ބާރުގައި އޮންނަ އިރު، އެއްވެ އުޅުމުގެ މިނިވަން ކަން މުހިންމެއް ނޫނެވެ. އެކަމަކު އެ ބާރު ނެތިގޮސް، މަގުމައްޗަށް ނުކުންނަންް ޖެހޭ އިރު އެއަށް ވުރެ މުހިންމު "މިނިވަންކަމެއް" ނޯވެ އެވެ. މިހާރު ދެ ފަރާތަށް ވެސް މި އުޅެނީ މިހެން ވެގެނެވެ.!
މަސްވެރިންގެ ޕާކް ސަރަހައްދުގައި މުޒާހަރާގެ ބައިވެރިއަކު "އިންޑިއާ އައުޓް" ލިޔެފައި ވާ ފޮތިގަނޑެއްހިފައިގެން ފުލުހުންގެ ސަފުތައްކައިރީ މުޒާހަރާކުރަނީ -- ފޮޓޯ: ފަޔާޒު މޫސާ / މިހާރު
28 މާޗް 2022 - 07:24
25 comments
ރާއްޖޭގައި އިންޑިއާ ސިފައިން ތިބުމާ ދެކޮޅަށް މާލޭގައި ކުރި ބޮޑު މުޒާހަރާ އަށް ފަހު އިދިކޮޅު ކޯލިޝަންގެ ލީޑަރު އަބްދުﷲ ޔާމީން އިއްޔެ ރޭ އެމަނިކުފާނުގެ ޕާޓީ މެމްބަރުންނާ ވާހަކަ ދައްކަވަމުން ވިދާޅުވި ގޮތުގައި މީހުން މުޒާހަރާ ކުރަނީ އެ ބައެއްގެ ވިސްނުމުގައި ހައްގުތަކެއް ގެއްލިއްޖެ ކަމަށް ދެކިގެނެވެ؛ އެ ހައްގުތައް ކަށަވަރު ނުވާތީ އެވެ. ބޮޑެތި އަނިޔާ ވެގެން ވެސް މުޒާހަރާތަކަށް މީހުން ނިކުންނަނީ "މަޖަލަކަށް ނޫން" ކަމަށް އެމަނިކުފާނު ވިދާޅުވި އެވެ.
އެއްވެ އުޅުމުގެ މިނިވަންކަން ގާނޫނުއަސާސީން ކަށަވަރު ކޮށްދީފައި ވަނިކޮށް ފުލުހުން ފޮނުވައިގެން އެއްވުންތަކަށް ހުރަސް އެޅުމަކީ، ޔާމީން ވިދާޅުވި ގޮތުގައި، ވަރަށް "ހެއްވާ" ކަމަކެވެ. އެމްޑީޕީ އަށް ޑިމޮކްރެޓިކްގެ ނަން ކިޔަސް އެއީ ކޮމިއުނިސްޓް ފިކުރުގެ ހުދުމުހުތާރު ޕާޓީއެއް ކަމަށް ވެސް އެމަނިކުފާނު ވިދާޅުވި އެވެ.
ދެން އެމަނިކުފާނު ވިދާޅުވީ އަދި އެއަށް ވުރެ ވެސް މާ މުހިންމު އަދި ހެއްވާ ވާހަކަ އެކެވެ؛ "އަޅުގަނޑުމެން [ކުރީ ސަރުކާރުން] ހުއްދަ ދިނިން މުޒާހަރާ ކުރަން. އަޅުގަނޑުމެންގެ ފަސް އަހަރު ނުހުންނާނެ މުޒާހަރާ ކުރަން މަނާ ކޮށްފައެއް."
