މުހައްމަދު އަޝްރަފް: އޭނާ ވަނީ ޓޫރިޒަމްގެ ތާރީހު ބަދަލު ކޮށްލައިފައި
09 އެޕްރީލް 2022 - 23:19
15 comments
ޓޫރިޒަމްގެ ބައިނަލްއަގުވާމީ ބްރޭންޑެއްގެ ޖެނެރަލް މެނޭޖަރު ކަމަށް ފުރަތަމ ފަހަރަށް ދިވެއްސަކު ހަމަޖައްސައިފި އެވެ.
ދުބާއީގެ ރާއްޖޭގެ ގޮފި، ޖުމެއިރާ މޯލްޑިވްސްގެ ޖެނެރަލް މެނޭޖަރަކަށް ހަމަޖެއްސީ މުހަންމަދު އަޝްރަފެވެ.
އޭނާ ވަނީ މީގެ ކުރިން "ދަ ނޯޓިލަސް މޯލްޑިވްސް"ގެ ޖެނެރަލް މެނޭޖަރުގެ މަގާމާއި ނިޔާމަ ޕްރައިވެޓް އައިލެންޑްގެ ރިސޯޓު މެނޭޖަރު ކަމާއި އަނަންތާރާ ރިސޯޓުގެ ޖެނެރަލް މެނޭޖަރު ކަން ވެސް ކުރައްވައިފަ އެވެ.
ޔޫއޭއީގެ އިންޓަނޭޝަނަލް ހޮޓެލް ޗެއިން ޖުމެއިރާ ގްރޫޕްގެ ރިސޯޓެއްގެ ޖެނެރަލް މެނޭޖާރު ކަމުގެ މަގާމާ އަޝްރަފު ހަވާލުވެވަޑައިގަތީ މި މަހުން ފެށިގެންނެވެ.
ސޯޝަލް މީޑިއާގައި އޭނާ ލިޔުއްވި ޕޯސްޓެއްގައި ވިދާޅުވީ، އުންމީދަކީ ޖުމެއިރާއިން ފެއްޓެވި އާ ދަތުރު ކާމިޔާބު ވުން ކަމަށާއި ލިބިވަޑައިގަތް ފުރުސަތު ވަރަށް ރަނގަޅަށް ބޭނުން ކުރައްވާނެ ކަމަށެވެ.
ޖުމެއިރާގެ އާ ރިސޯޓް "ޖުމެއިރާ މޯލްޑިވްސް"ގެ ޖީއެމް ކަމަށް ދިވެއްސަކު ހަމަޖެއްސި އިރު ރާއްޖޭގައި ބައިނަލްއަގުވާމީ މަޝްހޫރު ހުރިހާ ބްރޭންޑެއްހެން ރިސޯޓް ހިންގަ އެވެ. އެކަމަކު އެ ހުރިހާ ރިސޯޓެއްހެން ހިންގުމުގައި އެންމެ އިސްކޮށް އުޅުއްވަނީ ބޭރުގެ ބޭފުޅުންނެވެ. އެކަމަކު ރާއްޖޭގައި ހިންގާ ލޯކަލް ބްރޭންޑްތަކުގެ ޖީއެމް ކަމުގެ މަގާމް ދިވެހިން މަދުން ނަމަވެސް އަދާކުރެ އެވެ.
ޖުމެއިރާ މޯލްޑިވްސް މީގެ ކުރިން ހިންގީ ލަކްސް ނޯތު މާލެ އެޓޯލް ރިސޯޓުގެ ގޮތުގަ އެވެ. އެހެން ނަމަސް ޖުމެއިރާއިން މި ރިސޯޓު ގަތުމަށް ފަހު އަލުން ހުޅުވީ މިދިޔަ އަހަރު ފަހުކޮޅު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި ދަރި
11 April 2022
އަނަންތަރަ އެއީ ދިވެހި ބްރޭންޑެއްތޯ؟ ލިބިފައިވާ މަޢުލޫމާތު ގޯސްނޫން ނަމަ އެއީ ވެސް އިންޓަނޭޝަނަލް ބްރޭންޑެއް. ކުރިން މަސައްތަކް ކުރައްވާފަ ހުއިކަަމަށް އާޓިކަލްގެ އެބައިން އަނަންތަރަ މޯލްޑިވްސް ގެ ޖީއެމް އެއްގޮތުގަވެސް. އެހެންވީމާ ފުރަތަމަ އެއް ނޫން ދެއްތޯ
ލާމް
10 April 2022
ދިވެހި ރާއަޖޭގެ އެއްވެސް ކުންފުންޏެއްގައި 12%އައްވުރެ ގިނައިން ބޭރުމީހުނަށް މަސައަކަތް ނުކުރެވޭގޮތް ގާނޫނަކުން ކަނޑަ އެޅިފައި އޮތުން މުހިންމު އެއީ ޖަޕާން، އިންޑޮނޭސިޔާ، ތައިލޭންޑް ފަދަ ބައެއް ޤައުމުތަށް ވެސް ނަމޫނާ އަކަށް ބަލާލީމަފެންނާނެ މިސާލެއް!
