ހިތަދޫ ޕޮލިސް ސްޓޭޝަން: ޖިންސީ ގޯނާގެ ތުހުމަތުގައި ހިތަދޫން ހައްޔަރުކުރި މީހާގެ ބަންދު ހައި ކޯޓުން ވަނީ ދަމަހައްޓާފައި
20 އެޕްރީލް 2022 - 12:12
24 comments
އައްޑޫގައި ހަ އަހަރުގެ ކުއްޖަކަށް ޖިންސީ ގޯނާ ކުރުމުގެ ތުހުމަތުގައި ހައްޔަރުކުރި 59 އަހަރުގެ އަންހެން މީހާގެ ޝަރީއަތް ނިމެންދެން ބަންދުކުރީ ރަނގަޅަށް ކަމަށް ހައި ކޯޓުން މިއަދު ދަމަހައްޓައިފި އެވެ.
ހަ އަހަރުގެ ކުއްޖަކަށް މިދިޔަ މަހު އައްޑޫގައި ޖިންސީ ގޯނާ ކުރުމުގެ ތުހުމަތުގައި 59 އަހަރުގެ އަންހެން މީހާ ހައްޔަރުކޮށް، އޭނާ ޝަރީއަތް ނިމެންދެން ބަންދު ކުރަން ސ. ހިތަދޫ މެޖިސްޓްރޭޓް ކޯޓުން ވަނީ އަމުރު ނެރެފަ އެވެ. އެހާ އުމުރުން ދުވަސްވީ މީހަކު ހައްޔަރު ކުރުމުންނާއި ކުށް ކުރީ އެހެން މީހަކު ކަމަށް ބުނެ އެކަމާ ދެކޮޅަށް އައްޑޫގައި ހަމަނުޖެހުން ހިނގައި، އަދި އޭނާ ދޫކޮށްލަން ގޮވާލައި ޕެޓިޝަންގައި ވެސް ގިނަ ބަޔަކު ސޮއިކުރި އެވެ.
ޝަރީއަތް ނިމެންދެން ބަންދުކުރި މައްސަލަ އެ މީހާގެ ފަރާތުން އިސްތިއުނާފް ކުރުމުން ހައި ކޯޓުން މިއަދު ކުރި ހުކުމުގައިވަނީ އޭނާގެ ބަންދުގައި ބަހައްޓަން ހިތަދޫ ކޯޓުން ނިންމީ ފުލުހުން ހުށަހެޅި ހެކިތަކަށް ރިއާޔަތްކޮށް ރަނގަޅަށް ކަމަށެވެ. އަދި އެފަދަ މައްސަލަތަކަކީ މުޖްތަމައުގެ ސަލާމަތަށް ނުރައްކާތެރި މައްސަލަތަކެއް ކަމަށް އެ ކޯޓުން ކުރިން ނިންމާފައިވާ ކަމަށް ވެސް އެ ހުކުމުގައިވެ އެވެ.
ހެކީގެ ނިސްބަތް:
- ކުއްޖާގެ މަންމައަށް، ކުއްޖާއާ މެދު ޖިންސީ އަނިޔާ ހިނގާފައިވާ ގޮތް ކިޔައިދީފައިވޭ.
- އަނިޔާ ލިބުނު ކުއްޖާގެ މެޑިކަލް ލީގަލް ރިޕޯޓް.
- ސްކޫލްގައި ކުއްޖާ ބެލުމާ ހަވާލުވެ ހުރި ފަރާތުގެ ބަޔާން.
ދަށު ކޯޓުގެ އަމުރު ގޯސް ކަމަށް ބުނެ އެ މީހާގެ ފަރާތުން ދެން ފާހަގަކުރި ނުކުތާތަކުގައި ވެސް، އިސް ފަނޑިޔާރު ހާތިފް ހިލްމީ އާއި ދެން ތިއްބެވި ދެ ފަނޑިޔާރުންގެ އިއްތިފާގުން ނިންމެވީ ދަށު ކޯޓުގެ އަމުރު ބާތިލް ކުރަންޖެހޭ ސަބަބެއް ނެތް ކަމަށެވެ.
އިސް ފަނޑިޔާރުންގެ އިތުރުން އެ މައްސަލަ ބެއްލެވި ބެންޗުގައި ދެން ތިއްބެވީ ފަނޑިޔާރު އަބްދުﷲ ހަމީދު އަދި ފަނޑިޔާރު ހުސައިން ޝަހީދެވެ.
އެ މައްސަލަ ރައްޔިތުންގެ މަޖިލީހުންގެ ޖެންޑާ އެންޑް ހިއުމަން ރައިޓްސް ކޮމިޓީން ވެސް ދަނީ ބަލަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށިމްރާ
21 April 2022
59 އހަރަކީ އަދި އުމުރުން ދުވަސްވީ ޓެގް ޖަހާ ވަރުގެ އުމްރެއްނުން! އޭ މެދު އުމުރު!މިހާރު މީހުން އެބައުޅޭ 90 އހަރު ވަންދެން ވެސް! 59 އހަރަކުން މީހާ ދުވަސްވީ ވައްތަރެއ ނުވެސްޖަހާނެ މިހާރަކު! އެމީހަކު 35 އހަރުގަ ޖެހި ވައްތަރެއް ޖަހާނީ
މެގަ ފޯނު.