އަޅުގަނޑުމެން [ކުރީ ސަރުކާރުން] ހުއްދަ ދިނިން މުޒާހަރާ ކުރަން. އަޅުގަނޑުމެންގެ ފަސް އަހަރު ނުހުންނާނެ މުޒާހަރާ ކުރަން މަނާ ކޮށްފައެއް -- ޔާމީން
ގާނޫނުއަސާސީގެ 32 ވަނަ މާއްދާގެ ދަށުން ކުރިން ހުއްދަ ހޯދުމަކާ ނުލައި ސުލްހަވެރިކަމާއެކު އެއްވެ އުޅުމުގެ މިނިވަންކަން ކޮންމެ މީހަކަށް ލިބިގެންވެ އެވެ. އެކަމަކު އެންމެ ފަހުން ޕީޕީއެމް އިން ބޭއްވި މުޒާހަރާ އާއި މިއަދާ ހަމައަށް އެ ޕާޓީން ބާއްވާ ހުރިހާ އެއްވުމެއް ވެސް ރޫޅާލަން ފުލުހުން ދައްކާ ހުއްޖަތަކީ ޔާމީންގެ ވެރިކަމުގައި، ކުރިން އެންގުމަކާ ނުލައި މާލޭ މަގުތަކުގައި އެއް ނުވެވޭ ގޮތަށް "ސުލްހަވެރިކަމާ އެކު އެއްވެ އުޅުމުގެ މިނިވަންކަމުގެ ގާނޫނަށް" ގެނައި އިސްލާހެވެ.
އިދިކޮޅު ދެ ޕާޓީން މި ވަގުތު ކުރާ އެންމެ ބޮޑު ޝަކުވާ ގޮސް ގުޅެނީ، އެ ދެ ޕާޓީގެ ލީޑަރު ޔާމީންގެ ވެރިކަމުގައި އިދިކޮޅު ފަރާތްތަކުން (މިހާރު ސަރުކާރު ހިންގާ ކޯލިޝަން) ކުރަމުން އައި މުޒާހަރާތަކަށް އެތައް ގޮތަކުން ހުރަސް އެޅުމަށް ފަހު އެންމެ ފަހުން ގާނޫނަށް ގެނައި ބަދަލެކެވެ!
ޔާމީންގެ ވެރިކަމުގައި މާލޭ މަގުމަތީ ކުރި މުޒާހަރާއަކަށް ފުލުހުން ހުރަސް އަޅަނީ---ފޮޓޯ: މިހާރު
"ރައްޔިތުންގެ ކުރިމަތީ ހުރިހާ ކަމެއް ހިނގީ. އެންމެ ގަދައަށް މުޒާހަރާތަކަށް ހުރަސް އެޅި އެއް ވެރިޔަކީ ޔާމީނު ކަން ތާރީހު ހެކިދޭ. ވީޑިއޯތައް ވެސް އެހެރީ ފެންނަން. އެކަމަކު ގިނަ ފަހަރަށް ވެރިކަން ކޮށްފައި ތިބި މީހުން ވެރިކަމުން ފޭބީމަ ކަންކަން ހަނދާނެއް ނުހުރޭ."
"ރައްޔިތުންގެ ކުރިމަތީ ހުރިހާ ކަމެއް ހިނގީ. އެންމެ ގަދައަށް މުޒާހަރާތަކަށް ހުރަސް އެޅި އެއް ވެރިޔަކީ ޔާމީނު ކަން ތާރީހު ހެކިދޭ. ވީޑިއޯތައް ވެސް އެހެރީ ފެންނަން. އެކަމަކު ގިނަ ފަހަރަށް ވެރިކަން ކޮށްފައި ތިބި މީހުން ވެރިކަމުން ފޭބީމަ ކަންކަން ހަނދާނެއް ނުހުރޭ. މިހާރު އެހެން މީހަކަށް ވެގެން އެ ހުންނެވީ،" މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ވިދާޅުވި އެވެ.
