06 އެޕްރީލް 2022 - 10:39
12 comments
ހަމުގެ ސީރިއަސް ބޮޑު ބައްޔެއް ތަހައްމަލުކުރަމުން ދިޔަ އުމުރުން އެއް އަހަރުގެ ޔޫސުފް ލަޔަކް މިއަދު ނިޔާވެއްޖެ އެވެ.
ފުވައްމުލަކަށް އުފަން ލަޔަކްގެ މަންމަ، ހައްވާ އުލާ ފޭސްބުކްގައި ކުރި ޕޯސްޓެއްގައި ބުނީ ހާލެކުއިނިކް އިޗްތިއޮސިސް ނަމަކަށް ކިޔާ ބަލި ތަހައްމަލުކުރަމުން ދިޔަ ދަރިފުޅު ނިޔާވެފައިވާ ކަމަށެވެ.
ބްލަޑް އިންފެކްޝަނެއް ޖެހުމާ ގުޅިގެން އިންޑިއާގެ ރެއިންބޯ ހޮސްޕިޓަލުގައި ވަރަށް ފަހުން އެ ކުއްޖާ އެޑްމިޓް ވެސް ކުރި އެވެ.
ލަޔަކް ފެންވަރުވާ ގަޑީގައި އެ ބަލީގެ ސަބަބުން ގައިން ހަންގަނޑު ނެއްޓެ އެވެ. އަދި ހަން ބޯވެ، ކުރަކިވެ އެ ހަންތައް ނެއްޓޭތީ ބައެއް ފަހަރު ގައިން ލޭ ވެސް އާދެ އެވެ.
ހާލެކުއިނިކް އިޗްތިއޮސިސް ބައްޔަށް ވަކި ހާއްސަ ފަރުވާއެއް ނެތް ނަމަވެސް އުލާގެ ދެމަފިރިން ދިޔައީ ހަގު ދަރިފުޅުގެ ވޭނަށް ލުޔެއް ހޯދައިދޭތޯ އެކި ފަރާތްތަކުގައި އާދޭސް ކުރަމުންނެވެ. ފަރުވާ ހޯދަން އާއްމުންގެ އެހީއަށް މިދިޔަ އަަހަރުގެ ޑިސެމްބަރު މަހުގެ ތެރޭގައި އެދުމުން މިލިއަނަކަށް ވުރެ ގިނަ ރުފިޔާ ލިބުނެވެ.
އުލާގެ ދެމަފިރިންގެ އަލަތު ދަރިފުޅު ވެސް ވަނީ މީގެ 12 ވަރަކަށް އަހަރު ކުރިން ހަމަ އެ ބަލީގައި ނިޔާވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިމްޕަތީ
07 April 2022
Llަޔަކްގެ ބައްޔަކީ ކިޔޯ ކުރެވޭ ބައްޔެއް، މައްސަލައަކީ ދިވެހިންގެ ހޭލުންތެރިކަން ނެތުން. ޑިވެއްސަކަށް ވީތީ ދެރަވޭ
މާހިރު
06 April 2022
ﷲ ތަޢާލާ ކުޑަކުޑަ ލޯބިލޯބި މަޢުސޫމްގެ ފުރާނައަށް ރަޙްމަތްލައްވާ ސުވަރުގޭގެ ބަގީޗާތަކުގައި ލައްވާންދޭވެ. އަދި އެކުއްޖާގެ އާޢިލާއަށް ކެތްތެރިކަމާއި ސާބިތުކަން ދެއްވާންދޭވެ. އާމީން
ރަދީފްއޮފިޝަލް
06 April 2022
އާއިލާއަށް މިލިބުނު ފުން ހިތާމައިގަ ބައިވެރިވަން.
