29 މާޗް 2022 - 22:18
18 comments
މީގެ ހަތް އަހަރު ކުރިން ފަށައި ނުނިމި ދިގުލައިގެން ގޮސްފައިވާ، ފުލުހުންގެ ފްލެޓުތައް މި އަހަރު ތެރޭގައި ނިންމާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ފުލުހުންގެ އަހަރީ ދުވަހުގެ މުނާސަބަތުގައި މިރޭ ބޭއްވި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ ސަލާމަތީ ހިދުމަތްތަކުގެ ބޭފުޅުންނަށް ވަރަށް ކުރީއްސުރެ ދިމާވެފައިވާ ބޯހިޔާވަހިކަމުގެ ދަތިތަކަށް އަދިވެސް ހައްލު ނުލިބޭ ކަމަށެވެ.
އެއީ ސަރުކާރުތަކުން ނެއްޓިގެން ލައްގަމުން އައި މަޝްރޫއެއް ކަމަށާއި ނަމަވެސް މި ސަރުކާރުން އެ މަސައްކަތް އަލުން ފަށާފައިވާ ކަމަށް ރައީސް ވިދާޅުވި އެވެ. އަދި ޕްލޭނިން މިނިސްޓްރީގެ ބެލުމުގެ ދަށުން އާ ކޮންޓްރެކްޓަރަކާ ހަވާލު ކޮށް މަސައްކަތް ބާރަށް ހިނގަމުންދާ ކަމަށް ވެސް އެމަނިކުފާނު ވިދާޅުވި އެވެ.
"އަޅުގަނޑުމެންގެ އަމާޒަކީ މި އަހަރުގެ ނިޔަލަށް [ޕުލުހުންގެ ފްލެޓުތައް] ނިންމުން،" ރައީސް ވިދާޅުވި އެވެ.
ފުލުހުންގެ އަހަރީ ދުވަހުގެ ޖަލްސާގައި ރައީސް އިބްރާޙިމް މުހައްމަދު ސޯލިހު ވާހަކަފުޅު ދައްކަވަނީ -- ފޮޓޯ: ރައީސް އޮފީސް
ބްލޫ ހައުސިން ސްކީމްގެ ނަމުގައި ފުލުހުންނަށް ހާއްސަކޮށްގެން ހުޅުމާލޭގައި 300 ފްލެޓް އިމާރާތް ކުރަން ފެށީ 2014 ގަ އެވެ. ދެ އަހަރުގެ ތެރޭގައި ނިންމާނެ ކަމަށް ބުނި އެ ފްލެޓްތައް ނުނިމި ހަތް އަހަރު ވުމަކީ ފުލުހުންގެ ކަންބޮޑުވުން އޮތް މައްސަލަ އެކެވެ.
މި ފްލެޓްތައް ލިބޭނެ 361 ފުލުހުން 2013 ގައި ވަނީ ކަނޑައަޅައިފަ އެވެ. ބައެއް މީހުން ވަނީ ޑައުންޕޭމަންޓް ވެސް ދައްކައިފަ އެވެ. ދެ އަހަރުގެ ތެރޭގައި ދިރިއުޅެވޭނެ ކަމަށް ބުނި ފްލެޓްތައް ނުނިމި ދިގުލައިގެން ދާތީ ފުލުހުން ވަނީ އެކި ފަހަރު މަތިން ޝަކުވާކޮށްފަ އެވެ.
ޕްލޭނިން މިނިސްޓްރީން މެނޭޖްުކުރާ ގޮތަށް މިހާރު ހަމަޖައްސާފައިވާ މި ޕްރޮޖެކްޓް ކުރިން ހިންގީ ފުލުހުންގެ ކުންފުނި ޕޮލްކޯގެ ބެލުމުގެ ދަށުންނެވެ. މަޝްރޫއު ނުނިމި ދިގުލައިގެން ދިއުމުން އޮޑިޓެއް ހެދި އެވެ. އެކަމަކު އެ އޮޑިޓުން މައްސަލަތަކެއް ފާހަގައެއް ނުވެ އެވެ.
