މާސްޓަކާޑް.
06 މާޗް 2022 - 11:34
12 comments
އޮންލައިންކޮށް ފައިސާގެ މުއާމަލާތުތައް ކުރުމުގައި ދުނިޔޭގައި އެންމެ ބޮޑު މަގުބޫލުކަމެއް ހޯދާފައިވާ އެމެރިކާގެ ދެ ކުންފުނި ކަމަށްވާ ވީސާ އާއި މާސްޓާ ކާޑްގެ ހިދުމަތްތައް ރަޝިޔާގައި ނުލިބޭ ގޮތް އެ ދެ ކުންފުނިން ހަދައިފި އެވެ.
އެ ދެ ކުންފުނިން ބުނިގޮތުގައި ވިސާ ކާޑާއި މާސްޓާ ކާޑު މެދުވެރިކޮށް، ރަޝިޔާގައި މުއާމަލާތުތައް ނުކުރެވޭ ގޮތް ހެދީ، ރަޝިޔާ އިން މިހާރު ޔޫކްރޭނާ ދެކޮޅަށް ފަށާފައިވާ ހަނގުރާމައާ ގުޅިގެން، ރަޝިޔާއާ ދެކޮޅަށް އެމެރިކާ އިން އަޅާފައިވާ ދަތިކުރުމުގެ ފިޔަވަޅުތަކުގެ ތެރެއިންނެވެ.
ވީސާ ކުންފުނިން ބުނީ، ރަޝިޔާގެ އެއްވެސް ބޭންކަކުން ހަދައިދީފައިވާ ވީސާ ކާޑަކުން ކޮށްފައިވާ ފައިސާގެ އެއްވެސް މުއާމަލާތެއް، އެ ގައުމުން ބޭރުގައި ދެން ކުރިއަކަށް ނުދާނެ އެވެ. އަދި އެހެން ގައުމަކުން ދޫކޮށްފައިވާ ވީސާ ކާޑެއް، ރަޝިޔާގެ އެތެރޭގައި ވެސް ބޭނުން ނުކުރެވޭނެ ކަމަށް، އެ ކުންފުނިން ބުންޏެވެ.
މާސްޓާ ކާޑް ކުންފުނިން ބުނެފައި ވަނީ ރަޝިޔާގެ އެއްވެސް ބޭންކަކުން ހަދައިދީފައިވާ އެއްވެސް މާސްޓާ ކާޑެއް، އެ ކުންފުނީގެ ވިއުގައިގެ ތެރޭގައި މީގެ ފަހުން ބޭނުން ނުކުރެވޭނެ ކަމަށެވެ. އަދި އެހެން ގައުމެއްގެ ބޭންކަކުން ހަދާފައިވާ މާސްޓާ ކާޑެއް ވެސް، ރަޝިޔާގެ އެއްވެސް އޭޓީއެމްއެއްގައި ވެސް އަދި ވިޔަފާރިކުރާ ތަނެއްގައި ވެސް ބޭނުން ނުކުރެވޭނެ ކަމަށް އެ ކުންފުނިން ބުނެ އެވެ.
ޔޫކްރޭންގެ ވެރިރަށް ކިޔޭވްގެ ހުޅަނގު އުތުރުގައި އޮންނަ އިރްޕިން ސަރަހައްދު ދޫކޮށް ނުކުންނަ ބަޔަކު، ހަލާކުވެފައިވާ ބްރިޖެއް ހުރަސްކުރުމުގައި ޔޫކްރޭން ސިފައިން އެހިތެރިވެދެނީ. --އޭއެފްޕީ
މާސްޓާ ކާޑް ކުންފުނިން ބުނިގޮތުގައި އެ ކުންފުނީގެ ވިޔަފާރީގެ ވިއުގައިގެ ތެރެއިން، ރަޝިޔާގެ ވަރަށް ގިނަ މާލީ އިދާރާތަކަށް ހިދުމަތް ދިނުން މި ވަގުތަށް ވަނީ މެދުކަނޑާލައިފަ އެވެ. އެ ފިޔަވަޅު އެޅީ ރަޝިޔާ އަށް ދަތިކުރުމަށް އެމެރިކާ ސަރުކާރުން އަޅާފައިވާ ފިޔަވަޅުތަކާ ގުޅިގެން ކަމަށް ވެސް އެ ކުންފުނިން ބުނެ އެވެ.
ރަޝިޔާގެ ސްބާބޭންކުން އިންސްޓަގްރާމްގައި އާންމުކުރި ބަޔާނެއްގައި ބުނެފައިވާ ގޮތުގައި އެ ބޭންކުން ދޫކޮށްފައިވާ ވީސާ ކާޑާއި މާސްޓާ ކާޑްތައް މިހާރު ބޭނުންކުރެވޭނީ ހަމައެކަނި ރަޝިޔާގެ އެތެރޭގައި ކުރާ ވިޔަފާރީގެ މުއާމަލާތުތަކުގަ އެވެ. ހިދުމަތްތަކަށް ފައިސާ ދެއްކުމަށާއި ފައިސާ ޓްރާންސްފާ ކުރުމާއި އޮންލައިން ވިޔަފާރިތަކަށް ފައިސާ ދެއްކުމުގައި ވެސް ރަޝިޔާގެ އެތެރޭގައި ކާޑުތައް ބޭނުންކުރެވޭނެ އެވެ.
