ވިޔަފާރި / މިނިސްޓްރީ އޮފް ހަޔާ އެޑިއުކޭޝަން

އާ ވިޔަފާރިތަކަށް ބޭއްވި މުބާރާތުގެ 12 މިލިއަން ރުފިޔާގެ އިނާމު ނުލިބޭ

"ޕިޗްއަޕް ޔޫތު އޮންޓްރަޕްރެނިއަޝިޕް ޗެލެންޖު" ގައި މޮޅުވި ޓީމުތަކާއެކު ސަރުކާރުގެ ބައެއް އިސް ބޭފުޅުން -- ފޮޓޯ: ހަޔާ އެޑީއުކޭޝަން މިނިސްޓްރީ

އިދުހާމް ނައީމް، މިހާރު

14 އެޕްރީލް 2022 - 12:31

9 comments

ވޯލްޑް ބޭންކާ ގުޅިގެން އިކޮނޮމިކް މިނިސްޓްރީ އާއި ހަޔަ އެޑިއުކޭޝަން މިނިސްޓްރީން އާ ވިޔަފާރިތަކަށް މިދިޔަ އަހަރު ބޭއްވި "ޕިޗްއަޕް ޔޫތު އޮންޓްރަޕްރެނިއަޝިޕް ޗެލެންޖު" ގައި މޮޅުވި ޓީމުތަކަށް ފައިސާގެ އިނާމު ނުދޭތީ ކަންބޮޑުވުން ފާޅުކުރަން ފަށައިފި އެވެ.

އަލަށް ފަށާ ވިޔަފާރިތަކަށާއި ޒުވާން ވިޔަފާރިވެރިން އުފައްދަން ބޭއްވި މުބާރާތުން މޮޅުވި ޓީމުތަކަށް ސެޓްފިކެޓް ހަވާލުކޮށްފައިވަނީ މިދިޔަ ޖެނުއަރީ މަހު އެވެ. އޭރު ހަޔަ އެޑިއުކޭޝަން މިނިސްޓްރީން ބުނީ މުބާރާތުން މޮޅުވި ޓީމުތަކަށް 12.4 މިލިއަން ރުފިޔާ ދީފައިވާ ކަމަށެވެ.

އެ މުބާރާތުގައި 192 އާ ވިޔަފާރީގެ ހިޔާލު ހުށަހެޅި އިރު 23 ވިޔަފާރިއެއް ވަނީ އިނާމަށް ހޮވިފަ އެވެ. އޭގެ ތެރޭގައި 18 އަހަރާއި 35 އަހަރާއި ދެމެދުގެ 46 ޒުވާނުން ހިމެނެ އެވެ.

މުބާރާތުން ވަނަ ލިބުނު ޓީމެއްގެ މެންބަރަކު ޓްވިޓާގައި ބުނެފައިވާ ގޮތުގައި އެ މުބާރާތުގެ ފައިސާ ތިން މަސް ވެގެން ދިޔައިރު ވެސް ނުލިބެ އެވެ.

އޭނާ ބުނީ އެ މުބާރާތުގެ ސެޓްފިކެޓް ހަވާލު ކުރުމަށްފަހު އެކަމާ ގުޅޭ އެއްވެސް މައުލޫމާތެއް ނުލިބޭ ކަމަށެވެ. އަދި މުބާރާތަށް ހަދާފައިވާ ވައިބަ ގްރޫޕް ވެސް ކުއްލިއަކަށް ޑިލީޓް ކޮށްފައިވާ ކަމަށާއި އެހެންވެ އެކަމުގައި މައުލޫމާތު ހޯދާނެ ގޮތެއް ވެސް ނެތް ކަމަށް އޭނާ ބުންޏެވެ.