ޗައިނާ އާ ދެކޮޅަށް އޭރުގެ އިދިކޮޅު ލީޑަރުން ނިކުމެ ކުރި ހުރިހާ މުޒާހަރާތަކާއި "ފ. އަތޮޅު ވިއްކާލާތީ" ކުރި މުޒާހަރާ އާއި ހަވީރު ނޫހާއި އަބުރުގެ ބިލާ ގުޅިގެން ނޫސްވެރިން ނިކުމެ ކުރި ހުރިހާ މުޒާހަރާތަކާއި އިދިކޮޅު ލީޑަރުން ޖަލަށް ލުމުން އެ ޕާޓީތަކުން ބޭއްވި ހުރިހާ އެއްވުމެއްގައި ވެސް ޕެޕާ ސްޕްރޭ ޖަހައި ބާރުގެ ބޭނުން ކޮށްގެން އަނިޔާވެރި ގޮތަކަށް އެތައް ބަޔަކު ހައްޔަރު ކުރީ ވެސް ޔާމީންގެ ވެރިކަަމުގަ އެވެ.
މީގެ އިތުރުން ސިޔާސީ ޕާޓީއެއްގެ ހައިސިއްޔަތުން ބާއްވާ އެއްވުންތަކާއި މުޒާހަރާތަކާއި ޕާޓީތަކުގެ ޖަގަހަތައް ކުރިމަތީ ހަވީރު ސައެއް ބޭއްވިޔަސް ރޫޅާލައި ފުލުހުން ފޮނުވައިގެން ގޮނޑި އާއި މޭޒުތައް ގެންދިޔަ އެވެ. ސަރުކާރުން ހިތްހަމަނުޖެހޭ ވާހަކައެއް ލިޔެފައި އޮތް ބެނާއެއް މަގުމަތީ ދެމިޔަސް އެ ނަގައި ފޮރުވި އެވެ.
2018 ގައި އިދިކޮޅު ޕާޓީތަކުން އިންތިޒާމުކޮގެން ރައީސް އަބްދުﷲ ޔާމީންގެ ސަރުކާރާ ދެކޮޅަށް ކުރިއަށް ގެންދިޔަ ސިލްސިލާ މުޒާހަރާތަކުގެ ތެރެއިން ބޭއްވި އެއްވުމުގައި މީހަކު ހައްޔަރު ކުރަނީ--ފޮޓޯ: މިހާރު
ގާނޫނުއަސާސީގައި އެއްވެ އުޅުމުގެ މިނިވަންކަން އޮންނާތީ ގާނޫނީ ގޮތުން ހުރި ބައެއް ހުރަސްތައް ނައްތާލުމަށް މާލޭގައި ކުރިން އެންގުމަކާ ނުލައި އެއްވެވޭނީ ހަމައެކަނި ކާނިވާގައި ކަމަށް ގާނޫނުން ކަނޑައެޅީ ވެސް ހަމަ ޔާމީންގެ ވެރިކަމުގަ އެވެ.
ހުކުރު ދުވަހު ބޭއްވި މުޒާހަރާގައި ބައިވެރިވި ޕީޕީއެމް އާއި ޕީއެންސީގެ ލީޑާޝިޕްގައި ހިމެނިވަޑައިގަންނަވާ ބޭފުޅުން އޭރު ވެސް ތިއްބެވީ ޔާމީނާ އެކު އެވެ. ސުލްހަވެރިކަމުގެ ގާނޫނަށް ގެނައި އިސްލާހު ދިފާއު ކުރައްވައި، އެ ބޭފުޅުން ވިދާޅުވަމުން ގެންދެވީ އެއީ މާލޭގައި ހިނގާ ބިނގާވެ އުޅޭ މީހުންނަށް އުނދަގޫވެ ޓްރެފިކަށް ބުރޫ އެރުން ހުއްޓުވަން ޖެހޭ ކަމަށެވެ. އަދި އެއީ ސުލްހަވެރި އެއްވުމެއް ނޫން ކަމަށާއި ރައްޔިތުންނަށް ގެއްލުން ލިބޭނެ ކަމަށް އެ ބޭފުޅުން ވިދާޅުވަމުން ގެންދެވި އެވެ.
