20 އެޕްރީލް 2022 - 11:40
ރަޝިޔާ ސިފައިން މިހާރު ޔޫކްރޭންގައި ހިންގަމުންދާ އުދުވާނީ އަމަލުތަކުން ދިފާއުވުމަށް، ޔޫކްރޭނަށް އެކަށީގެންވާ ރަނގަޅު ހަތިޔާރު ދިން ނަމަ، މި ހަނގުރާމަ މިހާރު އޮންނާނީ ނިމިފައި ކަމަށް، ޔޫކްރޭންގެ ރައީސް ވޮލޮޑިމީރް ޒެލެންސްކީ އިއްޔެ ވިދާޅުވެއްޖެ އެވެ.
އޭނާ ވިދާޅުވި ގޮތުގައި ރަޝިޔާ ސިފައިން ބޭނުންކުރާ ހަތިޔާރަށް ވުރެ ފެންވަރު ރަނގަޅު ހަތިޔާރު ޔޫކްރޭންގައި ހުރި ނަމަ، ރަޝިޔާ ސިފައިންގެ މައްޗަށް ކާމިޔާބު ހޯދުމަކީ ޔޫކްރޭނަށް މާ އުނދަގޫ ކަމެއް ނޫނެވެ.
"އަހަރެންގެ ހުރިހާ އިންޓިވިއުތަކުގައި ވެސް އަދި ގައުމުތަކުގެ ވެރިންނާ އެކުގައި ކުރަމުންދާ މަޝްވަރާތަކުގައި ވެސް ތަކުރާރުކޮށް ބުނަމުން މި އަންނަނީ، ޔޫކްރޭންގެ ރަހްމަތްތެރި ގައުމުތަކުން އެތައް އަހަރެއް ވަންދެން ގުދަންކޮށްފައި ހުރި ހަތިޔާރު ދިނުމަށް އެދި އާދޭސްކުރަން ޖެހުމަކީ އިންސާފުވެރި ގޮތެއް ނޫން ކަމަށް. ޔޫކްރޭނަށް ބޭނުންވާ ހަތިޔާރާއި އުންޑަ އެ ގައުމުތަކުގައި ހުރިއްޔާ، ޔޫކްރޭންގެ އެތައް ހާސް ރައްޔިތުންގެ ފުރާނަ ސަލާމަތްކުރުމަށްޓަކައި، މިނިވަންކަން ހިމާޔަތް ކުރުމުގައި އެހީތެރިވެދިނުމަކީ އެމީހުންގެ ބޮލުގައި އެޅިފައިވާ އަޚުލާގީ ވާޖިބެއް،" އިއްޔެ އާންމު ކުރެއްވި ވީޑިއޯ މެސެޖެއްގައި ރައީސް ޒެލެންސްކީ ވިދާޅުވި އެވެ.
އޭނާ ވިދާޅުވީ ރަހްމަތްތެރި ގައުމުތަކުން ޔޫކްރޭނަށް ދިނުމަށް ވައުދުވެފައިވާ ހަތިޔާރުތައް ކުރިއަށް އޮތް ދުވަސްތަކުގެ ތެރޭގައި ލިބިއްޖެ ނަމަ، އެތައް ހާސް ބައެއްގެ ފުރާނަ ސަލާމަތް ކުރެވޭނެ ކަމަށެވެ. ރަޝިޔާ ސިފައިން މިހާރު ޔޫކްރޭންގެ ބޮޑެތި ސަހަރުތަކަށް ދެމުންދާ ވަރުގަދަ ހަމަލާތައް ހުއްޓުވުމަށްޓަކައި، އިތުރު ހަތިޔާރު ވަރަށް އަވަހަށް ބޭނުންވާ ކަމަށް ވެސް އޭނާ ވިދާޅުވި އެވެ.
ރަޝިޔާ ސިފައިންގެ ވަރުގަދަ ހަމަލާތަކެއް، ދޮންބާސް ސަރަހައްދުގެ ޚަރްކީވް އަށް މިހާރު ދެމުން ދާއިރު، އެ ސަރަހައްދުގައި ހަނގުރާމަކުރާ ޔޫކްރޭން ސިފައިންނަށް ވެސް އިތުރު ހަތިޔާރު ބޭނުންވާ ކަމަށް އޭނާ ވިދާޅުވި އެވެ. ޔޫކްރޭންގެ އަސްކަރީ މަގާމުތަކަށް ރަޝިޔާ ސިފައިން ދޭ ހަމަލާތައް ވަރުގަދަ ކޮށްފައިވާ އިރު، އާންމުންނަށް ދޭ ހަމަލާތައް ވެސް އިތުރުކޮށްފައިވާ ކަމަށް ޒެލެންސްކީ ވިދާޅުވި އެވެ.
