ކަރުގައި ބުޅި އަޅުފައި ހުރި ކަމަށް ބެލެވޭ ނިޝާންތަކެއް ހުރި. އަދި އޭގެ ތޮށިގަނޑަށް ވެސް ކުދި އަނިޔާވެ، ލޯ ވެސް ހުރީ ދުޅަވެފައި.
ލ. އަތޮޅުގެ ފަޅުރަށެއްގައި ބަޔަކު ފުރޮޅާފައި އޮއްވާ ފެނުނު ފަސް ވެލާ: މިހާރު އެ ވެލާތައް ވަނީ ސަލާމަތްކޮށްފައި -- ފޮޓޯ: މޯލްޑިވްސް އަންޑަ ވޯޓާ އިނީޝީއޭޓިވް އިންސްޓަގްރާމް
20 އެޕްރީލް 2022 - 12:37
43 comments
ލ. އަތޮޅުގެ ފަޅުރަށެއްގައި ފުރޮޅާފައި ހުރި ވެލާތަކެއް ސަލާމަތްކޮށްފި އެވެ.
އެ ވެލާތައް ފުރޮޅާފައި ހުއްޓާ ފެނުނީ ލ. ކުނަހަންދޫގެ ހުޅަނގަށް އޮންނަ ފަޅުރަށެއް ކަމަށްވާ، އަތަހެދާ އިންނެވެ. އެތަނުގައި ބޮޑު ފަސް ވެލާ އޮތެވެ.
އެ ވެލާތައް ސަލާމަތްކުރީ، ސިކްސް ސެންސް ލާމު ރިސޯޓުގައި ހިންގާ މެރިން ބަޔޮލޮޖީ ޓީމް ކަމަށްވާ މޯލްޑިވްސް އަންޑަވޯޓާ އިނީޝިއޭޓީވް (އެމްޔޫއައި) ދަށުން ހިންގާ ވެލާ ކަހަނބު ހިމާޔަތްކުރުމަށް މަސައްކަތް ކުރާ އަމިއްލަ ޖަމިއްޔާއެއް ކަމަށްވާ "އޮލިވް ރިޑްލީ ޕްރޮޖެކްޓް" އިންނެވެ.
ފުލުހުންނާ ގުޅިގެން މިދިޔަ އާދިއްތަ ދުވަހު ބޭއްވި އެ ރެސްކިއު މިޝަންގައި އެމްޔޫއައިގެ ދަށުން ހިންގާ މަންޓާ ޓްރަސްޓް އަދި ބްލޫ މެރިން ޕައުންޑޭޝަން ޖަމިއްޔާ އިން ވެސް ބައިވެރިވި އެވެ.
ލ. އަތޮޅުގެ ފަޅުރަށެއްގައި ބަޔަކު ފުރޮޅާފައި ހުރި ވެލާތައް ސަލާމަތްކޮށް، މޫދަށް ދޫކޮށްލަނީ -- ފޮޓޯ: މޯލްޑިވްސް އަންޑަ ވޯޓާ އިނީޝީއޭޓިވް އިންސްޓަގްރާމް
އެމްޔޫއައި އިން ކުރި އިންސްޓަގްރާމް ޕޯސްޓެއްގައި ބުނީ، އެ ވެލާތައް ފެނުނީ، އަތަހެދާގެ ގޮނޑުދޮށުގައި ހުރި ރުށްތަކެއްގެ ދަށުގައި ފުށުން ޖަހައި ބަރިއަކަށް އަތުރާފައި ހުއްޓާ ކަމަށެވެ.
އެއްގަމުގައި ވެލާ ފުށުން ޖަހާފައި ބޭއްވުމުން އަމިއްލައަށް ސަލާމަތްވެގެންނެއް ނުދެވޭނެ އެވެ.
ވެލާތައް ސަލާމަތްކުރި އިރުގެ ބައެއް ފޮޓޯތައް ވެސް އެ ޓީމުން ހިއްސާކުރި އެވެ.
