މޯލްޑިވިއަންގެ ފްލައިޓަކަށް ފަސިންޖަރުން އަރަނީ-- ފައިލް ފޮޓޯ: މިހާރު
10 މާޗް 2022 - 11:11
10 comments
ރާއްޖޭގެ ގައުމީ އެއާލައިން މޯލްޑިވިއަން އިން 10 އަހަރެއްހާ ދުވަސް ފަހުން ސްރީ ލަންކާ އަށް އަލުން ދަތުރުތައް ފަށަން ނިންމައިފި އެވެ.
އެ އެއާލައިން ހިންގާ އައިލެންޑް އޭވިއޭޝަން (އައިއޭއެސް) މިއަދު ނެރުނު ބަޔާނެއްގައި ބުނީ، މި މަހުގެ 27 ވަނަ ދުވަހު ދަތުރުތައް ކުރާނީ މާލެ އިން ކޮލަމްބޯ އިންޓަނޭޝަނަލް އެއާޕޯޓް (ރަތުމަލާނާ އެއާޕޯޓް) އަށް ކަމަށެވެ. އެއީ ސްރީ ލަންކާގައި ރާއްޖެއާ އެންމެ ކައިރީގައި އޮންނަ އެއާޕޯޓެވެ.
ދެކުނު އޭޝިއާގެ ގައުމުތަކަށް ރަތުމަލާނާ އެއާޕޯޓް މިދިޔަ އަހަރު ހުޅުވައިލުމާއެކު، މޯލްޑިވިއަނުން އައީ އެ އެއާޕޯޓަށް ދަތުރުތައް ފެށުމަށް މަޝްވަރާތައް ކުރަމުންނެވެ.
އައިލެންޑް އޭވިއޭޝަނުން ބުނީ އެ އެއާޕޯޓަށް މޯލްޑިވިއަންގެ ދަތުރުތައް ފަށަން ނިންމީ އެއީ ގިނަ ދިވެހިން އުޅޭ ސަރަހައްދަކަށް ވާތީ ކަމަށެވެ. ދަތުރުތައް ފެށުމާއެކު ގިނަ ދިވެހިންނަށް ލުއިތަކެއް ލިބޭނެ ކަމަށް ވެސް އެ ކުންފުނިން ބުނެ އެވެ.
މޯލްޑިވިއަން އެއާލައިނުން ރަތުމަލާނާ އެއާޕޯޓަށް އަދި ތާވަލު ކޮށްފައިވަނީ ހަތަރު ދަތުރެވެ. އެއީ މި މަހުގެ 27، 29، 31 އަދި އަންނަ މަހުގެ 3 އަށެވެ. ނަމަވެސް ތަރުހީބަށް ބަލައި ފްލައިޓުތައް އިތުރު ކުރާނެ ކަމަށް މޯލްޑިވިއަނުން ބުންޏެވެ. ދަތުރުތަކުގެ އަގެއް ވެސް އަދި ހާމައެއް ނުކުރެ އެވެ.
މޯލްޑިވިއަން އެއާލައިންގައި ލަންކާ އަށް ދަތުރު ކުރަން ބޭނުންވާ މީހުންނަށް އެ އެއާލައިންގެ ވެބްސައިޓް އަދި މޯބައިލް އެޕްލިކޭޝަނުން ބުކިން ހެއްދޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާރިސް.
10 March 2022
ނުވާނެ ތިކަމެއް 3 މަސް ފަހުން ހުއްޓާލާނެ. ތިސެކްޓަރ އަކީ ގެއްލުންވާނެ ސެކްތަރ އެއް . މިއީ ހާރިސްގެ ތިއަރީ. އައްޑޫ ގަމަށް ސްރީލަންކަން ޝެޑިއުލް ދަތުރު ފެއްޓީމަވެސް އެކަލޭގެ ބުނީ މިހެން. އެކަމަކު ގެއްލުމުގައި ވިޔަސް ހުއްޓުމެއްނެތި ހަފުތާއަކު 4 ދަތުރު 3 އަހަރު ވަންދެއް ސްރީލަންކަން އައްޑޫ ގަމަށް ކުރަމުން ގޮސް ދަތުރު މެދު ކަޑާލީ ކޮވިޑަށް ބޯޑަރު ތައް ބަންދު ކުރުމުން. މިވަރުގެ ކޮހުން ހިންގާ ތަނެއް ތިއީ.