މިއަދު މުޒާހަރާތައް ހުއްޓުވާތީ ރުޅިގަދަވެ، މި ސަރުކާރަށް ފާޑު ކިޔާއިރު ކުރީ ސަރުކާރުން އަމަލު ކުރީ ކިހިނެއްތޯ ހަނދާން ކޮށްލަން ޖެހެ އެވެ. ކަނޑައެޅިގެން އެނގި ތިބެ، "ކުރީ ސަރުކާރުން މުޒާހަރާކުރުން މަނާ ނުކުރާ" ކަމަށް ޔާމީން ވިދާޅުވުމަކީ ހަގީގަތެއް ނޫނެވެ. -- ހަމައެހެންމެ، އެއްވެ އުޅުމުގެ މިނިވަންކަން ކޮބައިހޭ ކިޔައި، އޭރު އަޑުގަދަ ކުރި މީހުން މިއަދު ވެރިކަމަށް އަރައި، މި ދައްކަނީ ވެސް ރަނގަޅު މިސާލެއް ނޫނެވެ!
އުވާލާން ބުނި އިސްލާހުގެ ފަހަތަށް ސަރުކާރު ވަދެ ފިލާ!
ޔާމީންގެ ވެރިކަމުގައި އިދިކޮޅު އެންމެ ބޮޑު ޕާޓީގެ ހައިސިއްޔަތުން އެމްޑީޕީން އެންމެ ބޮޑަށް ކަންބޮޑުވުން ފާޅު ކުރީ ގާނޫނުއަސާސީން ކަށަވަރު ކޮށްދީފައިވާ އެއްވެ އުޅުމުގެ މިނިވަން ކަމަށް ހުރަސް އެޅުމެވެ. މުޒާހަރާއެއް ކުރަމުން ދިޔަ ވަގުތު އެއް ރޭ ޖުމްހޫރީ މައިދާން ކައިރިން ހައްޔަރު ކުރި، އޭރު އިދިކޮޅު ކެނޑިޑޭޓެއް ގޮތުގައި ހުންނެވި ރައީސް އިބްރާހިމް މުހައްމަދު ސޯލިހު ވެސް ވަނީ އެމަނިކުފާނު ވެރިކަމާ ހަވާލުވެ ވަޑައިގަތުމަށް ފަހު ފުރަތަމަ ދުވަހު ބަދަލު ކުރާނެ އެއް ގާނޫނަކީ އެއްވެ އުޅުމަށް ހުރަސް އެޅޭ ގޮތަށް ޔާމީންގެ ސަރުކާރުން ގެނައި އިސްލާހު ކަމަށް ވިދާޅުވެފަ އެވެ.
އެމަނިކުފާނު ރައީސް ކަމާ ހަވާލުވުމަށް ފަހު މިއަދަށް 1227 ދުވަސް ވީއިރު ވެސް، ކުރިން އެނގުމަކާ ނުލައި މާލޭގައި އެއްވެ އުޅުމުގެ މިނިވަންކަން ލިބޭ ގޮތަށް ގާނޫނަށް އިސްލާހެއް ނުގެނެ އެވެ. އެ އިސްލާހު ނުގެނެސް ލަސް ކުރާ މައްސަލަ އަށް ރަނގަޅު ޖަވާބެއް ވެސް ނުދެއްވަ އެވެ.