އެ ބޭންކުން ބުނީ، ރަޝިޔާގެ އެތެރޭގައި ފައިސާގެ ހުރިހާ މުއާމަލާތެއް ހިންގަނީ، ބޭރުގެ އެއްވެސް ގައުމަކާ ގުޅުމެއް ނެތް، ރަޝިޔާގެ އަމިއްލަ ވިއުގައެއްގެ ތެރެއިން ކަމަށް ވާތީ، ރަޝިޔާގެ އެތެރޭގައި ވިސާ ކާޑާއި މާސްޓާ ކާޑް ބޭނުންކުރުމުގައި އެއްވެސް ދައްޗެއް ކުރިމައްޗެއް ނުވާނެ އެވެ.
އެމެރިކާގެ މި ފިޔަވަޅުތަކާ ގުޅިގެން ރަޝިޔާގެ މަރުކަޒީ ބޭނުންކުން އިއްޔެ ވަނީ، އެ ގައުމުން ބޭރަށް ދަތުރުކުރާ އިރު ރަޝިއާގެ މީހުން ގެންގުޅޭ ވިސާ ކާޑާއި މާސްޓާ ކާޑަށް ބަރޯސާ ނުވެ، ނަގުދު ފައިސާ ގެންގުޅުމަށް އިރުޝާދު ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުގުދާބެއްޔާ
07 March 2022
ރަސިޔާ މީހުންނަށް މިހާރު ވަރަށް ގަދަޔަށް ރާކަނިމަސް ކެވޭނެ.
ހުޅު ޒާހިރު
06 March 2022
ވިކިލީކުސް ބެނީ ރަނގަޅަށް. ރަޝިއާއަށް އެނގޭނެ ނިއުކްލިއަރ ހަތިޔާރާއި ބޮން ބޭނުންކުރީމަ އެމީހުންވެސް ވާނީ މަރުކަން. މަރު ދެކެ ބިރު ނުގަންނަނީ ކަންނާ؟؟؟ ހަމަ ފޮނު އަރުވަނީ ހަތިޔާރުތައް ނެރެގެން. ބިރުދައްކަނީ ތެބެގެން އެމެރިކާއާ އިގިރޭސިނަށް. ފައިސާވެސް ޗައިނާއާ ރަށިޔާ ބަދަލުކުރާނެ.ކުރިޔަށްވެސް ދާނެ
ވިކިލީކުސް
06 March 2022
ޗައިނާއިން އެދުނު ފޮރިން ރިޒާވްގަ 1.6 ޓްރިލިއަން ޑޮލަރު ހުރި ރަޝިޔާއަށް މިހަގުރާމަ ޑިލޭ ކުރަން. ނަމަވެސް ހުޅަނގުގެ ނުރައްކަލަށް ކެތް ނުކުރެވިގެން ހުޅަނގާ ގުޅުންހުރި ގޭންގުތައް ދުއްވާލަން ޕުޓިންއަށް މަޖުބޫރުވީ. ފިއްތުންތައް އަންނާނެކަން އެނގިހުރެ. ވީމާ ފައިސާގެ މުއާމަލާތު ކުރުމުގެ އައު އިލެކްޓްރޯނިކް ވިއުގައަކާމެދު ރަޝިއާ އޮންނާނީ ވިސްނާފަ. ޔަގީނުންވެސް ނިއުކްލިއަ ބާރު މިއޮޕަރޭޝަނުގަ ރަޝިއާ ބޭނުމެއް ނުކުރާނެ.
ޕޮޓުން
06 March 2022
ވަރަށް ގިނަ ދިވެހިން ތިބީ ރަޝިޔާ މިހަނގުރާމައިން މޮޅުވާނެ ކަމަށް ހީކޮށްގެން. ޔުކްރޭންގެ ކިތައް މީހުންތޯ މަރުވީ، ކިތައް ގެތައްތޯ ފުޑާލީ ބަލާކަށް ގިނަ ދިވެހިން ބޭނުމެއް ނުވޭ. މިހާތަނަށް 1 މިލިޔަނަށް ވުރެ ގިނަ ރެފިއުޖީން އުފެދިއްޖެ ހަމައެކަނި މިދިޔަ ކުޑަ ދުވަސްކޮޅުތެރޭ.