ކަޅޭ.
10 March 2022
ބަރާބަރު. ހަމަ ސީދާ ހާރިސް ބޮސްގެ ވާހަކަ ހުންނަގޮތް ތިއީ.
އަލީ ޙާލިދު.
10 March 2022
ރައީސް ނަޝީދުގެ ވެރިކަމުގައި ގަމާއި ސައުތުއެފްރިކާ އަދި ގަމާއި މަޑަގަސްކަރައަށް ދަތުރު ކުރުމަށް މޯލްޑިވިއަން އާއި މަޝަވަރާކޮށް އެދަތުރުތައް ފެއްޓުމަށް އެދުމުންވެސް މޯލްޑިވިއަންގެ ބޯޑާއި މެނޭޖްމަންޓުން އެކަން ކުރަން ބޭނުމެއްނުވި. ކަޅޭ އަދި ހާރިސް. ތިބުނާ ގޮތަށް ގެއްލުމުގައިވިޔަސް މާލެއިން ބޭރުގެ މަންޒިލް ތަކަށް ދަތުރު ކުރަން އެމީހުން އޯކޭ. އެކަމަކު އައްޑޫ ވެއްޖެނަމަ އެއްބަހެއް ނުވާނެ.
މާލޭ ކުއްޖެއް.
10 March 2022
ކިހާ ދެރަކަމެއް. އައްޑޫ މީހުން ވާނެ މާލޭގައި ކުރާ ކޮންމެ ކަމެއް އައްޑޫގައިކުރަން. ބަލަ ގަމުން ފުރައިގެން ތިޔަ ބުނާ މަންޒިލް ތަކަށް ދިޔައިމަ އެތަންތަނުން އައްޑުއަށް އަންނާނެ ބަޔަކު އެބަތިބިތަ ؟ މިހާރުވެސް މޯލްޑިވިއަން ދަތުރުކުރާ އެތެރޭގެ ދަތުރު ތަކުގެ ތެރެއިން އެންމެ ގެއްލުންވާ ތަނަކީ ގަން ސެކްޓަރ. އަދި މަންޓާ އެއަރ ގަމަށް އުދުހެން ފެއްޓުމުން ބޮއިކޮޓް މޯލްޑިވިއަން އޭ ކިޔާފައި އައްޑޫ މީހުން ސޯޗަލް މީޑިއާގައި އެއްޗެހި ޖަހާ އުޅުނެއްނު.
ޢަރުތަ
10 March 2022
ޔުނިވަރސަލްގެ ކަމެއް، 299 ޑޮލަރަށް އަގު ޖަހާފަ އޮތީ، 310 ޑޮލަރަށް އެމިރޭޓްސް އިން ޓިކެޓްލިބޭ، މާލެ ކޮލޮމްބޯ މާލެ.
Draw
10 March 2022
ޓިކެޓެއް 250 ޑޮލަރަށް ވުރެ އަގުހެޔޮވާނެހެނެއް ހިޔެއްނުވޭ. ބަލާނީ އެންމެ ބޮޑުއަގުގައި ވިއްކޭތޯ
ޢަރުތަ
10 March 2022
300 ޑޮލަރަށްވުރެވެސް އަގުހެޔޮ، 299 ޑޮލަރަށްހުރީ.
ޜިޒްވީ ބިން ޖަވާދު
10 March 2022
ޝުކުރިއްޔާ މޯލްޑިވިއަން
އަބްލާރިސް
10 March 2022
ތޭންކްސް މޯލްޑިވިއަން.
ކެޕްޓަން އަމީން
10 March 2022
މޯލްޑިވިއަންގަދައޭ.