ހިޔާ ފްލެޓްގެ މީހުންނަށް ބޮޑު ޖަމާއަތުގައި ވަކިން ނަމާދުކުރެވޭނެ އިންތިޒާމު ހަމަޖައްސައިދޭން އެދިއްޖެ
ހިޔާ މަޝްރޫއުގެ ދަށުން އިމާރާތްކުރި ޓަވަރުތައް-- ފޮޓޯ: ފަޔާޒު މޫސާ/ މިހާރު
19 އެޕްރީލް 2022 - 11:56
55 comments
ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތައް ކައިރީގައި މި ފަހަރުގެ ފިތުރު އީދު ނަމާދު ބޮޑު ޖަމާއަތުގައި ކުރެވޭނެ އިންތިޒާމު ހަމަޖައްސައިދޭން އިސްލާމިކް މިނިސްޓްރީގައި އެދިއްޖެ އެވެ.
ހިޔާ ޔޫނިއަންގެ ރައީސް އަބްދުﷲ އަމްޒަލް ސޮއިކުރައްވައި އިސްލާމިކް މިނިސްޓަރު ޑރ. އަހުމަދު ޒާހިރަށް މިދިޔަ އާދިއްތަ ދުވަހު ފޮނުއްވި ސިޓީއެއްގައި ވަނީ "ހިޔާ ސަހަރު" ގައި މިހާރު 15،000 އެއްހާ މީހުން ދިރިއުޅެމުން އަންނައިރު އެ ތަނުގައި ހުރި ތިން މިސްކިތުގެ ޖާގައިގެ ދަތިކަން ފާހަގަކުރައްވައިފަ އެވެ.
"މި ތިން މިސްކިތުގައި ފިތުރު އީދު ނަމާދުކުރާއިރު ޖާގައިގެ ދަތިކަން ވަރަށް ބޮޑަށް އިހްސާސްކުރަން ޖެހޭނެ އެވެ،" ސިޓީގައި ވެ އެވެ.
ފިތުރު ނަމާދަކީ ގިނަ އަދަދެއްގެ ފިރިހެނުންގެ އިތުރުން އަންހެނުންނާއި ކުޑަކުދިން ވެސް ބައިވެރިވާ ނަމާދެއް ކަމަށާއި މިއީ ހިޔާ ފްލެޓަށް އެ މީހުން ބަދަލުވި ފަހުން ބައްދަލުކުރާ ފުރަތަމަ އީދު ނަމާދަށް ވާތީ ހާމަ ސަރަހައްދެއްގައި ބޮޑު ޖަމާއަތެއްގައި އީދު ނަމާދުކުރެވޭނެ ގޮތް އިންތިޒާމުކޮށް، އެކަމުގެ ހުއްދަ ލިބޭނެ ގޮތް ހަމަޖައްސައިދިނުމަށް ސިޓީގައި އެދިފައިވެ އެވެ.
ޔޫނިއަނުން ބުނީ އެ ޖަމިއްޔާގެ ހިންގާ ކޮމިޓީގައި ވަނީ އެ ކަމަށް މަޝްވަރާކޮށް، ބޮޑު ޖަމާއަތް ބޭއްވިދާނެ ސަރަހައްދެއް ވެސް ފާހަގަކޮށްފައި ކަމަށެވެ.
"ދީނީ ގޮތުން ވެސް އީދު ނަމާދުކުރަން އެންމެ އައުލާކަން ބޮޑީ ހާމަ ސަރަހައްދެއްގައި ބޮޑު ޖަމާއަތެއްގައި ކަމަށް ވާތީ ހިޔާ ސަހަރުގެ ރައްޔިތުންނަށް ވެސް އެ ފުރުސަތު ތަނަވަސްކޮށްދެއްވުމަށް އެދެމެވެ،" ސިޓީގައިވެ އެވެ.
