އިންޓަގްރޭޓެޑް ނޭޝަނަލް ޕަބްލިކް ފެރީ ނެޓްވޯކްގެ މަސައްކަތުގެ ފޭސް ދޭއް އަދި ތިނެއްގެ ހިދުމަތް ދިނުމަށް ޕްލޭނިން މިނިސްޓްރީން އެމްޓީސީސީއާ ހަވާލުކުރުމަށް އެެއްބަސްވުމުގައި ސޮއިކުރުން-- ފޮޓޯ: އެމްޓީސީސީ
15 އެޕްރީލް 2022 - 11:45
20 comments
ރާއްޖޭގެ ރަށްތައް ހައި ސްޕީޑް ފެރީ ނެޓްވޯކަކުން ގުޅާލުމަށް ފެށި "އިންޓެގްރޭޓަޑް ނޭޝަނަލް ޕަބްލިކް ފެރީ ނެޓްވޯކު"ގައި ހިމެނޭ ބާކީ 17 އަތޮޅު ވެސް އެމްޓީސީސީއާ ހަވާލުކޮށްފި އެވެ.
ދަތުރުފަތުރުގެ ނިޒާމުގެ ފަސޭހަކަން ހޯދައިދޭން ފެށި މަޝްރޫއުގެ ފުރަތަމަ ފިޔަވަހި ވެސް ކުރިއަށް ގެންދިޔައީ އެމްޓީސީސީންނެވެ. ދެ ވަނަ ފިޔަވައްސާއި ތިން ވަނަ ފިޔަވައްސާއެކު މުޅި މި މަޝްރޫއު ވެސް ދެން ކުރިއަށްގެންދާނީ އެ ކުންފުނިންނެވެ.
ހައި ސްޕީޑް ފެރީގެ ހިދުމަތް އެންމެ ފުރަތަމަ ފަށަން ނިންމީ ހއ. އާއި ހދ. އަދި ށ. އަތޮޅުގަ އެވެ. ޖުމްލަ ހަ ޒޯނަކަށް ބަހާލައިގެން ކުރިއަށް ގެންދާ މި މަޝްރޫއުގެ ބާކީ ފަސް ޒޯނުގައި ހިމެނެނީ 17 އަތޮޅެކެވެ. އެއީ ނ. އަތޮޅުން ފެށިގެން އައްޑު އަތޮޅާ ދެމެދެވެ.
ޕްލޭނިން މިނިސްޓްރީގައި އިއްޔެ ބޭއްވި ރަސްމިއްޔާތުގައި ފެރީ ނެޓްވޯކުން ގުޅާލުމުގެ ދެވަަނަ ފިޔަވައްސާއި ތިން ވަނަ ފިޔަވަހީގައި ސޮއިކުރެއްވީ އެމްޓީސީސީގެ ސީއީއޯ އާދަމް އާޒިމެވެ. އެ އެއްބަސްވުމުގެ ދަށުން ޕަބްލިކް ފެރީ ނެޓްވޯކްގެ ހިދުމަތް ފެށުމަށް ބޭނުންވާ އުޅަނދުތައް ބަނުމާއި އެހެނިހެން އުމްރާނީ ވަސީލަތްތައް ގާއިމުކުރުން ހިމެނެ އެވެ.
މިނިސްޓްރީން ބުނި ގޮތުގައި މި ނެޓްވޯކަކީ މުޅި ރާއްޖެއަށް އަމާޒުކޮށް ޕެސެންޖާ ފެރީ ހިމަނައިގެން ކުރިއަށް ގެންދާ މަޝްރޫއުއެކެވެ. ޕަބްލިކް ފެރީ ނެޓްވޯކް ފަރުމާކުރުމުގައި ސިއްހީ އަދި ސަލާމަތީ މިންގަނޑުތަކާއި، ފަސިންޖަރުންނަށް ފަސޭހަ އަދި ދެމެހެއްޓެނިވި ގޮތެއްގައި ހިދުމަތް ފޯރުކޮށްދިނުމަށް އަހައްމިއްޔަތުކަން ދީފައިވާނެ ކަމަށް ވެސް މިނިސްޓްރީން ބުންޏެވެ.
ފެރީ ނެޓްވޯކާ އެކު ފެރީ ޓާމިނަލާއި އަރައި ފޭބުމުގެ މާލަންތައް ޒަމާނާ އެއްގޮތަށް ތަރައްގީކުރާނެ ކަމަށް ޕްލޭނިން މިނިސްޓްރީން ބުނެފައިވެ އެވެ.