މި މަޝްރޫއާ ގުޅޭ މައްސަލަތަކެއް އެންޓި ކޮރަޕްޝަން ކޮމިޝަނުން ވެސް ތަހުގީގު ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިދަ ދަނޑި
31 March 2022
ތަން ހުރީ ނިންމާފަ.. ނުނިމި އޮތީ ރިބަން ކަނޑާ ތަޅުދަނޑި ހަވާލުކުރުން…
ާއުނިމާ
31 March 2022
ހެޔޮނުވާނެ މަނިކުފާނު ރަނގަޅީ ވައުދުނުވިއްޔާ، ތިޔައީ އެހެންނޫނަސް އެއްވެސް ސަރުކާރަކުން އަޅާ ފުލެޓެއްނޫން
ކިނބޫ ކާރު
30 March 2022
މީސަރުކާރަށް ލެއްގި ފުލެޓެއް ނޫން. މީ ބަޔަކަށް ބައި އަޅާގޮތަށް އަމިއްލަ ކުންފުނިތަކުން އަޅާތަންތަން. މިވިއްކާތަންތަން. މުއްސަދިންނަށް އަޅާ ތަންތަން
ޕޮޑް
30 March 2022
ގުރޭޓާ މާލޭ ރެންޓް ފޯލިން އޮފް ...2025...2025 1 ރޫމް އެޕާޓްމަންޓް 4500 ރުފިޔާ 2 ރޫމް އެޕާޓްމަންޓް 6500 ރުފިޔާ 3 ރޫމް އެޕާޓްމަންޓް 10000 ރުފިޔާ 4 ރޫމް އެޕާޓޤމަންޓްސް 12000 ރުފިޔާ މިހާރު ކުރިއައްދާ 19500 އެޕާޓްމަންޓް ( ޕޮލިސް ..އެމް އެން ޑީ އެފް އެމް ޕީ އެ ލް ސްޓެލްކޯ އެއާ ޕޯޓްސް ވިނަރެސް ... ބެ ޗް ...ރެއިންބޯ... އަމީން ..އެޕޯލޯ ހިޔާ ގުޅީފަޅު ...
ބަބޫ
30 March 2022
އިމާރާތް އިހަށް ބަހައްޓާފައި ކުރީގެ ސަރުކާރުތަކުން ތިތަން ނިންމަން ދިން ފައިސާއަށް ވީގޮތެއް ބަލަންވެއްޖެ. އޭރުން އަދި ތީގެ ދެތިން ފްލެޓް އެޅޭނެހާ ފައިސާ ލިބޭނެ. ލާރިކެއި މީހުން ވަޒީފާއިން ވަކިކޮށްލީމަ ދެން ތިޔަތަން އެއްއަހަރު ކީއްކުރަން އެއްމަސް ދުވަހުންވެސް ނިމޭނެ. 70 މިލިއަނުން ކާލައިގެން ރާއްޖެ އެމްވީގެ ފަލަ ސުރުޚީއަށް ވަރަށް ތަފްސީލުކޮށް އެޚަބަރު އައި.
ގޮލީކް
30 March 2022
ކުއްލިޔަކަށް ވައުދުތައް ގިނަވެއްޖެ. މުޅި ރާއްޖޭގަ ދަތުރު އެބަ ކުރޭ. އައްޑުއަށް ވައުދު، ފުވައްމުލަކަށް ވައުދު. ފުލުހުންނަށް ވައުދު. މިހާރު ނެތް ނުކުރެވޭ އެއްކަމެއް ވެސް. ދެން ބުނޭ ކޮރޯނާ އޭ.
ރަދީފްއޮފިޝަލް
30 March 2022
ބްރޯ ކަލެއަށް ނުކުރެވޭނެ އެއްކަމެއް ވެސް.#ހޮލޯމޭން
2023
30 March 2022
ޥޯޓު ކައިރިވަނީ ދެއްތޯ؟؟ ޚީއްވެތޯ 4 އަހަރު ވީއިރު ތިތަން ނުނިންމުނީ؟ ޥޯޓުލާ ދުވަހަށް ތެޅިގަންފަ ކަމަކަށް ކަމެއް ކޮށްލާފަ ނިންމާލީމާ ދެން ކުރަންޖެހޭ ހަރަދު މާބޮޑު.
ހުސެންދީދީ
30 March 2022
ހަތް އަހަރެއްނޫން. ނުވައަހަރު. އިބޫ ސޯލިހު ވެރިކަމަށް އައީ ސިފައިންނާއި ފުލުހުންގެ ފްލެޓްތައް އަހަރެއްތެރޭ ނިންމާނެ ކަމުގެ ރިޔާސީ ވައުދާ އެކު. ވައުދެއް ނުފުއްދާ. ދެން އަނެއްދައުރަށް އިންތިހާބަށް ކައިވީމާ މި ނިންމަނީ. ނުދޭނަން ވޯޓެއް.
މިވަރެއްނެތް
30 March 2022
2014 ގައި އަޅަންފެށި ތަނެއް ތިއީ! މަސައްކަތް ނުކުރިއަސް ކޮންޓްރެކްޓަރަށް ދެސަރުކާރުން އެތަކެއް ސަތޭކަ މިލިޔަން ބަދަލުގެ ގޮތުގައި ދީފި! އަދިވެސް ވާކަމެއް ނެތް! ތިތަން ނުނިމިގެން އުޅެނިކޮށް ހުޅުމާލެ 2ވަނަ ފޭސްހިއްކާ 7ހާސް ފްލެޓް އަޅާ، މަގުހަދާ ފެނާއި ނަރުދަމާ އަޅާ، މާލެ-ހުޅުމާލެ ބްރިޖްއަޅާ، އެއަރޕޯޓް ހިއްކާ ރަންވޭ ހަދާ އައިޖީއެމްއެޗްގެ 25ބުރީގެ އިމާރާތް ނިމިއްޖެ! ތިކަމުގައި ކޮރަޕްޝަން އުޅޭ މިންވަރު ފުލުހުން ބަލަންވެއްޖެދޯ؟