އިސްލާމިކް މިނިސްޓްރީން ބުނިގޮތުގައި މާލެ އާއި ހުޅުމާލެ އާއި ވިލިމާލޭގައި ވެސް މި ފަހަރު ބޮޑު ޖަމާއަތުގައި އީދު ނަމާދުކުރެވޭނެ އިންތިޒާމު ހަމަޖެއްސުމަށް އެ މިނިސްޓްރީން އަންނަނީ މަޝްވަރާ ކުރަމުންނެވެ. އެކަމަކު ސީދާ ހިޔާ ފްލެޓް ކައިރީގައި ބޮޑު ޖަމާއަތަށް ވަކިން ތަނެއް ހަމަޖެއްސުމާ ގުޅިގެން އަދި މިނިސްޓްރީން ވަކި އެއްޗެއް ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަސްތަ
20 April 2022
އެންމެ ރަނގަޅުގޮތަކީ، ހިޔާފޮލެޓަށް ވަކިފަިސާއެއް، ވަކިޕާސްޕޯޓެއް އަދި ވާހަކަދައްކާނެ ވަކިބަހަކާއި ލިޔާނެ އަކުރެއްވެސް ހަމަޖެއްސުން
ރަސްތަ
20 April 2022
އަޅުގަނޑަށް ފެންނަނީ، "ހިޔާފްލެޓް"ކިޔާ ވަކި ޤައުމެއް ހަދަން
ނަންބަރު ވަން
20 April 2022
އިސްލާމިކް މިނިސްޓަރީގައި ކަންކަން ދުރާލާ ރޭވޭ ނަމަ ހިޔާ ޔޫނިއަނުން އެދޭކަށް ނުޖެހުނީސް ދެން ވަކި ބަޔަކު އެދުނޭ ކިޔާފަ ފަހަތު ފަޔަށް ބުރަވެ ކަން ލަސްވެގެން ނުވާނެ ހިޔާ ސދަހަރުގައި 10 ހަހުން މަތީ އާބާދީއެއް އެބަ ދިރިއުލޭ މަޖިލިސް އިންތިކާބަށް ދާއިރު އެ ސަހަރުގައި އެކަނި 5 ގޮނޑި ހުންނާނެ އެހްނވީމަ އެއްކަލަ ރޮލާ 4 ފާރު ދިނީމަ ތަންތަނަކަށް ހަދަން ކުރި ޚަރަދު ކަމަކަށް ނުހަދާ އެވާހަކަ ނުދައްކާ ދޫކޮށްލި ބައިގެ މީހުންނަށް ވޯޓެއް ދޭނެ މީހަކު މަދުވާނެ!!!!
ޢައިޝް
20 April 2022
މާލޭގަވެސް ކޮންމެ އަވަށަކުން ވަކި ޖަމާޢަތް ނުހަދަނީ ކީއްވެ؟ޢީދު ނަމާދަކީ 1 ޖަމާޢަތަކަށް ކުރާ ނަމާދެއް. އެޖަމާޢަތަށް ނުދެވޭ މީހުން އެންމެ ކައިރި މިސްކިތެއްގައި ކުރަނީ މީގެ ކުރިންވެސް. އަދި އަޑެއްނާހަން ރާއްޖޭގަވެސް ރާއްޖެއިން ބޭރުގަވެސް ވަކި ވަކި ބައިވަރު ޖަމާޢަތް ހަދާކަމެއް ހިޔާ ފްލެޓަކީ ފޭސް2 ގެ ވަކި ރަށެއް ނޫން. ހުޅުމާލެ މިކިޔަނީ 1 އަދި 2 ހިމެނިގެން. ވީމަ ހިޔާ އަށް ވަކި ޖަމާޢަތެއް ހެދެންޏާ ފޭސް 1 ގެ ކޮންމެ ނެއިބަރހުޑްއަކަށް ވަކި ޖަމާޢަތެއް ހަދާ
ޒާހިރުބެ
20 April 2022
ފުރަތަމަ ރެންޓު ދައްކަބަލަ. އަޅުކަން ކުރަންވާނީ ދަރަނި އަދާކޮށްފަ.
