ބަންގްލަދޭޝުން ރާއްޖެއަށް ކަނޑައަޅާފައިވާ އާ ސަފީރަށް ފަތްކޮޅު އަރުވަނީ-- ފޮޓޯ: ރައީސް އޮފީސް
06 އެޕްރީލް 2022 - 20:12
3 comments
ބަންގްލަދޭޝްގެ ފަރާތުން ރާއްޖެ އަށް ކަނޑައެޅި އާ ސަފީރު ރިއާ އެޑްމިރަލް އެސް.އެމް.އަބުލް ކަލާމް އާޒަދު ސަފީރުކަމުގެ ފަތްކޮޅު މިއަދު އަރުވައިފި އެވެ.
ސަފީރުކަމުގެ ފަތްކޮޅު ރައީސް އަށް އެރުވުން އޮތީ ރައީސް އޮފީހުގައި މިއަދު ހެނދުނު ބޭއްވި ރަސްމިއްޔާތެއްގަ އެވެ. އެ މަގާމުގައި ކުރިން ހުންނެވި ރިއާ އެޑްމިރަލް މުހައްމަދު ނަޒްމުލް ހަސަންގެ ދައުރު ވަނީ މިދިޔަ ފެބްރުއަރީ މަހު ހަމަވެފަ އެވެ.
ރާއްޖޭގެ މަސައްކަތްތެރިންގެ އާބާދީގެ ބޮޑު ބައެއް ހިއްސާކުރާ ބަންގްލަދޭޝްގެ ސަފީރު ވަނީ އެ ރަސްމިއްޔާތަށް ފަހު ރައީސް އިބްރާހިމް މުހައްމަދު ސޯލިހާ ބައްދަލު ކުރައްވައިފަ އެވެ.
ރައީސް ވަނީ ރާއްޖޭގައި މަސައްކަތްކުރާ ބިދޭސީންގެ ސަލާމަތާއި ރައްކާތެރިކަން ސަރުކާރުން ކަށަވަރު ކޮށްދެއްވާނެ ކަމަށް ވިދާޅުވެފަ އެވެ.
ކޮވިޑް-19 ގެ ބަލިމަޑުކަމުގެ ތެރޭގައި އެއްވެސް ތަފާތު ކުރުމެއް ނެތި ބަންގްލަދޭޝްގެ ރައްޔިތުންނަށް ވެސް ވެކްސިން ލިބޭނެ މަގު ފަހިކޮށްދެއްވީތީ ސަފީރު ވަނީ ރައީސަށް ޝުކުރު އަދާކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
07 April 2022
ބަންޣާޅަ ލޭބަރުން ރާއްޖެ އެތެރެ ކުރުން ހުއްޓުވަން ޖެހޭ، ސަރުކާރަކުން މިކަމެއް ނުކުރާނެ، އެތެރެ ކުރާ ކޮންމެ ބޮލަކައް ލިބޭ ފައިސާއިން ސަރުކާރައްވެސް ބައިއެޅޭ، އަދި ދައުލަތައް ލިބޭ އާމްދަނީ ބަޖެޓު ކުރުމުގައިވެސް 200،000 ބަންގާޅީން އަތުން/ އެމީހުން ގެންގުޅޭބަޔަކު ދައުލަތައް 50 މިލިޔަން ރުފިޔާ އަހަކު ދައްކާ، ވީމާ ސަރުކާރައް ފައިދާ ބޮޑީ މިމީހުން ގެނެސް ގިނައިން މިތަނައް އެޅިވަރެއް. މިކަން ހުއްޓުވޭނީ ރައްޔިތުން ނުކުމެ މުޒާހިރާކޮއް އަޑުއުފުލައިގެން
ނަން.
07 April 2022
މިހާރު އެތެރެ ނުކުރެވޭ. ރާއްޖެއަށް ގެންނަ ބަޔަކު މިހާރު ގެންނަނީ އިންޑިޔާއިން. ހަގީގަތުގަ މައްސަލަޔަކީ ބަންގްލަދޭޝް މީހުން ގެނައުމެއް ނޫން. މައްސަލަޔަކީ އިލީގަލްކޮށް އުޅޭ މީހުންނާ އެމީހުންނާ މެދު ސަރުކާރުން އެކަށީގެންވާ ފިޔަވަޅު ނޭޅުން. ރާއްޖޭގެ މިހާރު އޮތްވަރު އިގްތިސާދަކަށް ބޭނުންވާވަރުގެ އާބާދީއެއް ބޭރު މީހުންނާ ނުލާ ރާއްޖެއަކު ނެތް. ޗީޕް ލޭބާ ނުލިބެންޏާ ބޮޑުތަނުން ރާއްޖޭގަ ހުރި ގިނަ ކުދި ވިޔަފާރިތައް ފުނޑޭނެ.
ޑޮކްޓާރ. ބަނާނާ
07 April 2022
ދިވެހިން ދިވެހިން ގެގައުމުގައި މިއަދު މިތިބީ ނިކަމެތިވެފަ. ނީލަން ފިހާރަ އާއި މާލޭ އެތަން މިތާ ސަލާމް ޖަހާ ވަޒީފާނެތި ކުނިގޮޑު ދިވެހިން ހޮވާ ހަދާއިރު އިރު މިގައުމަށް ގަވާއިދާއި ހިލާފަށް އެތެރިވި އެތައްހާސް ބަންގާޅީ ބޭޅުން މިއަދު އެތިބީ ބޮޑެތި އިމާރާތްތައް ހަދާ ގެސްޓްހައުސްތަކާއި ކުދި ބޮޑު އެތައް ވިޔަފާރި އެއް މިލްކް ކޮށް މަހުޖަނުންނަށް ވެފަ. މިބައިމީހުން މިގައުމުން ބާލާ ބަންގާޅަށް ގެންދަން ތިޔާ އެޑްމިރަލް އަށް ނިކަން ދަންވާބަލަ.