އަސްލުމީހެއް
06 April 2022
މާތް ﷲ ތަޢާލާ ތިކުޑަކުޑަ ލޯބިލޯބިމަޢުސޫމްގެ ފުރާނައަށް ރަޙްމަތްލައްވާ ސުވަރުގޭގެ ބަގީޗާތަކުގަލައްވާންދޭވެ.. އާމީން
57166
06 April 2022
ސުވާލަކީ ކުޑަކުދިން މިކަހަލަ ވޭން ތަހައްމަލް ކުރާނިވި ބަލި ތައް އިންސާނުންގެ ތެރެއައް ފެތުރެނީ ކީއްވެހެ؟ ޖެނެޓިކް އެއް ބަޔޯމެކޭނިކެއް ކާރުހާނާއެއް ފޮތަކު ނޯވޭ! ކުޑަކުދިންނަކީ މައުސޫމް ކުދިން. އެއްވެސް ކުށެއް އެކުދިންގެ ނެތް. ކޮންމެ 5 މިނަޓަކުން ކުޑަކުއްޖެއް މިދުނިޔެ ދޫކުރަނީ ވަރައް ވޭނުގަ އުޅެ، މައިންބަފައިން ގެ އަތުގާ އޮވެ، ޒާތްޒާތުގެ ބަލި ބަލީގާ! ސުވާލަކީ ކީއްވެހޭ!!
ސުވާލޭ
06 April 2022
ބޭފުޅާ ހިތުން މިހާރު ބޭފުޅާއަށް ޖަވާބުނޭނގޭ ހަމައެކަނި ސުވާލަކީ ތިއީތޯއެވެ؟ އެހެންކަމަށްވާނަމަ އަޅެ މި ސުވާލުތަކަށް ޖަވާބު ދީބަލާށެވެ. ކަލޭ ކަލެއަށްވީ ކީއްވެ ހެއްޔެވެ؟ ކަލޭ އޮބާމާއަށް ނުވަތަ ބިލް ގޭޓްސްއަށް ނުވީ ކީއްވެ ހެއްޔެވެ؟ ކަލޭ ދިވެއްސަކަށްވީ ކީއްވެ ހެއްޔެވެ. ކަލޭ ޖަނަވާރަކަށް ނުވެ އިންސާނަކަށްވީ ކީއްވެ ހެއްޔެވެ. ކަލޭ 2500 ވަނަ އަހަރުގައި އުފަންނުވީ ކީއްވެހޭ. ކަލޭ މީގެ 1400 އަހަރު ކުރިން އުފަންނުވީ ކީއްވެހޭ.
ސުވާލޭ އައް 57166
06 April 2022
ތިއީ އަނެއް މައްސަލަ. އެއްބަޔަކު ހަނދައް ދާއިރު އަނެއްބަޔަކު މިއުޅެނީ އެ ފެނޭތޯ! ގައުމުތައް، ސްކޫލް ތައް، ޔުނީވަރސިޓީ ތައް ކުރިއަރާ އެންމެ ބޮޑު އެއްކަމަކީ ކިޔަވާދޭ ގޮތް. ހުރިހާ ސުވާލެއްވެސް ކޮއް، އެއައް ޖަވާބު ލިބޭތޯ ބެލުން. ފެންނަން ނެތިއްޔާ ޖަވާބު ހޯދޭ ތޯ ބެލުން. ދުނިޔޭގެ 300 އެންމެ މޮޅު ޔުނިވަރސިޓީ ތަކުގެ ލިސްޓެއްބަލާލަ ބަލަ. ސުވާލު ކުރަން ނުކެރޭ މީހުންގެ ގައުމެއްގެ އެއްވެސް ޔުނީވަރސިޓީ ކޮޅުންވެސް ފެނޭތޯ! މަވާ ސަލާމް!
ސައްތާރރު
06 April 2022
ހިތުން ވަރަށް މޮޅު އެއްޗެއް ދޯ ތިބުނެލީ؟
ޢުލާ
06 April 2022
އޯކޭ އެކަމު އާޓިކަލް ނިމުނުއިރު އިން އުލާ އަކީ ކާކު؟؟؟؟؟
އިބުރާ
06 April 2022
އަދި އެއްފަހަރު މިލިޔުން ކިޔާލާ. ދެވަނަ ޕެރެގްރާފުގައި "ފުވައްމުލަކަށް އުފަން ލަޔަކްގެ މަންމަ، ހައްވާ އުލާ ފޭސްބުކްގައި ކުރި ޕޯސްޓެއްގައި ބުނީ ހާލެކުއިނިކް އިޗްތިއޮސިސް ނަމަކަށް ކިޔާ ބަލި ތަހައްމަލުކުރަމުން ދިޔަ ދަރިފުޅު ނިޔާވެފައިވާ ކަމަށެވެ." މިއޮތީ އުލާގެ ވާހަކަ.