އައްޑޫ ފޭދޫ އަހްމަދު ދީދީ: ސައިކަލުން ވެއްޓި ލިބުނު އަނިޔާތަކަށް އޭނާ އަށް އަންނަނީ ވެންޓިލޭޓަރުގައި ފަރުވާދެމުން -- ފޮޓޯ: ސޯޝަލް މީޑިއާ
12 އެޕްރީލް 2022 - 13:52
6 comments
އައްޑޫ ލިންކް ރޯޑްގައި ސައިކަލަކުން ވެއްޓި ސީރިއަސް އަނިޔާތަކެއް ލިބުނު މީހަކު މާލެ ގެނެސް އައިޖީއެމްއެޗުގައި ފަރުވާދޭން ފަށައިފި އެވެ.
އައްޑޫ އިކުއެޓޯރިއަލް ހޮސްޕިޓަލުގައި ފަރުވާދިނުމަށް ފަހު، އިތުރު ފަރުވާ އަށް އިއްޔެ މާލެ ގެނައި އެ މީހާ އަށް ފަރުވާދެމުން އަންނަނީ ވެންޓިލޭޓަރުގަ އެވެ.
އައިޖީއެމްއެޗުގެ މީޑިއާ އޮފިޝަލަކު "މިހާރު" އަށް ވިދާޅުވީ، އިއްޔެ އިރުއޮއްސި ހައެއް ޖަހާއިރު އައްޑޫން އިމަޖެންސީގައި މާލެ ގެނައި 56 އަހަރުގެ ފިރިހެނަކަށް އެ ހޮސްޕިޓަލުގެ އައިސީޔޫގައި ފަރުވާދެމުން އަންނަ ކަމަށެވެ. އިތުރު ތަފުސީލެއް ނުދެ އެވެ.
އައްޑޫ ފޭދޫ އަހްމަދު ދީދީ: ސައިކަލުން ވެއްޓި ލިބުނު އަނިޔާތަކަށް އޭނާ އަށް އަންނަނީ ވެންޓިލޭޓަރުގައި ފަރުވާދެމުން -- ފޮޓޯ: ސޯޝަލް މީޑިއާ
މިދިޔަ އާދީއްތަ ދުވަހުގެ ރޭ ހިތަދޫން ފޭދު އަށް ސައިކަލުގައި ދަނިކޮށް، ކުނިކޮށި ސަރަހައްދުގައި ހިނގި ހާދިސާގައި އަނިޔާވީ، ފޭދޫގައި މަޝްހޫރު މީހެއް ކަމަށްވާ އަހްމަދު ދީދީ އަށެވެ. އެމްޑީޕީގެ ޕާޓީ މެމްބަރެއް ވެސް ކަމަށްވާ ދީދީ އަކީ ސޯޝަލް މީޑިއާގައި އެކި ކަންކަމުގައި ތަފާތު ހިޔާލު ފާޅުކުރާ މީހެކެވެ.
އައްޑޫ ކައުންސިލްގެ މެމްބަރަކު "މިހާރު" އަށް ވިދާޅުވީ، ދީދީ ސައިކަލުން ވެއްޓުނު ގޮތެއް އަދި ނޭނގޭ ކަމަށެވެ. ބަޔަކަށް އޭނާ ފެނުނީ ޒަހަމްތަކާ އެކު، ސައިކަލާ އެކު މަގުމައްޗަށް ވެއްޓިފައި އޮއްވައި ކަމަށް އޭނާ ވިދާޅުވި އެވެ.
