފޫ ކުރެއްވުމާއި، މަނިކުފާނުގެ ހިތްތިރިކަމާއި، އަދި މަނިކުފާނުގެ ރިވެތި ސިފަތައް ބަލައިގަންނަމު. މާތް މަނިކުފާނަށް ސުވަރުގޭގައި ގަނޑުވަރެއް ބިނާކުރައްވާށި. މަނިކުފާނަކީ ބަޠަލަކަށް ހަދާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢޯކޭ

06 February 2022

.ދިވެހިންނަކީ މޮޔައިންނެންނޫން. ފައިސާދިނަސް ނުދިނަސް. ބުރިޖު އެޅިޔަސް ނޭޅިޔަސް ވޯޓުދޭނީ އެމީހަކަށް ފެންނަ މީހަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާންޓޭގެ ބޭބެ

06 February 2022

ފުއާދޫ ސިޔާސީ ޕާޓީއަކުން "އިންޑިޔާ އައުޓޭ" ކިޔައިގެން ހަޅޭއްލަވާ ޤަޢުމުގެ ހަމަޖެހުން ނަގާލާ އަވައްޓެރި ޤަޢުމުތަކާ ޖައްސާ ޤަޢުމީ ސަލާމަތަށް ނުރައްކާ ކުރާއިރުވެސް އެޕާޓީ އުވާލާކަށް ނުވޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫ ހަންދަރު ޙަސަނު

06 February 2022

ކިތަންމެ ވަރަކަށް ތާކުންތާކު ނުޖެހޭ ޝަކުވާ ގިނަކުޅަޔަސް ފުރިހަމަ ވަގުތުގައިކުޅެ ދަނޑުން ފޭބީ މޮޅުވެގެންނެވެ. ކުޅުން ތެރިންނަށް ތިބީވެސް ހިތް ހަމަޖައްސައިދޭފަދަ ބަސްވިކޭ ރާއްޖޭގެ އާޖުފާޖު ދެނެތިބި ހަރުދަނާ ޝަޙުޞިއްޔަތުންނެވެ. އިބުރާހީމް މުޙައްމަދުޞާލިޙު ނަށީދު ޤާސިމްް އިބުރާހީމް އިމްރާނު ފަދަ ބޭފުޅުން ނިކުތީމަ ދެން ތިބޭނީ ދިޔަކަމަށް ދެލިތަޅާ ދެލިލާން ތިބޭ މީހުންނެވެ. ޙައްޤުފާޅުވެ ބާޠިލް ނެތިއްޖެއެވެ. ހޭއަރާ ދެންވެސް ވޯޓުދޭންވީ ޑުރަގާ ދެކޮޅަށެެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފުން

06 February 2022

އެހެންތަ، މުޅި ދައުލަތް ލޫޓުވާލި އިރުވެސް ހަމަ ސާފު ތޯހިރު، މިނިވަން ވާނީ ތިވަރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

06 February 2022

މިއީކީ މިނިވަން މުވައްސަސާތަކެއް ހުންނަ ގައުމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަކްމާ

06 February 2022

ދެން ދުވަހަކުވެސް މިގައުމުގައި އިންތިހާބާއި ގުޅޭ ސީރިއަސް މައްސަލައެއް ނާންނާނެ..ތަޅާފޮޅިއަސް ވޯޓްފޮއްޓަށް އިތުރަށް ވޯޓް އެޅިއަސް އެއްމެންގެ ކިރިމަތީ ފައިސާބެހިޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫޖި

06 February 2022

ކޮބާތަ ސީރިއަސް މައްސަލައަކީ؟ މިހާރު އެކުރާ ޑާރޓީ ކެމްޕޭނަށްވުރެ ސީރިއަސް ކަމެއް ބަޔަކަށް ދެން ކުރެވޭނީ ވޯޓް ފޮށްޓަށް ފާޅުގައި އިތުރު ކަރުދާސް އެޅުން. ފުއާދޫ. ނަތީޖާ އަނބުރާލުމަށް ދައުލަތަކަށް ކުރެވޭނެ ހުރިހާކަމެއްކުރި. ފައިސާ ބަހާމީހުން އެބެހި. ވަޒީފާގެ ބިރުދެއްކި މީހުން ކުންފުނިތަކުން އެކަންކުރި. އަލަށް އެތަށް ވަޒީފާއެއް ދިން. ދެން ކޮންކަމެއްތަ އިތުރަށް ކުރަންވީ؟