ރައީސް ޒެލެންސްކީ ވިދާޅުވި ގޮތުގައި ދެކުނުގައި އޮންނަ މަރިއުޕޯލް ސަހަރު ރަޝިޔާ ސިފައިންގެ ބާރުގެ ދަށަށް ގޮސްފައިވާ އިރު، އެ ސަހަރުގެ ގިނަ އަދަދެއްގެ ބަޔަކު މިހާރު ވަނީ ރަޝިޔާ ސިފައިންގެ ބާރުގެ ދަށުގައި އޮތް އެހެން ސަރަހައްދުތަކަށް ބަދަލުކޮށްފަ އެވެ. އެހެންކަމުން އެމީހުން މިހާރު ތިބި ހާލަތަކާ މެދު ކަންބޮޑުވާ ކަމަށް ވެސް އޭނާ ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ޢަަހްމަދް…..
23 April 2022
ކޮން ނަމަނަމަ އޭ ކިޔާކަށް ތޯއެވެ؟ ތިޔަކަހަލަ ސިޔާސީ ޖާހިލުންނަކީ ގައުމު ފަނާކޮށް މިނިވަންކަން ކަން ވިއްކާލާ ބައެކެވެ.
މެސީ1
22 April 2022
ހަތިޔާރު ނެތިއްޔާ އަމާންދީ، ހަނގުރާމަ ނިމުނީ.
ބޮޑު މޮޔަ
21 April 2022
ބޮޑު މޮޔަ އަގަ ނުތަޅާ ހުރޭ.
ސަލީމު އިދުރީސް
21 April 2022
ޒެލެންސްކީ މީވަރައް ހަގީގަތައް ވާހަކަދައްމީހެއް! ކުރިންބުނީ ވެރިރަށާ ގައިއް ވެއްޖެނަމަ ރޫސީ ސިފައިން ވަޅުލާނެމޭ! އިގޮތައް ވެގެން ދިރި ތިބިމީހުން ފިލާދުވެއްޖެ! އެބުނާހެން މިހާރު ޔޫކުރޭނު ހަނގުރާމަ ކުރަނީ އެމެރިކާ އަތްމަތީ ހަތިއާރު ކޮޅެއް ހިފައިގެން ރަގަޅައް ހަތިއާރު ދިންނަމަ ރޫސީ ސިފައިންގެ ވަސް ނުފެންނާނެކަން އެގޭނެ ހަނގުރާމަ ދިއަގޮތައް ބެލީމަ!
މޮޔަމީހާ .
21 April 2022
ޒެލެންސްކީ އެއީ ބޮޑު މޮޔައެއް. ބޮޑު ފޭކެއް. ޒެލެންސްކީ ގޮވައިގެން ސަލީމް އިދުރީސް މަހަށްދޭ.
ޒޯރޯ
20 April 2022
މުސްލިމުންނާއި އެންމެ ދެކޮޅުވެރި ޔަހޫދީންނަށް ނިސްބަތްވެ އަދި އިސްރާއިލްއަށް ތާއީދުކުރާ ބަޔަކަށް ނަސްރު ލިބުމަކަށް ނޭދެން. ރަސިޔާއަށް ބޮޑުތަނުން ކާމިޔާބު ލިބުން އެދެނީ
ބަލަގަ
21 April 2022
ނަސްރަކީ ﷲ ދެއްވާ އެއްޗެއް.
ބީރުބޮލު ވަޒީރު.
20 April 2022
މަޑުކޮށްލާ. ޔޫކުރޭނަށް މިހާރު ބޭނުންވަނީ ނިއުކްލިއަރ ހަތިޔާރުތޯ؟ ނޫނީ ކެމިކަލް ހަތިޔާރުތޯ؟ މިހުރިހާ އެއްޗެއްވެސް އެންމެ ގިނައިންހުރީ ރަސިއާގަ. ޕޫޓިންގާތު ބުނޭ ދީބަލާށޭ. މިއީ ބޮޑު މޮޔައެއް. ގައުމެއް ސުންނާފަތިވީ. އަދިވެސް ބޭނުންވަނީ ހަތިޔާރު. ސުލްހަވުމެއް ނެތް.
ށަވިޔަނި
20 April 2022
ބޭކާރު ވާހަކަ ނުދައްކާ ވެރިކަން ދޫކޮށްފަދޭ.