ވެލާތައް ފެނުނީ ޕިކްނިކް ދިޔަ ޓޫރިސްޓުންތަކަކަށް
އެ ރެސްކިއު މިޝަންއާ ގުޅޭ ގޮތުން "އޮލިވް ރިޑްލީ ޕްރޮޖެކްޓް" އިން ލިޔުނު ބްލޮގް ޕޯސްޓްގައި ބުނީ އެ ވެލާތައް ފުރޮޅާފައި ހުއްޓާ ފެނުނީ ސިކްސް ސެންސް ލާމު ރިސޯޓުން، އެ ފަޅުރަށަށް ޕިކްނިކް ގޮސް އުޅުނު ޓޫރިސްޓުންތަކަކަށް ކަމަށެވެ.
"އެ ވެލާތައް ފެނުނުއިރު އެއްވެސް ހަރަކާތެއް ނުކުރޭ. ގަސްތަކުގެ ތެރޭގައި ފޮރުވާފައި ހުރީ. އެ ހުރިހާ ވެލައަކަށް ވެސް ކުދިކުދި އަނިޔާތައް ލިބިފައިވޭ،" އެ ޕޯސްޓުގައި ބުންޏެވެ.
"ކަރުގައި ބުޅި އަޅުފައި ހުރި ކަމަށް ބެލެވޭ ނިޝާންތަކެއް ހުރި. އޭގެ ތޮށިގަނޑަށް ވެސް ކުދި އަނިޔާވެ، ލޯ ވެސް ދުޅަވެފައި ހުރީ."
ރާއްޖޭގެ ތިމާވެށި ރައްކާތެރިކޮށް ދެމެހެއްޓުމާ ބެހޭ ގާނޫނުގެ ދަށުން އެޕްރީލް 4، 2016 އިން ފެށިގެން ވެލަޔާއި ކަހަނބުގެ ހުރިހާ ބާވަތެއް ވަނީ ހިމާޔަތްކޮށްފަ އެވެ. އަދި ވެލާ ކަހަނބުގެ ބާވަތްތައް ހިފުމާއި ގެންގުޅުމާއި އެއަށް ގޯނާކުރުން ވަނީ މަނާކޮށްފަ އެވެ. އަދި އެއީ ބޮޑު ޖޫރިމަނާއެއް ވެސް އަންނަ ކުށެކެވެ.
ލ. އަތޮޅުގެ ފަޅުރަށެއްގައި ބަޔަކު ފުރޮޅާފައި އޮތް ވެލައެއް ސަލާމަތްކުރަން ރެސްކިއު ޓީމުން މަސައްކަތްކުރަނީ -- ފޮޓޯ: މޯލްޑިވްސް އަންޑަ ވޯޓާ އިނީޝީއޭޓިވް އިންސްޓަގްރާމް
ތިމާވެއްޓަށް ދޭ ގެއްލުންތަކަށް ޖޫރިމަނާ ކަނޑައެޅުމާއި ބަދަލު ހޯދުމުގެ ގަވާއިދު ބުނާ ގޮތުން؛
- ގެއްލުން ދެނީ އެކައްޗަށް ނަމަ 20،000ރ. އިން ޖޫރިމަނާކުރެވޭނެ
- އިތުރުވާ ކޮންމެ އެއްޗަކަށް 25،000ރ. އިން ޖޫރިމަނާކުރެވޭނެ
- ހިމާޔަތްކޮށްފައިވާ ދިރޭ އެއްޗެއް ނަމަ، ކަނޑައެޅިފައިވާ އަދަދުގެ އިތުރަށް 10،000ރ. އިން ޖޫރިމަނާކުރެވޭނެ
އެ ގަވާއިދުގެ ދަށުން 2017 ވަނަ އަހަރުގައި، 12 ކުދި ވެލާ ހިފައި، ގެންގުޅުނު މީހަކު 149،000ރ. އިން ޖޫރިމަނާކޮށްފައިވެ އެވެ.
