މޭ 6 ގެ ހަމަލާގެ ޝަރީއަތް އަވަސްކޮށްދޭން ވާނީ އެދިފައި: ޕީޖީ

ޕްރޮސިކިއުޓަ ޖެނެރަލް ހުސެއިން ޝަމީމް: އޭނާ ވިދާޅުވި ގޮތުގައި މައްސަލަ އަވަސްކޮށްދޭން ވާނީ ކޯޓުގައި އެދިވަޑައިގެންފައި. -- ފޮޓޯ/ މިހާރު

ފަޒީނާ އަހުމަދު، މިހާރު

08 ފެބުރުއަރީ 2022 - 12:26

2 comments

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން މަޖީދީމަގުގައި ބޮމެއް ގޮއްވާލަން ރާވައި އެކަން ހިންގިކަމަށް ތުހުމަތުކުރެވޭ މީހުންގެ ޝަރީއަތް ކްރިމިނަލް ކޯޓުގައި ލަސްވަމުންދާތީ އެކަން އަވަސްކޮށްދޭން އެދިފައިވާނެ ކަމަށް ޕްރޮސިކިއުޓަ ޖެނެރަލް ހުސެއިން ޝަމީމް މިއަދު ވިދާޅުވެއްޖެ އެވެ.

ރާއްޖޭގައި މިހާތަނަށް ހިންގި އެންމެ ނުރައްކާތެރި ޓެރަރިސްޓް ހަމަލާގެ ޝަރީއަތް ލަސް ކަމުން، ރައީސް އިބްރާހިމް މުހައްމަދު ސޯލިހްގެ މަންދޫބް އައްބާސް ފާއިޒް އިއްޔެ ވަނީ ކަންބޮޑުވުންފާޅުކުރައްވައިފަ އެވެ. ދައުވާ އުފުލިތާ މަސްތަކެއްވެފައިވާ އިރު ވެސް އެންމެ މީހެއްގެ ފިޔަވައި އެހެން މީހުންގެ މައްސަލަތައް އޮތީ އިބްތިދާއީ މަރުހަލާގައި ކަން އޭނާ ފާހަގަކުރެއްވި އެވެ.

Nasheed ah hamalaa dhin meehunge shareeaiy varah las: Abbas

The most trusted news source in the Maldives

Mihaaru

ސައިކަލެއްގައި ބޮމެއް ހަރުކޮށްގެން ދިން ހަމަލާއާ ގުޅިގެން ނުވަ މީހެއްގެ މައްޗަށް ދައުވާ އުފުލީ މިދިޔަ އޮގަސްޓް މަހުގެ ތެރޭގަ އެވެ. މީގެތެރެއިން ހުކުމެއް އައީ ރިމޯޓް ކޮންޓްރޯލަކުން ބޮން ގޮއްވާލި އަދުހަމް އަހްމަދުގެ މައްޗަށް އެކަންޏެވެ.

Nasheed ah hamalaa dhin Adhuham court gai dhauvaa thakah ebbas vejje

The most trusted news source in the Maldives

Mihaaru

ޕީޖީ ހުސެއިން ޝަމީމް "މިހާރު" އަށް ވިދާޅުވީ އެ މައްސަލަ މިހާރު ހިންގާ ވަރަށް ވުރެން ސްޕީޑު އަވަސްކޮށް ހިންގޭނެ ކަމަށް ގަބޫލުކުރައްވާ ކަމަށެވެ. މައްސަލަ އަވަސްކޮށްދޭން ކޯޓުގައި އެދިވަޑައިގަތީ އާއްމު މަސްލަހަތު ހިމެނޭ މައްސަލައަކަށް ވާތީ ކަމަށް ވިދާޅުވި އެވެ.

"ޖިނާއީ ބޮޑު މައްސަލައެއް، އަދި ޕަބްލިކް އިންޓްރެސްޓް އޭގައި ބޮޑު. އެހެންވެ އަވަހަށް ހިންގައިދޭން އެދުނީ،" ޕީޖީ ވިދާޅުވި އެވެ.

ނަޝީދަށް ހަމަލާދިން މައްސަލައިގައި ހިމެނޭ މީހުންގެ ޝަރީއަތް ކޯޓުގައި ކުރިއަށް ގެންދަނީ ވަކިވަކިންނެވެ.

މި ތަހުގީގަކީ ފުލުހުން މިހާތަނަށް ހިންގި އެންމެ ބޮޑު ތަހުގީގެވެ. މި ތަހުގީގުން ހަމަލާ ރޭވި މީހުންނާއި އެކަމުގައި އަމަލީ ގޮތުން ބައިވެރިވި އެންމެން ހޯދައި ހައްޔަރުކުރި އެެވެ.

ނަޝީދަށް ދިން ހަމަލައާ ގުޅޭ ގޮތުން ފުލުހުން ބުނެފައި ވަނީ 2019 ވަނަ އަހަރުން ފެށިގެން ފާރަލުމަށް ފަހު ރާވައި އެކި ފަހަރު މަތިން ބޮން ގޮއްވާލަން އުޅެ ނާކާމިޔާބު ވި ކަމަށެވެ. އެމަނިކުފާނަކީ ލޭ ހުއްދަވެފައިވާ މީހެއް ކަމަށް ކަނޑައަޅައި ހަރުކަށި ފިކުރުގެ ބަޔަކު ވަކި ސެލްއެއް އޮޕަރޭޓްކުރަމުން ދިޔަ ކަމަށާއި ހައްޔަރުކުރި އެންމެން ވެސް ނިސްބަތްވަނީ އެ ސެލްއަށް ކަމަށް ފުލުހުން ބުންޏެވެ.

ރައީސް މުހައްމަދު ނަޝީދު ކްރިމިނަލް ކޯޓް ޓެރަރިސްޓް ހަމަލާ ހުސައިން ޝަމީމް (ޕީޖީ) އައްބާސް ފާއިޒް ޕީޖީ އޮފީސް ޕްރޮސެކިއުޓާ ޖެނެރަލް

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖާބިރު

08 February 2022

ކަލެއަށް ވާނެ ހާވެސް ކަމަކީ އުންސުރު ހޯދުމާއި މައްސަލަ އިސްތިއުނާފުކުރުން އިތުރުކަމެއް ނުވާނެ ކަލެއަކަށް . ވަރަށް ސާފު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިރުނުގަނޭ

08 February 2022

ހާދަހާ ބިރެކޭ ޕީޖީވެސް މިގަންނަނީ ނަޝީދުއާޖެހުނީމަ. ބަލާ ނަޝީދުއަކީ މިހާރު ވައިގޮސްފަ އޮތް ހަމެއްކަން ނޭގޭތަ ޝަމީމަށް. ގައުމީ މަޖިލިސްގެއްލި މަޖިލިސްގެއްލި ޕާޓީގެ ޗެއަރ ޕާސަންކަންވެސް އިސާހިތަކު ގެއްލޭނެ.