ޙަމް67
06 March 2022
މީގަ ރަށިޔާ ޔޫކުރޭން ހިފިޔަސް ލިބޭނެ މޮޅެއް ނެތް. މީހުން އެތިބީ މިހާރުވެސް ކިޔުގަ ކާއްޗިސް ހޯދަން. ނޯރތް ކޮރެއާ، ކިޔުބާ، އީރާނައް ޖެހު ހާލުޖެހިގެން ތިބެން ޖެހެނި. ރައްކާ ކުރި ރަނާ، ،600 ބިލިއަން ޑޮލަރުގެ ރިޒާވް ގަވެސް އަތް ނުލެވުނު. އެކެއްގެ ބޯހަރު ކަމުން މުޅިގައުމު އަނދަވަޅައް އެވައްޓާލަނި
ކަކުނިބޯ
06 March 2022
މުޅި ޔޫރަޕްގަވެސް އެންމެ މުސްލިމުންގިނަ އާބާދީ އަކީ ރަޝިޔާ އެހެންވީމާ ރަޝިޔާއަށް ހަތަރެސްފައިން ތާއީދު
އޮރެންޖްބެރީ
09 March 2022
ކަކުނިބޯ، ރަޝިޔާއަކީ އޭޝިއާ އަދި ޔޫރަޕް ދެބައިގައި އޮތްގައުމެއް. އެގޮތޮަށް ބަލަންޏާ މުސްލިމުން އެންމެ ގިނައީ ތުރުކީގައި. ރަޝިއާގައި މުސްލިމުން ގިނައަސް، މުސްލިމުން ބޭނުންވެގެން ކުރާ ހަނގުރާމައެއް ނޫނޭމީ. އެމެރިކާގައިވެސް ރާއްޖެއަށްވުރެ މުސްލިމުން ގިނަ. އެހެނެއް ކަމަކު އެމެރިކާ ރައީސް ނޫނީ ރަޝިއާ ރައީސްކުރާ ހާ ކަމަކަށް އަހަރުމެން ދިވެހިން ސަޕޯޓްކުރަންޖެހޭތަ؟
ޙިނި
06 March 2022
ރަޝިޔާ ބޮޑު ގައުމަކަސް އެއްވެސް ބާރެއްނެތް ހުދުމުހުތާރު ގައުމެއް. ޙުޅަންގުން މިފެށީ ރަޝިޔާ ބައިބައި ކޮއްލުމުގެ ފެށުން ކަމައް އުންމީދުކުރަން.
ބާބަރޯސާ
06 March 2022
މި ޕޫޓިން އަކީ މަ ވަރަށް ފޫހިވާ ކުރުސްޗޯޕެއް. ބަލާބަ އުޅޭ ވައްތަރެއް. އެމެރިކާނުން ޢިރާގަށްވެސް އަރައިގަތީ ތިފާޑަށް. އޭއްޗެކޭ މީއްޗެކޭ ކިޔާބަހައްޓާފަ. ރަގަނޅަށް ކަރުބުޑުގަ ރަހަ ލާ ވަރު ވާނެ ފަދަ ގޮތަކަށް ތިކަންތައް ދާނެކަމަށް ހީކުރަން. އެމެރިކާ އިޒްރޭލު ވަރަށް ގޯސް. މީ ވަކި ސަހަލު މީހެއްނޫން.
ހުސެން
06 March 2022
މާނައަކީ ވިޒާ ނުވަތަ މާސްޓަރ ކާޑަށް ބަރޯސާވުން ދުނިޔޭގެ ގައުމުތަކުން ހުއްޓާލާ ފައިސާގެ މުއާމަލާތްތައްކުރާނެ އާގޮތްތައް މިހާރުން މިހާރަށް ހޯދަންޖެހިއްޖެއޭ! މިކަންދެންވާނީވެސް މިބުނިހެން، ދޭދޭ ގައުމުތަކުގެ މެދުގައި އުފެދޭ މައްސަލަތަކާހުރެ މިފަދަ ސާވިސްތައް މެދުކަނޑާލުމަކީ އެއްގޮތަކަށްވެސް ކުރެވިގެންވާނެކަމެއްނޫން، މިކަމުން އެންމެބޮޑަށް ދަތިވެ ހާލުގައިޖެހޭނީ ތިޔަ ހަނގުރާމައާ އެއްވެސް ގުޅުމެއްނެތްމީހުން
ޙަމް7
06 March 2022
މަނާ ކޮއްފިއެ ބުނީމަ ހީވަނީ ރަޝިޔާ ސަރުކާރުން މަނާ ކުރިހެން. ޜަނގަޅު ގޮތަކީ އެދެ ކުންފުނިން ހުއްޓާލީ. ޕޭޕަލްއާ އެޕަލްޕޭވެސް. ސްޓޮކްމާރކެޓް ހުޅުވާލަންވެސް ނުކެރިފަ ރަޝިޔާ އެއޮތީ. ލާރީގެ އަގު 50 % ވެއްޓިފަ. ޢަދިވެސް މީހުނައް ބިރު ދެއްކުމުގަ ޕޫޓިން. ނޯޜތް ކޮރެޔާ އިރާނު ގޮތައް ގައުމު އިނދަޖެހުން ނޫންގޮތެއް ނުވާނެ.
ފެންސު
06 March 2022
ތިކަހަލަ އަމިއްލަވަންތަކަމެއް ނެތް މީހުނަށް އަބަދުވެސް ފެންނާނީ އަޅުވެތިކަމަކީ ނިމިވަކަންގޮތަށް. ކޮންމެވެސް މީހެއްގެ ތައްޕާހުގަ މެނުވީ އުޅެންނުވެސް އެނގޭނެ.