މަސްވެރިންގެ ޕާކް ސަރަހައްދުގައި މުޒާހަރާކުރި މީހުން ފުލުހުންނާ ކުރިމަތިލަނީ، ޕެޕާސްޕްރޭ ބޭނުންކޮށް ފުލުހުން ވަނީ މުޒާހަރާގެ ބައިވެރިން ފަހަތައް ޖައްސާ، ބައެއް މީހުން މި ސަރަހައްދުން ފުލުހުންގެ ބެލުމުގެ ދަށަށް ގެންގޮސްފަ -- ފައިލް ފޮޓޯ: ފަޔާޒު މޫސާ / މިހާރު
ރައްޔިތުންގެ މަޖިލީހުގައި އެމްޑީޕީގެ ބިޔަ މެޖޯރިޓީއެއް އޮވެ، އަދި މަޖިލީހުގައި އެމަނިކުފާނުގެ ބާރު އޮތް ކަމަށް ރައީސް އަމިއްލަފުޅަށް ވިދާޅުވި އިރު ވެސް ގާނޫނު ބަދަލު ކުރާކަށް ހުށައެއް ނާޅުއްވަ އެވެ.
ވަކި ޕާޓީއަކަށް ނިސްބަތް ނުވާ މެމްބަރެއް ގޮތުގައި ހުންނެވި އިރު އެ ގާނޫނު އިސްލާހު ކުރުމަށް 2019 ވަނަ އަހަރުގެ އޮގަސްޓް މަހު ކާށިދޫ ދާއިރާގެ މެމްބަރު އަބްދުﷲ ޖާބިރު ހުށަހެޅުވި ބިލު ރައްޔިތުންގެ މަޖިލީހުގައި އޮތީ ޕާކު ކޮށްފަ އެވެ. އޭގެ ވާހަކަ ދައްކާލާނެ މެމްބަރަކު ނުވި އެވެ. އިދިކޮޅު ފަރާތްތަކުން ބާއްވާ މުޒާހަރާތައް ހުއްޓުވަން މި ސަރުކާރުން ވެސް ހުއްޖަތަކަށް ދައްކާ އެއް ކަމަކީ އެ ގާނޫނެވެ.
ރައީސްގެ އެންމެ ބޮޑު އެއް ވައުދު އަދި އެމްޑީޕީން ވަކާލާތު ކުރާ އެއްވެ އުޅުމުގެ މިނިވަންކަމާ ބެހޭ މި މުހިންމު އިސްލާހު ނުގެނެސް މިއަދާ ހަމަޔަށް ބާއްވާފައި އޮތް އިރު ކުރިއަށް އޮތްތަނުގައި އެ އިސްލާހު ގެންނާނެ ކަމަށް ވެސް ސަރުކާރުން ނުބުނެ އެވެ.
އެކަމާ ބެހޭ ގޮތުން ރައްޔިތުންގެ މަޖިލީހުގެ ކޮމިޓީއެއްގައި މީގެ ކުރިން ވާހަކަ ދައްކަމުން ހޯމް މިނިސްޓަރު އިމްރާން އަބްދުﷲ ވަނީ އެ އިސްލާހު މިހާރު އޮތް ގޮތަށް އޮތުމުގެ މުހިންމު ކަން ވިދާޅުވެފަ އެވެ. ސަރުކާރުން ގާނޫނު އިސްލާހު ކުރުމުގެ އެއްވެސް ވިސްނުމެއް ނުގެންގުޅޭ ކަން އެނގެ އެވެ.
ގާނޫނުއަސާސީން ކަށަވަރު ކޮށްދީފައިވާ އެއްވެ އުޅުމުގެ މިނިވަންކަން ފުރިހަމަ ގޮތެއްގައި ރައްޔިތުންނަށް ފަހި ކޮށްދޭން ކުރީ ސަރުކާރާއި އަދި މި ސަރުކާރުގައި ތިބި ސިޔާސީ ވެރިން ވެސް ބޭނުން ނުވާ ކަން އެނގެ އެވެ. އިދިކޮޅުގައި ތިބޭ ފަރާތަކަށް އެ ހައްގު މުހިންމު ވިޔަސް ސަރުކާރުގައި ހުންނަ ޕާޓީ އަށް މުހިންމު ވަނީ އެ ހައްގު ވީހާ ވެސް ހަނިވެފައި އޮތިއްޔާ އެވެ.
