ހުޅުމާލޭ އިން ބްރިޖަށް އަރާ ސަރަހައްދު މިރޭ ތޮއްޖެހި، ޓްރެފިކް ހުއްޓިފައި.---ފޮޓޯ: ފަޔާޒު މޫސާ/ މިހާރު
10 މާޗް 2022 - 23:17
85 comments
މިރޭ ހުޅުމާލޭގައި އިހުތިޖާޖުކުރި ޓެކްސީ ޑްރައިވަރުން އެ މީހުންގެ ޓެކްސީތަކުގައި އެއް ލައިނަކަށް މާލެ ދާން މިސްރާބު ޖެހުމުން ބްރިޖް ސަރަހައްދު ކައިރިން އެ ޓެކްސީތައް ފުލުހުން ހުއްޓުވުމާއެކު، އެ ސަރަހައްދުގެ ޓްރެފިކް ހުއްޓި އެތައް ބަޔަކަށް ބޮޑެތި ދަތިތަކާ ކުރިމަތިވެއްޖެ އެވެ.
ހުޅުމާލޭގައި އިހުތިޖާޖުކުރުމަށް ފަހު، ޓެކްސީ ޑްރައިވަރުން ނިންމީ މާލެ ގޮސް ހުރިހާ ޓެކްސީތަކުން އެއް ސަފެއްގައި ތިބެގެން ބުރެއް އަޅައިލުމަށެވެ. ނަމަވެސް ހުޅުމާލޭގެ ރުއްގަނޑު ދޭއް ސަރަހައްދުގައި ތިބި ޑްރައިވަރުން ޓެކްސީތަކުގައި ބްރިޖަށް އަރަން ދަނިކޮށް ފުލުހުން އެ އެންމެން ހުއްޓުވި އެވެ. އެ ވަގުތު ފަހަތުން ދިޔަ އެތައް ދުއްވާ އެއްޗިއްސެއް ވެސް ހުއްޓާލަން ޖެހި ބްރިޖް ކައިރިން ނިރޮޅުމަގު ތޮއްޖެހުނީ އެވެ.
އެ ކަމާ ގުޅިގެން ތުއްތު ކުދިންނާއި އުމުރުން ދުވަސްވީ މީހުން ބްރިޖަށް ނޭރި ދެ ގަޑިއެއްހާއިރު ދިގު ކިއޫއެއްގައި ތާށިވެފައި ތިބެން ޖެހުނެވެ. ބްރިޖަށް އަރަން ދިޔަ ބައެއް މީހުންގެ ތެރޭގއި އެއާޕޯޓަށް ފުރަން ދިޔަ ބަޔަކު ވެސް ހިމެނޭއިރު އެ މީހުންނަށް ގަޑިއަށް ނުދެވި ނުފުރުނު ކަމަށް ވެ އެވެ.
ހުޅުމާލެ އިން ބްރިޖް ކައިރީގެ މައި މަގު ތޮއްޖެހި، ޓްރެފިކް ހުއްޓިފައި: ޑްރައިވަރުންގެ އިހުތިޖާޖާ އެއްވެސް ގުޅުމެއް ނެތް އެތައް ބަޔަކަށް މިރޭ ބޮޑެތި އުނދަގޫތަކެއް ކުރިމަތިވި.---ފޮޓޯ: ފަޔާޒު މޫސާ/ މިހާރު
ދިގު ކިއޫލައިންގައި މާލެ އަށާއި އެއާޕޯޓަށް ދާން ހުޅުމާލެ އިން ނައްޓާލި ހައެއްކަ ބަސް ވެސް ތާށިވެފައި ދެ ގަޑިއެއްހާއިރު ތިބެން ޖެހުނެވެ.
ރާއްޖޭގެ ބާޒާރުގައި ވެސް ތެލުގެ އަގު ވަރަށް ކައިރިކައިރީގައި އުފުލެމުންދާތީ، މާލެ ސަރަހައްދުގެ ޓެކްސީތަކުގެ ދަތުރުތަކުގެ އަގު ބޮޑުކުރުމަށް އެދި ޓްރާންސްޕޯޓް މިނިސްޓްރީ އަށް ޓެކްސީ ސެންޓަރުތަކުން ހުށަހެޅި ނަމަވެސް އެކަން އަދި ކޮޅެއްގައި ނުޖެހޭތީ ބައެއް ޑްރައިވަރުން ދަތުރުތައް ހުއްޓާލައި މިއަދުގެ މެންދުރު 2:00 އިން ފެށިގެން އިހުތިޖާޖެއް ފެށީ އެވެ.