ލ. އަތޮޅުގެ ކަނޑުފަޅުތަކުގައި ގިނަ އަދަދަކަށް ވެލަޔާއި ކަހަނބު ދިރިއުޅޭ ކަމަށް ފަހުގެ ދިރާސާތަކުން ވެސް ވަނީ އެނގިފަ އެވެ. ސަރުކާރުން، މިދިޔަ ޑިސެމްބަރު މަހު 23 ގައި ލ. އަތޮޅު ހަ ސަރަހައްދެއް ހިމާޔަތްކުރި، އޭގެ ތެރެއިން، ދެ ސަރަހައްދެއްގައި ގިނަ އަދަދެއްގެ ވެލަޔާއި ކަހަނބު ދިރިއުޅެ އެވެ.
ރާއްޖޭގައި އުޅޭ ދިރޭ ތަކެތީގެ ތެރެއިން ނެތިގެން ހިނގައިދާނެ ކަމުގެ ބިރުހީވެފައިވާ ތަކެތީގެ "ނޭޝަނަލް ރެޑްލިސްޓް" ގައި އެންމެ ފުރަތަމަ ވެސް ހިމެނީ ވެލާގެ ބާވަތްތަކެވެ. އެ ލިސްޓުގައިވާ ގޮތުން، ވެލާ އަދި ކަހަނބު ނެތިގެން ހިނގައިދާނެ ކަމުގެ ބިރު، ވަރަށް ބޮޑުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
21 April 2022
ޙުރިހިތާމައެއްގެ ބޮޑުކަމާ 65 މަޖިލިސް ގޮނޑިދިނީ ކުއްކުރާ މީހުން ހަމަބިމައް ތިރިކުރަން ރައް ޔިތުން ވޯޓުލުން ހުއްޓާލާ ދުވަހަކުވެސް މިތަނެއް ރަނގަޅެއްނުވާނެ ޔާމިނު މިތަން ރަނގަލު ކުރަން ހިފީމަ ތަރައްގީ ގެންނަންފެށީމަ ތިލަފަތެއް ދައްކާފަ އިންސާފޭ ކި ޔާފަ ނިކުމެ މުޅިގައުމު ފުނޑާއިއްފަތްފޭރި ވިއްކާ ލޫޓުވާ ނިމިއްޖެ ބާރުއޮތީ ބަންގާޅިން އަތުގަ އިންޑި ޔާ ސިފައިން އަތުގަ ދެންނެތް އުޅެވޭކައް
ވެލާ ޔޫނިއަން
21 April 2022
ތިކަންކުރިކަމަށްވަނީ ޖަޒީރާވަންތަސިޔާސަތުގެދަށުން، މިސަރުކާރުން ލއަތޮޅު ރަށެއްގެ ފެނަކަށް ނަގާފަތިބި 3 މުވައްޒިފުން، އެތާގެމެނޭޖަރވެސް ހިމެނޭހެން. ރޭގަނޑުގޮސް ހިފާފަ ދުވާލުފަޅަން އެރަށުގައި ބަހއްޓާފައިހުރީ. ރިސޯޓްގެ މީހުން ގަވާއިދާ ޚިލާފަށް ގެސްޓުންގޮވައިގެން ހުއްދަނެތި އެރަށަށް އެރީ އިއްތިފާގަކުން. ވެލާހިފި ފެނަކަ މުވައްޒިފުން ވެލާފަޅަން ސާމާނުހިފައިގެން އެރަށަށް ދިޔައިރު، ބަޔަކު އުޅެފަހުރިހެން ހީވީމާ، ފިލީ. ޕޮލިހަށްވެސް އިނގޭނެ ކޮންބައެއްކަން.
