ފުވައްމުލަކު ހޮސްޕިޓަލަށް ގެންދިޔަތަނުން ކުއްލިއަކަށް މަރުވި ފަސް އަހަރު ސަދާ ސައުދުﷲ އަހުމަދު.--
04 އޮކްޓޯބަރ 2021 - 21:22
15 comments
ފުވައްމުލަކު ހޮސްޕިޓަލްގައި ފަރުވާ ދެމުން އަންނަނިކޮށް، އުމުރުން ފަސް އަހަރުގެ ސަދާ އިއްޔެ މަރުވި ސަބަބެއް ކަމަށް އާއިލާ އިން ތުހުމަތުކުރަނީ ޖެހި އިންޖެކްޝަނެކެވެ. ބަނޑުގައި ރިއްސައި ހޮޑުލައި އުޅޭތާ ދެތިން ދުވަސް ފަހުން ކުއްޖާ ކުއްލި ގޮތަކަށް މަރުވީ އާއިލާ އިން ބުނާ ގޮތުން އިންޖެކްޝަން ޖެހިތާ ކުޑަކުޑަ އިރުކޮޅެއްގެ ތެރޭގަ އެވެ.
"އެ އިންޖެކްޝަން ޖެހިތާ ފަސް މިނެޓް ތެރޭގައި ދަރިފުޅު ޚަބަރު ހުސްވެއްޖެ،" ކުއްޖާގެ ބައްޕަ ސައުދުﷲ އަހްމަދު އަސަރާ އެކު ކިޔައިދިނެވެ.
ގެސްޓް ހައުސް އެސޯސިއޭޝަންގެ ރައީސްކަން ވެސް ކުރައްވާ ސައުދުﷲ "މިހާރު" އަށް މިރޭ ވިދާޅުވީ ސަދާގެ ބަނޑުގައި ރިއްސައި، ވަރަށް ގަދަ އަށް ހޮޑުލާތީ މިދިޔަ ހުކުރު ދުވަހު މެންދުރު ފަހު އެންމެ ފުރަތަމަ ދިޔައީ އެ ސިޓީގައި ހުންނަ ފްލޫ ކުލިނިކަށް ކަމަށެވެ. ކޮވިޑްގެ އަލާމާތެއް ކަމަށް ބަލައި ފްލޫ ކުލިނިކަށް ދިޔަ ފަހުން ވެސް ދަރިފުޅުގެ ހާލަތު މާ ގޯސްވާތީ އެ ތަނުން ހޮސްޕިޓަލަށް ފޮނުވައިލި ކަމަށް ސައުދުﷲ ވިދާޅުވި އެވެ.
އޭނާ ވިދާޅުވި ގޮތުގައި ހޮސްޕިޓަލުން ދެއްކުމުން ދިން ބޭސް ބޭނުންކޮށް، އެ ބޭހުން ރަނގަޅުވޭތޯ ހޮނިހިރު ދުވަހާ ހަމަޔަށް ބެލުމަށް ފަހު ސަދާގެ ހާލަތު ރަނގަޅު ނުވުމުން، އިއްޔެ ހެނދުނު އަލުން ޑޮކްޓަރަށް ދެއްކީ އެވެ. އިންޖެކްޝަން ޖެހީ ޑޮކްޓަރު އަލުން ސަދާ ބެލުމަށް ފަހު ކަމަށް ސައުދުﷲ ވިދާޅުވި އެވެ.
"އިންޖެކްޝަން ޖެހީ އެ މަންޖެގެ ދުވަސް ދިޔައީ،" ސައުދުﷲ ވިދާޅުވި އެވެ.
"ޖެހީ ކޮން ކަހަލަ އިންޖެކްޝަނެއް ކަމެއް ވެސް ހޮސްޕިޓަލުން ސާފެއް ނުކޮށްދޭ."
އޭނާ ވިދާޅުވީ ދަރިފުޅުގެ ބޭސް ސިޓީ ވެސް އަތަކަށް ނުލިބޭ ކަމަށެވެ. އަދި ލިބުނު ހޮސްޕިޓަލްގެ ލިޔުންތަކުގައި ވެސް އިންޖެކްޝަންގެ މައުލޫމާތެއް އެނގެން ނެތް ކަމަށް ވިދާޅުވި އެވެ.
