ހާރިސް: އޭނާގެ މަރުގެ މައްސަލާގައި މުހިންމު ދެ ހެއްކަކު ހާޒިރު ނުކުރެވި، މައްސަލަ ނިމުމަކާ ގާތަަށް ވަނީ ގޮސްފައި
23 ފެބުރުއަރީ 2022 - 12:04
7 comments
ހުޅުމާލޭ ހާފްވޭ ހައުސް ކައިރިން ތޫނު އެއްޗެހިން ހަމަލާދީ ހާރިސް އަބްދުލްއަފޫރު މަރާލި މައްސަލާގައި ދައުލަތުގެ މުހިންމު ދެ ހެކިވެރިއަކު އެންމެ ފަހު ފުރުސަތުގައި ވެސް ހާޒިރު ނުކުރެވި، އެ މީހުންގެ ހެކިބަސް ހޯދުމުގެ ފުރުސަތު އެއްކޮށް ގެއްލިއްޖެ އެވެ.
ސެޕްޓެމްބަރު، 2017 ގައި ހާރިސް މަރާލި މައްސަލާގައި ދައުލަތުން ދައުވާކުރަނީ ޏ. ފުވައްމުލަކު ހިލްޓަން ޔާމީން ރަޝީދުގެ މައްޗަށެވެ. އެ މައްސަލާގައި ދައުލަތުން ހުށަހެޅި ސިއްރު ދެ ހެކިވެރިއަކު ހާޒިރުކުރުމަށް ގިނަ ފުރުސަތުތަކެއް ދައުލަތަށް ދިނުމަށް ފަހު މިދިޔަ މަހު ކޯޓުން ދިނީ އެންމެ ފަހުގެ ފުރުސަތެވެ. އެކަމަކު މިއަދު ބޭއްވި އަޑުއެހުމަށް ވެސް އެ ދެ ހެކިވެރިން ދައުލަތަށް ހާޒިރެއް ނުކުރެވުނެވެ.
އެ ދެ ހެކިންނަކީ ހާރިސަށް ހަމަލާދިން މަންޒަރު ދުށް އެންމެ މުހިންމު ހެކިން ކަމަށްވާތީ އެ މީހުން ހާޒިރުކުރަން އިތުރު ފުރުސަތަކަށް ދައުލަތުން އަނެއްކާވެސް އެދުނެވެ. އެ މައްސަލަ ބައްލަވާ ގާޒީ އާދަމް މުހައްމަދު ވިދާޅުވީ ކުރިން ވެސް ފުރުސަތުތަކެއް ދީފައިވާތީ އިތުރު ފުރުސަތެއް ދެން ނުދެއްވޭނެ ކަމަށެވެ.
އެހެންވެ، ދެން އެ މައްސަލާގައި ޚުލާސާ ބަޔާން ހުށަހެޅުން ކަމަށާއި އަދި އެ މައްސަލަ އަންނަ އޭޕްރީލް މަހު ނިންމޭތޯ މަސައްކަތް ކުރައްވާނެ ކަމަށް ގާޒީ ވިިދާޅުވި އެވެ.
ފުލުހުން ކުރިން ކޯޓުގައި ބުނެފައިވާ ގޮތުން ހާރިސްގެ މަރަކީ ޔާމީނާއި ހާރިސްއާ ދެމެދު ހިންގި މާރާމާރީއަކާ ގުޅިގެން ދީފައިވާ ބަދަލު ހިފުމުގެ ހަމަލާއެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަގު
24 February 2022
ބަނަދުގަ ބައިތިއްބައިގެން ތި 2 ހެކިން ގެންނަންޖެހޭ. ކީއްވެބާ އެކަން ނުކުރަނީ. ވަކި މައްސަލަތަކެއްގަ އެކަން އޮވޭ. ހަމަ ދޯދިޔާކަން. މަކަރުވެރިކަން. ހުސްވަގުން. ގާޒީއެއް. ވަކީލެއް. ހެއްކެއް ކިޔާނެކަމެއްނެއް
ޙިނި
24 February 2022
މީރާވައިގެން ކުރާކަމެއްހެންވެސް ހީވޭ. ދެން ދައުލަތުގެ ތި ވަކީލުގެ އަނެއް މައްސަލަޔާ ހަވާލުވާންވީ.
ހަމުނޭ
23 February 2022
އެކިއެކި މޭޒުމޭޒު ކައިރީގަތިބެ ރާވައިގެންހިންގާ ޖަރީމާ! މުޅިދައުލަތުމިއޮތީ ދޭށޭލާރިއަށްވެފަ. ގާނޫނުއޮތީ ލޯވަޅުތޮރުފި އުނދުޅިއަކަށްވެފަ. ވެރިންނާއި ޤާނޫނުހަދާ މަޖިލީސް މޮޅުވާހަކައިގަ.
ހަމަހަމަކަން
23 February 2022
މިހާރު ކޯޓު ތަކުގެ ބޭނުމެއް ނެތް. މީކީ ކުޑަ ކަމެއްނޫން. އިންސާނެއްގެ މަރުގެ މައްސަލައެއް. ގާޒީ ހިތަކަށް ނާރާ ތިމާ ދާންޖެހޭ ކަމެއް މަހުށަރުގެ މައިދާނަށް.
އިންސާފުވެރިކަން
23 February 2022
އަދިވެސް ކޯޓު ދޯ ގޯސްވީ؟ މަރުގެ މައްސަލައެއްގަ ހެކިވެރިން ހާޒިރުކުރަން ދައުލަތަށް ދެފުރުސަތު ދިނުމުންވެސް ހެކިވެރިން ހާޒިރުނުކުރެވުނުކަމީ މިކަމުގައި ދައުލަތުގެ ސީރިއަސްކަމެއް ނެތްކަން އެނގޭކަމެއް. އުމުރު ހުސްވަންދެން ފުރުސަތުދީދީއެއް ނުހުރެވޭނެދޯ.
ާއަލިމޯޑު
23 February 2022
ހަބަރު ކިޔާ ނިމުނުއިރު ވެސް އެބުނާ ދެ ހެކިން ޝަރީއަތުގެ މަޖިލީހަށް ނުގެނެވުނީ ކީއްވެ ކަމެއް ނޭނގުނު.އެމީހުން ދުނިޔޭގައި ނެތީ ކަމެއް ރާއްޖޭގައި ނެތީކަމެއް އެމީހުން ހެކިބަސް ދޭން އުޒުރުވެރިވަނީ ކަމެއް ނޭނގުނު
ހައްޖު
23 February 2022
އައްދިއްޔޯތް! މިފެންނަ ކުޅިވަރުދޯ!