ހުޅުމާލެ އިން ބްރިޖް ސަރަހައްދުގެ ޓްރެފިކް ހަމަޔަކަށް އަޅަން އުޅުނު ފުލުހުންނާ ބައެއް ޑްރައިވަރުން ވާހަކަ ދައްކަނީ: ޓްރެފިކް މައިތިރިކޮށް، އާންމު ހާލަތަކަށް އަޅުވަން ދެ ގަޑިއިރަށް ވުރެ ގިނައިރު ނެގި.---ފޮޓޯ: ފަޔާޒު މޫސާ/ މިހާރު
ހުޅުމާލޭގެ ރުއްގަނޑު ދޭއް ސަރަހައްދުގައި މިރޭ 9:30 ހާއިރު ވަންދެން އިހުތިޖާޖު ކުރުމަށް ފަހު، ޑްރައިވަރުން ޓެކްސީތަކުގައި މާލެ ދާން ނައްޓައިލީ ޓްރާންސްޕޯޓް މިނިސްޓްރީގެ މެސެޖެއް އިހުތިޖާޖުގެ ބައިވެރިންނަށް އިއްވުމުންނެވެ. އެ މެސެޖުގައިވާ ގޮތުން ޓެކްސީ ޑްރައިވަރުންގެ ހުށަހެޅުންތަކަށް ޓްރާންސްޕޯޓް މިނިސްޓްރީ އަށް ވަކި ޖަވާބެއް ދެވޭނީ އަންނަ ހަފުތާގަ އެވެ.
ޓެކްސީ ދަތުރުތަކުގެ އަގު ބޮޑުކުރުމާ ގުޅޭ ގޮތުން ޓެކްސީ ސެންޓަރުތަކުން ވަނީ ޓްރާންސްޕޯޓް މިނިސްޓަރު އާއިޝަތު ނަހުލާއާ ވެސް އިއްޔެ ބައްދަލުކޮށްފަ އެވެ. އެކަމަކު، އެ ބައްދަލުވުމުން ވެސް ކުރިއެރުމެއް ނުލިބުނު ކަމަށް ޑްރައިވަރުން ބުނެ އެވެ. ސަރުކާރުން ބުނަނީ ކަމާ ގުޅޭ އިދާރާތަކާ މަޝްވަރާ ކުރުމަށް ފަހު ވަކި ގޮތެއް ނިންމާނެ ކަަމަށެވެ.
ސަރުކާރު ދެކެ ޑްރައިވަރުން އައި ރުޅީގައި މިއަދު ހަވީރުން ފެށިގެން ވަނީ ޓެކްސީ ސެންޓަރުތައް ބަންދުކޮށް، ޓެކްސީ ދަތުރު ހޯދަން ބޭނުންކުރާ އެޕް ވެސް ޑައުންކޮށްފަ އެވެ. ނަމަވެސް ކުއްލި ހާލަތުގައި ހިދުމަތް ދޭން މާލެ އާއި ހުޅުމާލޭގައި 32 ޓެކްސީ ދުއްވަމުން ދިޔަ ކަމަށް ޓެކްސީ ސެންޓަރުތަކުގެ އިސްވެރިން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖެކް
12 March 2022
ޓެކްސީގަ ދަތުރުކުރާ ކޮންމެ ރައްޔިތަކަށްވެސް ބުނެލަން އޮތީ ދަތުރު ނިމުނީމަ ޓްރާންސްޕޯރޓުން ކަނޑަ އަޅާފައި ވާ އަގު ދީފައި ފައިބައިގެން ދިޔައީމަ ހުންނާނީ ރަނގަޅަށް.....
އައްޔޫބު
11 March 2022
ދަތުރުނުކޮށް ހުއްޓާލައިގެން ތިބެގެން ތިގޮލާމެން ނުކައި ނުބޮއި ތިބެން ޖެހޭނީ….
ޕްރޮފެސަރ. ތާކިހާބެ
11 March 2022
ކަލޭމެން މިނިސްޓަރ ކައިރީގައި މިހާރު މައްސަލަތިޔަ ޖައްސަނީ ޕްރައިވެޓް ހަޔަރ ކުރާ ކާރުތައް އެއަރޕޯޓުން ބޭރުކުރަން. ކަލޭމެން މަދުވަގުތު ކޮޅެއްގައި އެއަރޕޯޓްގައި ތިބެފައި ޑޮލަރު ނަގާ ގެއަށް ދާއިރު އެެއަރޕޯޓްގައި ތިބޭ ޕެސެންޖަރުން އުފުލަނީ ޕްރައިވެޓް ކާރުތައް. މޮބައިލް ޢެޕްލިކޭޝަން އަދި ޕްރައިވެޓް ކާރު ހަޔަރ ކުރުންވެސް ކަލޭމެން ކޮންޓްރޯލް ކޮއްފަ މިހާރު ތިޔާ ބޭނުންވަނީ "ރައްޔިތު މީހާ ފެލަން" ސަރުކާރުވެސް ކަލޭމެންގެ ބާރުދަށަށް ގެނައުން..
