ޚަބަރު / ޕީޕީއެމް

ޕީޕީއެމުން އިދިކޮޅަށް: "ކާމިޔާބީ އޮތީ ވަރަށް ކައިރީގައި"

ދަރުބާރުގޭގައި ބޭއްވި ޕީޕީއެމްގެ ކޮންގްރެސްގައި ރައީސް ޔާމީނާ އެކު ޕާޓީގެ ނައިބު ރައީސް އަބްދުއްރަހީމް އަދި މޫސާ ޒަމީރު ބައިވެރިވެވަޑައިގަންނަވަނީ:.--- ފޮޓޯ: ޕީޕީއެމް ޓްވިޓާ

މިދިޔަ މަހުގެ 23 ގައި ބޭއްވި ރިޔާސީ އިންތިޚާބުގެ ވޯޓު އިލެކްޝަންސް ކޮމިޝަން (އީސީ) އިން އޮޅުވާލާފައިވާ ކަމަށް ބުނެ ޕީޕީއެމުން ކުރިއަށް ގެންދާ ހަރަކާތްތަކުގެ "ކާމިޔާބީ އޮތީ ވަރަށް ކައިރީގައި" ކަމަށް އެ ޕާޓީގެ ލީޑަޝިޕްގެ އިސް ބައެއް ބޭފުޅުން ރޭ ވިދާޅުވެއްޖެ އެވެ.

ރިޔާސީ އިންތިޚާބުގެ ނަތީޖާ އޮޅުވައިލާފައިވާ ކަމަށް ބުނެ އީސީއާ ދެކޮޅަށް ޕީޕީއެމުން ވަނީ މާލޭގައި މުޒާހަރާތަކެއް ފަށައިފަ އެވެ. ވެރިކަން ކުރާ ޕާޓީ ޕީޕީއެމްގެ ބައެއް މެމްބަރުން ގަބޫލު ކުރައްވާ ގޮތުގައި، އިންތިޚާބުގެ ނަތީޖާ ބާތިލް ކުރުމަށް ފަހު، ދެފުށް ފެންނަ އިންތިޚާބަކަށް ދާން ޖެހެ އެވެ.

އެކަމަކު، އީސީން ތަކުރާރުކޮށް ބުނަމުން ދަނީ ނަތީޖާ އޮޅުވައިލާފައި ނުވާނެ ކަމަށެވެ. ޕީޕީއެމުން ވަނީ އިންތިޚާބީ ރައީސް އިދިކޮޅު ކޯލިޝަންގެ އިބްރާހިމް މުހައްމަދު ސޯލިހް (އިބޫ) ހުވާ ކުރައްވަން މަޑުޖައްސައިލަން ވެސް އެދިފަ އެވެ.

ޕީޕީއެމުން ބޭއްވި މުޒާހާރާގައި ރައީސް ޔާމީން ވާހަކަފުޅު ދައްކަވަނީ. އިލެކްޝަންސް ކޮމިޝަންގެ ތެރެއަށް ނުފޫޒު ވަދެފައިވާ ކަމަށް ރައީސް ޔާމީން ވިދާޅުވި. -- ފޮޓޯ / މިހާރު

ޕީޕީއެމަށް ވަރަށް އަވަހަށް ކާމިޔާބީ ލިބޭނެ ކަމަށް އެ ޕާޓީގެ ލީޑަޝިޕްގެ ބޭފުޅުން ވިދާޅުވީ، ރިޔާސީ އިންތިޚާބުގެ ނަތީޖާ އޮޅުވައިލި ކަމަށް ބުނެ އެ މައްސަލަ ސުޕްރީމް ކޯޓަށް ހުށަހަޅަން ތައްޔާރުވަމުންދާ ދަނޑިވަޅެއްގަ އެވެ. އަދި އެކަން ޕީޕީއެމްގެ ބައެއް ބޭފުޅުން ރޭ ކަށަވަރުވެސް ކޮށްދެއްވި އެވެ.

ހެންވޭރުގައި ހުންނަ ޕީޕީއެމްގެ އޮފީސް ކައިރީގައި ބޭއްވި މުޒާހަރާގައި އެ ޕާޓީގެ ނައިބު ރައީސް ރައްޔިތުންގެ މަޖިލިހުގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ވިދާޅުވީ ޕީޕީއެމްގެ ލީޑަޝިޕްގެ ބޭފުޅުން ތިއްބެވީ ރައީސް އަބްދުﷲ ޔާމީނާއި ރައްޔިތުންނާ އެކު ކަމަށެވެ.