އެ ގާނޫނާ ގުޅޭ ގޮތުން ސުވާލު ކުރުމުން ބޮންޑޭ ވިދާޅުވި ގޮތުގައި އިދިކޮޅުން މިހާރު ކުރަނީ ސުލްހަވެރި މުޒާހަރާއެއް ނޫނެވެ. އިންޑިއާ އައުޓަކީ ރައްޔިތުންނަށް ގެއްލުން ހުރި ސިޔާސީ ހަރަކާތެއް ކަމަށް އޭނާ ވިދާޅުވި އެވެ. އެއީ ޔާމީން ވެރިކަމުގައި ހުންނެވި އިރު އެމަނިކުފާނުގެ ޕާޓީ މެމްބަރުންނާއި ވަޒީރުން ވެސް ދެއްކެވި ހުއްޖަތެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރިޔާން
28 March 2022
ވެރިކަމަށް އަންނަން ރައްޔިތުންނަށް ވައުދުވެ ގުބޯ ހައްދާނެ، ވެރިކަމަށް އާދެވުނީމަ ހުރިހާކަމެއް ހަދާންނެތޭނެ ތި ގާނޫނަށްވެސް ތިވީތިހެން، މިނިވަންކަމާ މުޒާހަރާ އަށް އެންމެ ވަކާލާތުކުރާ ޕާޓީވެސް ވެރިކަމަށް އާއދެވުނީމަ މިޖެހެނީ ހަމަ ފުރިތާގަ،
ާއުނިމާ
28 March 2022
ބަލަ މިސަރުކާރަކީ ރައްޔިތުންނަށް ނުލިބި ހުރި ހުރިހާ ޙައްގެއް ހޯދަދޭން ރައްޔިތުންނަށް ވައުދުވެގެން އައި ސަރުކާރެއްނު،
ބީރު
28 March 2022
ޔާމީނު އަސްލުވެސް ހަމަބުއްދިފިލައިގެން ހިގައް
ދަލޭކަ ދައިތަ
28 March 2022
ސިޔާސީ މީހުންގެ އޮންނާނީ އަމިއްލަ ފައިދާއަށް ވިސްނުމާ ދޮގުހެދުން މީ މިބައިމިހުންގެ ހުންނަ އެއްގޮތްކަންތައް. މިހާރުއްސުރެން ވިސްނާ ވިސްނާ ނޭގުނު ވޯޓު ދޭނެ މީހެއްވެސް. ކަމުދާ އެކެއްވެސް ހަމަ ނެތީ.
ގޯރުނުދޯރު
28 March 2022
އެންމެންވެސް ކިޔެވީ އެއްފޮތަކުން. އެންމެންވެސް ކުރަންއުޅެނީ އެއްކަމެއް. އެއީ ޖެހުނު ތަނަކުން ކެވުނު ވަރަކަށް ކެއުން. ވަރަށް ސާފު..
އަލީ އަލީ
28 March 2022
އެއްވެ އުޅެންށާއި ސިޔާސީ އެއްވުންތަކަށް އަދި މުޒާހަރާތަކަށް ވަކި ރަށެއް ހަދަންވީ! ރަށް ކުްޔަށް ނަގައިގެން މއމީހަކު ބޭނުންވަރެއްގެ އެއްވުމެއް މުޒާހަރައެއް ބާއްވަންވީ! އޭރައްދެން އެހެން މީހަކަސް އޭގެ އުނދަގުލެއްނުވާނެއްނު! މާލެ އަތޮޅުން ފަޅެއް ހިއްކައިގެން 1ލައްކަ މީހުންނަށް އެއްފަހަރާ އެއްވެ އުޅެވޭވަރުބ ތަންކޮޅެއް ހަދައިދޭންވީ! އޭރުން ކޮންމެ ދެރޭން އެއްރެއަކު މަޖީދީމަގު ބްލޮކްވެގެން އުޅެކަށް ނުޖެހޭނެއެއްނު!