ސައުދުﷲ އަހުމަދު އޭނާގެ ދަރިފުޅު ސަދާއާ އެކު.
ސަދާގެ މަރު ސާބިތުކުރީ އިއްޔެ އިރުއޮއްސި 7:08 ގަ އެވެ. މިއަދު ފަތިސް ނަމާދަށް ފަހުގައި ސަދާ ވަނީ ވަޅުލައިފަ އެވެ.
ސައުދުﷲ ތުހުމަތު ކުރެއްވި ގޮތުގައި ފުވައްމުލަކު ހޮސްޕިޓަލުގައި ފަރުވާ ދިނުމުގައި ފަރުވާ ކުޑަކުރުމަކީ މިހާރު ހައްދުފަހަނައަޅައިފަ އޮތް ކަމެކެވެ. ދަރިފުޅަށް އިންސާފު ބޭނުންވާ ކަމަށާއި މި ކަމުގައި ހޮސްޕިޓަލް ޖަވާބުދާރީ ކުރުވަން ބޭނުންވާ ކަމަށް އޭނާ ވިދާޅުވި އެވެ. އޭނާ މިއަދު ހަވީރު ވަނީ އާއިލާއާ އެކު ފުވައްމުލަކު ހޮސްޕިޓަލު ދޮށަށް އެއްވެ، އިހުތިޖާޖު ވެސް ކުރައްވައިފަ އެވެ.
"ހޮސްޕިޓަލުގެ އިހުމާލު އިންތިހާ އަށް ބޮޑު. އެހެންވެ އަޅުގަނޑުމެން މި ނުކުތީ އަޅުގަނޑުގެ ދަރިފުޅަށް ހޯދައިދެވޭނެ އިންސާފަކީ މި ރަށުގެ ރައްޔިތުންނަށް ވެސް ހޯދައިދެވޭނެ އިންސާފެއް ކަމަށް ދެކޭތީ،" އޭނާ ވިދާޅުވި އެވެ.
"އަޅުގަނޑު މި ކަމުގައި އެންމެ ފަހު މިނެޓާ ޖެހެންދެން ހުންނާނަން."
ފުވައްމުލަކު ހޮސްޕިޓަލްގެ މެނޭޖަރު އަހުމަދު ދިރާރު އިއްޔެ "މިހާރު" އަށް ވިދާޅުވި ގޮތުގައި ސަދާ މަރުވާން ދިމާވި ސަބަބެއް އަދި ނޭނގެ އެވެ. އޭނާ ވިދާޅުވީ ހޮސްޕިޓަލުގެ އެއްވެސް ކަމެއް އުޅޭ ނަމަ އެކަން ބަލާނެ ކަމަށާއި ހެލްތު މިނިސްޓްރީ އާއި ކަމާބެހޭ ފަރާތްތަކުން ވެސް އެކަމާ ގުޅޭ ގޮތުން ކުރާ ތަހުގީގަށް އެއްބާރުލުން ދޭނެ ކަމަށެވެ.
އާއިލާގެ ތުހުމަތުތަކާ ބެހޭ ގޮތުން ހޮސްޕިޓަލްގެ ބަހެއް ހޯދަން މިއަދު ގުޅުމުން ފޯނަށް ޖަވާބެއް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެއްޔާބެގެ ދަރި
05 October 2021
ޕޯސްޓްމޯޓެމް ނަހަދައި ކިހިނެއްތޯ މަރުވި ސަބަބު ދެނެގަންނާނީ. މިހާރު ވެސް ތިޔަ އޮތީ އެއް ސްޓެޕް ސްކިޕް ކޮށްފަ. ދެން މައްސަލަ ތަހުގީގުކުރިޔަސް ފުރިހަމައެއް ނުވާނެ. އެހެންވެއޭ މި ބުނަނީ މިފަދަ މަރުތަކާ ގުޅިގެން ޕޯސްޓްމޯޓެމް ހެދޭ ގޮތަށް ގާނޫނު ބައްޓަންކޮށް ވަސީލަތްތައް ގާއިމުކުރާށޭ. ފުލުހުންގެ ތަހުގީގުތަކަށް ވެސް އެއީ މުހިންމު ކަމެއް. ބޭރު ގައުމުތަކުގައި ބޮޑެތި މައްސަލަތައް އެބަހުރި ޕޯސްޓްމޯޓެމްގެ އެހީގައި އިންސާފު ގާއިމުކުރެވިފައި.