"އެއްގޮތަކަށް ވެސް ކަންބޮޑުވާނެ ކަމެއް ނެތް. އަޅުގަނޑުމެން މި ކުރާ މަސައްކަތް ކާމިޔާބުވާނެ. ކާމިޔާބުގެ ވަގުތު ވަރަށް ކައިރިވެއްޖެ. އެހެންވީމާ ހިތްވަރާ އެކު ސާބިތުވެ ތިއްބަވާ،" އީސީން އިންތިޚާބު އޮޅުވައިލި ކަމަށް ބުނެ އެ ކޮމިޝަނާ ދެކޮޅަށް ޕީޕީއެމުން ކުރާ އިހުތިޖާޖުގެ ހަތަރުވަނަ ރޭގައި ވާހަކަ ދައްކަވަމުން އަބްދުއްރަހީމް ވިދާޅުވި އެވެ.

އޭނާ ވިދާޅުވި ގޮތުގައި ސިޔާސީ ބައެއް ދުވަސްވަރު އުފަލުގައި އުޅެފައި، އަނެއް ބައި ދުވަސްވަރު ހިތްދަތިވާ ކަންތައްތަކާ ކުރިމަތިވާނެ އެވެ. އެކަމަކު، ހިތްދަތިކަމާ އެކީގައި ހިތްހަމަޖެހޭ ކަމެއް އަންނާނެ ކަމަށް ރައްޔިތުން ގަބޫލު ކުރުމަށް ވެސް އަބްދުއްރަހީމް ވަނީ އެދިވަޑައިގެންފަ އެވެ.

އިކޮނޮމިކް މިނިސްޓަރު މުހައްމަދު ސައީދު ވެސް ވިދާޅުވީ، ރައްޔިތުން ކުރަމުން އަންނަ މަސައްކަތަށް ކާމިޔާބު ލިބޭ ދުވަސް ވަރަށް ކައިރީގައިވާ ކަމަށެވެ. އަދި ރެއަކަށް ވުރެ، ރެއެއް ޕީޕީއެމަށް އޮތް ތާއީދު އިތުރުވަމުންދާ ކަމަށް ސައީދު ވިދާޅުވި އެވެ.

ޕީޕީއެމްގެ ޕާލަމެންޓްރީ ގްރޫޕްގެ ލީޑަރު އަދި ވިލިމާލެ ދާއިރާގެ މެމްބަރު އަހުމަދު ނިހާން ވިދާޅުވީ ރިޔާސީ އިންތިޚާބުގައި ގަބޫލުނުކުރާ އެތައް ކަމެއް އީސީގެ ތެރެއިން ފެނިގެން ދިޔައީމާ، އެތައް ބަޔަކު އެ މައްސަލަތައް ޕީޕީއެމްގެ އޮފީހަށް ފޮނުވަމުން ދިޔަ ކަމަށެވެ.

އާންމުންގެ ކަންބޮޑުވުންތައް ޕާޓީ އޮފީހަށް ހުށަހެޅުމުން، ޕީޕީއެމްގެ ލީޑަޝިޕްގެ ބައެއް ބޭފުޅުން ގެންދިޔައީ އެ މައްސަލަތައް ދިރާސާ ކުރަމުން ކަމަށް ނިހާން ވިދާޅުވި އެވެ.

ޕީޕީއެމްގެ މުޒާހަރާތަކަށް އެއްވާ މީހުން މަދު ކަމަށް ބުނެ، ފާޑު ކިޔަމުންދާތީ އެކަމަށް ރައްދު ދެއްވައި ނިހާން ވިދާޅުވީ މީހުންގެ އަދަދު ގިނަތޯ ނުވަތަ މަދުތޯ ސުވާލު ކުރަން ނުޖެހޭ ކަމަށެވެ. ހައްގު ގެއްލިގެން ދިޔައީ "އެކެއްގެ ވިޔަސް، އެއްހާސް މީހުންގެ ވިޔަސް،" އެ "ގެއްލެނީ ހައްގެއް" ކަމަށް ނިހާން ވިދާޅުވި އެވެ.