ސަރުކާރުގެ ވައުދުތަކުގެ ތެރޭގައި ހިމެނޭ ހައި ސްޕީޑް ފެރީގެ ނިޒާމުގައި ބޭނުންކުރާ ލޯންޗުތައް ބަންނަން ހަވާލުކުރީ ރާއްޖޭގައި ފުޅާ ދާއިރާއެއްގައި އެ ވިޔަފާރިކުރާ ގަލްފް ކްރާފްޓާ އެވެ. މިދިޔަ ސެޕްޓެމްބަރު މަހު ވަނީ ޓެސްޓްކުރުމަށް ލޯންޗެއް މޫދަށް ބާލައިފަ އެވެ.
އެމްޓީސީސީން ބުނެފައިވާ ގޮތުގައި ގޮތުގައި އެ ލޯންޗުތައް ފަރުމާކުރަނީ ނުކުޅެދުންތެރިކަން ހުންނަ މީހުންނަށް ވެސް އަމިއްލައަށް އަރައި ފޭބޭ ގޮތަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަފީރު
18 April 2022
މިއީ 119 އަތޮޅުގެ ތެރެއިން ބާކި ހުރިވަރުތޯއޭ. އަހާލެވުނީ ވަރަށް ބައިވަރުގެ ތެރެއިން އެންމެ 17 އަތޮޅު ކަމަށް ހީވާލެއް ބޮޑުކަމުން
ކާފޫރު ކުޑޭ
16 April 2022
ތިޔަ ލާންޗް ތައް ބަންނަން އެމް ޓީ ސީ ސީ އާއި ހަވާލް ކުރާއިރައް އެތަނުން އެބަންނަން ހަވާލް ކޮއްލަނީ ގަލްފް ކްރާފް ކިޔާބަޔަކައް. މިހާރު ނޫސް ބަލާލަ ބަލަ ކުރިން ބުރުގަ ބަންނަން ހަވާލް ކުރި ލާންޗް ތައް ވީހިސާބެއް. މިދިޔަ ސެޕްޓެމްބަރ މަހު ނިންމާ ހަވާލް ކުރަން ޖެހޭކަމަށް އޭރު މީޑިއާ ކުރިމަތީ ލައިވް ކޮއް ސޮއިކުރި ދޯ! މިއަދާ ހަމައަށް ދިޔައިރު ކިތައް ލާންޗްބާ ސާވިސްއަށް ނެރެފަ އޮތީ ރިޕޯޓަރު ބަލާލަދީބަލަ.
މުހައްމާ
16 April 2022
ކޮބާހޭ އެމް.ޓީ.ސީ.ސީން ކ. ޢަތޮޅުގަ ކުރާ ފެރީ، ކޮވިޑު ކަންތައް ހަމަ ޖެހުނީމަ ވެސް ފެރީ އެއް ނުބާއްވާ، ތެޔޮ އަގު ބޮޑޭ ކިޔާފައި ލޯންޗު ފަހަރުން އަގުތައް ބޮޑު ކޮށްފި، އެންމެންނަކީ ތަނަވަސް މީހުނެއް ނޫން
އަހައްމާ.
16 April 2022
އެމްޓީސީސީއަށް ވުރެން މާރަނގަޅަށް ތިހިދުމަތްދޭ ކުންފުނިތައް ކ.އަތޮޅުގައި އެބަހުރި. އެހެން ނޫނަސް ކުދި ވިޔަފާރިވެރިން ތަކެއް މިވަގުތުވެސް ތިބީ މިލިޔަނުން ކ.އަތޮޅު ފެރީ ނިޒާމަށް އިންވެސްޓްކޮށްގެން. ކުއްލިއަކަށް އޭގެ ތެރެއަށް އެމްޓީސީސީ ވަދެއްޖެނަމަ އެތައްބައެއްގެ ވަޒީފާ ގެއްލި އިޤުތިސޯދަށް ނުބައި އަސަރެއް ކޮށްފާނެ.
ނަދަިމާ އަހްމަަދް
15 April 2022
ކ، އ، ވ، އަތޮޅު ފެރީ ކުރަން ދީފަ އޮންނަތާ 12 އަހަރު... ސްޕީޑް ފެރީ ވިލިގިލި ނެތީދޯ ކޮބާޓެކްސް ފައިސާ އިސްރާފު އަދަދު ؟؟؟؟ ދިންރަށް ފޮއްތެޔޮ ކޮބާ !!!!!