އޮނަރަބްލް އަފީފު ދީދީ
21 April 2022
ހީވަނީ ތިއޮތީ ގޯސް ހަދާފަ އަދި ގޯސް ފޮރުވާފަހެން. ތިއީ އާދައިގެ ކަމަކަށް ނުވާނެ. މައްސަލަ ބަލާ ތަޙްޤީގު ކުރުމުގެ ބަދަލުގައި "ހެކި ނެތިގެންދާގޮތަށް" ކަންކޮށްފަ ދެއަތް ފޮޅާލާފައި ދިއުމަކީ މިކަމުގެ ހައްލެއްނޫން. # ރާއްޖޭގައި ބޭނުން މަނާކޮށްފައިވާ "މިޔަރުގެ އެތައްޓަނެއްގެ އުރަހަ ވައިގެމަގުން ވޭބިލް ކަޑާފަ ފުރޭޓްކުރުމުގެ ހުރިހާ މަރުޙަލާއެއް ނިމިފައިވަނިކޮށް" ފަޅާ އެރިފަދައިން ތިކަންވެސް ހިގާފައިވަނީ އެފަދަ ގޮތަކަށް ކަމަށް ވަރަށްބޮޑަށް ލަފާކުރެވޭ.
އޮނަރަބްލް އަފީފު ދީދީ
21 April 2022
ރިސޯޓްހަދައިގެން ފަތުރުވެރިކަމުގެ ވިޔަފާރިކުރުމަށް ދޫކުރާހުއްދައިގެދަށުން މެރިން ބައިލޮޖިކަލް ސައިންސް ލެބާއި، އިމްޕޯޓް އެކްސްޕޯޓް ވިޔަފާރިއާއި، ބެންކްތަކާއި، ހޮސްޕިޓަލާއި، އެޑިއުކޭޝަނަލް އިންސްޓިއުޝަންތަކާއި ފޫޅުމާކަން ކުރެވޭގޮތަށް އޮތުމަކީ ޤަބޫލުކުރެވޭނެ ކަމެއްނޫން. # އަމުދުން ރާއްޖެއިން ބޭރުގެ ބަޔަކަށް މިފަދަ ކަމަކަށް ހުއްދަދޭންވާނީ އީއޫ ނުވަތަ އެމަރިކާ ކެނަޑާއާއި އޮސްޓްރޭލިއާފަދަ ޤައުމެއްގައި އެފަދަ ސެންޓަރު ހިންގާ އިތުބާރު ކުރެވޭ ބަޔަކަށް.
އަނަސްބޭ.
21 April 2022
ސާބަހޭ. ތިއީ ހަމަ ބެސްޓް ވާހަކައެއް. ކަން ހިގަނީ ހަމަ ތިގޮތަށް.
އޮނަރަބްލް އަފީފު ދީދީ
21 April 2022
އެތައް ބައިވަރު ސުވާލު އެބައުފެދޭ..!! ފުރަތަމަ ސުވާލަކީ އެމްޔޫއައިގެ ދަށުންހިންގާ އޮލިވް ރިޑްލީ ޕްރޮޖެކްޓްގެ މެންބަރުން މިތަނަށްދާންޖެހުނުސަބަބާއި އަދި "ފުލުހުންނާއި ގުޅިގެން" (މާނައަކީ ފުލުހުންތިބީ އެމީހުންގެ އެހީތެރިންގެ ގޮތުގައޭ) މިކަން ކުރާންޖެހުނުސަބަބު. # ކަންހިގާފައިވާގޮތުން "މިއީ ވެލާމަސް ކެއުމުގެބޭނުމަށް" ކޮށްފައިވާ ކަމަކަށްވުރެންބޮޑަށް "ސްމަޤުލިންގެ އަމަލެއްކަމަށް" ޤަބޫލުކުރެވޭ. އެމީހުނަށް މިޝަން ކޮމްޕްލީޓް ނުކުރެވެނީސް އެކަން ފަޅާއެރީ.
އެކްސްކޝަން ބޯއި.