ިޙުސޭނު
10 April 2022
ކޮމޯ މާލިފުށީގެ ޖެނެރަލް މެނޭޖަރަކީވެސް ދިވެހި ދަރިއެއް. މުހަންމަދު ސޮބާޙުވެސް ވާނެ ދޯ އެހެންވީމަ ފުރަތަމަ ދިވެހި ޖެނެރަލް މެނޭޖަރަށް.
ހަސަނޫ
10 April 2022
ފާތިމަތު ޝަނާ މުހައްމަދު، މުހަންމަދު ސޮބާޙުގެ އާރޓިކަލް އެއްވެސް ގެނެސްދީ ފާނަންތަ؟
ާިިއިންޓަނޭށަނަލް
10 April 2022
ޢަނަންތަރާ އެއީ ނޫސް ލިއުނުމީހާ އާ ހއ ފިއްލަދޫ މީޙެއްގެ ތަނެއް ވީމާ ކަންނޭގެ އިންޓަނޭށަނަލް ނުވީ.
އެޑްމުންޑޯ
10 April 2022
މަރުޙަބާ ! ތިވެސް އުފާވެރި ޚަބަރެއް ، މަދުންނަމަވެސް ރިސޯޓް ތަކުގެ މަތީމަގާމްތަކަށް ދިވެހިން އައުމަކީ ކުރިއެރުމެއް ،
ކޮން
10 April 2022
ކޮން ގައުމަކުން ކިޔެވީ، ވަނަވަރުވެސް ޖަހާލިނަމަ މިހާރުން
ޒައިކް
10 April 2022
މުހިންމެއް ނޫން، ކޮންމެތާކުންވެސް ރަނގަޅަށް ކިޔަވައ ރަނގަޅު އައުޓްކަމްއެއް ދައްކަނިކޮށް އެ ނިމުނީ.. ރަސްގެފާނުގެ ފޮޓޯ ފުޅުގެ ވާހަކަ އަޑުއެހިންތަ؟؟ އެކަހަލަ ގޮތެއް ތިޔަ މީސް މީހުންނަށް ވެފަ ތިޔަ ތިބީ
ރިޒޯޓް ބޯއިސް
10 April 2022
އިލްމާއި ހިލްމަކީ ތަފާތު ދެއެއްޗެއް އަދި ވަކި ގައުމަކުން، ވަކި ރަށަކުން، ވަކި ސްކޫލަކުން ކިޔެވުމަކީ ވަކި މޮޅެއްވާނެ ކަމެއްނޫން
ޢަނަންތަރާ
10 April 2022
ޢަނަންތަރާ އަކީ ރަށު ކުންފުންޔެއްތަ
ނައިންޓޭ9
10 April 2022
ތީ ފުރަތަ ޖީއެ މް އެއްނޫން. ސިންގަޕޫރުގެ ބަންޏަންޓުރީ ރިސޯޓްތަކުގެ ރާއްޖޭގެ ޖެނަރަލް މެނޭޖަރުކަން ހިލް މީ ކިޔާ ދިވެހި ދަރިއަކު ކުރިންވަނީ ކޮށްފަ. ވަރަށް ސަލާ މް
ނައިޓް
10 April 2022
މިރާއްޖޭގައި އިތުރު ދިވެއްސަކު މިފަދަ މަގާމަކަށް އައިކަމެއް އެނގިފައެއް ނެތް. ވަރަށް ސަލާމް
މުޖޭ. .
10 April 2022
އައްޑޫ މީހެއްދޯ ؟ އާންމުކޮށް މިކަހަލަމޮޅުކަންކަން ކޮށްލާނީ ހަމަ އެމީހުން.
މުޖޭގެއެޱްވައިޒަރު
10 April 2022
އެއީ މާލޭ ބޭފުޅެއް
ޢަޙަންމާ
10 April 2022
ޢަސްރަފް އޭއީ މާލެ މީހެއް. ވަރަށް ރަގަޅު މީހެއް