އޮނަރަބްލް އަފީފު ދީދީ
15 April 2022
ދައުލަތުންކުރާ އިސްރާފުކުޑަކޮށް ދައުލަތުގެ ކުންފުނިތަކުގެހިންގުން ހަރުދަނާނުކޮށް ތިބެއްޖެނަމަ އަވަށްޓެރި ސިލޯނު ތަހައްމަލްކުރާކަންތަކާއި އަހަރުމެންވެސް ކުރިމަތިލާނެ. # އެއަރޕޯޓްހެދުން ހުއްޓާލާފަ ކަނޑު ދަތުރުފަތުރުގެނިޒާމަކުން މުޅި ރާއްޖެގުޅާލުމަކީ މާބޮޑަށްވެސް ރަނގަޅުގޮތެއް. ޢެކަންކުރަން އެމްޓީސީގެ އާމްދަނީވެސް އިތުރުކުރަންޖެހޭ. މިގޮތުން ރާއްޖޭގެ ޕޯސްޓްހިދުމަތް ފުޅާކޮށް އެކުންފުނި އެމްޓީސީއާއިއެއްކޮށް މާޖްކޮށްލުން ރަނގަޅުކަމަށް ޤަބޫލު ކުރެވޭ.
މަސްވެރިއެއް.
15 April 2022
ރާއްޖޭގެ ކަނޑު ތައް ބެލެހެއްޓުމަށްވެސް ކަނޑު މަތީގެ މިފަދަ ހަރަކާތް އިތުރު ކުރަންޖެހޭ. މަސްވެރި ކަނޑު ރައްކާތެރި ކުރެވޭނީ މިކަހަލަ ގޮތަކަށް ކަންކަން ކޮށްގެން.
އޮނަރަބްލް އަފީފު ދީދީ
15 April 2022
މާލޭސަރުކާރުންކުރާ ގޯސްކަންތަކަށް ފާޑުކިޔާގޮތަށް މިފަދަ "ރަނގަޅު ކަންކަމަށް" އަހަރުމެންތާއީދުކޮށް ހިތްވަރުވެސް ދޭނަން. # އެއް އެއަރޕޯޓުން އަނެއް އެއަރޕޯޓް ފެންނި ހިސާބުގައި އެތައް މިލިޔަން ރުފިޔާ ދައުލަތުން ޙަރަދުކޮށްގެން އެއަރޕޯޓްތައް ހެދުމަށްވުރެން ރަނގަޅީ ތިފަދަ ދަތުރު ފަތުރުގެ ނިޒާމެއް. # އެމްޓީސީސީ އާއި ޕޯސްޓް ލިމިޓެޑް އަދި ނެޝަނަލް އެމްބިއުލާންސް މާޖްކޮށް އެއްކުންފުންޏެއްގެދަށަށް ގެނައުން ވަރަށް މުހިންމު.ޙަރަދު ކުޑަވެ ހިދުމަތް ރަނގަޅުވާނެ.
އެކާލޯ.
15 April 2022
އަހަރެން އަފީފު ދީދީގެ ކޮމެންޓް ތައް އަބަދުވެސް ބަލަން. ގިނައިން ހުންނަނީ ހަމަ ރަނގަޅު ވާހަކަތައް. މި ކޮމެންޓްސް ވަރަށް ކަމުދޭ.
މާހިރު
15 April 2022
ކޮންޓްރެކްޓް މަސައްކަތާ ޓްރާންސްޕޯޓާ އޮތީ ކޮން ގުޅުމެއްތޯއެވެ. އެ ދެމަސައްކަތަކީވެސް އެހާ ފުޅާ ދާއިރާއެއްގައި ކުރަންޖެހިފައިވާކަމަށްވާއިރު އެއްކުންފުންޏަކަށް ހުރިހާ ބުރައެއް ޖެއްސުމުގެ ބަދަލުގައި ޓްރާންސްޕޯޓާއި ކޮންޓްރެކްޓިން ވަކިކޮށް، އެންމެ ބޭނުންޖެހިފައިވާ ބޯހިޔާވަހިކަމަށް ހައްލެއްހޯދުމަށް ހައުސިންގ ބޮޑެތި މަސްރޫތައްވެސް ކުރިއަށްގެންގޮސް، ޓްރާންސްޕޯރޓްވެސް ވަކިކޮށް މުޅިރާއްޖޭގައި ފުރިހަމަ ޓްރާސްޕޯރޓް ވިއުގައެއް ޤާއިމް ކުރަންވީނޫންތޯއެވެ.
އައިމަން.
15 April 2022
މާހިރު އަކީ ކަންކަމުގެ މާހިރެއްކަމުގައި ނުވުމުން ތިއޮތީ ކުންފުނީގެ ނަމުގެ ވެސް އެއްބައި ދަސްވެ އަނެއްބައި ނޭގިފަ. ކުންފުނީގެ ފުރިހަމަ ނަމުގައި ޓްރާންސްޕޯތް މިހެންވެސް އޮވޭ.
ގުއްޓޭ
15 April 2022
އާޒިމަށް ތިކަން ވެދާނެ.