"ވައްކަން ކުރީ އެއް ރުފިޔާ އިން ވިޔަސް، އެއް ބިލިއަން ރުފިޔާ އިން ވިޔަސް، އެ ކުރެވެނީ ވައްކަން،" އިންތިޚާބުގައި ނުސީދާ ކަންކަން ކުރިކަން އާންމުން ގަބޫލު ކުރައްވާ ކަން ފާހަގަ ކުރައްވައި ނިހާން ވިދާޅުވި އެވެ.

ޕީޕީއެމްގެ ނޫސްވެރިންގެ ބައްދަލުވުމުގައި، އެ ޕާޓީގެ އިސް ބޭފުޅުން ބައިވެރިވެވަޑައިގަންނަވަނީ. --ފޮޓޯ: ނިޝާން އަލީ/ މިހާރު

އޭނާ ވިދާޅުވި ގޮތުގައި، އިންތިޚާބުގައި "ވަގު މަކަރު" ހެދި ކަމަށް އެންމެ ފުރަތަމަ ދެއްކީ ޕީޕީއެމުންނެއް ނޫނެވެ. އެ ވާހަކަ އެންމެ ފުރަތަމަ ހިއްސާ ކުރެއްވީ އިދިކޮޅު އެމްޑީޕީގެ ޗެއާޕާސަން ހަސަން ލަތީފް ކަމަށާއި އޭނާގެ ވާހަކަތަކާ ގުޅިގެން މިއީ ތެދެއްތޯ ބެލުމުގެ މަސައްކަތް ފެއްޓެވީ ކަމަށް ނިހާން ވިދާޅުވި އެވެ.

"ތިޔަބޭފުޅުން ޕާޓީ އޮފީހަށް ގެނައި ޖަޒުބާތުތައް ކަރުދާހަށް ލައި، އެ ދިރާސާކޮށް، ތަހުގީގު ކުރާނެ ބުއްދިތަކާއި ވިސްނުންތަކުން ތަހުގީގުކޮށް އަޅުގަނޑުމެން ތައްޔާރު މިވަނީ ބޮޑު ސިންގާ ކޯޓު ކޭހާ ދިމާލަށް ދަތުރު ކުރަން،" އިންތިޚާބު ބާތިލް ކުރަން ކޯޓަށް ހުށަހަޅަން އުޅޭކަން ފާހަގަ ކުރައްވައި ނިހާން ވިދާޅުވި އެވެ.

ޕީޕީއެމްގެ ތަރުޖަމާން އަދި ރައްޔިތުންގެ މަޖިލިހުގެ ކެލާ ދާއިރާގެ މެމްބަރު އަލީ އާރިފް ވިދާޅުވީ ރައްޔިތެއްގެ ހައްގެއް ގެއްލިއްޖެ ނަމަ، އެ ހައްގު ހޯދުމަށް ނުކުންނާނެ ކަމަށެވެ. އަދި އެތައް ހާސް ބައެއްގެ ވޯޓަށް ވީ ގޮތެއް ނޭނގޭ ހިސާބަށް ގޮސްފައިވާ ކަމަށް ވެސް އަލީ އާރިފް ވިދާޅުވި އެވެ.

ޕީޕީއެމުން ވަނީ "އޮޅުވައިލި ވޯޓު" ނަމުގައި މިރޭ ވެސް މާލޭގެ މަގުތަކަށް ނުކުންނާނެ ކަމުގެ އިޝާރާތެއް ދީފަ އެވެ.

110 ކޮމެންޓް, 578 ރިއެކްޝަންސް

icon happy icon happy 32%
icon sad icon sad 1%
icon angry icon angry 67%
icon wow icon wow 0%
icon inlove icon inlove 0%