އަލީރާޖާ
28 March 2022
ޔާމީނު ހީކުރަނީ ދިވެހިން މިތިބީ އޭނަގެ ވެރިކަމުގައި ކުރި ކަންކަން މިހާރު ހަނދާން ނެތިފަ ކަމަށްތަ؟
އަލީ އަލީ
28 March 2022
އިބްރާހިމް ހީކުރީ އޭބޭފުޅާ އިނދިކިޅުގަ ހުރެގެން ދެއްކި ވާހަކަ މިހާރު ދިވެހިން ހަދާން ނެތް ކަމަށްތޯ!
ބޮޑުމީހާ
28 March 2022
ސިޔާސީ މީހުން ކިޔެވީ އެއްފޮތަކުން. ދައުލަތުގެ ބަޖެޓުން ކޮރަޕްޝަން ހިންގައިގެން އެއްވެސް މީހަކަށް ފިޔަވަޅެއް ނާޅާނެ، މީ ދައުލަތުގެ ފައިސާ އަމިއްލަކުރަން ދެޕާޓީން ހިންގާ ޖަރީމާ، ހަމައެގޮތަށް އެއްވެއުޅުމާއި، ފަޑިޔާރުގެ އިސްލާހުކުރުމާއި، މިކަންތައްތަކަކީ ދައްކާ ބަހަނާ، ފްލެޓްވެސް ނޭޅޭ އެކަމަކު އެއީ ރައްޔިތުންގެ އެންމެ ބޭނުންޖެހިފަ ހުރިކަންތައްތައް. އެކަމަކުވެސް ދެޕާޓީ ސަޕޯޓަރުން ޕާޓީ ކަމެއްގަ އުޅޭއިރު ހީވަނީ އީދު އައިސްގެން އުޅޭހެން
ވަގު ބޅ
28 March 2022
ޔާމީން ފޭއްސީ އިލޮށި މިހެރުނީ އަމިލަމީހާގެ ލޮލައްދޯ އަބަދަކު މަކަރާހީލަތުން ކަންކަމެއްނުކުރެވޭނެ ...ރައްޔިތުން އެބަޖެހޭ މިޔައްވުރެން ހޭލުންތެރިވާން ޔާމީންގެ ކަމަކީ ވައްކަމާ މަކަރާ ހަދައި ރައްޔިތުން ގުބޯހެއްދުން
އިބްރ
28 March 2022
ޔާމީނު ސަރުކާރުގައި އެމްޑީޕީން މުޒާހިރާކުރަން ދިމާކުރީ މާލޭގައި ހަމަނުޖެހުން އުފައްދައި ސަރުކާރުގެ އޮފީސްތަށް ހިފަންކަން ތިޔަބޭފުޅާއަށް ނޭނގެނީތޯއެވެ؟ސަރުކާރު ވައްޓާލާށެވެ. ކޮންމެ ދުވަހަކު ކުރާމުޒާހިރާގައި ފުލުހުންނަށް ބޮޑެތި އަނިޔާދެއެވެ. ނަމަވެސް މިހާރު މުޒާހިރާތަކަށް މީހުން އެއްވަނީ ސަރުކާރުން މުޒާހިރާކުރަން ކަނޑައަޅާފައިވާ ސަރަޙަށްދަށްސުލްހަވެރކަމުގައި.މުޒާހިރާކުރަންޖެހިފައިވަނީ ބޭރުޤައުމެއްގެ އަޅުވެތިކަމަށް ރާއްޖެ ވައްޓާލާފައިވާތީނޫންތޯއެވެ؟
އަީ 2
28 March 2022
އެތަނަށް އެއްވީ އެހެން އެއްވެސް ތަނަކު ކުރިޔަ ނުދިނީމަ.