މީރާގެ އޮފީސް އިދާރަ. ޓެކްސް ނުދައްކާ ފަރާތްތަކުގެ އަތުން އެފައިސާ ހޯދާނެ ފަސް އުސޫލެއް މީރާއިން ވަނީ އާންމުކޮށްފައި--ފޮޓޯ:މިހާރު
18 މާޗް 2022 - 11:33
10 comments
ދައުލަތުގެ ޓެކްސް އިދާރާ، މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ބަލައިގަންނަ ޓެކްސް އަދި އެހެނިހެން ފައިސާތަކުގެ ތެރެއިން ނުލިބިވާ ފައިސާ ހޯދުމުގެ ގޮތުން މީރާއިން އަމަލު ކުރާނެ ގޮތް ބަޔާންކުރާ ފަސް އުސޫލެއް އާއްމުކޮށްފި އެވެ.
އެ އުސޫލްތަކުގެ ތެރޭގައި ހިމެނެނީ ޓެކްސް ބަޔާން ހުށަނާޅާ ފަރާތްތަކާ މެދު ނުވަތަ ފައިސާ ނުދައްކާ ފަރާތްތަކާ މެދު ފިޔަވަޅު އެޅުމުގައި އަމަލުކުރާނެ ގޮތުގެ އާންމު އުސޫލާއި ޓެކްސް ބަޔާން ހުށަނާޅާ ނުވަތަ ފައިސާ ނުދައްކާ ފަރާތްތަކުގެ ނަން ހާމަކުރުމުގައި އަމަލުކުރާނެ ގޮތުގެ އުސޫލާއި އިންސްޓޯލްމަންޓަށް ބަހައިލައިގެން ފައިސާ ދެއްކުމުގެ އުސޫލާއި ބޭންކް އެކައުންޓުގައި ހުރި ފައިސާ ހިފެހެއްޓުމާއި، ބޭންކް އެކައުންޓް ބެލުމުގައި އަމަލުކުރާނެ ގޮތުގެ އުސޫލެކެވެ. އަދި ޖޫރިމަނާ ލުއިކޮށްދިނުމުގައި އަމަލުކުރާނެ ގޮތުގެ އުސޫލު ވެސް އާންމުކޮށްފައިވެ އެވެ.
ކޮވިޑް-19ގެ ސަބަބުން ޓެކްސް ދައްކާ ފަރާތްތަކާއި އާންމު ފަރުދުންގެ ވިޔަފާރިތަކަށް ދިމާވި ހީނަރުކަމަށް ބެލުމަށްފަހު އެ ފަރާތްތަކަށް ދެވުނު ލުޔެއްގެ ގޮތުން، ވޭތުވެދިޔަ ދެ އަހަރުގެ ތެރޭގައި އެންފޯސްމަންޓް ފިޔަވަޅު އެޅުން ވަނީ ހުއްޓާލައިފަ އެވެ. އެހެންވެ އަންނަ މަހުގެ 1 ވަނަ ދުވަހުން ފެށިގެން ޓެކުހުގެ ޒިންމާތައް އަދާނުކުރާ ފަރާތްތަކާ މެދު ފިޔަވަޅު އަޅަން ފަށާނެ ކަމަށް މީރާއިން ބުންޏެވެ. ޓެކްސް ދައްކާ ފަރާތްތައް އެ ފަރާތްތަކުގެ ޓެކުހުގެ އިންތިޒާމުތައް ފުރިހަމައަށް އަދާ ކުރުމަށް މީރާއިން އެދިފައިވެ އެވެ.
މީރާއިން އާންމުކޮށްފައިވާ އެ ފަސް އުސޫލަށް އަމަލުކުރަން ފެށުމާ އެކު މިހާރު ތަންފީޒުކުރަމުންދާ "މީރާގެ އެންފޯސްމަންޓް ޕޮލިސީ" އުވިގެންދާނެކަމަށް އެ އިދާރާ އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުސްދީ
19 March 2022
ބޭންކް އެކައުންޓުގައި ހުރި ފައިސާ ހިފެހެއްޓުމާއި، ބޭންކް އެކައުންޓް ބެލުމުގައި އަމަލުކުރާނެ ގޮތުގެ އުސޫލު" - ގާނޫނީގޮތުން މީރާއަށް ނުކުރެވޭނެ މިކަން. ކޮށްފިއްޔާ ޝަރީއަތަށް ދާނަން.