21 April 2022
ކަންހިގިގޮތް ކަމަށް އެންމެ ބޮޑަށް ޤަބޫލު ކުރެވެނީ ދީދީގެ ކޮމެންޓްގައި ހުރިގޮތް. އަހަރެންވެސް ޤަބޫލެއް ނުކުރަން ވެލާ މަސްކާން ވެގެން ތިގޮތަށް ވެލާ ހިފާފާނެ ކަމަކަށް.
ރިސޯޓް ބޯއި.
21 April 2022
ތިއޮތީ އަސްލު ތިކަން ހިގިގޮތް ލިޔެފަ. ތިއީ ބޯޓު ތަކުގައި ޑުރަޤު ގޯނި ގެންނަ ގޮތަށް އެފަދަ ބޯޓު ތަކެއްގައި ވެލާ ބޭރުކުރަން ހިންގި ކަމަކާއި ވައްތަރު.
ބޯޓުދެލި
21 April 2022
ގުދުރަތީ ކަންކަމާ ނުބެހެންވީ އަސްލު. ވެލާތައް އެދުވަހަކު ތިބެން ބޭނުމީ އެއްގަމުގަ ފުރޮޅިގެންކަމަށްވަންޏާ އެކަމާ އަޅާނުލާންވީ.
ފަހުދު
20 April 2022
މިކަން ބޮޑައް ލަފާކުރެވެނީ ހިންމަފުށީ ފަޅުގައި އޮތް ފިނޮޅު ހަލާކު ކޮއްލީމަ ލިބުނު ބަދުނާމުން ސަލާމަތް ވާންވެގެން ޖެއްސި ޕީއާރް ސްޓަންޓެއްހެން
އިބުރާހިމް
20 April 2022
ތިތާތިހުރީ ފުރޮޅާފަ ހުއްޓަސް މޫދުން ހިފާފަހުރި ވެލާތަކެއް. ފުރޮޅާފައޭ ބުނާނީ އެއްގަމަށް އަރާ އޮއްވަ ފުރޮޅާލީމަ. ތިތާ ތި ހުރީ ހައްތާވެސް ފިރިހެން ވެލާ. ފިރިހެން ވެލާ އެއްގަމަކަށް ނާރާނެ. ބުޅިއަޅުވަން ޖެހެނީވެސް މޫދުގައި އޮއްވަ ހިފީމަ.
ބޮރިން
20 April 2022
ނޫކުލައިގެ ޔުނީފޯމު ލީ މީހުންނާ ފެހި ޔުނީފޯމް ލީ މީހުން ވެލާ ކާން ވަރަށް ފޯރި ނަގާ.
ރާއްޖެ
20 April 2022
މިއީ ތެދެއް.
11 އަހަރު
20 April 2022
ނޫކުލައިގެ ޔުނީފޯރމްލައިގެން 11 އަހަރު އަހަރެން ރާއްޖެތެރޭ ޕޮލިސް ސްޓޭޝަންތަކުގައި މަސައްކަތްކުރިން. އޭރުވެސް އަދި މިހާރުވެސް ވެލާއެއް ނުހިފަން އަދި އޭގެ މަހެއް ނުކަން. އެކަމާއި އޭރުވެސް އަދި މިހާރުވެސް ދެކޮޅު.
ނަސީި
20 April 2022
އާ ނޫކުލައިގެ ޔުނީފޯމް ގެއަކުން ވެލާމަސް ހަދާފައި ކާން ދައުވަތު އާދޭ.
މެކުނުން
20 April 2022
ވެލާ ކަހަނބު އަދި ދޫނި ހިމާޔަތް ކުރަނީއޭ ކިޔާފަ އަނގަ ނުހުޅުވާ، ރެސޯޓް ތަކުން ދުވާލަކު ކަނޑަށް އެއަޅާ ކުނި ބަލާބަކަ. ދެމޫނުގެ ވެރިން ހައްތާވެސް