ކޮމެންޓްތައް

އެންމެ ފަސް މަގުބޫލް

އައިބެޓު 1

08 October 2018

އައިބެޓް ކަލޭ ދާންވީނުން އަލްބެޓް އެއިންސްޓަން ކައިރިޔަށް ހިސާބު އިލުމް ކިޔަވަން. އަދުރޭގެ ފޯމިއުލާތައް ގޯސްވީމަ މިހެންމިވީ.50×4 =200000 މިފޯމިއުލާ އަލްޖިބުރާގެ ފޯމެޓުގަ ހެދީމަ އަންނަނީ 2000000000 މިގޮތައް. ޕްރޮފިސަރ އަކާ ސުވާލް ކުރީމަ ބުނީ މަހެދި ހިސާބުގަވެސް ސުމެއް އަދި މަދޭ. އެކަމަކު ކިތައް ސުމެއްކަމެއްނުބުނި. އަދުރޭގެ ފޯމިއުލާއާ ހެދި ޕްރޮފިސަރުންތައްވެސް ގަޔައް އަތްލާ މާރާމާރީ ހިންގަނީ މިހުރިހާ ދުވަހުކުރި މަސައްކަތް ބޭކާރުވެ ފަނުފުލުންދިޔައީ

އިމޫ

07 October 2018

ތަމެން މަހަށް ދޭ

އުނބުށެން

07 October 2018

"ސިޔާސީ ބައެއް ދުވަސްވަރު އުފަލުގައި އުޅެފައި، އަނެއް ބައި ދުވަސްވަރު ހިތްދަތިވާ ކަންތައްތަކާ ކުރިމަތިވާނެ އެވެ. އެކަމަކު، ހިތްދަތިކަމާ އެކީގައި ހިތްހަމަޖެހޭ ކަމެއް އަންނާނެ ކަމަށް" އަދުރޭ މި މިވިދާޅުވީ ވަރަށްބޮޑު ތެދެކެވެ. އިއްޔެ ގިނަ މީހުން ތަހައްމަލުކުރި އަނިޔާވެރިކަމާއި ބޭއިންސާފުގެ ހިތްދަތިކަމަށްފަހު މިއަދު މިއަންނަނީ އެ އެންމެންނަށްވެސް އުފާވެރިކަން ލިބެމުންނެވެ. ދެން އިރާދަކުރެއްވިއްޔާ މިދިޔަފަދަ ދުވަސްތަކެއް އިއާދަ ނުކުރައްވާނެތެވެ.

ޙަމީދު ދ

06 October 2018

މީ ކޮން ތިއަރީއަކުން ދައްކާ ވާހަކައެއްބާ. ޢެމްޑީޕީން ވެސް ބުނީ އޮޅުވާލާނޭ. ގުޅުފައިވާ ލަޝްކަރަށް ކަމިޔާބު ވީމާ އެމީހުން ބުނަނީ ބަރާބަރޭ. ޕީޕީއެމް އަށް ކާމިޔާބު ވީނަ.މަ އެމީހުން ހަމަ ކިޔާނީ މިހެން. ޙަޤީޤަތަކީ އިލެޝަނުން އެއްވެސް އެއްޗެއް އޮޅުވައެއް ނުލާ

އއއ ގގގ

06 October 2018

މިގައު މުގަ ވޯޓް ބެހިގެން ދާ ގޮތަކީ އަންނި 54556 މައުމޫން 40000 ގާސިމް 40000 100 ފަހަރު ވޯޓް ލިޔަސް ޔާމީނަކަށް ވާނެ ކަމެއް ނޯންނާނެ!!!

ސީސީސީ

06 October 2018

ޖާބިރު ބުނިހެން ހިސާބު އެއްކުރަން ނެއިގުނީ؟ ރައްރަށަށް އެރީމާ އެތަނުން ފެންނަ ހުރިހާ މީހުން ވޯޓްދޭނެކަމަށް ހީކުރެވުނީ

ގަގަ

06 October 2018

އެއީ ގޮޅި..

އަލީ އަލީ

06 October 2018

އަނެއް ބަޢާވތް ރެޑީވަނީ!

ދދދދދދދދ

06 October 2018

ކެރަފާމެންނާ ނުލާތަ މިފަހަރު؟ ކެކެކެކެކެ

ފަންކާ

06 October 2018

ކާމިޔާބު އޮތީ ޖަލުގަ.

ކީޕް އޮން ޓްރައިން

06 October 2018

ކިތަންމެ ވަރަކައް އިންތިހާބު ބޭއްވިޔަސް ރައީސް ޔާމީނު ހިއެއް ނުވޭ ދެން މޮޅުވާނެ ހެނެއް.

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454