ގައުމީ ޓީމަށް ކުޅުން ހުއްޓާލަން ކީޕަރު ފައިސަލް ވިސްނަނީ

އަލިފުށި- ޖެނުއަރީ 23، 2022: ރ. އަލިފުށީގައި މިއަދު ކުޅުނު ފައިނަލް މެޗަށް ފަހު ވެލެންސިއާގެ ކީޕަރު ފައިސަލް އުފާފާޅު ކުރަނީ--. ފޮޓޯ: ނިޝާން އަލީ/މިހާރު

ހަސަން އާމިރު، މިހާރު

15 ފެބުރުއަރީ 2022 - 10:51

4 comments

ރާއްޖޭގެ އެއް ނަމަބަރު ގޯލް ކީޕަރު މުހައްމަދު ފައިސަލް ގައުމީ ޓީމަށް ކުޅުން ހުއްޓާލަން ވިސްނާ ކަމަށް އޭނާ މިއަދު ބުނެފި އެވެ.

ރަނގަޅު ފޯމެއްގައި ހުރި ކީޕަރު ކުޅުން ހުއްޓާލަން ވިސްނާ ސަބަބެއް ނުބުނެ އެވެ. އޭނާ "މިހާރަ"ށް މިއަދު ބުނީ ކުޅުން ހުއްޓާލަން އިއުލާންކުރާ ދުވަހު ސަބަބުތައް ހާމަކުރާނެ ކަމަށާއި އެކަމުގެ ސަބަބުތައް ބައިވަރު އެބަހުރި ކަމަށެވެ.

"ކްލަބު ފުޓުބޯޅަ އިން އަދިވެސް ފެންނާނެ. އެކަމަކު ގައުމީ ޓީމަށް ކުޅުން ހުއްޓާލަން ވިސްނަމުން މިދަނީ،" ވެލެންސިއާ އަށް ކުޅޭ ކީޕަރު ބުންޏެވެ.

ފައިސަލްގެ ފޭސްބުކުގައި މިއަދު ކުރި ޕޯސްޓެއްގައި ބުނެފައި ވަނީ އޭނާ މިހާރު ވިސްނަނީ ފުޓުބޯޅަ ކެރިއަރު ހުއްޓާލަން ކަމަށެވެ.

"ލޯބިވާ ސަޕޯޓަރުންނަށް ބުނެލަން ބޭނުން ވަނީ މިހާރު ތައްޔާރު ވަމުން މިދަނީ ފުޓުބޯޅަ ކެރިއަރު ހުއްޓާލަން. އެކަމުގެ ސަބަބުތައް ވަރަށް ގިނަ. ހުއްޓާލާ ދުވަހަކުން ރާއްޖޭގެ ފުޓުބޯޅައިގައި އަޅުގަނޑުގެ ތަޖްރިބާ ކިޔައިދޭނަން. ދިވެހި ފުޓުބޯޅަ އަށް ލޯބިކުރާ މީހުންނަށް ނޭނގޭ އެތައް ހަގީގަތެއް ހާމަކޮށްދޭނަން،" ބަންގްލަދޭޝްގައި 2018 ވަނަ އަހަރު ބޭއްވި ސާފް ޗެމްޕިއަންޝިޕުގެ މޮޅު ކުޅުންތެރިޔާގެ މަގާމު ހޯދި ފައިސަލްގެ ޕޯސްޓުގައިވެ އެވެ.

ފައިސަލް ވަނީ ރ. އަލިފުށީގައި މިދިޔަ މަހު ކުޅުނު ޕްރެޒިޑެންޓްސް ކަޕް ވެލެންސިއާ އަށް ހޯދައިދިނުމުގައި މުހިންމު ދައުރެއް އަދާކޮށްފަ އެވެ. އަދި އޭނާ ވަނީ އޮކްޓޯބަރު މަހު ރާއްޖޭގައި ކުޅުނު ސާފް ޗެމްޕިއަންޝިޕުގައި ރާއްޖޭގެ ގޯލުގައި މޮޅު ކުޅުމެއް ދައްކައިފަ އެވެ.

މުހައްމަދު ފައިސަލް ފުޓްބޯޅަ ކްލަބް ވެލެންސިއާ ގައުމީ ފުޓްބޯޅަ ޓީމް

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެހެހެ

16 February 2022

މައްސޫރުވާން ހެޑްލައިން އެއް އަޅާލީދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުށާދީ

15 February 2022

ރަނގަޅު ނިންމުމެއް. މަރުހަބާ ކިޔަން އައު މޫނުތަކަށް ދޮރު ހުޅުވާލަދިނީތީ. އަރަން ތިބި ކީޕަރުންނަށް ހަމަ ރަގަޅު ފުރުސަތުތައް މިގޮތަށް ހުޅުވެންވާނެ. އެއްވެސް ކަމެއްގައި އެކަކަށް މާބޮޑަށް ބަރޯސާވުމަކީ ރަނގަޅު ގޮތެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޕޯރޓަރުން

15 February 2022

ރަނގަޅު ނިންމުމެއް ފައިސަލް ، ވ ތާއީދު ތިޔަނިންމުމައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

15 February 2022

ސާބަހޭ ބްރަދާ.ގަބީލާ ބަޔަކު ރާއްޖޭގެ ފުޓްބޯޅަ ހަލާކުކޮށްފި. [ދިވެހި ފުޓުބޯޅަ އަށް ލޯބިކުރާ މީހުންނަށް ނޭނގޭ އެތައް ހަގީގަތެއް ހާމަކޮށްދޭނަން،"] އަވަސް ކުރޭ ޕްލީޒް.ރަނގަޅަށް ބިތުފަންގި ކޮށާލައްޗޭ ބްރަދާ.ގުޑް ލަކް.ވ.ވެދުން