ށަވިޔަނި
05 October 2021
ފުރިހަމަ ތަހުގީގަކަށް ފަހު އެއްޗެއް ބުނަންވާނީ. ހިތަށް އެރިހާ އެއްޗެއް ލިޔެކޮމެންޓް ކުރުން ރަނގަޅެއް ނޫން. އާއިލާއަށް ކެއްތެރިކަން ދެއްވާށި.
ފިލޮޅު
05 October 2021
ހޮސްޕިޓާތަކުން މީހުންމަރުވާ އަދަދު މަދެއްނޫން! ކޮންމެދުވަހަކު އެމީހުންގެ އާއިލާއިން އިހްތިޖާޖްކުރޭތޯ؟ ނޫހަށް އަރާތޯ؟ ސަދާގެ ބައްޕަ އެހާ ޔަގީންކަމާއެކު އެހާ އަސަރާއެކު އެހެން ބުނާނީ އިހުމާލު އޮތީމަކަމަށް ގަބޫލުކޮރެވެނީ! މިހާރު ކުރާތަހުގީގުތައް ނިމޭގޮތް ފެންނަނީ މަދަކުންނޫން! ބޮޑެތި ކުއްވެރިން މައުސޫމުވެގެންދަނީ މެކުހަށްޖަހާފަ،،
ސައުދު
05 October 2021
ތިޔަކަމެއް ނުވާނެ.ތިޔަކަން ބަލާނެބަޔަކު ނުތިބޭނެ.ކޮންމެސް ކަހަލަ ރީތި ޖަވާބަކުން ސިޓީއެއް ލިޔެލާފަދީފާނެ އެއަށްވުރެ ބޮޑުކަމެއް ނުކުރާނެ.އަޅުގަނޑު މިއުޅެނީ 2015 ވަނައަހަރުން ފެށިގެން ތިޔަކަހަލަ ކަމެއްގަ.މައްސަލަ ރިވިއު ކޮއްފީމޭ ބުނަނީ އެކަމަކު ރިވިއު ކުރިބަޔަކު އެމީހުން އެކުލަވާލި ރިޕޯޓެއް ބޭއްވި ބައްދަލުވުމެއް ނެތް. ހަމައެކަނި ދިނީ ސިޓީއެއް އޭގަވަނީ މައްސަލަ ރިވިއުކޮށްފަ ރަނގަޅު ކުރަންޖެހޭ ކަންކަން ރަނގަޅުކުރުމަށް ހޮސްޕިޓަލަށް އަންގައިފީމޭ.
ހަނދުވަރީރޭ
05 October 2021
މިހާރު ރާއްޖޭގަ ގިނައިން އުޅެނީ ވަރަށް ފެންވަރުދަށް ޑޮކްޓަރުން.ހާއްސަކޮށް އަތޮލުތެރޭގަ. ރާއްޖޭގެ ކޮންމެ ރަށެއްގަވެސް އިންޓާރނަލް ހާއްސަ ޑޮކްޓަރުން ތިބެންޖެހޭނެ! ވަކިރަށެއްގެ ވަކި ހޮސްޕިޓަލެއްގަ މޮޅުޑޮކްޓަރުން ތިބުމަކީ ސިއްހީނިޒާމް ކަމުނިދިޔުން. ރާއްޖެއަށް އެތެރެވާ ޑޮކްޓަރުންނަކީ ފެންވަރުހުރި ރަނގަޅު މީހުންނަށްވާންއެބަޖެހޭ! އިއްޔަ ގެއްލިގެންދިޔައީ ލޯބިލޯބިމިޝްކާއެއް މިއަދު ގެއްލި އެދިޔައީ ލޯބި ލޯބި ސަދާއެއް! މީގަވަނީ އިހުމާލު! ދެރަކަމެއް!
