ކުޑަގިރީ މިސްކިތުގެ ބިންގާ އަޅަނީ: އެރަށަކީ ޕިކްނިކް އައިލެންޑެއްގެ ގޮތުގައި ތަރައްގީކުރާ ރަށެއް --- ފޮޓޯ/އިސްލާމިކް މިނިސްޓްރީ
11 ފެބުރުއަރީ 2022 - 23:09
7 comments
ޕިކްނިކް އައިލެންޑެއްގެ ގޮތުގައި ތަރައްގީކުރާ ކ. ކުޑަގިރީގައި މިސްކިތެއް އަޅަން ނިންމައިފި އެވެ.
ކުޑަގިރި ފަޅު ހިއްކައިގެން ޕިކްނިކް އައިލެންޑެއް ހެދުމުގެ މަސައްކަތް އެމްޓީސީސީން އަންނަނީ ކުރަމުންނެވެ. އެއީ މާލެ ސަރަހައްދުގައި ޕިކްނިކަށް ދާނެ ރަށެއް ނެތުމުގެ މައްސަލަ ހައްލު ކުރުމުގެ ގޮތުންނެވެ.
ކުޑަގިރީގައި އިމާރާތްކުރާ 150 މީހުންގެ ޖާގައިގެ މިސްކިތުގެ ބިންގާ މިއަދު އަޅުއްވައި ދެއްވީ ނައިބު ރައީސް ފައިސަލް ނަސީމާއި އިސްލާމިކް މިނިސްޓަރު ޑރ. އަހުމަދު ޒާހިރާއި ޕްލޭނިން މިނިސްޓަރު މުހައްމަދު އަސްލަމް ބައިވެރިވެ ވަޑައިގަތެވެ. މިސްކިތް އިމާރާތް ކުރަނީ ފެނަކަ ކޯޕަރޭޝަންގެ އެހީގަ އެވެ.
ކުޑަގިރި ޕިކްނިކް އައިލެންޑްގެ މަސައްކަތް އަންނަ މަހު ނިންމޭނެ ކަމަށް އެމްޓީސީސީން ވަނީ ބުނެފަ އެވެ. އެރަށުގެ މިސްކިތް އިމާރާތް ކުރާއިރު، ދަތުރުކުރާ މީހުންނަށް ޚާއްސަ ކޮށްގެން އެހެން ވަސީލަތްތައް ވެސް ގާއިމްކުރަން އޮތީ ނިންމައިފަ އެވެ.
ކުޑަގިރި ތަރައްގީކުރަން ފެށުމުގެ ކުރިން ސަރުކާރުން ފުރަތަމަ ނިންމީ ކ. އެނބޫދޫފަޅުގައި ހިއްކާފައިވާ ރަށެއް ޕިކްނިކް އައިލެންޑަކަށް ހެދުމަށެވެ. އެކަމަކު ފަހުން ސަރުކާރުގެ ނިންމުން ބަދަލުކޮށް، ކުޑަގިރީގައި ޕިކްނިކް އައިލެންޑް ހަދާ ގޮތަށް ހަމަޖެއްސި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
14 February 2022
ދަރު މާރުކޭޓަށް ވެސް ހުކުރު މިސްކިތެއް ބޭނުން ވޭ. އަލްހަމްދު ލިއްލާހި.
ހަސަންދީ
12 February 2022
އިސްލާމީ ޤައުމެއްގައި މިގޮތައް ހިއްކައިގެންވިޔަސް ދިރިއުޅެން ނުވަތަ އެހެން ބޭނުމަކައްވިޔަސް އެންމެ ފުރަތަމަ އެތަނެއްގައި ބިނާ ކުރުން އެންމެ ރަގަޅީ މިސްކިތެއް ބިނާކުރުން
ރަންނަ
12 February 2022
ގައިމު ގޮވާއަޑު އިވެނީ ފައްޅި އަޅާނެ ވާހަކަ. މިވާނުވާއެއް ނޭނގޭ. ފާއިތުވި ދިހައަހަރުވެސް މިގައުމުގަ އެޅި ގިނަ މިސްކިތެއް ބިނާކުރީ އެމްޑީޕީ ގެ ބާރުވެރިކަމުގަ.
ޑރފަލަޑޭ
12 February 2022
މިސްކިތެއް އަޅަންވެސް ހަމަ ތިވަރަށް މީޑިއާ ސްޓަންޓް ޖައްސަން ޖެހޭތަ؟
އައްބެ
12 February 2022
ސަރުކާރުން ބޭނުންވީމައި ސަރުކާރު ކުންފުނިތަކުގެ ފައިސާއާއި ވަސީލަތްތައް އެބޭނުންވާ ދިމާލަކަށް އޮއްސާލެވޭ. އެކަމަކު ރާއްޖެތެރޭގެ އާދައިގެ ރަށެއްގެ ކައުންސިލަކުން ކަމެއްކުރަން އެދެފިނަމަ ދޭނޭ ފަންޑެއް ތިއިން ކުންފުންޏަކު ނުހުރޭ. އިންތިޚާބެއް ބޯމަތިވުމުން ނޫނީ ނުލިބޭނެ އެކައްޗެއްވެސް. ކުރިޔަށް މިއޮތްދުވަސް ތަކުގައި ކުންފުނިތައް ދަރުވާލައިގެންނަމަވެސް ފޮޓޯނަގާ ޕްރޮޖެކްޓްތައް ފެށޭތަން ފެންނާނެ އެކި ދިމަދިމާއިން.
ށަވިޔަނި
12 February 2022
ރަނގަޅު ކަމެއް.
ޢަރުތަ
12 February 2022
ތީ ވަރަށް ރަނގަޅުކަމެއް، ޝުކުރިއްޔާ......