21 April 2022
ސިޔާސީ ޕާޓީއެއްގެ އެކްޓިވިސްޓުން ތަކެއް ކުރީގައި ތިބިގެން ކަމާއި ގުޅުންނެތް ރައްޔިތުން ތަކަކަށް ބިރުވެރިކަން އުފެދޭ ފަދަ ކަންކަން ކުރުމަކީ ވަރަށް ލާއިންސާނީއްޔަތު ކަމެއް. ބަލަ ކަލޭމެން ލައުޑު ހަރުކޮށް ނުބައި އެއްޗެހި ކިޔަމުންދާ ގެއާއި އެގެއާއި އިންވެެގެން ހުރި ގެތަކާއި އެ ސަރަހައްދުގައި ދިރިއުޅޭ ރައްޔިތުނާއި ކުޑަކުދިންނަށް ލިބޭ ގެއްލުމަށް ކަލޭމެން ނުވިސްނަނީތާ ؟ މިކަން ފުލުހުން ހުއްޓުަވްނޖެހޭ.
ހުއްޓުވާ.
21 April 2022
ހައްވާއްތަ ދޫކުރާށޭ ކިޔާފައި އައްޑޫގެ ރައްޔިތުންނަށް ނުފޮރުއްޕާން ކުރަމުން ރަށުތެރޭގައި ހަމަނުޖެހުން އުފައްދާ ރައްޔިތުން ބިރުވެރިކަމެއްގެ ތެރެއަށް ގެނެސްފި. މިކަން ކުރުމުގައި އިސްކޮށް ތިބިމީހުން ބޭނުން ކުރަމުންދާ ޕާޓޭންގެ ސަބަބުން މުޅި އައްޑޫގެ ރައްކާތެރިކަމަށް އެބަ ހުރަސްއެޅޭ. ކީއްވެގެންތޯ ފުލުހުން މިކަން ނުހުއްޓުވަނީ.
އަހުމަދު.
20 April 2022
ޙިތާމަޔަކީ ތިފަދަ މައްސަލަތހަކުގައި މުޖުތައު އަށް ނުރައްކާ ވާބީދާއިން މަސްތުވާ ތަކެތީގެ ބޮޑެތި މައްސަލަ ތަކުގައި މުޖުތަމައު އަށް ނުރައްކާ ވުމުގެ އިތުރަށް މުޅި އިނސާނިއްޔަތަށް އެކަމުގެ ނުރައްކާ އެހާބޮޑުކަން ކޯޓުތަކުން ނުދެކޭތީ އެވެ. ޢަދީ ފުލުހުން އެތަށް ޤުރުބާނީ އެއްވެގެން އަތުލައިގަންންނަ ބޮޑެތި މައްސަލަތަށް މަާބޮޑު ކަމަކަށް ނުވެ ކޯޓުތަކުން ނިމިގެންދަ.ނީއެވެ.
ހޫން
20 April 2022
ވަރަށް ދުވަސް 59 އަހަރު
ތިރި ކޯޓު
20 April 2022
ނިޒާރު ސޮއި ކުރި ޕެޓީޝަން އުވާލާފީމެވެ
ވިންދު
20 April 2022
މީހަކު ހަމަ ގެންދާއިރަށް ތަނެއް ދޮރެއް ނުބަލާ މުއްދަށް ހިތަދޫ ކޯޓުން ޖެހިނަމަ ހައިކޯޓުން އެކަން ބަލާފައި އެކަން ހިގާފައިވަނީ ރަނގަަޅަށް ކަމަށް ނުނިންމާނެ... ކޮންމެވެސް ހެކިތަކެއް އަސާސެއް އޮވެގެންތާ ބަންދުކުރަން ހުކުންކުރާނީ...އެފަކީރު މިފަކީރު ކީދާނެ ކިތަންމެ ބޮޑު ކުށްވެރިއަކާ ދިމާލަށްވެސް...މިސާލަކަށް އަންހެން މީހާ ގޯސް ވެއްޖިއްޔާ އޭނަ ހިމާޔަތަށް މިނުކުންނަ މީހުނަށް ރާކަނިމަސް ކެވިފަ އޮންނާނެ ތޯއްޗެވެ..
ބޮޑުމީހާ
20 April 2022
ބަލަމާ ތަހްގީގްކޮށް ނިމޭއިރު ތިކަމަށްވާ ގޮތެެއް. މިހާލަތުގަ ފުލުހުން ކިޔާދިން އެއްޗެއް ކޯޓަށް އިގޭނީ
ދޮންހުސޭނު
20 April 2022
ބައެއް ހިސާބުތަކުގެ ބައެއް މީހުންނަށް ހީވަނީ ހުރިހާ ކަމެއްވެސް އަޑުގަޑަކޮށްގެން ތިމަންމެން ބޭނުންވާގޮތަށް ނިންމޭނެއޭ. އެހެނެއް ނުވާނެ. ހީވިޔަސް ހީވަނީ ސިޔާސީ މީހުންވެސް އުޅޭ ފާޑަކުން.
ދޮންކަލޯ
20 April 2022
ސުޕްރީމް ކޯޓަށް ލިޔަސް ހަގީގަތްވާނީ ހަގީގަތަަށް...ހެކި ހުރެގެންތާ މުއްދަށްޖެހީ...އެހެއްކަށްބަލައި މުއްދަށްޖަހައި ބަންދުކުރީ ރަނގަަޅަށްކަމަށް އެނިންމީ ހައިކޯޓުންވެސް...ކަމެއް ނުކުރާނަމަ ކޮން ހެއްކެއް ހުންނާނީ....ބައިގަނޑެއް ނިކުމެ ކިތަންމެ ހަޅޭފަޅޭ ޖެހިއަކަސް ކުށްވެރިއަކު ދުލެއްނުކުރާނެ ދޯ.