ޕީޓް އަށް ޖައްވަކަށް ނުދެވޭނެ!

19 މާޗް 2022 - 06:20

ދުނިޔޭގެ އެންމެ ބޮޑު މަހުޖަނު އެމޭޒަންގެ ވެރިޔާ ޖެފް ބޭޒޮސްގެ ސްޕޭސް ޓުއަރިޒަމްގެ ތިން ވަނަ ދަތުރުގައި އެމެރިކާގެ މަޝްހޫރު ކޮމީޑިއަން ޕީޓް ޑޭވިޑްސަން އަށް ބައިވެރިއެއް ނުވެވުނެވެ.

ބޭޒޮސްގެ ރޮކެޓް ކޮމްޕެނީ، ބްލޫ އޮރިޖިން އިން ކުރި ޓުވީޓެއްގައި ބުނީ އަންނަ ބުދަ ދުވަހަށް ތަވާލުކޮށްފައި އޮތް އެ ދަތުރުގެ ތާރީހު ވެސް މިހާރު ބަދަލުވެފައިވާ ކަމަށެވެ. އެ ދަތުރު މި މަހުގެ 29 އަށް ފަސްކުރިއިރު، ޕީޓް އަށް ދެން ބައިވެރިނުވެވޭނެ ކަމަށް ބުންޏެވެ.

ނަމަވެސް އެ ދަތުރުގައި އޭނާ އަށް ބައިވެރިނުވެވޭ ސަބަބެއް ނުބުނެ އެވެ. ދަތުރު ފަސްކުރި ސަބަބެއް ވެސް ސާފެއް ނުވެ އެވެ.

Blue Origin's 20th flight of New Shepard has shifted to Tuesday, March 29. Pete Davidson is no longer able to join the NS-20 crew on this mission. We will announce the sixth crew member in the coming days.
— Blue Origin (@blueorigin) March 18, 2022

އެ ދަތުރުގައި އިތުރު ފަސް މީހަކު ޖައްވަށް ދާން ހަމަޖެހިފައިވެ އެވެ. އޭގެ ތެރޭގައި މަޝްހޫރު ވިޔަފާރިވެރިންނާއި އެމެރިކާ ސަރުކާރުގެ ބައެއް އިސްވެރިން ވެސް ހިމެނެ އެވެ. ޕީޓްގެ ބަދަލުގައި އެ ދަތުރު ދާނެ މީހެއް ވަރަށް އަވަހަށް ހަމާކުރާނެ ކަމަށް ވެސް އެ ކުންފުނިން ބުންޏެވެ.

ބްލޫ އޮރިޖިން އިން ސްޕޭސް ޓޫރިޒަމްގެ ދަތުރުތައް ފެށީ މިދިޔަ އަހަރު އެވެ. ފުރަތަމަ ދަތުރުގައި ބޭޒޮސް ބައިވެރިވި އިރު، ދެ ވަނަ ދަތުރުގައި "ސްޓާ ޓްރެކް" ގައި އުޅުނު މަޝްހޫރު އެކްޓަރު ވިލިއަމް ޝެޓްނާ އާއި "ގުޑް މޯނިން އެމެރިކާ" ގެ ހޮސްޓް މައިކަލް ސްޓްރަހަން ވެސް ދިޔަ އެވެ.

Budha dhuvahu Pete space ah furanee

The most trusted news source in the Maldives

Mihaaru

ބޭޒޮސްގެ ބޭނުމަކީ ބްލޫ އޮރިޖިންއާ އެކު ސްޕޭސް ޓުއަރިޒަމް ތަފާތު ގޮތަކަށް ކުރުމެވެ. މިއީ ހަމައެކަނި މަހުޖަނުންނަށް އޮތް ފުރުސަތެކެވެ. ސަބަބަކީ މި ފްލައިޓުތަކުގެ އަގުތައް އެތައް މިލިއަން ޑޮލަރަށް އަރާތީ އެވެ.