We are one of 23 teams and individuals that was promised funding through the @WorldBank funded MEERY Project. It’s been 90+ days since the award ceremony but we have received no proper updates on progress. @WBMaldives @WorldBankNepal
— Urwath (@Urwath) April 12, 2022

މުބާރާތުގައި މޮޅުވި ޓީމެއްގެ ބައިވެރިއަކު ކުރި ޓްވީޓް

އެ މުބާރާތުގައި މޮޅުވި ޓީމުތަކުގެ ފަރާތުން ފޮނުވާފައިވާ އީމެއިލެއްގެ ސްކްރީންޝޮޓް ވެސް އޭނާ ވަނީ ޓްވިޓާގައި އާއްމުކޮށްފަ އެވެ. އޭގައި ބުނެފައިވާގޮތުގައި އެ މުބާރާތުގެ ކަންކަން އިކޮނޮމިކް މިނިސްޓްރީއާ ހަވާލުކޮށްފައިވާކަން އެ ޓީމުތަކަށް ވަނީ އަންގައިފަ އެވެ. ނަމަވެސް އެ މިނިސްޓްރީން އެއްވެސް މައުލޫމާތެއް ނުދޭ ކަމަށް ވަނީ ބުނެފަ އެވެ.

މީގެ އިތުރުން މުބާރާތުން މޮޅުވި ވިޔަފާރިތަކަކީ އެކި ދުވަސްވަރާ ގުޅުންހުރި ވިޔަފާރިތަކަށްވާއިރު ފައިސާ ނުލިބިގެން މަސައްކަތް ނުފެށުމުން ދަނޑުވެރިކަމާ ގުޅުންހުރި ވިޔަފާރިތަކަށް 750،000ރ. އާއި އެއް މިލިއަން ރުފިޔާއާ ދެމެދުގެ އަދަދެއްގެ ގެއްލުން ވެފައިވާކަން ވަނީ ފާހަގަ ކޮށްފަ އެވެ. ބައެއް ވިޔަފާރިތަކުން ފައިސާ ލިބުން ލަސްވާތީ އަމިއްލައަށް ފަންޑު ހޯދައިގެން ވިޔަފާރިތައް ފަށާފައިވާ ކަމަށް ވެސް އެ އީމެއިލްގައި ވަނީ ބުނެފަ އެވެ.

އެ މުބާރާތް ކުރިއަށްގެންދިޔައީ ޒުވާނުން ކުރިއަރުވަން ފަށާފައިވާ "މީރީ" ޕްރޮޖެކްޓުގެ ދަށުންނެވެ. އެއީ ހަޔަ އެޑިއުކޭޝަން މިނިސްޓްރީ އާއި އިކޮނޮމިކް މިނިސްޓްރީ ގުޅިގެން ހިންގާ ޕްރޮޖެކްޓެކެވެ.

ހަޔަ އެޑިއުކޭޝަނުން ބުނީ ޓްރޭޑް މިނިސްޓްރީއާ މުބާރާތުގެ ކަންކަން ހަވާލުކުރުމުގެ މަސައްކަތް ފެށީ ޖެނުއަރީ މަހުގެ ފަހު ހަފްތާގައި ކަމަށެވެ.

އިކޮނޮމިކް މިނިސްޓްރީން "މިހާރު" އަށް ބުނީ ހަޔަ އެޑިއުކޭޝަނުން މުބާރާތުގެ ކަންކަން މާޗް މަހު ހަވާލުކުރުމާ އެކު ޕޭޕަވޯކްގެ މަސައްކަތް ފަށާފައިވާ ކަމަށެވެ. އަދި މިހާރު މުބާރާތުން މޮޅުވި ޓީމުތަކާ ވާހަކަދައްކައި ކުރަންޖެހޭ ކަންކަން ފުރިހަމަ ކުރަމުން އަންނަ ކަމަށް ވެސް އެ މިނިސްޓްރީން ބުންޏެވެ.

ޒުވާނުން ވިޔަފާރިވެރިން އިކޮނޮމިކް ޑިވެލޮޕްމެންޓް މިނިސްޓްރި މިނިސްޓްރީ އޮފް ހަޔާ އެޑިއުކޭޝަން

9 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްލާހު

15 April 2022

ކޮންމެ އެއްޗެއް ގޮހޮރަށް......... ޒީރޯޓޮލަރެންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒޯބެ

15 April 2022

ތިޔިތޯ ހިންގާލާފަ - ފައިސާ ބަހާލީ ?? ބައިވެރިވި ކުދިން ނަށް ސެޓްފޮކެޓް :( ހަމަ ބޭއްވި ސްޕޯޓްސް އެވޯޑްސް ވެސް އެގޮތައް... ކުޅުންތެރިން ނައް ސެޓްފިކެޓް ތައްޓެއް - ސިޔާސީ އެކުވެރިނއ މިލިއަނުން ?