ބީއެމްއެލް އިން ހުޅުމާލެ ސާފުކުރުމަށް ހިންގި ހަރަކާތުގައި--ފޮޓޯ:ބީއެމްއެލް
18 މާޗް 2022 - 23:07
3 comments
ބީއެމްއެލްގެ މުވައްޒަފުން މާލޭގެ ސުވިމިން ޓްރެކާއި ހުޅުމާލޭގެ ދެވަނަ ފިޔަަހީގެ ބީޗް ސަރަހައްދު މިއަދު ސާފުކޮށްފި އެވެ.
އަންނަ އާދިއްތަ ދުވަހު ފާހަގަކުރާ "އިންޓަނޭޝަނަލް ޑޭ އޮފް ހެޕިނަސް" އާ ގުޅުވައިގެން ކުރިޔަށް ގެންދިޔަ ހަރަކާތުގައި ސްވިމިން އެސޯސިއޭޝަނާއި ޑައިވް ކްލަބް މޯލްޑިވްސް އާއި ޑައިވް ޑެސްކް އަދި ޕާލޭ އިން ވެސް ބައިވެރިވި އެވެ.
ބީއެމްއެލްގެ މެނޭޖަރު ޕަބްލިކް ރިލޭޝަންސް މުހައްމަދު ސައީދު ވިދާޅުވީ މީގެ ތިން އަހަރު ކުރިން ވެސް ސްވިމިންގް ޓްރެކް ސާފްކުރި ކަމަށާއި އެ ފަހަރާ އަޅާބަލާއިރު މިހާރު އެ ސަރަހައްދު ސާފުކަން ފާހަގަކުރެވުނު ކަމަށެވެ.
ބީއެމްއެލްގެ 80 މުވައްޒަފުން ސާފުކުރުމުގެ ހަރަކާތުގައި ބައިވެރިވި--ފޮޓޯ:ބީއެމްއެލް
"އަދިވެސް ކޮންމެވެސް ވަރަކަށް ދަޅާއި ޕްލާސްޓިކް ފުޅި މޫދަށް އަޅާފައި ހުންނަ ތަން މި ފެންނަނީ. އަޅުގަނޑުމެންގެ އެދުމަކީ އެންމެހާ ބޭފުޅުން ވެސް މި ތާނގައި ހުންނަ ޑަސްބިން ބޭނުން ކުރެއްވުން. އަދި މޫދަށް ކުނި ނޭޅުން،" އޭނާ ވިދާޅުވި އެވެ.
ބީއެމްއެލްގެ މުވައްޒަފުން މިއަދު ވަނީ ހުޅުމާލޭގެ ދެވަނަ ފިޔަވަހީގެ ބީޗް ސަރަހައްދު ވެސް ސާފުކޮށް، އެ ތަނުން 500 ކިލޯގެ ކުނި ނަގައިފަ އެވެ.
މި ދެ ސަރަހައްދުން 755 ކިލޯގެ ކުނި ނެގި އިރު އޭގެ ތެރެއިން 84 ކިލޯގެ ޕްލާސްޓިކް ވަނީ ރީސައިކަލް ކުރުމަށް ފާލޭއާ ހަވާލުކޮށްފަ އެވެ.
މި ހަރަކާތުގައި ބީއެމްއެލްގެ 80 އަށް ވުރެ ގިނަ މުވައްޒަފުން ބައިވެރިި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
19 March 2022
ގިނަގިނައިން ރައްޔިތުން ލައްވާ ތަންތަން ސާފުކުރުވަބަލަ، އޭރުން ކަންނެއްކަން ފިލާ، ވެށި ސާފުވެފަ، ޝޯޝަލައިޒްވެ އާރައްޓެހިންލިބޭނެ. ޖަމިއްޔާތަކާ ކުންފުނި ތަކުން އަދި އަވައްތަކުން ނިކަން ހިންގާލަބަލަ.
ށަވިޔަނި
19 March 2022
ސާފުކުރާ މީހުން ބަލިވާނީ. ސާފުކުރަންޖެހެނީ ތިކުނިއަޅާ މީހުންގެ ވިސްނުން.
1828
19 March 2022
ތިޔައީ ދައްކަން ބޭކާރުވާހަކަ. ތިޔައީ ދަރިން ތަރުބިއްޔަތު ކުރުމުގައި މައިންބަފައިން އިހުމާލުވެފައިވާތީ ވާގޮތް. ޖެހުނުތަނަކަށް ކުނި އުކަނީ. ސިނގެރޭޓް ބޮއިފައި އޭގެ ފިލްޓަރު ބުރި ހުރިތަނަކަށް އެއްލާލަނީ . . . ދަޅު / ފުޅި ބޮއިފައި ޖެހުނު ތަނަކަށް އުކާލަނީ . . . ސުޕާރީ ކާފައިވެސް އެހަމަ އެގޮތަށް. ދިވެހިންނަކީ އަހުލާޤީ ގޮތުން ވަރަށް ދަށުގައި އުޅޭ ބައެއް.