ދީދީގެ އާއިލާ އަށް އަދި ނުގުޅޭތީ އަނިޔާގެ ތަފުސީލެއް ލިބޭ ގޮތެއް ނުވި އެވެ. އެކަމަކު "މިހާރު" އަށް އެނގިފައިވާ ގޮތުގައި އޭނާގެ ސިކުނޑި އަށް ވަނީ ލޭ އެޅިފަ އެވެ. އަދި އޭނާގެ ލޮލަށް ވެސް ލޭ އަރާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިކިލީކުސް
12 April 2022
މާތްﷲ ދީދީ އަށް އަވަސް ޝިފާއެއް މިންވަރުކުރައްވާށި އެވެ. އާމީން
ޑޮކްޓާރ. ބަނާނާ
12 April 2022
ކުނި ކޮށި ސަރަހައްދުން ދުއްވާތަކެތި ރުއްގަހަށް އަރާ މީހުން " ހަނާވެ" އެކްސިޑެންޓް ވެ މަރުވާ ވާހަކަ އަޑުއިވެމުން ދާތާ ލައްކަ ދުވަސްވެއްޖެ! މި ސިޓީ އަށް ރައްޔިތުން ހޮވާފައި ތިބި "އިއްޒަތްތެރި" މޭޔަރ އަދި ކައުސިލް ބޭފުޅުންނަށް މިކަން އެގޭބާ؟ ސަރުކާރު ގެ ކަމާއި ބެހޭ އިދާއިރާތަކާއި ގުޅިގެން ރައްޔިތުންގެ ފުރާނަ ސަލާމަތް ކުރަން މިކަމަށް ތިޔާ ބޭޅުންނަށް ކޮންކަމެއްތޯ މިއަދާއި ހަމަޔަށް ކުރެވުނީ؟؟؟؟؟؟؟؟؟؟؟ ވަރަށް ސަލާމް.
ކުނިކޮށި
13 April 2022
ކުނިކޮށިސަރަހައްދުގަ ވަރަށް ބޮޑު ބެންޑެއްއޮވޭ. ބާރުސުޕީޑްގަ ދުއްވާ މަގަކަށްވެފަ އެހާބޮޑުބެންޑަކުން އޯވަރޓޭކްކުރުމުގެ ތެރޭ އެފަދަ ހާދިސާތައް ހިނގަނީ. ނޫނީ ބޭންޑުން އަބުރާލަން އުޅުމުގެ ތެރޭވެސް ހާދިސާތައް ހިނގާފަ އެބަހުރި
އަލީ ޙަމީދު. އައްޑޫސިޓީ
13 April 2022
ތަނެއްގައި ބެންޑެއް އޮވެގެނެއްނޫން އެކްސިޑެންޓްވެ އެހެން ވެހިކަލެއްނެތި އެކަނި ދުއްވާފައިދާ ވެހިކަލްގައި އިންނަމީހާ ވެއްޓީ ޙާދިސާތައް ހިގަނީ. އައްޑޫ ލިންކް ރޯޑުގައި އެފަދަ މަގެއްގައި ހުންނާންޖެހޭ ފަދަ އެއްވެސް ރައްކާތެރިކަމެއްނެތް. އަލިކަމެއްނެތް އިރު މަގުގެ ތާރުގަނޑު އެކިދިމަދިމާލުން ކަޑައިގެންގޮސް ހެދިފައި ހުނަނަ ވަޅުގަނޑު ތަކަކީ ތިފަދަ ކަންކަމުގެ އަސްލު.
ރަދީފްއޮފިޝަލް
12 April 2022
ދީދީއަށް އަވަސް ޝިފާއެއް މިންވަރުކުރައްވާށި.އާމީން.ލިންކްރޯޑްގެ އެކި ހިސާބުތަކުގަ ކެމެރާ ހުރޭ ބާ؟؟ ހުންނަނަމަ ކޮންމެވެސް ކްލޫއެއް ލިބޭނެ.ވ.ވެދުން
ދޮންދީދި
12 April 2022
ކަލޯ. ކެމެރާ ހުންނާނީ ބޮއްކެއް ހިސާބުވެސް ހުރެގެނެއްނު؟ ރޭގަޑު އަހަރެން މިދުއްވަނީ ރާޑަރު އަޅައިގެން.