ާއުނިމާ
11 March 2022
މިހާރުވެސް ޓެކްސީތައް މާގިނަ، މާލެ ކަހަލަ ސަރަހައްދަކަށް، މާލޭގަ މިއުޅެނީ ދުއްވާއެއްޗިއްސައިގެން ނޫޅެވިގެން! އަވަހަށް ޓެކްސީތައް އުވާލާ މިނީބަސް ތަޢާރަފުކުރުމަށްވުރެ ބުއްދިވެރިގޮތެއްނެތް! ޓެކްސީގެ އަގުތައް ބޮޑުކުރުމާ ކަނޑައެޅިގެނން ދެކޮޅު!
ހިނގާމީހާ
11 March 2022
ޓެކްސީ އެއް ނޫން ގިނައީ. ގިނައީ ސައިކަލްތައް.
ބައި
11 March 2022
މިހާރު ތިބައިގަނޑުގެ މަގުސަދު ހާސިލް ނުވެގެން އާންމު ރައްޔިތުންނަށް ދަތިކުރަން ތިފެށީ. ސަރުކާރަށް ގޮވާލަން ތިބައިގަނޑު ސައިޒްކުރަން. ދަތުރެއް 25 ރުފިޔާއަށްހެދީ ޕެޓްރޯލްގެއަގު ލީޓަރެއް 14 ރުފިޔާއަށްވުރެން މައްޗަށް އެރީމަ. މަކަރުވެރި ބައިގަނޑު އާންމުން ފެލަން ބަހަނާތަކާއެކު ނުކުތީ. ކޮންމެބައެއްގެ ތެރޭގައިވެސް އުޅޭނެ މަކަރުވެެރިން. އަސްލު ޓެކްސީޑްރައިވަރުން މިހާރުވެސް ރައްޔަތުންނަށް ޚިދުމަތްްދޭ. ރައްޔަތުންނަށް ދުއްޕާން ކުރާމީހުން ހުއްޓުވަން ގޮވާލަން
ޖަނާ
11 March 2022
ޓެކްސީ ބައިގަނޑު މިއުޅެނީ ހުރިހާ ރައްޔިތުން( ކަސްޓަމަރުންނާ )ޖައްސާލައިގެން!!!! ޕްރައިވެޓް ކާރު ބޭންކް މެދުވެރިކޮށް ނަގަން ލިބޭ... ޕްރައިވެޓް ކާރު ނަގައިގެން އެހެން ގައުމްތަކުގަ ހެން އެޕް މެދުވެރިކޮށް ޓެކްސީތަކާ ޗެލެންޖު ކޮށްލަންވީ..
ސިވިލް ސާވަންޓް
11 March 2022
ތެޔޮ އަގުބޮޑުވެގެން ޓެކްސީ ފެއަރ ބޮޑުކުރާއިރު ސިވިލް ސާވަންޓްގެ މުސާރަވެސް ބޮޑުވަން ޖެހޭނެކަން ސަރުކާރަށް އެގެންޖެހޭނެއެވެ. ތެލުގެ އަގަށް އައި ބަދަލުގެ ސަބަބުން އަހަރެމެންގެ މުސާރަ ބޮޑުނުކޮށް ޓެކްސީ ފެއަރ ބަދަލު ކުރުމަކީ އިންސާފަކަށް ނުވާނެއެވެ. އަހަރެމެން.ެސް ތެޔާއި ޓްކްސީ ބޭނުން ކުރަމެވެ.
ޑުރައިވަރޭ
11 March 2022
މިހާރުން މިހާރަށްވެސް އެމްޓީސީސީ ފަދަ ކުންފުނިތަކުން މިނީބަސް ގެނެސް ދަތުރުތައް ފަށަންވެއްޖެ. ތިޔަ ޓެކްސީ ޑްރައިވަރުން ކަންތައް މިހާރު ތިހުރީ މާ މަތީ ދަރަޖައަކަށް ގޮސްފަ. މައިތިރި ކުރަންޖެހޭނެ. ސަރުކާރު ޓެކްސީ ޑްރައިވަރުން ދެކެ ބިރުން ދަތުރުތަކުގެ އަގު ބޮޑުކުރާނަމަ ސަރުކާރު ހުރިހާ މުއައްޒަފުންނަށް ވެސް ބޮޑުތަނުން މުސާރަ ބޮޑުކުރެވެންވާނެ
ރައްޔަތު މީހާ
11 March 2022
އެމް ޓީ ސީ ސީ އިން ވަރައްއަވަހައް 10 ކާރުގެނަސް ޓެކްސީގެ ހިދުމަތް ރައްޔިތުންނައް ދޭންމިފަށަނީ މިކަމުން ރައްޔިތުންނައް ފަސޭހަތަކެއް ލިބިގެންދާނެ ކަމައް އުއްމީދުކުރަން
އުމަރުބެ
11 March 2022
ސުވާލަކީ މިކަމުގަ ސަރުކާރުން އަމަލުކުރާނީ 150 ޓެކްސީ ޑަރައިވަރުން ބުނާގޮތައްތޯ، ނުވަތަ އާއްމު ރައްޔިތުންގެ މަސްލަހަތައްތޯ.