ވާންޗު
19 March 2022
ރަނގަޅަށް ގާނޫން އަސާސީ ކިޔާލާ
އޮޓޯފިލް
19 March 2022
ދައުލަތުން ކުދި ވިޔަފާރިތަކުން އެއްޗެތި ގަނެފާ އަގު ފަހުންދޭން ބުނެ 4 މަސް ފާއިތުވުމާ ބެހޭ ގޮތުން އުސޫލެއް ގާއިމުކޮއްބަލަ
އެމްސް
19 March 2022
ނުހިންގާ ނުވަތަ ފައިސާ ނުވަންނަ ކުންފުނިތަކުން ފައިސާ ނަގަން ވިސްނުން ޙަލާލެއްވެސް ނުވާނެ!
ނުފުއްދުނު ވަޢުދު
18 March 2022
ކުދި ވިޔަފާރިތަކުން ޓެކްސް ނެގުން ހުއްޓާލަން އެމްޑީޕީ އިން ވަޢުދުވި. މާ ރަމްޞާން ރޯދަމަކަށް ހަނދުބަލަން ތައްޔާރުވާއިރު ކިރިޔާ 18 ފުރުނު ކުދިން ކޮޅެއް ފޮނުވައިގެން ވިޔަފާރިތައް ފެލަނީ.
ޖޯކް
19 March 2022
އުމުރާ ވިސްނުމާ ގުޅުމެއް ނެތްކަން ބޭފުޅާގެ ވިސްނުންފުޅުން އެނގިއްޖެ
ޓެކްސް
18 March 2022
ޥިޔަފާރިކުރުމުން ޓެކްސް ފައިސާ ވަގުތުން މީރާގެ ބެންކް އެކައުންޓަށް ޖަމާވާނެ ފަދަ ޕޮސް ސިސްޓަމެއް ހެދުމުން ވިޔަފާރިތަކަށް ވެސް ވަރަށް ލުއިވާނެއެވެ ދެން އެހެނިހެން ޓެކްސްވެސް އެފަދަ އުސޫލެއް ކަނޑައެޅުމުން އެކަން ހައްލުވީއެވެ. ޢަދި މީރާއށް ލިބޭ ފައިސާވެސް އޮތުރު ވާނެއެވެ.
ޖޫހީ
18 March 2022
ހަމަ ތިގޮތައް މީރާއިން އޮޅިގެންނޭ ކިޔާފަ މީހުން އަތުން ނަގާފަ ހުރި ފައިސާ އޭގެ ވެރިންނައް ލިބޭނެ ގޮތެއްވެސް ހަމަޖައްސަވަންވީނުންތޯ. އަޅުގަނޑުމެން ކަހަލަ ކިތައް ނިކަމެތި މީހުންގެ ފައިސާ ހިފަހައްޓަވައިގެންތި ތިއްބަވަނީ. ?
ނަސްރު45
18 March 2022
މިރާ އާށް ރައްޔެތުންގެ މަޖިލިސްގެ ތެރެއިން ފާސްވެގެން ނޫނީ ތިޔަ ކަހަލަ ރައްޔެތުންގެ މުދަލަށް އަރައިގަނެވޭނެ ގަވައިދުތަށް ނުހެދޭނެ. ތިފަދަ އިން ވަރަށްގިނައިން ހަރުކަށި ގަވައިދު ތަަށް މީރާ އިން ހަދަ ހަދާފަ، އެއަށް އަމަލުކުރަން ރައްޔެތުންނަށް އަންގަ.
ރަދީފު ބިން ރަފައިދާ
18 March 2022
އުސޫލާ ފުސޫލު އާމުކުރެވިދާނެ. އެކަމަކު ތިތަނުން އުސޫލަކުން އެއްކަމެސްވާނެބާ؟ ބޮޑުސިންގާ ކޮމިޝަނެއްހަދައިގެން އެތައްލާރިތަކެއްތަޅާލާފާ ގޮތެއްނުވެގެން އިއްޔެ އެއުވާލީ.