ޛޖޖޛޖjbޖޛޖޖޛޖjbjbޖ
20 April 2022
ވަކިވެ ގަނެ ބޮޑު ޖަމާއަތް ހަދަން ތިޔައުޅެނީ ހެޔޮނިޔަތުގަ ހެނެއް ހިއެއްނުވޭ ތިބައިގަނޑުގެ އަމަލުތައް ހުންނަގޮތުން. މޫސާގެ ފާނުގެ ގައުމުގެ މީހުންނަ ތަފަތެއް ނެތްބައެއްތީ ޝުކުރުވެރިނުވުމުގަ. މިހާތަނަށް ހައުސިން މަޝްރޫއަކުން ޑައުންޕޭމަންޓް ނުނަގާ ހަމައެކަނި ތަންތިއީ. އެކަމުތިއީ ފިނިޝިން ނުހަދަތިން ފުރަތަމަފްލެތްތަކެއްނޫން މައުމޫނުދިން ފުރަތަމަ ފްލެޓްތައްވެސްދިނީ ނުހަދަ. އެމީހުން ޝަކުވާނުކޮށް ހުރިފެންވަރއ ެެްެެްެެްެެެްެެްެެެެްެެްެެްެެެެްެެްެެްެެެްެެްެ
އޮނަރަބްލް އަފީފު ދީދީ
19 April 2022
ދައުލަތް ޒިންމާކޮށް ދަރަނި ނަގައިގެން ހެދި ފުލެޓްތަކަށް އަގުއަދާކޮށް "އަމިއްލަ ކުރުމަށް ދައްކާންޖެހޭ މަންތްލީ އިންސްޓޯލްމަންޓް" ދެއްކުމަށް ދެކޮޅު ހެދުމަށްފަހު މިތަންކަން ލިބުނު ކ.އަތޮޅު މާލޭ މީހުން ކަމަކަށްފަހު ކަމެއް އެބަ ކުރިމަތިކުރޭ. # މިމީހުން ކޮންތާކުން ހޯދައިގަތް ގޮތެއްތޯ ވަކިން އީދު ނަމާދު ކުރެވޭ ގޮތަކީ؟! އަހަރުމެން ދަންނަ އިސްލާމްދީނުގައި އަޅުކަން ކުރުމަށްޓަކާ "ޤަބީލާ ވަންތަ މިސްކިތް" ނުވަތަ ވަކިވަކި ޤަބީލާތަކަށް ޖަމާއަތް ހެދުމެއް ނޯވޭ.
ފަހުދު
19 April 2022
ކޮންމެ ކަމަކާއި ވިއްދައިގެން ވެސް ފިތުނަވެރިކަން ދޯ؟
ސަރުދާރުު
20 April 2022
އެތާ މާލޭ މީހުންނަށްވުރެ މަދެއް ނުވާނެ އައްޑޫ މީހުންނެއް. ކޮންމެ ކަމެއްގައިވެސް ތިހާ ހަސަދަލާން ހެޔޮ ނުވާނެ. ރޯފަ މަހަކަސް ބަދަލެއްނާދޭ ދޯ
ރޯޒަސް
20 April 2022
އޭނައަކަށް އެނޫން ކޮމެންޓެއް ނުކުރެވޭ. ރޯދަ މަހުވެސް ފިތުނަ
@އޮނޭ
20 April 2022
ކޮސް ނުގޮވާ
ގުދުގުދާބެއްޔާ
20 April 2022
އަފީފުދީދީ އަކީ ސުއައިދީބް ހަދައިގެން ދިވެހި ދައުލަތާ ދެކޮޅަށް ބަޣާވާތް ކުރިމީހެއް! އެހެންވީމާ އެމީހުންގެ ހުންނާނީ ފިތުނަ ފަސާދަ އުފެއްދުމާއި ބަޣާވާތް ކުރުމުގެ ވިސްނުން! އޮނަރަބަލް ކުރިއަށް ކިޔަސް ތިޔައީ ހަމަ އެގަހުކޭލެއް!
ހިޔާ ބޮޑު ކަތީބުގެ އަނބި ކަނބުލޭގެ
19 April 2022
ހިޔާވަށައިގެން ބޮޑު ހިލަޖަހާ ވަކިބަނރެއް ހަދައިދޭންވީ
ޖަނާ
19 April 2022
ކައުންސެލަރުން ވެސް ލާން ޖެހޭނެ. ތީ ވަކި ރަށެއް މިހާރު
އަޅެ މީ ވަކިސަރުކާރެއްތަ؟
19 April 2022
ކަލޭމެން ބޭނުންހާ ކަމެއް ނުކުރެވޭނެ އިނގޭ! ހުޅުމާލޭގެ ފޭސް 2 އަކީ ކަލޭމެންގެ ތަރިކަ މުދަލެއްނޫން އިނގޭ!
ދަންޑޭ
19 April 2022
ވަކިޤާނޫނެއް ހަދާ ވަކި ދައުލަތެއްވެސް ހަދަންވީ..