އަންތަރީހުގެ މީޓަރު 100
05 October 2021
ހަފަރާތަށް ބަލާ ވިސްނާފަ ކަމުގަ ގޮތްނިންމަން ވާނީ. ކުއްޖާ މަރުވީ ކަނޑައެޅިގެން އިންޖެކްޝަން ޖަހައިގެންކަން ޔަގީންވާނީ ތަހުލީލު ކޮށްގެން. ކުއްޖާ މަރުވީމަ އެކަމުގެ އަސަރުގަ ޖެހިގެން ހީވާ ހީވުމެއްގެ މައްޗަށް ގޮތްނިންމުމަކީ އޭގެ ނުރަނގަޅު އަސަރު ކުރާނެކަމެއް.
ނާގޯށިބޯށި
05 October 2021
ކުޑަކުއްޖެއްގަޔަށް ބޮޑު މައިގްއިންގެ އިންޖެކްޝަންއެއް ޖަހާއިރުވެސް ޖަހަންނުވަނެކަން ސިއްހީ ހޭލުންތެރިކަން ކިރިޔަހުރި މީހަކަށްވެސް އެނގެންވާނެހެންހީވަނީ!
ަސދަސދަސ
05 October 2021
ކަލޭގެ ދަރިނަމަ ވިނަމަ ކިހިނެށް ހަދާނީ
ހުސެން
05 October 2021
އިންސާފުހޯދުމަށް ފުރަތަމަ އަޅަންޖެހޭ ފިޔަވަޅަކީ ޕޮލިހަށް މައްސަލަވެއްދުން، އެޔަށްފަހު ކަމާބެހޭ އެހެން އިދާރާތަކަށާއި މަގާމުތަކުގައި ތިބިމީހުނަށް ޕުރަޝަރކުރުން، ބޭސްސިޓީއަކީ ވަގުތުން އަތަށްލިބެންޖެހޭއެއްޗެއް، މާފަހުން ލިބޭއެއްޗަކީ ޖެނުއިން އެއްޗެއްނޫން، ބަދަލުކޮށް ސިސްޓަމުން ޑިލީޓުކޮށްލުމުގެ ފުރުސަތުމިހާރު ހޮސްޕިޓަލަށްލިބޭ!
ތަރުމޯޒު
05 October 2021
ނެރޭނީ ނޫސް ބަޔާނެއް. އެއިރުން ހުރިހާކަމެއް ފުރިހަމަވީ. އަސްލު ތަޙުޤީޤު ކުރުމަކީ މި ގައުމަކު އޮންނަ ކަމެއް ނޫން.
އައްޔަ ބޮޑޭ
05 October 2021
ތަޅާމެރިޔަސް ޑޮކްޓަރުން ގެ އިހުމާލެއް ނޯންނާނެ! އެމީހުން އިންޖެކްޝަނެއް ޖެހިޔަސް އަތުންޖެހިޔަސް ޖަހާނީ ބަލިފަސޭހަ ކުރަން އެހެންވީމާ........!
އަހުމޭ
05 October 2021
އިންޖެކްޝަން އެއް ޖެހުމަކީ މަރުވާންވީ ސަބަބެއްނޫން. އެއީ ނުރައްކާތެރި ކަމެއް ނޫން. މަރުވާންދިމާވި ސީދާ ސަބަބު ބުނެދީ.
ހަމައެކަނި ފުވަމުލަކެއް ނޫން
05 October 2021
ފަހަކަށް އައިސް ރާއްޖެއަށް އައިސް އުޅޭ "މެދުއިރުމަތީގެ" ގިނަ ޑޮކުޓަރުންނަކީ ވަރަށް ފަރުވާކުޑަބައެއް. އެމީހުން ރާއްޖެ މިއަންނަނީ ބޮޑު މުސާރައެއްލިބޭ ޗުއްޓީއަކަށް. ސަދާ އެވަރަށް ހޮޑުލަވާނަމަ ޑޮކުޓަރު ކުރަންޖެހޭ ކަމެއް ކުއްޖާ އެޑްމިޓްކޮށް އައިވީ ގުޅުމަކީ. ބޭސްދިނުމަށް ފަހު އެފަކީރު ގެއަށް އެފޮނުވީ. ހާލު އެހާ ސީރިއަސްކޮށް އޮއްވާ ވަރުގަދަ އިންޖެކްޝަނެއް އެޖަހާލީ. އާނ ޑޮކްޓަރުންނަށްވެސް ކުށްކުރެވިދާނެ. އެކަމަކު މިއީ ސީދާ އިހުމާލު.