ހަސްންބެ
15 April 2022
ރަށަކާއެކީ ދީގެން ވެސް ނުވޭ ކއވ 3 އަތޮޅުގަ ދަތުރު ކުރަން ފައިސާ ހޯދަން ދިން ރަށްވެސް ދިރުވާލީ... ކއވ އަތޮޅުގަ ނުވޭ ދެން ކިހިނެއް ހއ ގަ ކުރާނީ ؟؟
ބޮޑުމީހާ
15 April 2022
ފިޔަވަހި 2 އަދި 3 ހަވާލުކުރަނީ ފިޔަވަހި 1 ވީ ކިހާހިސާބެއްގަ؟ މުޅި ރާއްޖެ ފެރީ ނިޒާމުން ގުޅާލަނީ، އެއާރޕޯޓްތަކުން ގުޅާލަނީ، ކޮންމެ ރަށެއްގަ ހޮސްޕިޓަލެއް، އެންމެން ހިޖުރަކުރަނީ މާލެއަށް.މި ރާއްޖޭގެ ގައުމީ ތަރައްގީގެ ޕްލޭނަކީކޮބާތަ!
ކަކުނިބޯ
15 April 2022
ފިޔަވަހި އެކެއްގެ 10 އިންޖީނު ވަނީ އެމްޓީސީސީއަތަށް ގޮވާފަ އެވަރަށް ސްޕީޑްނުލިބޭ އުޅަދު އޮންނަނީ އަޑީގަ އެއިންޖީނުއެޅީމާ ވީމާ ފިޔަވަހި 1 ކަމިން ސޫން ބާކީހުރިފިޔަވަހިތަކަށް ފައިސާނަގަން ސުރުހީއަޅާލީ
އަލިދު
15 April 2022
ރަނގަލު ވާހަކައެއް! ފިޔަވަހި 1 އިން ބަނދެވުނީ 1 ލޯންޗް. އޭތި ޓެސްތްކުރުމުން އެނގިޖެ ފޮނިކެނޑި ބާރު ސްޕީޑެއްގައި ނުދުވާކަން! ތީގައި އެބައުޅޭ ކޮންމެވެސް ކަންތައްތަގަނޑެއް!
ނިޒާމް1
15 April 2022
ތިޔަ އެމްޓީސީސީ އަށް ކާފު، އަލިފު، ވާވު އަތޮޅު ދީފާ އޮންނަތާ 13އަހަރި، ޢަދިވެސް އަރިމަތީ ސަތަރި ދޯނި ފަހަރު. މިކަން ބަލާދޭނެ މީޑިއާއެއްވެސް ނުހުންނާނެ. ކޮބާތޯ (ރައްޔިތުންގެ ކުންފުނިއަށް) ދިން ރަށް ފޮއްތެޔޮމުލި ؟ ނުވެސް ހެދުނު؟ ވީތަނެއްވެސް ނޭގޭ! ރައްޔިތުންގެ ކުންފުނީގެ ރަށް ތިޖޫރީގައެއް ނެތް؟ ?? އަހަރުމެންގެ މި3 އަތޮޅުމީހުންގެ ރަށް ކޮބާހޭ ؟ އަދިވެސް ފެރީ ހާއަލިފުގައާ އެހެންތަންތާގަތޯ ނުވެގެން މިއުޅެނީ؟ ކާފު އަލިފު ވާވު - ފޮއްތެޔޮ ވަގު؟
ހަލީމަތު.
15 April 2022
ނިޒާމް1 ބުނަންތަ ވާހައެއް. ކާފު، އަލިފު، ވާވު އަތޮޅު ތަކުގައި މިހާރުވެސް ވަރަށް ރަނގަޅަށް އަމިއްލަ ފަރާތް ތަކުން ދަނީ ތިޔަ ހިދުމަތްދެމުން. އަގުވެސް ގޯހެއްނޫން. އަދި ތިޔަބުނާ ސަރަޙައްދު ތަކަކީ ކަނޑުދަތުރު ތަކުގެ ހެލިފެލުން ބޮޑު ތަނަކަށްވާތީ ހިލޭ ވެސް ދަތުރު ކުރެވެން އެބަހުރި. އެހެން ކަމުން މިވަގުތު އެމްޓީސީސީ އިސްކަންދޭންވީ އެހެން ސަރަހައްދު ތަކަށް. އޭގައި ގޯހެއްނެތް.
މުހަންމާވބެ
15 April 2022
މި 3 އަތޮޅުގަ ފެރީ ކުރަން ރަށް ދިނީމަވެސް އަދިވެސް ކުރަފި ދޯނި ފަހަރު ... ވިލިގިލި ފެރީވެސް ކުނިވެފަ